Diabierna Juli 27, 2012
Pagina 3
Na cruzada di Maria College:
Auto di Setar envolvi den boksmento
LOKE REALMENTE COMPLICENAN DEN DIALOGO SOCIAL TIN CU HACI STA. CRUZ -- Bao di e capa di Dialogo Social gobierno di Mike Eman ta trata na mina e derecho democratico di pueblo votador cu ningun momento a vota pa sindicato- y gremionan selecta door di e gobierno di AVP. Fuera di ta un berguenza grandi, e ta un falta di respet contra derecho di pueblo cu ningun dia a duna sindicato- y gremionan selecta e mandato pa bay sinta na mesa cu gobierno di Mike Eman, pa tuma decisionnan impactante den cartera di pueblo y cu consecuencianan grandi pa henter e pais. Despues di casi tres aña di un gobernacion malisimo y di locura grandi, awor cos a yega te hasta asina leu cu sindicatonan y gremionan selecta hunto
cu gobierno, ta bay pone cu pa por lo menos 1 luna largo pueblo ta sigui wordo castiga cu prijs halto di awa y coriente. Loke sindicatoy gremionan selecta of mihor bisa e complicenan di medida contra pueblo tin cu haci den e Dialogo Social ta, cu nan mester exigi di gobierno pa duna cuenta riba tur placa cu a wordo malgasta from day one te awe. Ya cu sindicato- y gremionan selecta a bay sinta riba e stoel di Parlamento y ta tuma decision cu ta afecta pueblo en genera, anto nan mester carga nan responsabilidad tambe pa exigi pa gobierno duna cuenta di placa cu a wordo malgasta cu viahamento, delegacion pa Brazil pa supuestamente laga pais Brazil haci tur su
export y import via Aruba, proyecto di Tram, cuanto esaki a costa y lo bay costa, Linear Park, Fly Aruba, Arubahuis, Bootje di Wubo y asina por sigui menciona un lista largo. Mientras e sindicato- y gremionan selecta door di gobierno den e supuesto Dialogo Social no exigi gobierno pa mustra cuenta di placa gasta, anto nan no por tin cuero di cara pa bay participa den mas medida contra pueblo pasobra e ora ey si oficialmente nan por wordo titula como complicenan di gobierno di Mike Eman contra pueblo di Aruba. Esta un berguenza cu te hasta cu awa pa pueblo bebe, boso ta haci maniobranan di desgracia un pueblo completo.
Hombernan despues di sali di Nightclub, ta causa consternacion
STA. CRUZ -- Diahuebs merdia Polis a bay na cruzada di Maria College caminda lo tin un boksmento. Aki Polis di Trafico a bin topa cu e accidente entre un pickup di Setar y un Suzuki Swift di Amigo Car Rental. Aparentemente e V-Car maneha pa turista, lo a subi e cruzada conoci
aki, sin sa cu e trafico di e caminda cu el’a subi tin preferencia. Asina aki e ta dal e auto na su banda. Ambos auto no por a core mas. Takelwagen di Papito a presenta basta liher na e sitio y a bay cu e auto di Setar di biaha. Otro takel -wagen mester a presenta pa hala e V-car tambe.
STA. CRUZ -- Dialuna madruga, polis a bay na haltura di highrise hotel, unda un grupo di homber lo ta causa destruccion y a maltrata un guardia. Polis a bay y no a topa cu ningun hende, pero ora cu nan a bay controla entre e dos hotelnan, nan a tende un kehamento y tambe un zonido. Nan a bay controla y a topa dos homber ta maltrata un guardia. Polis a detene e dos hombernan cu ta M.P.C. y S.A.C. tambe polis a mira cu nan a kibra glas di e auto A-16, pero e doño no tabata na e sitio. E guardia a bisa polis cu e dos hombernan a kibra e borchi di propaganda di
Gianni’s. Polis a detene e dos hombernan pa maltrato y destruccion. E homber M.P. tabatin un corta den su man y mester a bay poli pa cose. E homber J.M. kende ta e guardia a bay warda y ta duna su declaracion. El’a bisa polis cu un grupo di homber a sali for di un nightclub y tabata haci desorden. El’a bay pa atende nan riba e desorden, pero e momento ey el a sinti un sla duro tras di su garganta y el’a cay abao. El’a bisa cu un di e hombernan bisti cu T-shirt blanco largo blanco a dal cu su curpa contra e borchi y despues a dale borchi
cu su man y a kibre. Door di esey, el’a corta su man.Ora cu el’a bay pa papia cu e grupo,nan a cruza caya y a bay direccion pabao. E guardia a bay nan tras y entre e dos hotelnan el’a bay pa papia cunan, pero dos homber a cohe tene y nan a maltrat’e. Ora cu e tabata riba vloer, nan a lastr’e. El’a bisa polis cu el’a kere cu e lo ta bay muri, pero e momento ey, polisnan a yega y a detene e dos hombernan. El’a bisa cu tur su uniform a keda kibra y tambe el’a mira con e homber bisti cu T-shirt berde a coy un piedra y a dal glas di un auto kibra tambe a rasca un auto.