12
Dialuna 20 April 2020
Gobierno a entrega plan pa corta 91 miyon florin na gasto Diasabra anochi Minister Maduro a informa riba e trajecto cu Gobierno ta canando pa asina corta gasto. Den un forma extenso el’a informa cu Gobierno lo corta 91 miyon florin na gasto dor di corta den salario, corta den e post di “goederen en diensten� di Gobierno y por ultimo corta den Social Crisis Plan. E plan aki lo mester wordo presenta na Hulanda pa asina mustra e buena fe di pais Aruba cu nos no ta busca unicamente placa fia, pero cu nos mes tambe ta aporta via e cortamento di gastonan di Gobierno. Sindicatonan tin te dialuna pa duna nan aprobacion pa asina Gobierno por sigui encamina e negosacion cu Hulanda, pa busca e fondo necesario pa por sigui draai den e lunanan nos dilanti.
Accidente pa falta di preferencia riba Avenida Milio Croes dilanti Flora
Diabierna atardi riba Avenida Milio Croes serca di PriceSmart un S.U.V. a bay subi caminda
sin duna preferencia na un auto bayendo pabao. E impacto a manda e
auto bira 180 grado. Afortunadamente ningun persona a resulta herida.
