Diabierna Juli 22, 2011
Pagina 27
NOTICIA INTERNACIONAL
Asesino di Lindsay Hawker, Tatsuya Ichihashi encarcela pa bida largo
Brandon,Conventry= Un homber Japones a ser sentencia na cadena perpetuo den prison, pa e violacion y asesinato di un maestra di school Britanico, cu a ser haya morto den un baňero, yena cu santo, na 2007. Tatsuya Ichihashi di 32 aňa a admiti di a mata Lindsday Hawker di 22 aňa, for di Brandon Coventry, na su cas, banda di Tokio, pero a nenga su asesinato. E la admiti di a viola e maestra di Ingles, pero a bisa cu el’a purba reviv’e, despues di accidentalmente a sofok’e. E mayornan di Hawker a bisa cu nan ta sinti cu nan a haya husticia. Refiriendo na autoridadnan Japones, e tata a bisa:” Lindsay a stima Japon, y boso no a lague na caya”.
Tres persona acusa di asesinatonan di Amazona
Estado di Para,Brazil= Polis na Brazil a acusa tres persona pa e asesinato di un pareha prominente di activistanan ambiental, den Amazona, tres luna pasa. E campaňadornan a ser tira mata den un reserva forestal den e estado norte di Para. Polisnan a bisa cu e pareha tabata contra eviccion di trahadornan rural, for di tera di un campesino local, cu ta ser acusa di a regla e asesinatonan. E ambientalistanan, Jose Claudio Ribeiro da Silva y su esposa Maria do Espirito Santo Silva, a biba den e pueblo di Nova Ipixuna pa mas di 18 aňa.
Asesino di odio despues di 9/11, Mark Stroman a ser ehecuta na Texas
Avalancha na Nepal a mata trekker Hulandes y 11 otro persona
Kathmandu= Un trekker Hulandes a ser mata door di un avalancha na Nepal. Otro trekker y su guia a ser herida den e avalancha den e region di Langtang, nort-west di Kathmandu. E Hulandes ta e di 12 persona cu ta muri e siman aki den un serie di avalanchanan den e nacion montaňoso aki. Den un incidente, un mucha muher di 17 aňa a ser mata , ora cu su cas a ser dera den escombro pafor di e capital, segun AFP. Jobidanan pisa di monsoon, ta causa avalanchanan tur aňa na nepal.
Houston= Un asesino multiple, kende a cuminsa mata pa loco, despues di e atakenan di 9/11, matando dos persona, kende e la kere tabata Arabenan, a ser ehecuta den e estado Mericano di Texas. Mark Stroman di 41 aňa, a muri door di inyeccion letal, apesar di representacionnan di ultimo momento, door di su abogado na Corte Supremo Mericano. Den su simannan final, Stroman su peticion pa clemencia a ser apoya door di Rais Bhuiyan, kende tambe a ser tira, pero a sobrevivi. Sr. Bhuiyan a bisa cu matando Stroman no tabata e solucion. E ehecucion na e prison di Huntsville, a ser liheramente retarda, door di apelacionnan legal final, prome cu Stroman a ser hiba pa e kamber di morto. E la bisa:” Apesar cu mi ta riba caminda di ehecucion, algun seconde prome cu mi morto, mi ta den paz total”, e la bisa. “God Bless America. Dios bendicióna tur hende”, Laga nos termina cu e maldito cos aki”, e la bisa. Papiando na BBC, prome cu Stroman su ehecucion, Bhuiyan di 37 aňa a bisa cu Stroman tabata culpabel di “crimen di odio”, pero a adverti cu su morto lo no logra nada.”Simplemente nos ta perde un otro bida”, e la bisa.