12
Diasabra 6 Juni 2020
Booshi Wever ta reta Otmar Oduber pa bin entrega keho contra dje di denuncia falso
Durante e conferencia di prensa di Booshi Wever dilanti di Ministerio Publico, tabata tin varios aspecto cu Wever a menciona referente na e bon intencionnan cu Otmar Oduber ta aparenta pa ilustra. Un di e aspectonan cu Wever a para ariba dje ta, manera cu el a splica na varios ocasion, no solamente pa e caso specifico di corupcion, e contract cu el a duna lucrativo na su sponsor na Sero Tijshi, unda e destaho publico a bay malo. Tabata tin tres hende a wordo invita, unda cu un persona, no a entrega cifra, pero despues el a haya opdracht, despues cu e reunion a caba, pa acepta e oferta di un contratista amigo di Otmar Oduber.
Y no bin bisa cu no ta berdad, sino lo bin cu testigo pa wak si e ta papia berdad si of no. Wever a yam'e corupto varios biaha, prome cu el a entrega e denuncia. Wever a yam'e de todo y Oduber no a bin Ministerio Publico. Tin un otro ciudadano a entrega un denuncia contra dje y den menos cu 24 ora el a core bin Ministerio Publico. Wever ta reta Oduber publicamente cu si e abogado no a entrega e denuncia di valse aangifte contra Wever, pa haci'e awo. Bin dentro di 24 ora y entama e caso di aangifte van valse aangifte. Wever ta reta Oduber pa bin pasobra ningun caminda el a refuta loke
cu Bosman a publica riba Facebook, ta bin haci e muchachada, purba di desvia atencion riba un documento cu aparentemente tin hopi fout cu tur hende a haya. Tin un caminda ta skirbi si cu corruptie, pero un R. Corupcion ta corupcion y ta E a haci'e, y ningun otro hende mas. Si lesa e documentonan aki, Otmar a comete un biaha tras di otro corupcion, corupcion y corupcion. Y privilegiamento di su amigo. Esey ta para hopi cla den e documentonan aki cu no tin salida. Pesey mes Wever ta ret'e pa bay duna un denuncia di denuncia falso. Si e ta asina sigur di su mes, bin haci un denuncia.
Oduber ta prefera di papia mentira, entre otro riba Wever. Asina aki kier purba di hay'e, unda e kier hay'e, den corte. Den corte Wever kier hay'e kico el a haci y con el a sjoemel barbaramente cu
cifras y gaĂąa cu Serlimar ta tuma decision. Den e caso aki tin varios momento cu e como minister a duna opdracht na DOW y di carambola despues hinca Serlimar despues. Ta cosnan cu pueblo mester sa.
Chauffeur a desvia pa auto y drenta mondi na Mahuma
Diahuebs atardi a drenta informe di un accidente eunda un auto lo a drenta mondi den Mahuma, mesora a dirigi polis na e sitio. Na yegada di e patruya a bin constata cu aki ta trata di un accidente
unda cu un vehiculo lo mester a drenta mondi despues di a kita pa evita un accidente cu un otro auto. Ambulans a presenta na e sitio y a atende cu e chauffeur na e sitio mes.
