Cantigas do maio Cep Lois TobĂo Maio, maio, maio, maio treboeiro, maio, maio pardo, maio cantigueiro. Cantigas do maio, cantan no TobĂo; maio, maio, maio, fermoso e florido.
Arriba, abaixo; a vella por maio inda pon refaixo. Abaixo, arriba; refaixo e mantelo, mandil e toquilla.
Sequiño, mollado; o Lois Tobío publica O Chalano. Mollado, sequiño; facemos o maio e imos ao Camiño.
Careiro, barato, polo mes de maio imos ao Teatro. Barato, careiro, imos ao teatro de sexto a primeiro.
Sardiña, lagarto; o día de maio sempre foi moi largo. Lagarto, sardiña; o día é moi largo e a noite cortiña.
Ruliña, curuxa; malvís, cuco, pega, carriza e papuxa. Curuxa, ruliña; pardal, peto, choia, merlo e andoriña.
Cadelo, cadela; raposo, garduña, grilo e donicela. Cadela, cadelo; toupa, esquío, lebre, leirón e morcego.
Amora, silveira; busca polo maio o amor que te queira. Silveira, amora; a moza por maio sempre se namora.
Fariña, salvado; se chove por maio o campo está mollado. Salvado, fariña; se non hai tellado móllase a cociña.
Adentro, afora; planta polo maio leituga e cenoria. Afora, adentro; centeo, cebola, tomate e pemento.
Ai la, la, ai le, lo; ai la, la, la, la, lo, ai la, la, la, le, lo. Ai le, lo, ai la, lo; ai la, la, la, la, le, lo, ai le, lo, ai la, lo. Ai la, la, ai le, lo; ai la, la, la, la, lo, ai la, la, la, le, lo. Ai le, lo, ai la, lo; ai la, la, la, la, le, lo, ai le, lo, ai la, lo.