DIAMARS 11 JULY 2023

Oké Take Away

Nos Special Diamars 11 Juli

Dialuna 10

Juli

WARDAKOSTA DEN BON

1.25

COPERASHON KU KPA TA

Pedido: 565-3232

GANA

1000

Diamars 11 Juli 2023

INTERSEPTA EMBARKASHON

KU ILEGALNAN RIBA LAMAN

MINISTER ENDY CROES TA

FELICITA EKIPO DI RCA CU E

GERLIEN A “PEGA BARCO”

TITULO CAMPEON Y EKIPO DI DAKOTA SUB CAMPEON DI LIGA

DI ASUMI COS ROBES RIBA

HONOR ORO 2023

15 MIYON

Re-union familiar” di refugiadonan ta causa di caida di Gobierno di Rutte

Un homber transgender a gana

Miss Holland y lo participa den Miss Universe na El Salvador

Dama herida den accidente serio na Bakval

PARTIDO MEP Y FUNDACION

SENTENCIA

FORMATION POLITICO NELSON

DI 2 AÑA DI

ODUBER (FFPNO) TA ORGANISA

PRISON A CAY

UN CHARLA DIAMARS 11 DI JULI

PA CAPITAN

‘Daniel Leo, nos protector di turismo, agricultura y economia Arubiano’

CU A TRECE 15

ILEGAL ARUBA

KPA LO RICIBI FLOTA NOBO

PA PATRUYA POLICIAL

Gana 1000 florin cu Solo di Pueblo Pa “back 2 School

Premionan ta wordo anuncia dia 15 di Augustus 2023. Tira e coupon aki den buzon na oficina di Solo di Pueblo na Sta Cruz 110, solamente entre 2or di atardi cu 4or di atardi.

Nomber y faam: …………….............................................................................................................................

Adres: …………………............................ Celular: ………………....... E-mail: …………….........................

1000 florin - 1000 florin - 1000 florin

Segun Tanta Wika; sobrinonan a kita e premio di 3.3 miyon di dje.. ta su numbernan

Tanta Wika a yama un rueda di prensa, pa duna un expresion di su curazon, prome cu e cera su wowo. Na un edad di 88 aña, cansa, rosea cortico, ela bisa cu e number ganador di Lotto ta di dje.

E tin hopi tempo ta hunga via Karel su sobrino, y ora e perde, Karel ta bay cobre y e ta paga. Awor cu el’a gana, Karel a duna su ruman Glenda e ticket.

E no kier e placa, pero ta un number cu Dios a manda pe, via tur su fechanan importante den bida.

Hecho ta cu e ganadora Glenda a declara dia 2 di Augustus, cu e numbernan ey, tabata sorpresa.

Pasobra no tabata number cu ela baka cu otronan.

E declaracion aki ta laga e porta habri pa si encaso ta number di Tanta Wika mes y ta duna kisas aun mas peso na declaracion di señora Wika.

Señora Wika, drumi na su cama, y pe ultimo dianan di bida, a bisa cu e lo no kier cera su wowo sin conta comunidad esaki.

Mas cu claro cu esaki lo trece problema grandi den famia y cual ta algo di lamenta.

Pues e ganashi di miyones no a bay awor sin laga un sicatris den famia.

Den e video aki, por nota cu hasta e ganadora ta bisa cu e number a cay di sorpresa, pasobra e no

tabata e numbernan cu el’a manda cumpra.

Aki via Noticia Impacto, e rueda di prensa di Tanta

Wika.

https://fb.watch/lFUOQQtCL/?mibextid=qC1gEa

https://fb.watch/lFUOQQtCL/?mibextid=qC1gEa

kPa lo ricibi floTa nobo Pa PaTruYa Policial

MACUARIMA, ARUBA:

Den un celebracion ameno na e compania di auto Yrausqiun a anuncia e flota nobo pa patruya policial y departamento di trafico y polis na frontera.

Den presencia di minister di Husticia y Asuntonan Social Sr.Rocco Tjon, altocomisario di Polis drs. Ramon Arnhem, mando policial y gerencia di Yrausquin a haci e acto simbolico aki.

Cuerpo Policial Aruba lo bay ricibi patruyanan policial nobo di e marca FORD modelo Everest y Ranger. E escogencia

aki a bin despues cu un comision di polis a organisa y a investiga y test drive algun auto pa e flota nobo. Conhuntamente cu Ministerio di Husticia e trabounan pa escoge e flota nobo a bay lihe y e recomendacion a cay pa e dicho marca aki y di e forma aki Yrausquin ta gana e destaho publico.

Ademas di esaki Cuerpo Policial Aruba tambe lo ricibi un flota nobo di vehiculo pa departamento di recherche y personal administrativo.

“Inverti den nos hendenan, tecnologia y material y crea

un sentido di seguridad pa nos comunidad y nos agentennan. Cuerpo Policial Aruba ta den desaroyo positivo pa asina crea un base solido pa e futuro di KPA”. Tabata palabranan di altocomisario Arnhem hopi satisfecho cu otro logro mas pa bienestar di KPA y e seguridad di Pais Aruba.

Alabez esaki lo ta prome biaha den historia di Aruba cu no ta solamente patruya policial y sofistica lo wordo ricibi den e flota nobo aki pero tambe “Data Terminals”. KPA ta sigui innova cu tecnologia,

cada un vehículo lo ricibi computer den auto pa asina facilita e agentenan cu nan trabou diario y di e forma aki avansa den tecnologia. Di e forma aki Aruba ta dal un stap grandi locual ta tecnologia y husticia.

Pronto e vehículo nobo nan aki ultimo modelo lo subi riba nos carteranan cu e colornan di nos bandera blauw cu su strepinan geel cu orguyosamente nos ta carga tur dia.

15 ilegal Venezolano a wordo deteni purbando di drenta Aruba

Wardakosta den bon coperashon ku KPA ta intersepta embarkashon ku ilegalnan riba laman

Diadomingo 9 di juli den oranan di madruga a ser detecta riba RADAR un embarkashon sospechoso drentando awanan territorial di Aruba biniendo for di direkshon di Venezuela.

Den cuadro di bon coperashon y coordinashon entre Korps PoliAe Aruba (KPA) y Wardakosta di Caribe Hulandes, ta logra intercepta e embarkashon, cu intento pa drenta Aruba di forma ilegal, y ser translada na e base di Wardakosta na Savaneta.

Abordo tabaAn 15 hende homber, tur di nacionalidad Venezolano.

E capitan a wordo deteni y a ser entrega na e recherchenan di Unit Mensenhandel Mensensmokel pa

sigi ku e invesAgashon. E demas personanan a ser entrega na Guarda Nos Costa. E caso ta den

Gerlien a “pega barco” di asumi cos robes riba 15 miyon

SOLO DI PUEBLO a check e ponencia di Gerlien Croes y a conclui cu e hoben politico independiente a hasi un error grandi. Den su conclucionnan cu el’a saca, el’a insinua cu Gobierno lo tin bon resultado y positivo, pasobra tin meevaller. Kico ta meevaller? Esey ta un placa cu no a conta riba dje, pero a presenta.

Segun Gerlien: “Den caso di ATA a publica caba cu tabatin 42.8 miyon di entrada netto aña pasa y a calcula 30 miyon pa 2023. Pues aki caba tin 15 miyon florin extra cu ta ricibi for di e dos instancianan. Pues mas entrada di loke a calcula.

P’esey e no ta compronde e necesidad pa introduci

BBO na frontera, “

Awor, un bon experto den cifra a bisa cu mescos bo tin meevaller, bo tin tegenvaller. Aki te error di e politico amateur, el’a coy e 15 miyon y tene na dje, pero e no a busca pa sa kico ta e tegenvaller cu tin, y cu lo hasi influencia negativo riba e 15 miyon ey.

Por a bin compronde cu SVB no a cobra tur e placa di loonsubsidie y pues aki a cay un tegenvaller di 30 miyon florin. E meevaller lo compensa e tegenvallernan. Pues no ta psobra tin un meevaller di ATA, kemen cu tin extra placa.

Si realmente Gerlien kier sigui den politica, e

mester hasi mas esfuerso pa compronde e materia, pasobra aki el’a pega barco, mal pega !!! Conclucion ta cu e no tin ningun rason den su ponencia pa cual ta lage mustra un politico amateur y asina ta perde credibilidad.

pleno desaroyo y e investigacion lo sigui kana su kaminda.

SentenciA di 2 AñA di priSon A cAy pA cApitAn cu A trece 15 ileGAl ArubA

Dia promer di Januari 2023 alarma a wordo bati pa boto di ilegal drentando Aruba. Autoridad a persigui e boto y detene e capitan cu algun rato prome a baha 15 ilegal na Mangel Halto.

Nan a sali di Punto Fijo dia 31 december 2022 pa 8’or di anochi rumbo Aruba.

Investigacion a determina cu e boto tabata inapropia pa 15 persona y ademas no

tabatatin ningun equipo abordo cu un boto mester tin.

15 bida a wordo exponi na peliger.

E capitan Venezolano a bisa cu el’a wordo ofreci $ 1300 dollar pe hasi e trabao di cual $ 500 a wordo paga adelanta y $ 800 na su regreso na Venezuela y ademas el’a wordo priminti di lo haya un boto.Hues a dicta sentencia y a duna e capitan 24 luna di prison.

MINISTER ENDY CROES TA FELICITA EKIPO DI RCA CU

E TITULO CAMPEON Y EKIPO DI DAKOTA SUB CAMPEON DI LIGA HONOR ORO 2023

Diasabra anochi, tabata reina un ambiente total den Compleho Deportivo Frans Figaroa unda a tuma luga e partido final di futbol Liga Honor Oro. Prome Minister di Curaçao Gilmar Pik Pisas y Minister Endy Croes a presencia e suspenso di wega entre ekipo di

Dakota y RCA cu a bataya pa conkista e titulo maximo di e campeonato. Un stadion “sold out” yen di fanatico pa duna sosten y apoyo na nan ekipo faborito.

E partido final ta termina cu e score di 2-1 pa ekipo di RCA cu goal anota pa John

Silva y Albert Francis. Daniel Briceño a score e goal pa ekipo di Dakota.

Na final di e anochi Minister Endy Croes hunto cu Presidente di

AVB Sr. Randolf Lacle a haci entrega di e medaya y trofeo na ekipo campeon y sub campeon di futbol Liga Honor Oro. Minister Endy Croes ta felicita RCA cu e titulo di campeon

y Dakota cu e titulo di subcampeon. Cu deseo, disciplina, dedicacion y determinacion boso a logra. Masha pabien.

Cera conoci cu candidata No. 2 Youmika Pierre pa Miss Teen Aruba International

Diasabra 22 di July lo tuma lugar den Cas di Cultura e elleccion di Miss Teen Aruba International 2023.

Un total di 8 candidata lo competi pa e corona mas codicia di nos hubentud cual ta Miss Teen Aruba International. E aña aki GLW Foundation ta celebra su di 14 elleccion como Miss Teen Aruba International , pues ta preparando pa su gran celebracion di 15 aña na 2024.

Ban conoce un poco mas di Youmika

CONTAMI UN POCO DI BO ?

Mi nomber ta Youmika Pierre mi tin 18 aña , Mi a termina 3de niveau sector economía di EPB sannicolas y mi a gradua ,mi a nace na Haiti, mi a bin aruba ora mi tawata tin 6aña di edad, mi ta un persona hopi fun mi gusta pone ambiente,mi gusta pone color na bida di tur hende cu ta rond di mi,mi gusta baila y mi ta cu gusta bestia masha hopi mes KICO TA BO DREAM JOB?

Mi dream job ta pa bira un psycoloog di mucha of sea di hende grandi tambe cu a wordo pasa den abuso sexual y abuso físico .

DICON MISS TEEN ARUBA INTERNATIONAL ?

Mi a kies Miss Teen Aruba Internacional pa por a experiencia algo nobo y pa siña cos nan nobo,y tambe pa siña conoce mi mes más, pa demostra mi belleza cu mi darkskin natural, Pa asina topa cu e prome porta cu lo yuda mi laga mi sono bira realidad,representa Aruba na miss universo

KICO TA BO CUMINDA PREFERI ?

As a haitian girl mi gusta e haitian sazón,ban bisa un bon grio cu pikliz,sin lubida nos famoso sopi di pampuna di e dia di independencia . Mi ta un pasta lover tambe

CUA TA BO DREAM

VACATION DESTINATION ?

Mi dream vacacion ta pa bai México bishita Mazatlan y Cancún

y bai Haití pa bishita “Labadie” cu ta un luga touristico na mi pais masha bunita mes

COLOR FABORITO?

Mi gusta tu e color nan,tur ta pass cu mi darkskin pero si mi lo kies paar cu mi gusta mas e lo ta blauw ,roos, biña

KICO POR PONEBO RABIA?

Mane cu mi a bisa na mi presentashon mi ta un mucha muhe masha lief mes,usa un hende ta haci uso di mi pa por haci su cos nan,ora mi ta wak un mucha ta wordo abusa of wak un hende grandi ta pasando den abuso

KICO TA HACIBO FELIS?

Loke ta haci mi feliz ta bida,haciendo tur lo Locual mi gusta por ehempel baila, boxing,scucha cantica ,pasa tempo cu mi cacho nanCONTAMI

UN POCO DI BO ?

Nos ta desea Youmika tur clase di exito pa anochi final di Miss Teen Aruba International, si bo

ta desea di cumpra kaarchi por hanja esaki serca bo candidata prefer pa 50 florin of reserve dibo na 5616151. Miss Teen Aruba International nos ta e ACADEMIA

Parlamentario Marco Berlis (MEP): Un economia resiliente cu surplus anual ta mustrando cu nos debe por baha te cu 69% pa 2027

Den su ultimo rapport CAFT a elogia gobierno pa su disciplina y pa mantene tur su gastonan abao segun e normanan acorda. Asina CAFT ta premira si e economia sigui cu mesun resilencia y gobierno logra e 1% di surplus tur aña, e debe nacional di Aruba por baha te cu 69% pa 2027! Esaki tambe a wordo confirma den e “voorjaarsnota” 2023 cual a drenta Parlamento 25 di Mei 2023. E ta importante pa pueblo wordo informa riba e desaroyo super positivo aki, ya cu pueblo ta custumbra pa wak con gobierno di AVP semper tabata tin deficitnan

durante henter nan gobernacion di 2009-2017. Esakinan a varia entre 180 miyon pa 445 miyon florin tur aña (casi mita biyon.) Esaki a acumula na 2.2 biyon florin y a causa un aumento di nos debe nacional pa 86.2% segun ARA, IMF y CAFT.

Plan structural pa baha e debe nacional di Aruba For di algun aña pasa a acorda cu Hulanda y CAFT pa gobierno traha riba presupuestonan, basa riba reformanan fiscal. E meta ta pa gobierno semper sigura un surplus riba tur presupuestonan di pais Aruba y asina por paga

riba nos debe nacional y haci inversionnan local. Aki ta sigui un tabel di e plan:

Memey di hopi acusacion di opositornan, cu ta desepera pa haci nos pueblo kere cu gobierno ta manehando nos pais den un abismo, CAFT y IMF su rapportnan ta keda mustra e gran trabao cu nos gobierno a bin ta ehecutando. Aruba ta recuperando, y pueblo por ta sigur cu e placa cu ta drenta caha di gobierno ta wordo distribui di un forma responsabel y tambe creando surplus pa paga debe y haci inversion.

Minister

E forma nobo aki di goberna un pais ta habri un era nobo nos dilanti, den cual nos pais por progresa y baha nos debe y hasta elimine completamente. Algo cu opositornan no kier pa pueblo kere. Actualmente nos ta na 88% di debe segun CAFT y manera e tabel ariba ta mustra Aruba por yega te na 69% di nos debe compara cu nos GDP pa 2027 caba. Esaki ta 5 aña mas lihe cu e norma cu a bay di acuerdo cu ne cu Hulanda y CAFT. Aruba ta riba un bon caminda, un caminda di speransa cu un direccion nobo di progreso. Pandemia a dal nos duro, pero mescos cu den pandemia, gobierno ta gobernando cu vision y un man solido pa guia Aruba den su

Ursell Arends:

recuperacion financiero. Esaki ta e politica nobo cu Aruba merece. Si pueblo desea mas informacion di e articulo aki, contact mi na tel: 528-4639 of email mi na: marco.berlis@ parlamento.aw / Bo parlamentario y sirbidor di pueblo na bo ordo semper!

TASKFORCE A WORDO INSTITUI PA CONTROLA CUMPLIMENTO DI

Durante conferencia di prensa dialuna mainta, Minister Arends a informa comunidad di Aruba ariba e taskforce cu a wordo institui pa mantene e maneho pa loke ta trata UTV/ATV y otro sorto di vehiculonan.

Na Aruba nos por wak diferente vehiculonan di motor circulando nos careteranan, pa garantisa orden ta necesario pa varios departamento y instancia traha hunto. Pa es motibo dia 30 di maart 2023 a institui e taskforce cu ta consisti di Departamento di Transporte Publico(DTP), Korps Politie Aruba (KPA), Dienst Technisch Inspectie (DTI), Departamento di Impuesto (DIMP), Aruba Tourism Authority (ATA) y Ministerio Publico (OM).

E meta di e taskforce ta pa garantisa e cumplimento di ley y reglamentonan relaciona cu UTV, ATV, y otro sorto di vehiculo di motor manera entre otro step electrico y Segways, a

traves di un enfoke multi disciplinario. Tambe lo percura pa un maneho(handhavingsbeleid) relaciona cu velocidad, keuringsbewijzen, recibo di pago, impuesto di vehiculo di motor, standard di conducta (gedragsnormen) y permisonan/vergunning necesario di e vehiculonan di motor menciona. Esaki ta pa trece orden den trafico pa limita e risiconan cu e vehiculonan aki ta trece cu ne manera accident, lesion y dañonan. Tambe a wordo menciona cu control riba e problematica di auto di huur cu A-nummerplaat lo wordo atendi cu ne.

E taskforce ta encarga pa ehecuta un maneho eficaz y eficiente unda lo tene na cuenta cu e gran mayoria di e usuarionan ta consisti di turista, y lo aplica cu severidad amigabel.

Den luna di augustus lo bai over na e fase di conscientisacion unda lo tene sesion informativo cu stakeholders y despues lo cuminsa cu accion. Cu esaki ta referi cu 'handhavingsbeleid' lo

wordo implementa den forma di control, multa si acaso cu no ta cumpli cu ley y reglamento y si ta necesario vehiculonan lo wordo baha for di caminda publico.

Ta duna oportunidad na doñonan di vehiculonan pa cuminsa na regla tur nan documentonan manera ley ta stipula. "E ta un responsabilidad cu comunidad di Aruba ta comparti ora ta trata di siguridad den transporte publico, y nos tur tin cu haci di nos parti pa garantisa esaki," Minister Arends ta termina.

Minister Geoffrey Wever: Aruba #1 den clima di inversion den region di Caribe

y e noticia di CICI sigur ta un confirmacion pa empresanan internacional cu Aruba ta un destinacion pa su inversion atractivo . Un trade mission recien pa Colombia tambe a enfoca riba e mesun tema.

Minister Wever ta satisfecho cu continuamente ta logrando progreso den

mehora procesonan pa lanta y haci negoshi, reduci bareranan, promove negoshi entre Aruba y paisnan cercano, crea oportunidadnan nobo pa diversificacion y facilita e transicion di nos economia pa uno mas sostenibel. “Noticia manera esun aki di CICI 2023 ta altamente aprecia”, segun minister Geoffrey Wever.

Desde 2021 Economisch Bureau Amsterdam a bin ta publica e datos nan riba clima di inversion (“investment climate”) den Caribe, pa medio di di e Caribbean Investment Climate Index (“CICI”). Pa di tres aña conscutivo, Aruba ta lidera e lista di Caribe cu e clima di inversion mas atractivo. Di tur pais riba e lista, Aruba a recupera mas fuerte for di e crisis di corona. Aunke Aruba ta number 1 riba e lista aki 3 aña consecutivo, ta notabel pa mira un mehoracion den e cifra di CICI.

Minister Geoffrey Wever ta interpreta e noticia como un logro sumamente positivo, y ta un reconocemento cu Aruba ta riba e bon direccion ora ta trata haci negoshi y inversion. E index di CICI, ta cuadra tambe cu un publicacion recientemente di IMF, indicando movecion positivo den Aruba su economia, y en particular den e facilidad di haci negoshi (“ease of doing business”) cual ta conociendo mehoracion.

Sint Maarten a logra calcula su cifranan pa di prome biaha y a sali e di dos

“investment destination” mas atractivo den Caribe. Esaki tabata posibel danki na mehoracion den disponibilidad di datonan di Sint Maarten. Contrario na Aruba y Sint Maarten Corsou ta baha for di 4 pa e di 7 luga riba e lista debi na e crecemento economico abou y e nivel abou di participacion cu a debilita e posicion di Corsou.

“Mirando atras na diferente proyecto cu ya caba ta den ehecucion, unda e enfoke ta netamente riba e topico di facilidad di negoshi”, Minister Wever ta comenta. Entre otro a introduci un maneho pa establecimento di negoshi nobo conoci como “Vestigingsbeleid”, cual a reduci rekesitonan ‘redtape’ y e tempo necesario pa establece un negoshi. Digitalisacion tabata y lo continua di ta un factor importante pa sigui mehora e procesonan. E lo reduci gasto y tambe tempo entre aplicacion y entrega di permiso.

Tambe tin promocionnan activo den exterior a traves di Invest in Aruba, cu ta promove Aruba como un ‘investment destination’,

MINISTER ENDY CROES

A

PRESENCIA

GRADUACION DI COLEGIO ARUBANO HAVO

Durante e ceremonia di graduacion a otorga diploma na 173 graduado

Diabierna anochi, Minister Endy Croes a atende Graduacion di Colegio Arubano Havo na Hyatt Regency Aruba.

E atardi ameno a inicia cu e himno di Aruba canta pa e graduado Gianna Tromp. Sigui pa discurso di rector di Colegio Arubano Sr. Tim Croes. Minister Endy Croes a duna un discurso y a felicita e graduadonan di aña 2023.

Enseñansa ta e motor di un pais y fundeshi di un nacion. Mandatario di Enseñansa a indica cu Gobierno di Aruba tin e tarea pa inverti den enseñansa y crea plataforma pa brinda oportunidad pa tur ciudadano por educa y desaroya nan mes. “Nos ta contento cu e 173 hobennan a haci bon uzo di e oportunidad aki”, Minister Endy Croes a expresa.

Colegio Arubano Havo ta conta cu un total di 173 graduado e aña aki.

Durante e anochi festivo a reconoce e miho graduado di havo Naysa Rojas. Den nomber di Gabinete Wever – Croes II, Minister Endy Croes a felicita e graduadonan.

Alabes, Minister Endy

Croes ta gradici rector Sr. Tim Croes, conrector di H5 y V6 Sra. Lixanne Gemerts, staf, mentor, docente- y mayornan cu a contribui den e logro di e graduadonan y desea tur graduado hopi exito den e siguiente etapa di nan estudio.

Partido MEP: Na ocacion di fecha natalicio di señor Daniel Leo, PARTIDO MEP Y FUNDACION FORMATION POLITICO NELSON ODUBER

(FFPNO) TA ORGANISA UN CHARLA DIAMARS 11 DI JULI

Partido MEP hunto cu Fundacion Formation Politico Nelson Oduber (FFPNO) ta invita pueblo di Aruba en general pa un charla en conexion cu e fecha natalicio di e gran Arubiano, señor Daniel Leo. Esaki lo tuma luga diamars 11 di juli 2023 na Cede di MEP na Santa Cruz pa 7or di anochi y lo hiba e topico: ‘Daniel Leo, nos protector di agricultura y economia Arubiano’.

Daniel Leo tabata diputado di Teritorio Insular di Aruba, miembro di Parlamento di Antiyas y miembro di Conseho Insular di Aruba. Na momento cu Daniel a fayece e tabata ocupa e funcion di Ministro di Asuntonan Economico y Turismo den e prome Gabinete Oduber. Como gobernante Daniel a traha incansablemente riba tereno di turismo, agricultura, cria y pesca. Durante esfuersonan den su maneho, a coba damnan rond Aruba pa stimula asina e sector di agricultura. El a funda e departamento LVV (Santa Rosa) pa promove agricultura, cria y pesca. Cu gran vision y determinacion el a logra cu e mercado di turismo a crece den Latino America y oficinan di turismo a habri na varios pais rond mundo.

Daniel tabata un di e lidernan cu corahe y determinacion cu semper tabata para banda di nos Libertador Betico Croes den su lucha tenaz pa logra e Status Aparte tan anhela. Gabinete Oduber a honra e esfuerso y lucha aki dunando e plaza den centro di Oranjestad e nomber di Plaza Daniel Leo, caminda un y tur por admira tambe su busto.Haya sa mas di gran politico y Arubiano Daniel

Leo y e motibo pa cua e ta e protector di agricultura y economia Arubiano. Registra na https://forms.

gle/t2AXoF4LhtHZLvdJ7 of tambe por reserva via Whapsapp: 744 4997.

‘Daniel Leo, nos protector di turismo, agricultura y economia Arubiano’

MINISTER ENDY CROES A PRESENCIA GRADUACION

2023 DI COLEGIO EPI, SECTOR ECONOMIA

ORANJESTAD:

Recientemente, Minister di Enseñansa y Deporte Endy Croes a atende Graduacion di Colegio Educacion Profesional Intermedio (E.P.I.) na ballroom di Aruba Marriott Resort & Stellaris Casino.

Minister Endy Croes a duna un discurso y a felicita e 57 graduadonan di Colegio E.P.I., Unit Economia. Durante e ceremonia a anuncia e miho graduadonan di Unit Economia, esta

Cassandra Donato di 4FA, Pressy Pesqueira di 4CD, Carouna Seferina di 4DS y Jordan Lewis di 4TA y “overall” miho graduado di Sector Economia, Cassandra Donato.

Pa finalisa, Minister Endy Croes ta gradici directora general Sra. Ankie Danker y unitmanager economia Sra. Juliette Hoftijzer y tur esnan cu a contribui den e logro di e graduadonan. Minister ta desea tur graduado hopi exito den e siguiente etapa di nan bida.

Un homber transgender a gana Miss Holland y lo participa den Miss Universe na El Salvador

Rikki Kolle di 22 aña a keda eligi como Miss Holland 2022 diasabra anochi na AFAS theatre na Leusden y lo representa Hulanda na certamen di miss universo na El Salvador. El a keda corona y bisti su sjerp.

E ta e prome transgender cu a logra gana tur e otro muhernan bunita di Hulanda.

E ta di dos transgender cu a participa den e certamen Hulandes. despues di Loiza Lammers na 2015.

El’a gana atencion di huradonan y tabata vibrante.

E candidatanan y candidato transgender tabata na Curacao pa ricibi training durante e programa di e certamen.

Miss Holland Rikki Kolle lo ta e di dos homber transgender cu lo participa na Miss Universo. Angela Ponce di Spaña tabata e promer na 2018.

Parlamentario independiente

dr. Ryçond Santos do Nascimento: Empleado ta meld ziek ora e ambiente na trabao ta toxico

trabao y p’esey ta meld ziek.

Gillmar Werleman (studiante di Facultad di OGM di UA) a tuma su tempo pa skirbi tocante “Meld ziek y e mal uzo di e sistema”. Esey ta di aplaudi. Sin embargo e punto di salida di Gillmar ta fout. Simplemente no ta berdad cu un empleado cu frecuentemente ta meld ziek ta un mal trahado.

Den mayoria di caso di empleado cu ta meld ziek frecuentemente, tin algo mas ta pasando. Hopi bi-

aha tin un ambiente toxico na trabao y tin biaha hasta tin acoso sexual ta tuma luga. Tambe sa sosode cu e empleado no por maneha e trabao y esey ta causa stress. Si un empleado ta sinti cu su dunado di trabao no ta balora su esfuerso, e motivacion di e empleado lo ta na suela. Si e dunado di trabao no ta flexibel, e trahado lo meld ziek ora e mester cuida su yiu of mayor cu ta malo. Hasta ta posibel cu e empleado ta buscando otro

E realidad ta cu, ora hopi empleado ta meld ziek, casi semper e causa di e problema ta e dunado di trabao mes. P’esey e dunado di trabao tin e responsabilidad pa analisa e ambiente na trabao ora e ta ripara cu su empleadonan ta meld ziek hopi. Un bon dunado di trabao lo busca pa scucha e empleado prome. Asina e dunado di trabao lo por compronde miho kico ta causa cu un hende ta meld ziek. Si e empleado ta indica cu tin problemanan na pia di trabao, ta na e dunado di trabao pa fi x su mesun organisacion, prome cu purba fi x e empleado. Si un empleado tin problema personal, un bon dunado di trabao lo busca manera pa yuda su empleado. Un bon dunado di trabao ta compronde cu ta e ta crea e condicionnan pa e em-

pleado sinti satisfaccion den su trabao y sinti e motivacion pa yuda e organisacion bay dilanti.

E angulo di Gillmar ta robes, pasobra e angulo ta uno autoritario. E ta robes pa mira e empleado cu ta meld ziek frecuentemente como un persona inmoral, pasobra no ta na e dunado di trabao pa husga ken ta santo y ken ta pecador. Ora e dunado di trabao ta sinti su mes moralmente superior, e ta busca e busca confrontacion cu e empleado y manera pa obliga e empleado pa cumpli cu su trabao. E manera autoritario ey ta hustamente loke ta crea un ambiente toxico na pia di trabao.

E manera di pensa autoritario aki ta graba profundamente den nos manera Rubiano di pensa. Si un persona haci malo, e mester sinta riba su blaar. Den

e caso di e empleado, e mester sinti e dolor di e castigo. Esey ta manera cu nos mayornan a lanta nos: e faha lo coregi tur cos cu ta robes.

Pero e solucion real ta pa cuminsa cu comunicacion. Mester scucha y compronde e motibonan pakico un hende ta meld ziek. Riba e fundeshi solido di un bon comunicacion por haci compromiso cu ta na bentaha di, tanto e trahado, como e dunado di trabao.

Ora e dunado di trabao ta duna e respet ey na e empleadonan, e ta crea e fundeshi pa e empleado sinti su mes motiva pa duna su miho empeño. Ta riba e fundeshi di respet y comunicacion so por tin un colaboracion efectivo entre empleado y dunado di trabao cu lo hisa e productividad di e organisacion.

Diabierna 7 juli tabata e ultimo dia di “Export Week 2023: Conquering New Horizons” despues cu 3 di juli ultimo minister Geoff rey Wever a duna inicio na esaki na Departamento di Asuntonan Economico, Comercio y Industria (DEACI),

Durante e siman participantenan a ricibi informacion riba e ultimo tendencianan di E-commerce, ‘Free Artificial Intelligence (AI) tools’ manera ‘ads creation’ y ‘content writing’; ‘digital assets latest trends’; con AI por yuda bo adapta of crea un modelo comercial nobo;

con pa distingui entre un bon y un mal oferta di producto; e canal adecua pa yega na bo usuarionan final; con pa organisa e evenementonan digital cu un sistema di pago cu no ta uza efectivo; ‘blockchain’; e futuro di e pagonan digital; y bienes digital/NFT y mucho mas.

Tur e participante nan a ricibi for di minister un certificado di participacion como culminacion di e “Export Week 2023: Conquering New Horizons”

Export Week ta forma parti di e maneho economico di minister Geof-

frey Wever pa facilita tayernan, workshops etc. pa comerciantenan haya mas conocimento y skills.

Minister Geoff rey Wever ta felicita tur participante y tambe DEACI cu su unidad Exprodesk pa

organisa e ‘Export Week 2023: Conquering New Horizons’.

Esaki sigur tabata un siman sumamente interesante unda tabata tin hopi contenido relevante pa esnan cu a particpa na esaki.

mr.

Durante reunion publico pa trata BBO na frontera:

MINISTER MADURO DI FINANSA A DESBARATA E

MOCION DI DESCONFIANSA CU PARLAMEN

TARIONAN MANSUR, CROES Y DO NACIMENTO A PRESENTA CONTRA SU PERSONA

Durante e reunion di tratamento di e Ley di BBO na frontera den Parlamento, Parlamentarionan Mansur, Croes y Do Nacimento a presenta un mocion di desconfiansa contra Minister Maduro di Finansa. E mandatario a repasa cada un consideracion y a desbarata cada un di e ponencianan aki treci dilanti pa e Parlamentarionan ariba menciona. Tur rapport ta mustra e mehoracion den finansa publico cu e mandatario ta responsabel p'e.

Den e mocion e Parlamentarionan a tilda Minister Maduro di ta nenga di incorpora preocupacionnan di gremio comercial den e Ley di BBO, siendo cu e mandatario na comienso di e reunion publico a splica na placa chikito kico tur a haci cu e preocupacionnan treci dilanti. A tilda e mandatario tambe di ta nenga di splica Parlamento riba e gastonan di interes creciente, siendo cu Minister Maduro tur kwartaal ta manda un 'Uitvoeringsrapportage'

pa Parlamento cu tur informacion financiero, na mas di un ocasion a splica den reunionnan publico y di comision den Parlamento, y tambe via conferencia di prensa ta duna update di finansa publico. Ta tilda Minister Maduro di a perhudica e sistema financiero door di saca 400 miyon na likides, y esey tambe no ta cuadra cu realidad, ya cu e mercado tin likides y Minister Maduro a traha conforme conseho duna pa Banco Central di Aruba. Segun e Parlamentarionan, Minister Maduro a subi gasto y pasa medida so, siendo cu den rapport reciente di Banco Central, 'State of the Economy' por lesa con finansa publico a mehora debi cu Gobierno a baha gasto tambe. E Parlamentarionan a tilda Minister Maduro di a pone cu 27% di nos hogarnan no tin suficiente entrada pa cubri gastonan basico, ma tur a lubida cu ta Minister Maduro como mandatario encarga cu finansa y economia di Aruba a percura pa 37.000 trahador por a tene nan cupo di trabou pa asina nan por a surpasa e pandemia. Den e mocion a tilda Minister Maduro di a haci di Aruba e pais cu menos incentiva economico den Caribe, siendo cu investigacion di Economisch Bureau Amsterdam ta mustra cu Aruba ta e Pais na di prome luga cu clima di inversion favorabel den Caribe. Por ultimo

a tilda Minister Maduro di no tin vision pa drecha nos finansa publico, siendo cu rapportnan di IMF, Standard and Poor's, Fitch y CAFT ta raporta e mehoracion di Aruba su finansa publico na man di Minister Maduro di Finansa.

Diferencia di opinion por existi, ma hecho ta mustra si cu ta Minister Maduro a yuda percura pa Aruba por a surpasa un pandemia te cu awe nos ta un Pais cu ta creciendo economicamente. Ta bou su responsabildad awe Aruba ta conoce presupuesto entrega na ora na Parlamento. Minister Maduro ta e Minister di Finansa cu ta presentando presupuesto cu surplus na Parlamento. Ta e mandatario aki a cuminsa reduci e debe nacional di nos Pais. Ta bou liderasgo di Minister Maduro di Finansa, rapportnan financiero y economico, manera di IMF, Fitch, Standard and Poor's ….etc ta papiando positivo di e forma con ta manehando nos Pais. Mas reciente por mira cu ta na man di Ministrer Maduro, Parlamento ta conoce un Nota di Comienso di Aña, 'Voorjaarsnota,' cu ta fortifica e 'budgetrecht' di Parlamento. Ainda tin mas muestra di e pasonan cu Minister Maduro tabata tin curashi pa tuma den e bon direccion pa asina stabilisa e situacion financiero di Aruba. Anto si

sabiendo tur esaki, ainda Parlamentarionan Mansur, Croes y Do Nacimento kier presenta un mocion di desconfiansa contra Minister Maduro di Fi-

nansa, anto e ora nos tur mester wanta nos curason pa e desaster cu nan lo haci si un dia nan mester bira Minister di Finansa di Aruba.

Tur rapport ta mustra e mehoracion den finansa publico cu e mandatario ta responsabel p'e

Dos taxi envolvi: Accidente entre tres auto ariba Watty Vos Boulevard

Watty Vos Boulevard - Diadomingo merdia rond di 2'or a sosode un accidente entre tres vehiculo, di cual dos tawata Taxi.

Esaki a sosode altura di

Aurora Funeral Home.

Na yegada di polis na a topa cu un Taxi Van di banda ariba e berm, algun meter mas dilanti un Taxi Hyundai Creta pega con-

tra un Kia Rio.

Tambe por a mira algun turista para na banda di caminda, cu mas sigur tawata den e un di e taxinan cu a accidenta.

Polis di trafico a presenta, y lo mester a averigua kiko exactamente a sosode.

Na e sitio por a tende diferente comentario, manera

velocidad halto y no a manetene distancia. Tambe tawata wordo bisa cu un vehiculo lo a brake, pero aki ta bin e parti atrobe cu mester mantene distancia.

Homber deteni pa menasa su bisiña cu morto

San Miguel - Diadomingo anochi den careda di 9'or dos patruya a bay un adres na na San Miguel, unda cu lo tin problema di bisiña.

Na yegada a bin resulta cu tawata trata toch un caso basta serio.

TA BENDE 2 CACHO SHITZU

Ta asina cu e homber ariba e imagennan a yega su cas burachi, y pa un of otro motibo a bay menasa su bisiña cu morto.

E la bisanan tambe con e lo matanan, esta cu un machete.

Nos a compronde cu lo no ta prome biaha cu e homber aki lo ta haye den problema cu husticia. Cargonan cu ta encera menasa di morto ta wordo considera serio.

Polisnan a bay over na su detene y cu transportwagen e la wordo hiba warda di Shaba, unda e lo permanece cera pa mas investigacion.

TEMPO VALIDO TE DIAMARS 11 DI JULI 2023, 18:00 ORA

TEMPO:

AWE TARDI Y AWE NOCHI: PARCIALMENTE NUBLA Y GENERALMENTE SECO

DEN MARDUGA Y MAYAN: PARCIALMENTE NUBLA CU UN AWACERO

PASAJERO Y LOCAL

TEMPERATURA MAXIMO 33 GRADO CELSIUS

TEMPERATURA MINIMO 27 GRADO CELSIUS INDICE DI CALOR (HEAT INDEX) DEN Y ROND DI ORANAN DI MERDIA: 34 PA 40 GRADO CELSIUS

UV INDEX: 12

AVISO/ ALERTA:

TA SUGERI OPERADORNAN DI BOTO CHIKITO PA BAI CU

CAUTELA NA PARTINAN OOST TE NOORDWEST DI COSTA

Y NA OTRO PARTINAN RIBA LAMA HABRI

PRONOSTICO DI TEMPO PA PROXIMO 3 DIANAN: PARCIALMENTE NUBLA CU UN AWACERO BREVE. BIENTO LO TA FOR DI DIRECCION OOST Y MODERA TE BASTA FUERTE, FUERTE TE DURO DEN RAFAGA; TEMPERATURA (GRADO CELSIUS) MAX / MIN LO TA: 33 / 28

Lider di Fraccion di AVP, mr. Mike Eman:

REDUCCION DI CAPACIDAD DI KLM PA ARUBA UN SEÑAL PREOCUPANTE!

Den e dianan aki a bira conoci cu KLM a reduci su capacidad di stoelnan pa Aruba. Esaki segun e lider di oposicion, mr. Mike Eman ta un señal hopi preocupante. Durante tratamento di medida di aumento di roomtax, BBO di 6% pa 7% y awor durante tratamento di e medida di 7% BBO na frontera nos a puntra Gabinete Wever Croes si tur e aumentonan aki no ta bay afecta turismo di Aruba. Nos a mustra riba e peliger cu Aruba por ta bezig ta “outprice” su mes for di e mercado. Esaki tabata palabranan di mr. Mike Eman despues di a haya e informacion cu KLM ta reduci su asientonan pa Aruba.

GABINETE WEVER-CROES TA

CONTESTA CU NO A HACI ESTUDIO

Specificamente nos a puntra Gabniete Wever-Croes si nan no ta mira e peliger cu tur e medidanan aki Aruba ta bay birando mucho caro pa turistanan. Nos a enfatisa cu nos ta preocupa cu Aruba su posicion di competencia den e mercado di turismo. Pesey nos a haci e pregunta specifico si gobierno a haci un estudio riba e impacto cu e medidanan aki por tin pa e posicion di competencia di Aruba. Pa nos sorpresa Gabinete Wever Croes a bisa, den contestacion riba nos pregunta, preto riba blanco cu NO a haci NINGUN estudio: “De overheid heeft echter nog geen onderzoek laten verichten naar de mogelijke gevolgen van een heffing bij de grens voor de concurrentiepositie van Aruba als toeristische bestemming”.

KLM TA REDUCI CAPACIDAD DI ASIENTO PA ARUBA

No ta promer vez cu KLM ta sirbi como “barometer” di kico futuro di turismo di Aruba lo trece. Tur experto den e industria ta mustra cu den mundo tabata tin un “postCOVID-boom” den turismo. Pero tur ta puntra nan mes cu hopi cautela si e “rush” pa biaha despues

di tabata sera den cas pa mas di un anja lo continua. Den un analysis di Financial Times bao di e titulo, “Can the post-pandemic travel boom endure?” nan ta haci nan mes e pregunta aki. Y algun experto a mustra cu cautela cu no por asumi sin mas cu e “boom” mundial aki den turismo lo continua: “Many hoteliers have been able to mitigate some of the cost pressure be it labour costs, food costs, general inflationary pressure, by driving up the average room rate,” said Andreas Scriven, partner and head of hospitality and leisure at Deloitte. “But how long can that go on for? Everybody is asking themselves the same question.” E anuncio di reduccion di asientonan di KLM ta haci nos preocupa. E lider di oposicion mr. Mike Eman ta bisa. No ta promer vez cu KLM a reaccion cu olvato pa problemanan den mercado di turismo y specificamente den conflicto cu e tempo ey Gabinete Nel Oduber. Ta hopi esfuerso nos mester a haci pa trece KLM bek. Busca otro aerolinenan riba e ruta di Europa semper ta algo cu mester worde haci den transparencia y habri den dialogo cu nos partner di mas 100 anja riba e ruta Hualnda-Aruba, mr. Mike Eman ta bisa. “Mi no sa si esey ta tumando lugar awor, porta nos ta den e mode “zo vader zo zoon” y KLM ta hayando un cold shoulder.

IRESPONSABEL CU NO A HACI ESTUDIO

E lider di oposicion, mr. Mike Eman, ta finalisa bisando cu e postura di Gabinete Wever-Croes cu e mercado di turismo lo ta “inelastisch”, ni cuanto nos subi e prijs turista lo keda bini ta un ponencia hopi peligroso pa e industria primordial di Aruba. E posicion aki ta bira aun mas iresponsabel ora Gabinete WeverCroes ta admiti cu nan no a haci estudio, pero simplemente ta “gamble” cu por sigui aumenta prijs y turistanan lo keda bini. Gabinete Wever-Croes ta lubida cu un di e forzanan grandi di Aru-

ba su turismo ta “word of mouth”. Si e word of mouth bira awor, “nice Island, but too expensive” nos tin un problema. Gabinete Wever Croes no tin lo minimo di vision. “Nan ta vrijwiel riba locual Gabinete Mike Eman I y II a haci pa drecha e producto turisto, miyones di inversion pa haci Aruba mas bunita y mas limpi y mas atractivo den tur sentido. Tambe di a crea un ATA independiente

cu un budget di mas di 100 miyon pa anja pa tin staff profesional y fondonan grandi pa mercadea Aruba. Awor a kita 20 a 30 miyon di e fondo aki caba y ta lagando Aruba deteriora, sin mantencion, limpiesa baiendo atras, ATA cu menos placa y Aruba birando mas caro. “Esaki ta un “perfect storm” pa busca problema pa turismo di Aruba”, mr. Mike Eman a finalisa bisando.

MINISTER DI FINANSA Y CULTURA, XIOMARA

MADURO TA REFLEHA RIBA E POEMA

“E PLEKI SHINISHI DI SCLAVITUD”

presenta durante e acto di 'Conmemoracion di 160 aña di abolicion di sclavitud den Reino Hulandes’

2023. E obra a duna un bista, conta di diferente suceso como tambe storia di esnan esclavisa durante e periodo di sclavitud riba nos isla.

toba Rutzeil, Djan Everon, Virginia Dementricia Gaai, Florencio Theodoor

Bikker y Bicento Marten

Durante e acto conmemorativo di 160 aña di abolicion di sclavitud den Reino Hulandes riba 1 juli ultimo organisa pa Gobierno di Aruba, tabatin diferente presentacion y discurso pa reflexiona riba nos historia di sclavitud y

su nificacion como tambe impacto riba nos comunidad. Un di e obranan cu a wordo presenta tabata e poema "E Pleki Shinishi di Sclavitud” di poeta Marilis Becker, ganado di Poeta di Patria 2022 y prome finalista di Poeta di Patria

E poema a toca riba e historia unico di sclavitud na Aruba y a duna un bista riba diferente punto manera e aspecto financiero di e negoshi di sclavitud, e mescla entre colonista Europeo, esclavo descendiente di WestAfrica y e poblacion Amerindio.

Tambe, storianan di maltrato, resistencia y resilencia a wordo comparti. E obra a conta storia di diferente esclavo manera Sara Leon, Juan Cris-

Bremer. Por ultimo, e obra a refleha riba e perseverancia di nos hendenan despues di e temporada di abolicion di sclavitud na Aruba. Descendiente di catibo manera Dun Dun Ecury y Dada Picus a bira miembronan prominente y exitoso den comunidad.

Marilis Becker a termina su obra cu e mensahe cu como pais nos ta conoci pa nos resilencia, e importancia di sa mas tocante nos historia y cu danki na e lucha di nos ancestronan cu a surpasa e retonan enfrenta nos ta un pais fuerte y resiliente.

Minister Maduro kier a gradici Marilis Becker pa su presentacion y contribucion na conta storianan di un periodo y historia ainda relativamente desconoci riba nos isla. Pa nos sa for di unda nos ta bin, compronde nos presente y fiha riba un miho futuro ta importante pa no solamente conoce nos historia y su sucesonan pero tambe esnan cu a forma parti e periodo aki.

Ta importante pa nos conta storia y na e manera aki duna un cara na nos ancestronan y reconoce como tambe honra nan experencia, lucha y resilencia.

MINISTER XIOMARA MADURO TA INVITA PA SINTONISA E PROGRAMA

INFORMATIVO ‘PAPIAMENTO: HERENCIA CULTURAL DI SCLAVITUD’ – DI DOS PARTI

Presenta pa e neerlandica, papiamentista y sociolinguista Dr. Joyce Pereira

Ministerio di Cultura ta presenta e di dos parti di e programa informativo ‘Papiamento: herencia cultural di sclavitud’.

Durante e programa aki, e neerlandica, papiamentista y sociolinguista Dr. Joyce Pereira lo comparti cu nos e desaroyo di nos idioma Papiamento for di tempo di catibo, e efecto di colonisacion riba Papiamento y e beneficio di Papiamento como idioma di instruccion den enseñansa.

E di dos parti di e programa informativo

Minister di Cultura Xiomara Maduro ta informa cu den cuadro di e serie di programa pa informa comunidad riba historia di sclavitud di nos Pais,

‘Papiamento: herencia cultural di sclavitud’, lo pasa dialuna awor dia 10 di juli pa 7’or di anochi na Telearuba y diamars dia 11 di juli pa 8’or di anochi na Diario TV. Minister Maduro ta extende un invitacion pa sintonisa e programa aki.

Un bon y feliz dia, cu e pas di

Señor sea cu bo(so).

Birgen del Carmen ta e patrona di transporte

Parokia Cristo Rey, hunto cu nos Pastoor Andry, na un manera special, kier gradici bo(so), pa e bon trabou cu bo(so) ta eherce tur dia na bienestar di nos comunidad. Y pa pidi proteccion pa cada un di nos, momento cu ta haci uzo di un medio di transporte.

Riba 16 di juli 8:00 di mainta, dia cu ta celebra “Birgen del Carmen” patrona di e almanan den purgatorio y medio di transporte, ta invita bo cordialmente pa hunto den famia, cu colega y amistadnan bin celebra Santa Misa den nos Parokia Cristo Rey Brazil. Pastoor Andry ta duna un bendicion special y cada un ta ricibi un scapulario y un oracion pa semper bo(so) ta bon proteha ariba nos careteranan y riba lama. Esaki ta e oportunidad pa bendiciona tur medio di transporte ariba e mainta aki. Ta deseo y anhelo,

pa haya e comunidad su colaboracion pa acepta e invitacion y bin cu boso medio di transporte y uniforma si ta posibel. Entre otro esunnan cu ta traha cu Taxi, Autobus, Polis, Brandweer, Marinier y Clasic Cars. Despues hunto nos ta sali den un “Caravana di Bendicion” compaña pa nos Birgen del Carmen pa saluda e pueblo di entre otro di Brazil, un area di Savaneta y San Nicolas. Ta e deseo di por conta cu bo(so) presencia durante Santa Misa y cu por compaña nos cu bo(so) medio di transporte den nos Caravana di Bendicion.

Un saludo Cordial, Parokia Cristo Rey Den nomber di Pastoor Andry

Pa mas informacion por comunica cu:

Monica Henriette 5933044

Stella Lopez 7388050

"Dios ta amor... y amor ta Dios, maske mi no ta na e mundo aki, tur dia lo mi ta banda di boso Curazon, mi por stens di loke Señor ta hasi" Salmo 33

Cu inmenso dolor na nos curazon y agradecido di tur loke e l’a haci pa nos, nos ta participa fayecimento di:

Mario Mauricio Fingal

Mihor conoci como: Mai, Papa, Papa Mai, Opa, Opachi, Granpoppop, Momo, Mo Mai, Don Mario

*22-09-1925 - †06-07-2023

Co-fundador di Fundacion Conseho Parokial Paradera

X-vicepresident di F.C.P.P. (Centro/Club Caiquetio)

X-president di S.C.A.

X-president di Mosaico (Santa Fe)

X-miembro di comision di Oranje Comité

X-miembro di comision di Misa di Paradera

Lid in de orde van Oranje Nassau

Viudo di: Chanita Fingal-Biesum

Na nomber di su:

Yiunan: Joy y Jenny Fingal-Tromp

†Edith y Robby Feliciana-Fingal

Lienchi y Duke Croes-Fingal

Robert Fingal

Maritza y Damon Habibe-Fingal

Sito Fingal y Martha Arenas

Nieto(a)nan: Josanne, Jorgino, Jay-Than y Vanessa, Chejito, Randy, Rachied y Dianne, Richenell y Valentina, Yevgeny, Youssef, Jesu, Kendalee, Cristine y Ligenne, Ramsey y Debbie

Bisanieto(a)anan: Ben-G, Xandy, Jorgino Jr, Arabella, Isabella, Mack enzie, Sienna, Devon, Jace.

Rumannan: Jerry Fingal y Lika Henriquez

Viuda Aura Schwengle-Fingal

Cuñanan: Viuda Theresita Fingal-Loefstop

Clara Maduro

Viuda Cornea Biesum-Croes

Viuda Carmen Biesum-Ras

Sobrino y sobrinanan, primo y primanan, ihanan (mucho pa menciona), bisiñanan tanto di Pavia como di Panamastraat.

Ayudantenan: Aracelly, Chachy, Milly.

Masahista: Maricela

Tur su amigo y amiganan

Amigonan di cas: Randy y Meldy, Armando, Tinchi y Marjorie Vrolijk. Amigonan di Hooiberg Apartments

(X)compañeronan di Parochieraad Paradera: Rufino Franken y Chinto Croes

Demas famia: Fingal, Krozendijk, Biesum, Briesum, de Mey, Bareño, Tromp, Feliciana, Croes, Habibe, Dubero, Esser, Schwengle, Riley, Werleman, Fuentes, Geerman, Kock, Figaroa, Zara, Maduro, Wouters, Ras, Ruiz, Gomez, Rosenstand, Vrolijk, Boekhoudt, Dijkhoff, Loefstop.

Despensa nos si nos por a lubida un of otro famia.

Dia, orario y lugar di condolencia: Diaranzon 12 juli 2023 di 7.00-9.00 pm na Aurora Funeral Home.

Acto di despedida y entiero ta tuma lugar diahuebs 13 juli 2023 di 2.00 – 4.00 p.m. na Misa Santa Filomena na Paradera y despues ta sali pa Santana Catolico Pastor Kranwinkel na Paradera.