Diamars, Februari 14, 2012
Pagina 15
BENNY NISBET DI PPA:
PUEBLO ARUBANO TA CUMINS A REALIZA…CU NA HORIZONTE TIN UN CRISIS ECONOMICO ENORME TA VISLUMBRA…!!!” MIENTRAS CU AVP NO TIN E HABILIDAD PA ATENDE CU ESAKI !! STA. CRUZ -- Realidad politico ta sacudi un sociedad cierto momento profundamente. Apesar cu Aruba ta den e celebracion di Carnaval 58 tog suficiente ciudadano ta profundiza nan mes den e desaroyo politico cu nos comunidad ta pasando aden. Ja kaba Aruba ta den e di tres aña di gobernacion Mike Eman IAVP) na unda e speranza ultimo eleccion tabata cu un gobernacion di signatura berde lo por a duna nos comunidad un cambio tan desea pa e comunidad Arubano. Awe tin diferente desaroyo cu nos sociedad ta analisando y partido PPA kier a accentuanan na mesun momento. Desaroyonan cu ta prueba palpable cu AVP NO a logra duna NI crea e ambiente ni perspectiva di un Cambio den politica Arubano. Al contrario apesar di TUR e caranan nobo den politica ….politica ta pior cu e periodonan cu a pasa. 1 . R E F I N E R I A VALERO….??? Durante eleccion partido AVP a splica nos pueblo pa vota AVP pasobra AVP tin e contesta y soluccion pa VALERO !! Awe dos ana y algun luna despues a keda demonstra cu AVP a engana e pueblo Arubiano y e trahadornan den e Refineria. AVP NO tabatatin NINGUN soluccion….simpelmente un ‘zet’ di aventurero cu NO por Goberna. AVP su gobernacion a combersa cu representantenan di Venezuela(PDVSA), Colombia, Brasil y hasta CHINA…..pero AVP NO a logra nada cu tur e negociacionan aki. Pakico ?? Kico AVP a presenta na nan ??? Kiko tabata nan contesta?? Di con No a logra NADA cu tur e paisnan (companianan) aki ?? Ultimo a bula bay Brasil atrobe ??? Di con NO a bay
Brasil for di September cu Gobierno ta na altura di e crisis vislumbrante ??? Hopi ta cuestiona si e biahamente den panico tin e meta pa salba e refineria VALERO na Aruba of e tin como meta pa crea un sentiment cerca e pueblo cu AVP lo a haci suficiente……ta yuda mes …nan no por yuda….?? 2.DIVERSIFICACION DI NOS ECONOMIA??? Cu e risico grandi cu VALERO lo por cera…… hopi den nos comunidad ta puntrando su mes…. Kico AVP e partido cu lo a trece CAMBIO riba tereno di gobernacion, cambio riba tereno economico a haci durante 2 ana, cambio riba tereno di Ensenansa, riba tereno social etc ?? Kico realmente a logra ………. tin un diversificacion di nos Economia dilanti porta ??? Lamentablemente e contesta ta simpelmente NO…..NO tin nada di diversificacion !!! Pero mas tristo ainda ta cu locual normalmente ta dura cualkier Gobierno 100 dia pa presenta esta un VISION Economico y un maneho economico a dura e Gobierno(Ministro Hooyboer) un ana y mei pa presenta…..corda pa implementa…..Manera PPA a bisa durante eleccion… AVP NO tin un VISION economico real….Apesar di TUR e SHOW cu FESCA ….AVP ta purba “horta” ideanan di otro majoria di PPA y e ta implementanan malo riba dje. Unda e pilar Economico “Extra” cu Aruba mester pa expande su economia ?? Pa engrandese su economia ?? No tin NADA nobo solamente ejecucion di un VISION di PPA (ex - Ministro Benny Nisbet) cu den pasado a wordo rechaza categoricamente pa AVP e.o. como un vision mucho grandi y costoso cu NO ta
brindae comunidad di Aruba nada. PPA sinembargo den curso di añanan a keda defende su VISION pa muda e Containerhaven n a Oranjestad pa Barc adera….c reando asina: 1. Un Barcadera Containerhaven; 2. Un Barcadera Free Zone; 3. Un Aruba World Trade Center; 4. Un Aeropuerto dedica cu accento riba “freight”; 5. Un modernizacion di e infrastructura cu ta conecta Aeropuerto cu diferente districo importante. Tur esaki cu e meta pa por ofrece mundo internacional e facilidadnan pa Aruba por bira un HUB INTERNACIONAL di Container pero mas ainda di COMERCIO. PPA (Benny Nisbet) a cualifik’e como un HUB cu Internacional TRADE cual lo crea extra trabao y hopi di un calidad halto na nos Isla. Si analiza…..NO tin nada otro cu e vision di PPA cual ta worde ehecuta actualmente….AVP mes NO a bini cu nada nobo a menos cu nos lo por cualifica E cas di Europa como un intent hopi pober di AVP pa logra algo den e direccion aki. 1.Kitamento di BBO!! AVP a splica pueblo cu BBO ta e mal elemento cu ta strobando un gobernacion sano y cu lo kita e pression cu tin riba pueblo. AVP lo a kita e BBO aki dentro di un ana di gobernacion. Mientras tanto 2 aña y
algun luna a pasa …..kiko ta e logro ???? AVP a kita e BBO cu VALERO tabata paga completamente …..riba dje AVP a regala VALERO un 80 million florin mas o menos., mientras ainda mitar di e BBO cu pueblo mester paga tey ainda !! Pa colmo pueblo por a nota cu di e parti di BBO cu a worde kita ……productonan cu pueblo mester cumpra NO a baha den tarifa of prijs !!! Al contrario Productonan a subi barbaramente. Aki ta bin e ponencia di PPA…. cu kitamento di BBO lo engrandese e ganashi di esnan dono di negoshi y ningun momento yuda suaviza e dolor di pueblo. 2.Consecuencia di maneho di AVP te na e momento aki ?? E maneho di AVP cu ta ensera e.o. A…Aumento di premie di AOV cu 100 porciento !! B…Aumento di premie di A.Z.V cu 100 porciento !!! C… Introduccion di premie pa pensioen complementario lo causa cu e ‘take home pay’ di e trahador engeneral lo bay atras cu 3 porciento . Cual ta significa cu en total e maneho directo di maneho di AVP lo causa cu e ‘take home pay’ di e trahador en general lo bay atras cu 5%. Mientras tanto tur parti cu por mishi cu e nivel di bida di e pueblo a aumenta seriamente…..esta tarifa di awa, tarifa di coriente…. tarifa di gasoline, diesel y kerosine . Tur producto cu pueblo tin mester a aumenta barbaramente !!! Esey ta realidad amargo bao di maneho di AVP !! 3.KICO TA E MANEHO PA SALBA SAN NICOLAS DI AVP?? Poco poco hasta ciudadanonan hopi berde mes….ta cuminsa realiza ….cu AVP NO a haci nada
pa San Nicolas. AVP a inverti un 60 proyecto den Oranjestad cu un valor di inversion di mas cu 500 miyon florin. Mientras San Nicolas apenas un 10 proyecto chikito…..cu NO tin un impacto economico riba desaroyo di San Nicolas. Durante bishita di e Minister Hulandes NOBO atrobe “ad hoc” un par di proyecto a wordo anuncia e.o. verfmento di casnan den Village. Cu verfmento di cas tin un impacto riba e buniteza di un bario ….kizas ta berdad !! Perot a keda e pregunta KICO AVP a haci pa desaroyo Economico di San Nicolas ??? Unda e desaroyo NOBO a keda ….anto cu TUR e politiconan hoben y nobo den seno di partido AVP ??? Poco poco esnan mas cera di e candela di AVP ta cuminsa bisa den grupito y den seno familiar…. NO…..nos no a spera esaki …..Nos a spera hopi mas pa desaroyo di San Nicolas!!! Di con Oranjestad SI y San Nicolas NO ????? Pa colmo e proyecto cu AVP ta preparando ta conoci como proyectonan cu ta proposicionan haci pa PPA (Benny Nisbet) den curso di añanan y di ningun otro partido politico…e.o. Renovacion di nos Watertoren na San Nicolas, renovacion di e Bunker na Juana Morto, un Carnavalsmuseum na San Nicolas . UNDA e ideanan/ vision di AVP mes a keda ?? Unda e VISION di AVP mes pa desaroyo di San Nicolas a keda ??? Unda e cuponan di trabao nobo na San Nicolas a keda ??? Y asina PPA por sigui … Pero kada kende por huzga pa su mes. A bira tempo pa cuminsa prepara pa un CAMBIO REAL un CAMBIO su si lo duna Aruba en general un desaroyo economico nobo y e.o. San Nicolas e desaroyo Economico cu e merece.