Pagina 32
Diabierna 05 Juli 2013
MI KIER MIRA CASTIGO PISA PA UN PEDOFIL Ki dia E abusador sexual di menornan di edad un Pedofil lo haya su castigo mereci, cu ta un castigo minimo di cinco (5) aña di prizon? Den mi concepto ta un castigo pisa so por frena e abuso sexual di menornan di edad na Aruba. Unda derecho humano a keda, ora cu ta presenta dilanti corte di husticia cu un mucha a wordo abusa sexualmente pa un Pedofil? Un Pedofil ta drumi ariba e mucha su pecho of ariba su lomba, esey ta suficiente prueba y motibo pa sera un Pedofil y tira e yabi na lama. Esey ta significa tambe un abuso di marca mayor pa cu e menor di edad. E penetracion ey cu e mucha ta pasa aden ta hopi doloroso. E pedofil ey a destroza e mucha fisicamente y mentalmente y a traumatiz’e pa resto di su bida. Te ainda Gobierno y ningun otro instancia na Aruba, tampoco derecho humano a haci algo, na defensa di e muchanan cu a wordo sexualmente abusa pa un Pedofil. Si tin pensa pa pasa un ley unda cu lo bay permiti pa matrimonio di e mesun sexo na Aruba, cu lo ta hopi desastroso pa Aruba, anto e ley pa castiga un PEDOFIL cu minimo 5 aña di Prizon, lo mester pasa prome cu tur otro leynan. Matrimonio di E mesun sexo no ta un ley di prioridad pa Aruba, pasobra na Bevolking no tin hopi peticion pa e matrimonio di e mesun sexo, segun e Directora. Pero e necesidad pa un ley pa castiga tur pedofil, ladron, atracador, delinquente- y matonnan, ta un prioridad awor aki na Aruba. Minister Arthur Dowers y tur e 21 Parlamentarionan cambia ley pa caba prome cu eleccion. Manda E malhechornan prizon pa eyden rehabilita e malhechornan y siña nan pa no mata hende, mira y laga cosnan di hende para y purba na sacanan despues di a sinta nan castigo den prizon, pa despues nan por sali hendenan, cu lo no causa daño mas den nos comunidad. Mescos cu penetracion di un pedofil na un mucha ta haci hopi dolor. Castigo cu e burdugonan sinta den prizon lo haci nan hopi dolor. Ta bon pa cada politico bin padilanti, pa pueblo sa prome cu Eleccion cual ta e leynan cu lo haya prioridad pa Gobierno, ley di Abuso sexual, of e ley di matrimonio di E mesun sexo, cu tur Catolico- y Cristiannan ta condena severamente. Dios no a discrimina ningun di su yiunan, alcontrario Dios a siña nos stima bo prohimo mescos cu bo ta stima bo mes. Dios su mandamento ta, pa tur homber busca un EVA y multiplica pa rende mundo. Dios no a prohibi ningun homber di busca un muher. Ta cierto yiunan di Dios a rebelia y a bira lomba pa Dios y a escoge nan propio destino pa haci locual nan kier. Y porta di cas di Dios semper a keda hancho habri pa esnan cu a bira lomba pa Dios. Tur homber Dios a crea segun su semehanza. Dios a duna hende e mandamento pa sea ta fertil fructifero y pa multiplica. Dios a diseña matrimonio como un relacion hetero sexual… esta un solo partner homber y muher. Dios su plan ta ADAM y despues EVA pa nan dos bira uno y multiplica na mundo, Dios no a crea homber cu homber pa traha yiu y muher cu muher tampoco. Fertilidad ta existi solamente entre un homber y muher, segun Dios su mandamento, y a nombra e homber cabez di cas, mescos cu Dios ta cabez di mundo. Si dos dama casa cu otro, ta kende ta cabez di cas??? Si dos homber casa cu otro cual di nan dos ta cabez di cas??, Si nan logra haya un yiu pa adopta, cual di nan dos e yiu lo yama mama of papa? E yiu ey lo lanta un yiu tur bruha, ora e mucha ey bay school ki berguenza lo ta pa E bisa su amigonan cu E ta yiu di dos mama of dos homber. Segun bijbel, Dios ta condena tur acto inmoral na mundo. Ta pesey cu poder di DIOS lo bini castigonan pisa pa Pedofilnan na Aruba y cu nan lo haya nan castigo mereci. Pasobra un mucha ta debil fragil y indefenso pa e Abusador cu kier sacia su sed sexual cu un menor di edad. Mi ta exigi castigo pisa pa tur PEDOFILNAN na Aruba. Prizon ta nan unico SOLUCION. Mayoria di nos aki na Aruba a haya nos FE cu ta bini di RELIGION CATOLICO. LEY DI DIOS Y SU MANDAMENTONAN TEY PA RESPETA Y NO PA DESPRECIA. MIDI FORZA CU DIOS NO TIN PORDON DEN WOWO DI ESNAN CU STIMA DIOS DIOS MI DILANTI AMI SU TRAS NADA MALO LO PASA MI Hiacintha Thijsen Trimon, Savaneta 210-A , Tel 5847280