Diamars 15 Juni 2010
Pagina 17
Ta busca homber cu a destrui auto na hotel
STA. CRUZ -- Polisnan di Noord a bay diadomingo 4’or di madruga na un highrise hotel, unda varios auto a wordo kibra pa desconocirnan. Na e sitio e guardia a bisa
polis cu un homber a kibra varios auto, pero e camara di e hotel tin tur cos graba. Polis a tuma a grabacion y e keho y Recherche ta sigui cu e investigacion
Muhe burachi kier a pone fin na su bida y di su yiu
STA. CRUZ -- Polisnan di Noord ta bay diadomingo 04.00 di madruga, na un cas na Boegoeroei, pa un muher burachi, cu kier pone fin na su bida. Ora cu polis a yega nan ta topa cu e muher A.M., naci na Surinam di 37 aña basta burachi, benta riba vloer y ta papia bruha y ta hole alcohol. E homber A.C. naci na Santo Domingo di 37 aña, a bisa polis cu e muher a
mande mensahe riba su telefon, bisando cu e ta bay pone fin na su bida y di su yiu. E homber ta bisa cu ora cu el’a yega cas e muher a atak’e y tambe a destrui su auto. Ora cu polis tabata na e sitio, e muher tabata kier a subi auto pa e bay, pero mirando su situacion, polisnan a impidi’e. Door cu e no tabata razona, polisnan a detene y a hib’e warda di Noord.
Homber ta pensa cu dos mucha a horta su joyanan STA. CRUZ -- Polisnan di San Nicolas a bay diasabra mainta 9:20 na Dos Reis, pa un caso di ladronicia.Na e sitio polis a papia cu e doño di e lugar y el’a mustra nan dos mucha sinta pafor. El’a bisa cu e dos muchanan cu ta J.M. di 17 naci na Aruba y A.C. di 18 naci na Colombia, tin algun luna ta laba su auto dos biaha pa luna y e biaha aki e ta haya
falta di algun hoya cu tabata den e auto, na valor di diezmil florin. Polis a papia cu e dos muchanan y nan a bisa cu dos biaha pa luna nan ta laba e auto. Nan a bisa polis cu ultimo biaha cu nan a laba e auto, e tabata cera na yabi. E doño a bisa polis cu si e muchanan no entregue su joyanan, e ta bay duna keho na Recherche.
Aruba Softball Bond Aruba Softball Bond a habri inscripcion pa Campeonato Masculino Teamnan nobo interesa pa bira miembro por cuminsa inscribi Yama libremente: Sr. Betto Kock 5937613 of Sr. Chipen Chirino 5678637 pa mas informacion Softball den pleno desaroyo
MONTANA PARK APARTMENTS "Juni SPECIAL" Awg 135,00 per nacht Montana Park Apartments, dé lokatie voor kort én lang verblijf. Ruime appartementen met twee slaapkamers, van alle gemakken voorzien. Geschikt voor maximaal 4 personen. Informeer naar onze speciale groeps- en "long term" tarieven op tel nr: 5879744 www.montana-park.com Montana # 51, Noord