Pagina 17
Diabierna 26 April 2013
TV drama series nobo ta buscando actor STA. CRUZ -- TV drama series nobo ta buscando actorPa e TV drama series nobo y inovativo, “Upside Down”, Da Vinci Academy ta buscando ACTOR femenino y masculino entre 30 y
65 aña di edad. Esnan interesa por manda un e-mail na casting@ davinci-aruba.com y inclui nomber completo, edad, number di telefon y un potret. E ultimo dia pa reaciona ta diamars
30 di April. Upside Down ta bay marca historia como e prome TV drama series produci na Aruba. E ta un serie cu lo sigui e bida fictivo di 6 hoben, dirigi pa Hyro Oduber. E cast ta consisti di
studiantenan di Da Vinci Academy: e Young Actors Club. Na Januari nan a cuminsa cu un training pa asina ta bon prepara pa e produccion. Aki dos siman e prome filmacionnan lo bay tuma lugar. Esaki ta pa e prome parti, e “pilot”. Na luna di Augustus lo continua cu e filmacion di e otro partinan. E productor ehecutivo di e series ta Armand Simon y e crew ta bao guia di Omar Brown. Da Vinci Academy a lanza un facebook page pa Upside Down pa asina pueblo por keda na altura di e ultimo desaroyonan y noticia tocante e series: https://w w w.facebook. com/pages/UpsideDown/161247004030784