BINKE 110 abendua 2025

110. zenbakia • 2025eko abendua

IBON NEGREIRA ETA OIER CACHO BIOK TALDEA

«Eszenatokietara bueltatzeko irrikitan gaude» o

IBON NEGREIRA ETA OIER CACHO BIOK TALDEA

«Usansolotartzat dugu taldea oso ondo hartu gaituen herria izan delako beti» TESTUA: IRATI ALONSO GARCÍA ARGAZKIAK: JON GOMEZ GARAI ETA JAVI SIMARRO

H

amar urte pasatxoko isilunearen ostean, oholtzetako ikuskizunetara itzuliko da Biok metalcore musika taldea. Taldea Galdakaon sortu zen 1999. urtean eta metal munduan talde ezaguna izan zen, urtero hamaika kontzertu eskainiz. Horien artean nabarmentzekoak dira esaterako Bilbao BBK Live, Lanzadera Sur eta Festimad jaialdietan eskainitakoak edo 2009an Galdakaoko Ibilaldiarentzat sortutako kantua. Urtarrilean bueltatuko da taldea oholtzetara eta kontzertuaren atarian Ibon Negreira abeslariarekin eta Oier Cacho bateria-jotzaile berriarekin hitz egin dugu taldeak entseguak egiten dituen lokalean, Usansolon.

Hamar urte baino gehiago igaro dira Gernikako Astra aretoan eskaini zenuten azken kontzertutik. Zergatik erabaki duzue oholtzetara bueltatzeko unea orain dela? Ibon Negreira (IN): Kontzertuak emateari utzi genionetik gure asmoa noizbait bueltatzea zen, horregatik, astero entseguak egiten jarraitu dugu urte guzti hauetan, emanaldirik eskaini ez arren. Orain bi kide berri ditugu eta taldean urte gehiago daramatzagunok pentsatu dugu kide berriek merezi dutela sartu zirenetik lau urte hauetan egindako lana eszenatokietara eramatea. Denbora daroagu ideia horretan pentsatzen baina Oier eta Luis prest daudela sentitu arte itxaron dugu. Gure lehentasuna haiek seguru sentitzea izan da beti, baina momentu egokia orain zela adostu genuen denon artean. Familia bat gara, eta familia bat

2 abendua 2025 Binke!

moduan hartzen ditugu erabakiak.

Kontzerturik gabeko hamar urte hauetan, asteroastero egin dituzue entseguak? IN: Astero-astero agian ez, jajajaj! Baina hilabetero baietz esan dezakegu. Lehen azaldu dudandez, gure asmoa beti izan da oholtzetara bueltatzea eta asmo hori atzean ez uzteko entseguekin jarraitzea ezinbestekoa izan da taldearentzat. Oier Cacho (OC): Ni duela lau urte inguru sartu nintzen Bioken eta ordutik azpimarratu dezakeedana taldeak duen indarra eta jarraitutasuna dira.

Mirestekoa da hainbeste urteren ostean gogo horiekin jarraitzea, batez ere beteranoek.

Oholtzetara bueltatzeko erabakia hartu zenutenetik, aldatu da entseguen erritmoa? IN: Noski. Azkenean ez da berdina jarraitutasun bat mantentzeko entseatzea edo kontzertu bat emateko egiten duzunean. Setlist-a erabaki genuen eta hori da behin eta berriz jotzen duguna orain. OC: Nire kasuan, fisikoki ere somatu dut, jajajaja! Talde honetan bateria jotzeak erritmo bizia eta batez ere indarrez beterikoa eskatzen du, eta buruaz gain, gorputzak ere hori somatzen du!

Zenbat kontzertu programatuta dituzue oraingoz? BIEK: Ba momentuz bat, urtarrilaren 30ean Bilboko Santana 27 aretoan. Rise To Fall taldearekin batera arituko gara eta gogo itzelekin gaude, irrikitan. Lagunak dira eta dagoeneko jende askok esan digu sarrerak erosi dituela eta gogo handiekin dagoela Biok berriz zuzenean ikusteko. Gu egia esan ume txikien moduan gaude data itxaroten, oso momentu berezia izango delako taldeko beteranoentzat eta baita berrientzat

Oier Cacho 1986, Igorre

Ibon Negreira 1977, Galdakao

Igorren egin zituen oinarrizko ikasketak eta ostean bateria jotzen ibili da han eta hemen.

Hollowborn eta Alerta taldeetan aritu da eta Bioken duela lau urte hasi zen, Imanol Landaren ordez.

Galdakaon egin zituen oinarrizko ikasketak , ondoren Elektrizitateko Lanbide Heziketa Zikloa ikasi zuen eta elektrikaria da lanbidez. Biok taldeko abeslaria da eta sortzaileetako bat izan zen, 1999. urtean.

ere, batera joko dugun lehenengo aldia izango delako. Jendea etortzera animatzen dugu, oso zuzeneko bortitza eta erritmo handikoa eskainiko dugu! Sarrerak eskuragai daude Negufest jaialdiaren webgunean.

Kontzertu bakarra lotuta izan arren, gehiago eskaintzeko asmoa duzue? BIEK: Noski! Kontziente gara denbora asko igaro dela eta publikoak beste talde batzuk kontsumitzeko ohitura hartu duela, beraz, ez ditugu antzina egiten genuen moduan urtean 40-50 kontzertu eskainiko.

Baina biratxo bat egitea gustatuko litzaiguke, gure betiko zaleei berriz ere gure energia eskaintzeko eta nola ez, publiko berriari heltzeko. Metala gustoko duen jende gaztea ere egongo da hortik, jajaja!

Formakuntza berriarekin eskainiko dituzue kontzertuak. Nola heldu ziren Oier Cacho bateriajolea eta Luis Baranda baxujolea Biokera? OC: Nire kasuan lagun baten bitartez izan zen. Ni beste talde batzuetan aritu naiz aurretik eta Biok bateria-jotzaile baten bila zebilela esan zidaten. Taldekideak ezagutzera etorri nintzen, jotzen hasi ginen eta gainontzeko bidea oso naturala izan da ordutik.

Hori bai, pixkat bat kostatu zait abestiak ikastea. Baina lortu dut! IN: Luis Barandaren kasua aldiz, oso berezia izan da. Gure zalea zen eta kontzertuetara etortzen zen. Horietako batean gurera gerturatu zen bideoak egiten zituela azaltzera, eta esan genion ea zergatik ez zetorren egun batean taldearen kantaren batekin bideoklip bat egitera. Eta hala izan zen.

Gure bideoak, Interneten ikusgai daudenak, berak egin ditu.

Binke! abendua 2025 3

4 abendua 2025 Binke!

ELKARRIZKETA IBON NEGREIRA ETA OIER CACHO

Urtarrilaren 30ean Bilbon eskainiko dugu aro berri honetako lehen kontzertua

Kontzertuak eman gabe egon arren, ez diogu inoiz entseatzeari utzi

Bideoen ostean harremana hobetzen joan zen eta baxua jotzen zuen norbait behar izan genuenean berari esan genion animatzeko, instrumentua jotzen zuelako. Hasieran harrituta geratu zen baina tira, entseguak hasi zituen eta gaur arte, kontzertu bat emateko aste gutxietara dagoela! Bizitzak horrelako bueltak ematen ditu batzuetan.

kontzertuak eskaintzen genituenean ez genekien nongoa zen publikoa, gehienetan ez zituztelako gure kantak abesten eta kontzertu horretan asko euskaldunak zirela konturatu ginen bat-batean Txoriak Txori kantatzen hasi zirenean. Asko hunkitu ginduen publiko gehiena batera kanta tradizional hori abesten hastea, oso polita izan zen. Eta horrelako momentu polit eta dibertigarri asko zerrendatu ditzakegu.

Etxean, Galdakaon eta Usansolon, eskainitako kontzertuak ere oso bereziak izan dira beti, lagunak eta familia izan direlako publikoan. Oro har, zorte handia izan dugu gure ibilbidean zehar, eta orain eskainiko ditugun emanaldietan ere publikoaren babesa jasotzea espero dugu.

Taldearen hiru diskoetako abestiekin itzuliko zarete agertokietara. Originalak joko dituzue edo konponketak egin dituzue? BIEK: Antzina egiten genuen zuzenekora nahiko fidelak izango gara, egia esan. Ezin daiteke esan berdin-berdina izango denik, batez ere guk hamar urte gehiago ditugulako, baina diskoetako kanta originalak joko ditugu zuzenekoan. Asko gozatzeko kontzertuak izango dira, guretzat eta batez ere publikoarentzat. Azken finean, guk publikoarentzat jotzen dugu, hori baita zuzenekoen arima.

Zein da zuzenean jotzeko gogo handiena duzuen abestia? IN: Nik tirokatu nuen abestia esango nuke, batez ere publikoarengatik. Jendeak asko disfrutatzen duen abestia da, oso kañeroa delako. Guk publikoaren erantzuna ikusita asko gozatzen dugun kanta da. Hala ere, nik pertsonalki sentitzen dudan abesti bat aipatu behar dut: Itzalpean. Oso berezia da eta sentimendu handiz kantatzen dut. OC: Nire kasuan ere Nik tirokatu nuen jotzean publikoak izango duen erantzuna ikusteko irrikitan nago, baina Dekoratuari erantsiak abestia jotzen ere asko disfrutatzen dut.

Zure kasuan, Ibon, asko zaindu beharko duzu ahotsa kontzertuetara eztarria mindu gabe heltzeko. Trukoren bat duzu? IN: Ez, jajajaja! Nire kabuz ikasi dut kantatzen eta teknika kontua dela esan ahal nizuke, baina gezurra litzateke.

Praktikatzen eta praktikatzen ikasi dut nire soinua aurkitu arte eta hainbeste urte daramatzadanez, natural ateratzen zait. Ez dut ezer berezirik egiten eztarria zaintzeko, zorte handia daukat zentzu horretan. Baten batek brometan esan dit hanburgesa asko jateagatik dudala ahots hori, jajajajaja!

Gure herriak aipatu dituzuela, zergatik hartzen duzue taldea usansolotartzat kideetako bi galdakoztarrak izanda? BIEK: Entsegu lokala Usansolon dugulako eta batez ere herriak oso ondo hartu gaituelako beti. Kontzertuak ematea eskaini digute askotan eta laguntzeko prest izan dira beti. Babes handia sentitu dugu beti usansolotarren aldetik eta hori eskertzekoa da, benetan.

Oholtzetara bueltatuko zinetela iragartzean musika berria kaleratzea «aurrerago» aztertuko duzuela azaldu zenuten. Zerbait aurreratzerik duzue horren inguruan?

BIEK: Ba egia esan ez. Asmoa hor dago, baina Bioken familia bat bezala funtzionatzen dugu eta ez diogu gure buruari epe finkorik jartzen. Sorkuntza prozesu horretan murgilduta gaude, soinuak frogatzen eta gauzak lotzen, baina oraindik ez daukagu askorik. Gure erritmora egin nahi ditugu gauzak.

Orain kontzertuak lotzen gaude, eta gero etorriko dira gerokoak, presa barik. •

Entzun Biok taldearen musika, hemen:

Metal munduan talde nahiko ezaguna izan zen Biok eta urtero hamaika kontzertu eskaintzen zenituzten.

Zuentzat berezia izandako baten bat gogoratzen duzu, Ibon? IN: Ba asko etortzen zaizkit burura baina adibidez Madrilen antolatzen zen En Vivo jaialdian eman genuen kontzertu bat gogoratzen dut. Euskal Herritik kanpo Binke! abendua 2025 5

Aginke!

Errealitatetik hurbilegi dauden albiste faltsuak

o «Santo Tomasetak a taloarekin txistorr banatzeak Madrilgo politikariak erakartzen ditu» PATAKON dekonari emon Dekonari kendu, ez

Ba al zenekien...

Galdakao Kantarik aurten Mi burrito sabanero abesti arrakastatsua bere kanten zerre ndan sartuko duela?

365

365 egunen ondo ren, Gabonetan bakarrik erabiltzen den bankuan oparitutako baxe ra trasterotik ateratzeko ordua iritsi da.

Txiste txarra ...

— Galtzerdi deitzen hasi jataz — Zergaitik? lako.

— Bikoterik aurkitzen ez doda

Hauek dira Gabonetako postureorako gakoak

Gabonak postureoan pasa nahi badi tuzu, gogoratu: urtean zehar ia agurtzen ez duzun jendeare kin Gabon Zaharreko poteoan hitz egin, gustatzen ez zaizu n arren mariskoa erosi eta batez ere, Pedrocheren outfit-a kotil leatu kanpaikadak ETBn ikusten dituzula ziurtatu arren.

Urteberriko kartak eta bingoa, Ticketbai-rekin

Urtarrilaren 1eko bazkalostean ohik oak dira familia giroan egiten diren karta joko edota bing o jolasak. Apustuan jartzen den dirua deklaratzen ez denez, Jaurlaritzak Ticketbai sistema martxan jarri nahi du, errenta aitorpenean irabaziak desgrabatu ahal izateko.

Eskola Agenda 2030 desifratze prozesuan

Galdakaoko ikasleak Udalarekin harr emanetan egon dira Agenda 2030 ekimenari esker. Ikasl eek zazpi proposamen idatzi dituzte baina emotikono eta laburdur a asko daudenez, Udala testua deszifratzen hasi da neurriak aztertu aurretik.

6 abendua 2025 Binke!

Hilabete honetako sarituak

Azaroko saridunak

Oskar Armentia Sagarna Nerea Pereda Marias

Maipi Agirre eta Aurkene Jauregi Edurne Espilla zinegotziarekin, 'Kanpora sartzen' obraz gozatzeko oparitutako bina sarrerak jasotzeko unean.

Maluta zirku galaz gozatzeko bina sarrera irabazi dituzte. Zorionak!

Zuk ere Binkekide izan gura dozu?

Eman zure babesa urteko

39 €

ordainduta

Oraindik Binkekide ez bazara, eta neurri honetako lehenengo komunikabide euskalduna babestu eta sustatu gura badozu, hauek dozuz horretarako bideak:

1. Bete beheko formulario hau, eskaneatu edo atera argazki bat eta bidali e-postaz: info@binke.eus

2. Bete formularioa, moztu, eta utzi gutunazal baten, Binke izenarekin Torrezabal Kultur Etxeko atezainaren leihatilan.

3. Eskaneatu zure

IZEN-ABIZENAK:

mugikorraren QR irakurgailuarekin beheko kodea eta bete formularioa!

HELBIDEA:

TELEFONOA:

NORTASUN AGIRIA:

E-POSTA: IBAN

ENTITATEA

BULEGOA

K.Z.

KONTU ZENBAKIA

KONTU KORRONTEA:

Binke! abendua 2025 7

Urtzi Otaegi Krutxaga

«Gabonetako jaiotzen piezak eskuz sortzea gustatzen zait» TESTUA ETA ARGAZKIA: IRATI ALONSO GARCÍA

Gabonetako jaiotzen zale amorratua da Urtzi Otaegi galdakoztarra. Iaz, 12 urterekin, Bizkaiko Belenisten Elkarteak urtero antolatu ohi duen lehiaketa irabazi zuen.

Berarekin hitz egin du BINKEk zaletasun bitxi horren inguruan.

T

xikitan hasi zen Urtzi Otaegi galdakoztarra Gabonetako jaiotzak egiten, aitite eta amamaren etxean.

Hamaika egin ditu ordutik eta piezak eskuz sortzea gustatzen zaizkio. Iaz, 12 urterekin, Bizkaiko Belenisten Elkarteak urtero antolatu ohi duen lehiaketa irabazi zuen. Gaztetxoarekin hitz egin dugu, zaletasun bitxi honen inguruan gehiago ezagutzeko asmoz.

Noiz hasi zinen Gabonetako jaiotzak egiten? Nire aitite eta amamaren etxean hasi nintzen, txikia nintzenean.

Gabonetako jaiotza txiki bat jartzen zuten eta ni atzetik joaten nintzen pieza guztiak mugitzen.

Ordutik hainbat Gabonetako jaiotza egin dituzu.

Zuk egiten dituzu piezak edo erosten dituzu? Nik sortzen ditut. Asko gustatzen zait gauzak sortzea. Txikitan buztinarekin eta kartoiarekin egiten nituen belenak eta orain kortsoa eta 3D impresora erabiltzen ditut. Hala ere, oporretan noanean asko gustatzen zait ere noan lekuan figuraren bat erostea. Halaber, senide eta lagunek pieza berriak oparitzen dizkidate.

Zein da Gabonetako jaiotzaren zatirik politena zuretzat? Nire zatirik gustokoena jaiotza bera da.

Zer izan behar du bai ala bai belen polit batek? Nire ustez, belen polit batek bai ala bai ura, argia… izan behar ditu.

8 abendua 2025 Binke!

Bizkaiko belenen saria irabazi zenuen pasa den urtean. Zelan hartu zenuen saria? Ba oso gustora hartu nuen saria.

Elkarteko guztiek oso ondo tratatu ninduten, oso jatorrak dira denak.

Lehiaketa horretan jaiotza eder asko ikusi zenituen, seguru. Baina, non ikusi duzu zure bizitzako Gabonetako jaiotzarik politena? Ez dakit esaten politena zein izan den. Oso politak daude estatu mailan eta Napolitanoak ere oso bitxiak dira, baina asko gustatu zait aurtengo Bizkaiko elkartearen erakusketa.

Galdakaon ere oso jaiotza harrigarriak ikusteko aukera genuen iaz arte, Txomin Bustinzaren eskutik. Zer iruditzen zitzaizkizun haren obrak?

Txomin Bustinzaren obrak harrigarriak ziren, oso gustoko nuen Bizkaiko baserriekin egiten zituen lanak. • Binke! abendua 2025 9

Gangurenek 80 urte ARGAZKIAK: ANDER ELORDUI / ARGAZKI GUZTIAK: BINKE.EUS

10 abendua 2025 Binke!

Binke! abendua 2025 11

Gure berbaz

MANU ETXEBARRIA AYESTA

Gabon kantak

N

eguko solstizioa ospakizun handia izan da gurean, kristau aurretik eta batez be ostean.Gabonetako abesti ugari daukaguz, batzuk paganoak eta gehienak Jesusen jaiotzaren ingurukoak, abestion letrak ikustea baino ez dago.

Gaurkoan Olentzeroren abestia aipatu eta azalduko dogu.

Hiru zati daukaz abestiak.

Lehenengoan Olentzero izenez ezagutzen dogun jentilak Jesusen jaiotzaren barri dakarsku. Bigarren zatian Olentzero eserita dago jan-edanean. Hirugarrenean Olentzero buruhandi eta edale lez dager. Jatorrizko abestia Lesaka inguruan jasoa ei da eta urteeen porasuz aldaketak izan ditu. Bi aipatuko doguz.

Bata, aspaldikoa. Hirugarren zatian «entendimentuz jantzia» zabaldu da, beharbada, Olentzero azken jentil misiolaria izan zalako, baina jatorrizko letran «entendimentu gabia» (bakoa) dator. Zergaitik? Ba, bost arroago zahagi-ardoa edan ebalako. Bestea, lehen zatiko «Jesus jaio dela» barik «negua heldu dela» be kantatzen da kristau kutsua paganizatzekoedo. Baina abestiak errespetatu behar litzatekez, sinismendunak izan edo ez. Iturrira jo behar da edozein arlotan. Lekudenboretako letra aldaketak ez dira ez egokienak historia zehatza egiteko. Binke!

12 abendua 2025 Binke!

Barikupasa, bide egiten ari den ekimena

A

urten aldaketa sakonak egin dira ekimenean guraso edo tutoreen eta haurren euskara erabilera sustatze aldera: gurasoen derrigorrezko parte hartzea, familien aurretiazko izen-ematea, gurasoen euskara ezagutzaren eta erabileraren datuen bilketa… Datorren urtera begira jarri dira Bagabiz Elkartea eta Galdakaoko Udala eta urtarrilaren 30ean, otsailaren eta martxoaren 27an izango dira urteko lehen hiru saioak.

Barikupasa ekimena ez da jolaserako espazio hutsa, familia bidezko euskararen transmisioan eragin nahi duen ekimena da. Transmisioak bi noranzko ditu: goiti behera, hizkuntza ezagutza gurasoetatik haurretara transmitituz; behitik gora, umeen ikasketa prozesua baliatuta gurasoek ere hizkuntzaren oinarrizko ezagutzak jasoz.

Barikupasa Bagabiz Euskara Elkarteak eta Galdakaoko Udalak jarri zuten martxan duela hiru urte. Ikasturteak irauten duen hilabeteetan burutzen da, beste ekitaldi jendetsurik tokatzen ez bada, azken ostiralean.

Ordubetez elkarrekin jolasean aritzen dira tutoreak edo gurasoak eta haurrak, helduen eta txikien hizkuntza ohituretan eragin nahi baita. Hilero gai bat lantzen da, eta euskaraz elkarrizketak bideratzeko jolasak izan ohi dira. Azken bi hilabeteetan Gau Beltza eta Erromeria landu dira.

Formatua mantendu arren zenbait aldaketa gehitu dituzte azken urtean zehar: aurrez eman behar da izena, hartara, jolasa behar bezala antolatzeaz gain parte hartuko duten familien hizkuntza ohiturak ezagutzeko aukera izaten du antolakuntzak; bestalde, aurrez aipatutako arrazoiengatik gurasoak edo tutoreak ekimenean parte hartuko du, hizkuntza ohiturak aldatzea familian elkarrekin egin beharreko gauza delako. Doakoa da izen ematea baina ahalegina eskatzen zaie edizio bakoitzean parte hartzen duten 40 familiei.

Galdakaoko Udalak eta Bagabiz Elkarteak ez dituzte xehetasunak eman, baina aurreratuta daukate urteko lehen hiru saioen antolakuntza eta produkzioa. Urtarrilaren 30ean, otsailaren 27an eta martxoaren 27an -Aste Santuko oporrak hasten diren egunean- izango dira lehen hiru saioak. Apirilean eta maiatzean izango dira hurrengoak, udako oporren aurreko azkenak. Ekainean ez da saiorik burutuko.

Barikupasak gai konkretuak lantzen ditu hilero, haurrengandik eta gurasoengandik jasotakoak. Beraz, inork Barikupasan lantzeko moduko gairen bat izanez gero gustura asko jasoko dugu proposamena hezkuntza-euskara@galdakao.eus helbide elektronikoan.

Urtarrilaren erdira aldera zabalduko dugu hurrengo saioaren informazioa, adi egon!

Informazio gehiago: hezkuntza-euskara@galdakao.eus • 944010540

Ekonomia

Galdakaok 47,6 milioi euroko aurrekontua izango du 2026an TESTUA ETA ARGAZKIA:

IRATI ALONSO GARCÍA

Datorren urteko aurrekontua aurkeztu du Galdakaoko Udal Gobernuak, 47.607.053 eurokoa hain zuzen, aurtengoa baino %3,08 txikiagoa.

Zerbitzuek izango dute lehentasuna eta hemen batu ditugu xehetasunak.

E

H Bilduk, Auzoakek eta Usansolo Herriak osatutako Galdakaoko Udal Gobernuak aurkeztu du dagoeneko 2026rako aurrekontua.

Xehetasunak Edurne Espilla jarduneko alkateak eta Alberto Ealo Ogasun zinegotziak eman zituzten udaletxeko pleno aretoan egindako agerraldian eta hitzorduan Usansolo Herria plataformako Iñaki Urgoitik eta Auzoakeko Toño Gonzalezek ere parte hartu zuten.

Zerbitzuak, lehentasuna berriz ere. Ealok azaldu zuenez, 47.607.053 eurokoa izango da datorren urteko aurrekontua, aurtengoa baino %3,08 txikiagoa. Murrizketa horren arrazoi nagusiak bi dira: Usansolori gero eta zerbitzu gutxiago eskaintzea eta mailegu gisako pasibo finantziarioen desagerpena.

«Usansolok oraindik bere kabuz eskaini ezin dituen zerbitzuak eskaintzen jarraitzen ditu Galdakaok, baina gero eta gutxiago dira. Beraz, horretarako bideratutako gastua eta trukean Usansoloko Udalak Galdakaokoari ordaintzen dion kopurua murrizten doa», adierazi zuen Ogasun zinegotziak. Maileguaren desagerpenaren inguruan berriz, Udal Gobernuarentzat «oso garrantzitsua» dela nabarmendu zuen.

Galdakaoko Udaleko ordezkariek adierazi zutenez, lau eremutan banatuko da aurrekontuaren kopuru osoa: zerbitzuak (%54), giza baliabideak (%29), inbertsioak (%10) eta dirulaguntzak (%7).

Inbertsio nagusiak. Hortaz, zerbitzuek izango dute lehentasuna aurreko urteetan bezala eta atal horren baitan Urreta kiroldegia handitzeko proiektua aipatu zuen Espillak: «Udazkenerako zerbitzu osoago eta zabalago bat eskaintzea da asmoa». Galdakaoko kaleak txukun mantentzeko helburua ere azpimarratu zuen jarduneko alkateak, eta horretarako 6,4 milioi euro bideratuko dituztela azaldu zuen.

Inbertsioei dagokienez, «ikusezinak diren baina

auzoetarako ezinbestekoak diren» saneamenduak eta ur hornidura aipatu zituzten udal ordezkariek, eta baita Urretan haurreskola berria martxan jartzeko bideratutako kopurua, 500.000 eurokoa.

Halaber, Emakumeen Etxearen proiektua nabarmendu zuten agerraldian. «Datorren urtean hasiko dira obrak eta 1,6 milioi euro bideratuko ditugu horretarako. Prozesu luzea izan da proiektua martxan jarri zenetik, emakumeek euren etxea nola izango den erabakitzea nahi izan dugulako», azaldu zuen Espillak.

Azkenik, dirulaguntzen atalean hiru mota ezberdindu zituzten Udal Gobernutik: elkarteei zuzendutakoak, ekonomia sustatzeko zuzendutakoak eta pertsonei zuzendutakoak. Azken horien inguruan, progesibitatea aplikatzen jarraituko dutela nabarmendu zuen Espillak, «gutxien dutenek gehien jaso dezaten».

Udalbatzak onartutako kopurua.

Galdakaoko udalbatzak Udal Gobernuak aurkeztutako aurrekontu hori onartu zuen gobernuko taldeen —EH Bildu, Auzoak eta Usansolo Herria— aldeko botoekin, eta oposizioaren —EAJ-PNV eta PSE-EE— kontrakoekin. Jeltzaleek ez zuten emendakinik aurkeztu, baina adierazi zuten «ezin ditugula iazko aurrekontuak gutxietsi dituen gobernuaren aurrekontu berriak babestu». PSE-EEk aldiz, zortzi emendakin aurkeztu zituen —onartu ez zirenak— milioi bat euro ingurukoak, «ekipamenduak, zerbitzuak eta azpiegiturak hobetzeko, auzoetako bizimodua errazteko eta trantsizio ekologikoa bultzatzeko».

Binke! abendua 2025 13

Quorumek 25 urte

«Merkatua duela 25 urte baino sofistikatuagoa eta lehiakorragoa da» TESTUA ETA ARGAZKIA: IRATI ALONSO GARCÍA

Galdakaon sortu zen duela 25 urte Quorum etxe-agentzia, burbuila ekonomikoaren hedapen-zikloaren hasieran.

Familia-ekimen gisa jaio zen eta gaur egun zortzi egoitza ditu Bizkaian zehar.

Enpresaren arduradunekin hitz egin du BINKEk, horren ibilbidearen eta merkatuaren inguruan gehiago ezagutzeko.

R

oberto Serranok bultzatutako familiaekimen gisa sortu zen Quorum etxeagentzia, bost pertsonen eskutik.

Ordutik 25 urte igaro dira, eta hamaika aldaketa jaso ditu enpresak, merkatua bera aldatzen joan zen heinean. Hain zuzen, garapen horren inguruan hitz egin dugu arduradunekin.

Nola garatu da enpresa duela 25 urte sortu zenetik?

Quorum duela 25 urte sortu zen Galdakaon, Roberto Serranok bultzatutako familia-ekimen gisa, ikuspegi bera zuten bost pertsonako talde txiki batekin. Urte bereko abenduan bigarren bulegoa inauguratu genuen Arrigorriagan, eta ereduak funtzionatzen zuela berretsi genuen: hurbiltasuna, profesionaltasuna eta arreta pertsonalizatua. Hasieratik jakin genuen hazkundearen benetako motorra pertsonak izango zirela: etxebizitza transakzio bat baino askoz gehiago dela ulertzen duten profesional konprometituak. 2002an, Usansoloko obra berrien lehen promozioa merkaturatzen hasi ginen, eta 2003an, Basauriko bulegoa ireki genuenean, presentzia handitu genuen, bigarren eskuko merkatuaren dinamismo handiko une batean. Hedapenak aurrera egin zuen hurrengo urteetan zehar eta gaur egun ia 50 profesional espezializatuko taldea gara, eta egunero-egunero lan egiten dugu higiezinen arloko aholkularitza integrala, zorrotza eta hurbila eskaintzeko.

Eta merkatua, nola aldatu da ordutik?

Quorum sortu zenean merkatua oso ezberdina zen.

14 abendua 2025 Binke!

Quorumen Galdakaoko egoitzaren langileak.

Burbuilaren aurreko hedapen-zikloaren hasieran zegoen, igotzen hasiak ziren prezioekin, baina handik urte gutxira iritsiko ziren tentsiorik gabe. Etxebizitza nahiko eskuragarria zen erdiko klasearentzat, batez ere Bilbotik, Donostiatik eta metropoli-eremu finkatuenetatik kanpo. Merkatua xumeagoa zen, tokikoa eta etxebizitza etxe gisa bideratua; gaur egungo agertokiaren oso bestelakoa, askoz sofistikatuagoa eta lehiakorragoa dena. Merkatu horretan ikasi zuen Quorumek hurbiltasunetik lan egiten: tratu pertsonalizatuarekin, eragiketa bakoitzaren azterketa zehatzarekin eta jabetzako etxebizitza baterako lehen urratsa ematen zuten bezeroei benetako laguntzarekin.

Galdakaon gero eta merkataritza-lokal gehiago daude hutsik, zein da arazoa? Faktore nagusia kontsumoohituren eraldaketa da: hurbileko merkataritzak pisua galdu du denda handien aldean eta, batez ere, online denden aldean. Aldaketa horri bilakaera demografikoa gehitu behar zaio. Galdakaon biztanle kopurua mantentzen da, baina biztanleria zaharragoa da, kontsumo egonkorrean eta oinarrizko beharretan zentratzen dena. Funtsezko beste elementu bat alokairu-prezioen eta merkatuaren errealitatearen arteko desoreka da. Jabe askok jada existitzen ez den testuinguru baterako pentsatutako errentei eusten diete, eta horrek zaildu egiten du marjina estuagoak dituzten ekintzaile berriak sartzea. Lokal hutsen

inguruan galdetu baino gehiago, sakoneko arazoaren inguruan hausnartu behar dugu: nolako negozioak behar ditu gaur egun Galdakaok bere bizitza aktibatzeko?

Etxebizitza gero eta arazo handiagoa da gazteentzat eta ez hain gazteentzat. Zein da etxebizitzaren egoera gaur egun Euskal Autonomia Ekirdegoan? Etxebizitza eskuratzea Euskadiko gazteen eta familia berrien kezka nagusietako bat bihurtu da. Ez gaude merkatuaren krisi baten aurrean, baizik eta eskaera handiko fase baten aurrean, bizitzeko, lan egiteko eta bizi-proiektu bat eraikitzeko oso erakargarria den lurralde batean. Hain zuzen ere, erakargarritasun horrek azaltzen du gaur egun etxebizitzasektoreak jasaten duen presioaren zati handi bat.

Eta Galdakaon? Galdakao, gaur egun, metropoli-eremuko aukera orekatuenetako bat da: Bilborekiko lotura ona, zerbitzu asko, familia-ingurunea eta prezio irisgarriagoak ditu. Bigarren eskuko etxebizitza da nagusi, askotan egokiena dena familia gazteentzat, eskaera iraunkorra eta obra berri gutxi dituztenentzat, eta horrek etxebizitza eraberrituetan edo erdi-berrietan biltzen du interesa.

Quorumetik, hemen jaio ginenetik, Galdakao ikusten jarraitzen dugu bikote gazte batek erosketa errealismoz plantea dezakeen udalerri gisa, arrazoizko kostua eta bizikalitatea konbinatuz. • Binke! abendua 2025 15

Usansoloko jaiak ARGAZKIAK: ANDER ELORDUI / ARGAZKI GUZTIAK: BINKE.EUS

16 abendua 2025 Binke!

Binke! abendua 2025 17

Gabon gaua salbu igaro daigun AINARA GARCÍA GOITIANDIA

Z

ein garai politte, Gabonak. Bere argiekaz, opariek, familia, lagunek, oporrak eta topera piztutako tximiniak.

Bitartean, erromesen munduan, hau da, emakumeon munduan… gabonetako argiek ez dekie dirdir bardine. Emakumeok, belo baten bidez ikusten doguz gabonak, gure irribarrea itxuragabetzen dauen beloa. Gehiegizko lan-karga, gizarte-presioa, depresioa, lortu ezin diren helburuak, baliozkotzeko beharra, bakardadea, atseginaren legea betetea, mine eta beldurre dire gehienetan bizi izaten dogun errealidadearen B aldea, alde ikustezina.

Ba al zenekien urria eta azaroan emakumeen tratamendu estetikoak % 30 igoten direla? Gajoak… gure gorpua aldatzen dogu generoari buruzko agindu fisikoak betetako. Benga, familia guztiantzako opariek erosi doguz, geure buruari ere erosi diogu bikotekideak egin behar zigun oparie, janarie bebai, edarie ez dadile falta, nor zan alergikoa? Etxea apaindu, arbola ifini eta platerrak prestatu doguz, JOSE INAZIO BASTERRETXEA POLO kolore gorria politte da eta kandela zuri pare bat pinaburu batzuekaz… buah txabal, familiak flipeko dau. Ezpanak egin doguz, botox pixka bat, eta ateak bezala margoztuta goaz, kilo bat lentejuelagaz lepo.

Eta danak ixildu egingo dire.

Ba al zenekien Gabonetan indarkeria matxista areagotzen dela eta feminizidioak igoten direla? koinatuaren koinatukeriak aguantetan doguzen bitartean, gure bortxatzailearen alboan eseriko gara edo ubelduak makillajeagaz ezkutatuko doguz, familiak jakin ez dezan, badakizue. Baina guk badakigu, mahaian dauzen guztiak dakie, eta danak ixildu egingo dire. Gehienetan gure borreroarekin paseko doguz gabonetako jaiek, eta danak ixildu egingo dire.

Ba al zenekien kalean egiten diren gabonetako jaietan indarkeria matxista areagotzen dela?

Gabonetako afarietara joango gara, Santo Tomasera, Eguberrian edo Gau zaharrean kalera urten egingo gara, fiestan, agian Erregetan bebai, monarkiaren 18 abendua 2025 Binke!

Zokoratutako berbak

Ba al zenekien urria eta azaroan emakumeen tratamendu estetikoak %30 igotzen direla?

Erretratuak morroien asuntuek. Kaleak gureak ere badirela diñorie, emakumeonak, baina ez hainbeste.

Beharbada tabernaren baten edo etxerako bueltan, gizonen batek bortxatu egingo gaitu, jipoitu edo iraindu. Eta danak ixildu egingo dire.

Egin irribarre eta beloa mantenidu tinko zure bihotzean, Gabonak dire eta.

Hator hator, mutil, mozkor, etxera, amak edo ahiztak prestatutako gaztaina ximelak jatera, gabon gaua ospatutzeko, aitaren ta amaren ondoan, ikusiko dok aita barrezka, ama ere poz atsegin eta behartuaz.

Eragiok mutil!

Gaztainak erre artean txipli… txapla… PUN! Emakumeok gabon gaua salbu igaro daigun.

Enbaxadoreak

Ekain Diaz de Mendibil Totorika Santiagoko galdakoztarra.

Jaiotzez: Galdakao. .

Gaur egun: Santiago de Chilen 8.

197 Jaiotza urtea: Ikasketak: Arte ederrak.

3tik.

Zertan dabil: Bizitzen, 201

«Santiago de Chilek ez dauka Galdakaok duen bizi kalitatea» Zeintzuk dira bizi izan dituzun aldaketarik nabarmenenak? Batez be egutegiaren ezberdintasuna.

Gabonak udan izaten dira, edurrezko dekorazioak, Papa Noel 40º gradutan, afaltzeko udako afari freskoa eta opariak uda izaera izateak oso arraroa egiten zait. Bestalde neguak inolako jai edo opor esanguratsurik ez duenez, oso luzea da.

Zer du zure hango herriak, Galdakaok ez duena?

Santiago oso hiri handia da. Galdakoztarra izanik, niretzako hiri handia Bilbo zen, baina Santiago 7 milloi biztanleko hiria da eta beti dauka zeozer egiteko. Eskaintza handia eta askotarikoa da.

Eta alderantziz? Santiagok ez dauka Galdakaok duen bizi kalitatea. Umeentzako askoz hobea da Galdakaon.

Zeren falta somatzen duzu han? Batez ere familia botatzen dut faltan, baina ezin ditut ahaztu lagunak, janaria, kaleko bizitza, poteoak… Azken batean bizi kalitatea Galdakaon eta Euskal Herrian hemengoa baino hobea da.

Zer gomendatuko zenioke zure herritar bati, han bisitatzeko? Txile herrialde bezala polita da, leku ezberdin asko ditu; iparraren desertuetatik hegoaldeko edurretara, hondartzak, basoak eta herrialde osoan presente dagoen mendikatea. Nire gomendioa Santiagon ahalik eta egun gutxien egotea izango litzateke, bi muturrak (iparra eta hegoa) ezagutzeko denbora nahikoa izateko.

Gure herriaz hitz egiten badiezu hangoei, zeren inguruan aritzen zara bereziki? Galdakaoz ari naizenean eta herria hitza esaten dudanean herri txiki bat dela pentsatzen dute. Galdakaok 30.000 biztanle dituela esaten diedanean harritu egiten dira. Bestalde, Galdakao hitzaren fonetikarekin ezin dute. Denek ¿Galapago? erantzuten didate. Euskal Herriari buruz ari naizenean gure berezitasunak, kultura eta euskara dira gehien harritzen dizkieten gauzak.

Zer dakite gure herriaz? Euskal Herriari buruz hitz egiten diedanean orokorrean ezagutzen dute eta ideia nahiko eraikia daukate. Txilen euskal diaspora handia egon da eta askok euskal abizenen bat izanik, euskal izaeraren jakitun dira. Badakite bereziak garela, hizkuntza «arraro» eta oso zahar bat hitz egiten dugula eta gehienetan, gurekiko oso irudi ona daukate Txilen.

Zer zenekien zu hangoaz? Egia esateko ezer gutxi, gehien bat Allende presidentea eta Pinocheten golpe militarra ezagutzen nituen. Egia da mapan ikustearen oroitzapenak dauzkadala eta pentsatzen nuen, «horren lur zati estuan ezin da inor bizi». Gero, hemen bizi ostean, hain estua ez dela eta bizi daitekela egiaztatu ahal izan dut.

Zeintzuk dira zure etorkizunerako asmoak? Argi daukagu Euskal Herrira itzuli nahi dugula. Bost urte barru han egotea espero dugu.

Binke! abendua 2025 19

Jostal Leku Txokoa

Jostal Leku, gastronomiaz eta bizitzaz beteriko

50 urte TESTUA ETA ARGAZKIA: IRATI ALONSO GARCÍA

Jostal Leku Txoko galdakoztarrak 50 urte bete ditu aurten. Gastronomiaz gozatzeko eta herriko bizitza sozialean parte hartzeko gogoz sortu zen eta gaur egun 14 bazkide ditu. Hauetako birekin batu gara, txokoaren ibilbideaz sakontzeko asmoz.

L

agun talde batek sortu zuen Jostal Leku Txokoa Galdakaon duela 50 urte, «gastronomiaz gozatzeko eta herriko bizitza sozialean parte hartzeko gogoz». Ordutik, erreferente izan dira herrian, lagun arteko bizikidetza eta gastronomia bultzatzen.

Hasieran, Jostal Leku Txokoak 30 bazkide inguru zituen eta lagunekin biltzen ziren janaria prestatzeko, hitz egiteko, ekintzak antolatzeko eta, «Someran ardoak hartzen ez egoteko». Urteetan zehar 60 kide baino gehiago izan zituen, eta Galdakaoko ekitaldi herrikoi ugaritan protagonista izan zen txokoa. «Beste elkarte eta taldeekin batera hainbat jardueratan parte hartu dugu, Galdakao herri oso bizia delako», adierazi du Javier Crespo idazkari eta diruzainak.

Txapelketa asko. Hamazazpi urtez, 2000 eta 2017 artean, bazkideek bakailao pil-pil eta marmitako txapelketak antolatu zituzten, baita txitxiburduntzi lehiaketak ere, Bekea auzoko jaietan modu aktiboan parte hartzeaz gain, Auzo Elkartearekin batera. Mus txapelketen urrezko garaia ere izan zuen taldeak.

«Herri mailan herriko txokoetan mus txapelketetan parte hartu dugu askotan eta baita probintzia mailan ere. El Correo egunkariak antolatzen zuen lehiaketan adibidez, koadrila osoak biltzen zituena barre algara eta karta onen artean», azaldu du Crespok.

Hala ere, «existentziaren ezjakintasunak, denboraren joanak eta belaunaldien arteko erreleborik ezak» eragina izan dute eta gaur egun 14 bazkide baino ez ditu elkarteak.

20 abendua 2025 Binke!

«Taldearen espirituari bizirik eusten diogu», azpimarratu du Juan Manuel López presidenteak, «bizitasun berria» behar dutela aitortuz. «Oso zaila da mota honetako txokoak mantentzea, gaur egun beste zaletasun batzuk dituztelako gazteek. Txokoen garaia atzean geratu da eta pena handiz esaten dugu, guri jende berria batzea asko gustatuko litzaigukeelako», presidenteak. «Ateak zabalik dituen txokoaz ari gara, izan ere, bazkideen espiritua da edonor hurbildu daitekeela trago bat hartzera eta partida bat jokatzera», adierazi du Lópezek.

Ospakizun berezia bazkideentzat. Aurrera begira baina aurreko garaiak ahaztu gabe, azaroaren 30ean ospatu zuen Jostal Lekuk 50. urteurrenaren ekitaldia. Hildako bazkideen omenezko meza egin zuen taldeak, eta ondoren bazkideentzako eta senideentzako askaria eskaini zuen, 50 urteko historia eta adiskidetasuna ospatzeko. «Topaketa hunkigarria izan zen, oroitzapen eta pasadizoz betea, baina baita etorkizunari begiratzeko aukera eskaini zuena ere», nabarmendu dute bazkideek.

«Ospakizun horrek oroitzapenak indartzeko balio izana espero dugu, baina baita aurpegi berriei ateak irekitzeko ere», adierazi dute antolatzaileek. «Jostal Leku beti izan da elkartzeko eta dibertitzeko leku bat (bere izenaren itzulpenaren arabera), eta beste urte askotan zehar ere hala izaten jarraitzea nahi dugu», gaineratu dute.

«Tokiko gizarte askok erronka berberei aurre egiten dieten une honetan, Jostal Lekuk tradizioak eta pertenentzia-

zentzua bizirik mantentzearen balioa irudikatzen du. Historiak erakusten du txokoak ez direla jateko leku bat soilik, baizik eta elkarrekin bizitzeko, partekatzeko eta komunitatea eraikitzen jarraitzeko espazio bat», diote.

Horregatik, eta «50 urteko ibilbideak jarraitzea merezi duelako», txokoan izena ematera animatu dituzte galdakoztarrak: «Sukaldean aritzeko, hitz egiteko, barre egiteko eta lagunartean bizitzaz gozatzen jarraitzeko espazio bat izateko gogoa baduzu, Jostal Leku zure zain dago». Izena eman daiteke txokojostaleku@gmail.com helbide elektronikoaren bitartez edo 657 778 882 telefono zenbakiaren bidez. •

Elkarrekin partekatzeko lekuak dira txokoak Gure txokoan izena ematera animatzen ditugu galdakoztarrak Binke! abendua 2025 21

EHU

Gitarra elektrikoa Gatiburen agurrerako

BINKE

TXULALAI TALDEA

Gatibuk abenduaren 13an emon eutson amaiera 25 urteko ibilbideari, BEC-en antolatu eban kontzertu berezian. Kontzertu horretan EHUko ingenieritza ikasle talde batek egindako gitarra elektrikoa erabili eban taldeak eta Julen Gomez galdakoztarra irakaslea izan da proiektu horren laguntzaileetako bat. Informazio gehiago: BINKE.EUS.

Txulalai taldearen lan barria

Bediagaren eleberri barria, kalean

Mikel Leibarrek, Iñigo Agirrezabalak eta Argiñe Belakortuk sortutako Txulalai haurrentzako musika taldeak Boom Boom disko barria kaleratu dau.

Laugarren liburua kaleratu dau Irati Bediaga Rementeria idazle galdakoztarrak: Rara. Elkar argitaletxeagaz kaleratu dau Bediagak 20 pasartez osatutako liburu barria.

22 abendua 2025 Binke!

BINKE GALDAKAOKO UDALA

EFE

Ostatu, irabazle hirugarrenez Hirugarren urtez jarraian, Ostatu taberna da Pintxo Lanperna lehiaketaren irabazlea. Kategoria herrikoian eta profesionalean irabazi dau, eta Galdakaoko Ostalaritza Eskolan jaso ebazan sariak antolatzaileen eskutik.

BINKE

Bizkaiko Auzitegiak bost urte eta erdiko kartzela-zigorra ezarri eutso Fernando Izagirre galdakoztarrari, DYAko presidente izan zan garaian egindako bi delituengatik.

CECOBI

Kartzela-zigorra Izagirrerentzat

Galdakaoko alkarteei aitortza

Merkataritza alkartea Usansolon

Urteurren borobila bete dabez Galdakaoko zazpi alkartek eta guzti horiek batu ebazan Galdakaoko Udalak Torrezabalen, «aitortu, eskertu eta zoriontzeko».

Tokiko ekonomia sustatzeko asmoz, Usansoloko Merkataritza, Ostalaritza eta Zerbitzuen Elkartea jaio da.

Alkarteak herriko 30 negozio batzen dauz.

Binke! abendua 2025 23

Xabier eta Iker Zaita, fosilzaleak

«Usansolon eta inguruetan fosil asko aurkitu ditugu» TESTUA: IRATI ALONSO GARCÍA ARGAZKIAK: JON GOMEZ GARAI

Usansoloko Xabier Zaita eta bere seme Iker oso fosilzaleak dira, eta asko dira etxean bilduta dituzten fosilak.

Horregatik, urte berriko hirugarren eta laugarren egunetan erakusketatxoa antolatuko dute herrian.

F

osilzale amorratua da Xabier Zaita, eta mundu horretan murgildu zuen Iker, semea, horrek 6 urte zituenean.

«Barraskiloen oskolak batzen nituen hasieran, Burgosera eta beste hainbat lekutara egiten genituen txangoetan», azaldu dio Ikerrek BINKEri. «Nik txikitan fosilen bilduma nuen baina ahaztuta utzi nuen. Iker txikia zenean ordea, egun batean okurritu zitzaidan fosilen bila joan ahal ginela eta zenbait aurkitu genituen. Hortik aurrera txangoak egiten jarraitu genuen eta fosilak biltzen han eta hemen», adierazi du Xabierrek.

Bilduma ederra elkartzea lortu dute aita-semeek: «Ez dakigu zehazki esaten zenbat ditugun baina lau kutxa handitan gordeta ditugu etxean». Fosil gehienak haiek batutakoak dira, baina erositakoak ere dituzte: «Mota zehatz batzuk ezinezkoa da hemendik hurbil aurkitzea eta nonbaiten salgai ikusten baditugu, erosten ditugu». «Politak direnak edo informazio interesgarria ematen dutenak erosten ditugu normalean eta baita mota horretakorik bilduman oraindik ez dugunean», dio Ikerrek. Marokoko edo Estatu Batuetako fosilak dituzte, adibidez, Madrilgo edo Bartzelonako dendaren batean erositakoak, «hiri handietan denda gehiago daudelako».

Usansolotik

hurbil aurkitutakoak. Familiarentzat interesgarrienak ordea, Usansolotik hurbil aurkitutakoak dira. «Usansolon ere aurkitu ditugu fosilak eta baita inguruko herrietan ere. Mandoian esaterako fosil nahikotxo aurkitu ditugu azkenaldian. Ingurumena oso interesgarria da gurean»,

24 abendua 2025 Binke!

nabarmendu dute.

Bilduma

elkarbanatzeko

erakusketa.

Aurkitzen dituzten fosil gehienak lurrean botata egondakoak dira. «Garrantzitsua da azpimarratzea ez ditugula landareak, harriak edo ingurumeneko beste elementurik apurtzen fosilak hartzeko», nabarmendu du Xabierrek. «Fosilei esker naturarekiko dudan harremana hobetzen joan da eta nire klaseko lagun batzuk ere etortzen dira nirekin askotan ingurumenaz gozatu eta fosilen inguruan gehiago ikastera», azaldu du Ikerrek.

Lagunetaz gain, zaletasuna herri osoarekin elkarbanatzeko asmoa dute aita-semeek eta horretarako, haien bilduma ezagutzera emateko erakusketa antolatu dute urtarrilaren 3 eta 4rako, Usansoloko Oletxe 23 kaleko lokalean (loradendaren ondoan).

«Herritarrak eta ingurukoak animatzen ditugu etortzera. Interesgarria izango da eta txikientzako opari bat banatuko dugu», adierazi dute Xabierrek eta Ikerrek. • Binke! abendua 2025 25

Binke.eus Paperetik harago, hauek dira Binkeren webgunean irakurrienak!

Unai Iparragirre ETBko zuzendariak kargua utzi du eta haren ardura Isabel Octavio Galdakaoko bizilagunak beteko du aurrerantzean.

Osakidetzak iragarri duenez, 200 aparkaleku berri eraikiko dira Usansoloko ospitalean. Lanak 2028rako amaituko dira.

Gabonetan ere erosketak Galdakaon egitea sustatzeko kanpaina berria abiatu du Udalak, «Ez eman buelta gehiago» lelopean.

Biodibertsitatearen garrantziari eta beste ingurumen arazoei buruzko sentsibilizazio kanpaina antolatzen ari dira Galdakaoko ikasleak, Agenda 2030 ekimenaren baitan.

Euskal Pilotako Nazioen Ligako txapeldun izan ziren Amaia Aldai eta Gaizka Carregal, Euskal Selekzioarekin.

Gure herrietako

aktualitatea:

Binke TV Hauek dira argitaratutako azken bideoak Binkeren sareetan!

26 abendua 2025 Binke!

Leidu Irakurketa Taldearen txokoa

Bardeetako otsoak. Edo Santxiko Errota nafar bidelapur famatuaren bizitza, berak kontaturik Zortziko, 2025 Jakes Sarraillet

E

z da bitxirik ez dirurik egongo gure zakuan, bai, ordea, libururen bat.

Oraingo honetan Jakes Sarrailleten nobela berria dakarkizuegu: «Bardeetako otsoak edo Santxiko Errota bidelapur famatuaren bizitza, berak kontaturik».

Bidelapurren istorioak guztion ahotan egon dira; nork ez ditu, berbarako, XVIII. mendean gure Manuel Antonio Madariaga Patakonen edo Eusebio Zamakola basauritarraren gorabeherak ezagutzen? Inguruko biztanleen artean bidelapurrek ez zuten ospe txarrik, agintariei eta kanpotik ezarritako legeei iruzur egiten zieten, eta heroitzat jotzen zituzten: «daukanari kendu, ez daukanari emon».

Santxiko Errotaren bizipenak kontatzen dizkigu nobela honetan Sarrailletek. Sei menderen ostean, haren oroitzapenak oraindik bizirik dira Bardeako eskualdean.

XIV. mendeko Nafarroa hegoaldeko herritarra zen Santxiko: euskalduna, errota zaina aita moduan, eta bizitza sinplea, pobre eta menderatua zuen. Baina, idazleak dioen moduan «bizi mugitu eta arriskutsuaren gorabeherak, askatasun sentimendu ederra, esperantzaz betetako bihotza, handikien harropuzkeria, bukaera tragikoa. Hauek guziak nobela epiko baten osagaiak dira ezta?

Egia erran, gehienak asmatuak dira... baina, irakurle, nirekin bat etorriko zara, pertsonaiak merezi zuen! Ikusiko duzun bezala, kontakizun laburra eta erraza egin nahi izan dut, irakur erraztasunak ziurtasuna eta plazera sortzen dituelako. Eta hau da euskaldunok maite eta behar duguna…».

BINKE Proiektu honetarako lanean:

Babesle ofizialak:

Argitaratzailea: Aitu elkartea.

Zuzendaria: Jon Gomez Garai.

Erredaktorea: Irati Alonso García.

Irudia eta sareak: Naiara Perez de Villarreal.

Argazkilariak: Ander Elordui eta Peio Zamalloa.

Batzorde Orokorra: Gaizka Uriarte, Ixone Muñiz, Leire Zamalloa, Ainara G. Goitiandia, Beñat Armentia eta Iñigo Larrea.

Ekarpen taldea: Joseba Uranga, Igor Amarika, Jaime Zubero, Asier Balentzia, Leire Eskabel, Ainhoa Uriarte, Aitor Zelaia eta Unai Atutxa.

Ilustratzailea: Karmele Gorroño, Irrimarra.

Inprenta: Comeco Gráfico, Zamudio.

Banaketa: Joal Express eta Correos.

Hilero banatutako ale kopurua: 14.000.

Lege Gordailua: BI-41-2016 ISSN: 2444-9385

Proiektu hau posible egiten dute: Ohiko kolaboratzaileak: Manu Etxebarria, Aitzol Altuna, Estibaliz Apellaniz, Joanes Urkixo, Yayone Altuna, Irati Bediaga, Julen Gabiria, Gotzon Barandiaran, Nerea Urgoiti, Josi Basterretxea, Xabier Valencia, Nagore Ferreira Zamalloa, Edu Olea eta Bego Martinez.

Elkarte laguntzaileak: Ganguren Mendi Taldea, Burtotza Mendi Taldea, Andra Mari Dantza Taldea, Galdakao Gogora, Etxerat, Usansolon Euskaraz, Euskaraldia, Click&Click elkartea, Leidu taldea eta Bagabiz euskara elkartea.

Argazkilari kolaboratzaileak: Jabi Rojo, Gotzon Almaraz eta Julio Legarretaetxebarria.

Webguneko laguntza: Aitor Espinosa eta Naiara Perez de Villarreal.

BINKEk ez du bere gain hartzen aldizkarian adierazitako iritzi edota esanen erantzukizunik.

Harremana: 680 74 32 11 info@binke.eus

Jarraitu BINKEren edukiak zure gustuko sarean!

Binke! abendua 2025 27

Gabonak

Abenduak 27, zapatua

Abenduak 19, barikua

Galdakao

Galdakao

20:00 Maika Makovskiren kontzertua, Torrezabal Kultur

19:00 San Tomas Txiki, Santi Brouard enparantzan

Etxean

19:30 'Lumak dantzan' ikuskizuna Lorratza erromeriarekin, Santi Brouard enparantzan

Abenduak 20, zapatua

Galdakao

Abenduak 28, domeka

Galdakao 19:00 Bertsosalda, Torrezabal Kultur Etxean

18:00 'Zimurren artean kontu kantari' ikuskizuna, Torrezabal Kultur Etxean

Abenduak 22, astelehena

Galdakao

Abenduak 29-30

Galdakao 17:00 eta 18:00 Beldurrezko pasabidea, topaguneetan

11:30 Galtzagorriak umeen gutunak jasotzen, Zuhatzutik 16:30 Galtzagorriak umeen gutunak jasotzen, Txistulandan 17:00 Ipuin kontalaria, Olabarrietako Adinekoen Zentroan 17:00 Txokolatada, topaguneetan

Abenduak 30, martitzena

Galdakao 19:00 Maluta Zirko Gala, Torrezabal Kultur Etxean

Abenduak 23, martitzena

Galdakao 11:30 Galtzagorriak umeen gutunak jasotzen, Erletxetik 13:00 Ipuin kontalaria, eta galtzagorriak umeen gutunak jasotzeko, Elexalden 18:00 Olentzero eta Mari Domingiren antzerkia, Torrezabal Kultur Etxean

Aperribai

Urtarrilak 2, barikua

Galdakao 18:00 ‘Azken Eguzkilorea’ umeentzako antzezlana, Torrezabal KulturEtxean

Urtarrilak 5, astelehena

17:30 Olentzero eta Mari Domingik Aperribaiko nagusien

Galdakao

egoitzara bisita

11:30 Umeentzako tailerrak eta txokolate banaketa,

18:30 Olentzero eta Mari Domingiren harrera frontoian

Bengoetxeko institutuan

Abenduak 24, eguaztena

Galdakao 16:00 Argazkiak Olentzero eta Mari Domingirekin, Kurtzeko plazan 17:00 Kalejira Olentzero eta Mari Domingirekin, herrian zehar Divenire eta Galdakao Txistu Bandarekin batera 18:00 Bukaera ekitaldia Patakon Kultur Elkartea eta Andra Mari Dantza Taldearen esku, Santi Brouard enparantzan

Abenduak 26-27

Galdakao 11:30-14:00 eta 16:30-19:30 Mendabalde basatia, Gabonetako haur parkea

28 abendua 2025 Binke!

16:30 Haurrentzako Gabon Festa, Bengoetxeko elizan 18:00 Erregeen kabalgataren hasiera eta gozokien banaketa, Bengoetxeko elizatik Kurtzeko plazara

Kirola

Irakurketa taldea

Abenduak 31, eguaztena

Urtarrilak 12, astelehena

Gabon Zaharreko San Silvestre lasterketa 16:25 Galdakaon zehar

Irakurketa taldea

'Bardeetako otsoak.

Edo Santxiko Errota nafar bidelapur famatuaren bizitza, berak kontaturik' 18:30 Peña Santa Cruzen

Urtarrilak 12, astelehena

'Bardeetako otsoak.

Edo Santxiko Errota nafar bidelapur famatuaren bizitza, berak kontaturik'

Mendia Urtarrilak 18, domeka

18:30 Peña Santa Cruzen

Donostia-Orio. Mendizorrotz (416 m) 08:00 Galdakaotik

Sukaldaritza Urtarrilaren 14etik martxoaren 25era Jose Miguel Olazabalagarekin sukaldatzen 18:00 Torrezabal Kultur Etxean

URTEBETETZEA

ERRETIROA URTEBETETZEA

Naia Landeta

Marije Zuazo

Naia Landetak 8 urte beteko ditu abenduaren 21ean! Ondo pasa zure egunean eta mosutxu bat bere familiko guztien partez!

Asko maite zaituguuuu!!!

Guztiontzako egun seinalatua baldin bada abenduaren 25a, Marijerentzako zeresanik ez! Bere urtegunean hartuko du merezitako erretiroa! Zorionak eta mila esker guztiagatik!

Abenduak 21

Abenduak 25

Binke! abendua 2025 29

30 abendua 2025 Binke!

Binke! abendua 2025 31