Pagina 18
Dialuna 2 December 2013
www.awe24.com
Spiel di auto a bay dal spiel di e auto di direccion contrario na e bocht na Santa Cruz
Diasabra mainta a drenta informe di un accidente na e bocht di Santa Cruz. Mesora a dirigi un patruya pa e sitio. Na yegada di e patruya a bin compronde cu aki ta trata di un accidente unda spielnan di 2 auto di direccion contrario a dal den otro. Afortunadamente ningun hende a resulta herida.
Auto a dal palo di luz na Pos Abao, destrui esaki y sigui core bay
Diabierna anochi laat a drenta informe di un accidente na Pos Abao. Mesora adirigi un patruya na e sitio. Na yegada di e patruya a bin compronde cu un auto a pasa dal e palo di luz destrui esaki y despues di esey a sigui bay for di e sitio. Polis a haya e informacion di e auto mientras a avisa Elmar pa bin repara e da単o y reanuda e suministro di electricidad.
Na Monserat:
Tiramento, bringamento, menaza, destruccion y bochincha
Ta kiko ta pasando cu Aruba cu ya habitantenan no por biba trankil mas. Diasabra madruga tabata un caos total cu yen di bringamento, atraco, tiramento, destruccion etc.etc. Na Monserat un hende a pasa los tironan riba un cas destruyendo bentananan y algun otro cos mas. Polis a haye ta bay na batayon ya cu e situacion tabata tenso. E asunto a termina cu 3 detencion na Monserat y vecindario y a confisca un auto destrui. Nos lo sigui informa.
Problema di pelea gang entre gang ta sigui Alarma pa posibel pelea di gang na Circle K
Diasabra mainta a drenta informe di aglomeracion di gang na CircleK pa regla cuenta. Mesora a dirigi varios patruya na Circle K. Na yegada di e patruyanan nan no a bin topa cu ningun gang y ora a baha puntra paden tocante esaki nan a bisa cu no tin ni tabata tin nadani paden ni pafo. Pues probablemente aki lo ta trata di un yamada falso pa check con liher polis por mobilisa y yega na e sitio.