yn dilyn colli babi
yn ystod beichiogrwydd o dan 16 wythnos
Hoffai staff Bwrdd Iechyd Prifysgol Cwm Taf Morgannwg
gynnig ein cydymdeimlad dwysaf i chi ar yr adeg drist yma.
Gall fod yn anodd iawn ymdopi â cholli babi yn ystod beichiogrwydd. Rydym yn gwybod nad yw’n hawdd troi eich meddyliau at y trefniadau a’r penderfyniadau ymarferol sydd eu hangen, ond cofiwch ein bod ni yma i’ch cefnogi a’ch cynghori ar y wybodaeth hanfodol sydd ei hangen arnoch ar hyn o bryd.
Mae’r daflen hon wedi’i chreu er mwyn helpu i egluro’r opsiynau a’r cymorth sydd ar gael i chi yn dilyn eich colled. Byddwch yn cael y cyfle i drafod eich opsiynau
gyda’r staff sy’n gofalu amdanoch, i’ch galluogi i wneud dewis gwybodus ar y camau nesaf.
Os caiff eich babi ei ddewis i gael ei anfon i gael prawf ar ôl i chi ei golli, bydd hyn yn gohirio’r amser y gall yr opsiynau canlynol ei gymryd. Byddwch yn cael gwybod os felly cyn cael eich rhyddhau o’r ysbyty.
Os hoffech gael cymorth gan ein tîm Caplaniaeth ar unrhyw adeg i gael bendith, rhowch wybod i’ch tîm nyrsio a gellir trefnu hyn ar eich cyfer.
Llyfryn Profedigaeth Colli Babanod Tywysoges Cymru o dan 16 wythnos oed Dyddiad cyhoeddi: Chwefror 2025 Dyddiad adolygu: Chwefror 2027
Opsiynau ar ôl colli babi yn ystod beichiogrwydd
Opsiwn 1. Amlosgiad cyfunol
Gall yr ysbyty drefnu amlosgiad sy’n cael ei rannu â babanod eraill a bydd eich babi yn cael ei drin ag urddas a pharch bob amser. Gweinyddir y gwasanaeth angladd hwn gan gaplan ysbyty Cristnogol, ac fe’i mynychir gan Arweinydd Profedigaeth Clinigol y bwrdd iechyd gyda chefnogaeth trefnydd angladdau dan gontract.
Yn yr achosion hyn, unwaith y byddwch wedi cydsynio i’r amlosgiad, caiff ei awdurdodi gan yr ysbyty heb unrhyw gost i chi. Mae rhai pobl yn cael cysur o wybod nad yw eu babi ar ei ben ei hun.
Unwaith y bydd eich babi yn barod ar gyfer amlosgiad bydd cydlynydd profedigaeth y bwrdd iechyd yn cysylltu â chi. Does dim angen i chi ffonio unrhyw un eich hun, byddwn ni’n rhoi gwybod i chi. Bydd y cydlynydd profedigaeth yn rhoi dyddiad y gwasanaeth i chi. Bydd hyn yn rhoi cyfle i chi fynychu’r gwasanaeth os y dymunwch wneud hynny. Bydd y gwasanaeth amlosgi fel arfer yn digwydd yr un wythnos ag y cysylltir â chi, ond fe gewch chi’r dyddiad yn ystod yr alwad ffôn. Ni allwn roi manylion i chi ymlaen llaw gan ein bod yn eich hysbysu cyn gynted ag y bydd y manylion ar gyfer y gwasanaeth hwnnw’n cael eu rhyddhau i’r amlosgfa.
Os na allwch fynychu’r gwasanaeth am ryw reswm, bydd yn mynd yn ei flaen yn eich absenoldeb ar y dyddiad a nodir. Gan ei fod yn amlosgiad cyfunol, dydy hi ddim yn bosibl mynd â llwch eich babi adref. Yn dibynnu ar ba amlosgfa a ddewiswch, bydd ardal ddynodedig lle mae’r lludw wedi’i wasgaru.
Byddwch yn cael dewis o amlosgfeydd. Mae’r rhain yn cynnwys
Amlosgfa Llwydcoed Aberdâr, lle mae llwch y babi’n cael ei wasgaru yng ngardd goffa’r babanod; Amlosgfa Glyntaf Pontypridd, lle mae llwch y babi’n cael ei wasgaru ym Mynwent Cefn y Parc yn adran y babanod; Amlosgfa Llangrallo, lle mae’r lludw yn cael ei wasgaru ar ardd y Rhosynnau.
Opsiwn 2. Trefniadau preifat
Efallai y byddwch am wneud eich trefniadau eich hun gyda threfnydd angladdau o’ch dewis.
Bydd y trefnydd angladdau’n gallu esbonio a thrafod unrhyw opsiynau pellach sydd ar gael i chi, fel safleoedd amlosgi neu gladdu.
Yng Nghymru’n gyffredinol nid yw trefnwyr angladdau yn codi ffi ar gyfer angladdau am golled yn ystod beichiogrwydd neu golli plentyn. Fodd bynnag, dylech gadarnhau hyn gyda’r trefnydd angladdau o’ch dewis chi yn y lle cyntaf oherwydd efallai y bydd rhai taliadau bychain ar gyfer ychwanegiadau y tu hwnt i’r gofal angladd sylfaenol.
Opsiwn 3. Llosgi clinigol
Mae rhai pobl yn penderfynu nad ydyn nhw am i’w colled yn ystod beichiogrwydd gael unrhyw statws penodol a byddan nhw’n dewis gwaredu clinigol.
Os byddwch yn dewis yr opsiwn hwn, bydd eich colled yn ystod beichiogrwydd yn cael ei drosglwyddo i’r marwdy ac yna’n cael ei baratoi i’w drosglwyddo i gyfleuster llosgi clinigol ynghyd â gwastraff clinigol arall y bwrdd iechyd.
Gan mai cyfleuster prosesu yw hwn ni fydd unrhyw lwch i’w adfer na’i wasgaru yn dilyn ei losgi.
Opsiwn 4. Heb benderfynu eto
Fel Bwrdd Iechyd rydyn ni’n deall ei bod yn anodd iawn gwneud penderfyniad am angladd ar adeg mor drist ac efallai y bydd angen amser arnoch.
Os yw hyn yn wir, gall yr ysbyty roi hyd at fis i chi wneud penderfyniad ar ôl i chi gael eich rhyddhau. Bydd cydlynydd profedigaeth y bwrdd iechyd yn cysylltu â chi, o rif a gedwir yn ôl, i chi roi eich penderfyniad iddyn nhw.
Os na allwch benderfynu cyn i chi adael yr ysbyty, unwaith y byddwch wedi dewis yr opsiwn gorau i chi, bydd angen i chi ddod yn ôl at yr ysbyty lle digwyddodd eich colled a chwblhau’r gwaith papur perthnasol i gadarnhau eich dewis.
Rydym yn sylweddoli y gall hyn deimlo’n llethol, felly os ydych yn teimlo y byddai dychwelyd i’r ysbyty’n achosi gormod o ofid i chi, rydym yn eich annog i geisio gwneud eich penderfyniad cyn i chi gael eich rhyddhau.
Mae angen i chi fod yn ymwybodol, os nad yw’r ysbyty’n gallu cysylltu â chi gartref, er gwaethaf sawl ymgais a gofnodwyd, ac nad ydyn nhw wedi cael eich penderfyniad o fewn 60 diwrnod i ddyddiad eich genedigaeth, bod ganddyn nhw rwymedigaeth gyfreithiol i fwrw ymlaen â threfniadau ar gyfer llosgi clinigol.
Opsiwn 5 Claddu Gartref
Rydyn ni’n cydnabod y gall fod adegau pan hoffech chi fynd â’ch babi adref a chynnal claddedigaeth breifat yno.
Os byddwch yn dewis yr opsiwn hwn, cyn gadael yr ysbyty, gofynnwn i chi lofnodi ffurflen yn nodi eich bod yn gwneud eich trefniadau eich hun.
Dylech fod yn ymwybodol bod yna ganllawiau penodol y mae’n rhaid eu dilyn os byddwch yn dewis cynnal eich claddedigaeth eich hun.
Os yw hyn yn rhywbeth yr hoffech ei archwilio ymhellach, siaradwch â’ch nyrs a fydd yn gallu rhoi taflen ffeithiau i chi yn egluro hyn.
Cael Cymorth yn dilyn eich colled:
Cradle
Elusen Iechyd Meddwl genedlaethol sy’n darparu cymorth i unrhyw un y mae marwolaeth babi yn ystod beichiogrwydd wedi effeithio arnyn nhw, neu derfyniad beichiogrwydd. Mae ein gwasanaethau cymorth yn cynnwys grwpiau cymorth wythnosol ar-lein.
Gwefan - www.Cradlecharity.org
E-bost - info@cradlecharity.org
Cysylltwch â - 0333 443 4630
Y Miscarriage Association
Darparu gwybodaeth a chymorth i unrhyw un y mae camesgoriad, beichiogrwydd ectopig neu feichiogrwydd molar yn effeithio arnyn nhw.
Gwefan - miscarriageassociation.org.uk
Llinell Gymorth - 01924 200799
E-bost - info@miscarriageassociation.org.uk
Sands
Cynnig cymorth ar gyfer pob math o feichiogrwydd a cholled babanod yn ogystal â chymorth penodol i ddynion, y rhai sydd wedi cael profedigaeth amser maith yn ôl a’r rhai yr effeithiwyd arnyn nhw gan TFMR (Terfynu am Resymau Meddygol).
Gwefan - sands.org.uk
Llinell Gymorth - 0808 164 3332
E-bost - helpline@sands.org.uk
Tommy’s Charity
Mae llinell gymorth Tommy’s Midwives’ ar gyfer unrhyw un sydd wedi profi unrhyw fath o golled beichiogrwydd, gan gynnwys camesgoriad, marw-enedigaeth, beichiogrwydd ectopig, beichiogrwydd molar neu derfyniad beichiogrwydd am resymau meddygol.
Llinell Gymorth - 0800 0147 800
E-bost - midwife@tommys.org
Aching Arms
Mae Aching Arms yn darparu cymorth a chefnogaeth i unrhyw un sydd wedi profi beichiogrwydd neu golli babi.
Gwefan - achingarms.co.uk
Cyswllt - 07464508994
E-bost - support@achingarms.co.uk
Twins Trust
Mae Gwasanaeth Profedigaeth y Twins Trust yn cynnig cymorth tosturiol i deuluoedd sy’n profi colli un neu fwy o set o efeilliaid neu dripledi. Cymunedau ar-lein, cysylltiadau rhwng cymheiriaid ac adnoddau ar gael.
Gwefan - twinstrust.org/bereavement
Grwpiau cymorth lleol:
Grwpiau Sands Lleol/grwpiau cymorth lleol
Sands Merthyr
E-bost - Merthyr@sandsvolunteer.org.uk
Tudalen Facebook - Merthyr Sands
Sands Caerdydd
E-bost - cardiffsands@hotmail.co.uk
Tudalen Facebook - Cardiff Newport Sands
Sands United Caerdydd
Tîm pêl-droed o Dadau ac aelodau o’u teuluoedd yn Ne Cymru, wedi’u huno ar ôl colli eu plant. Tudalen Facebook - Sands United Cardiff.
Mae Grŵp Cymorth Colli Babi Bro Morgannwg yn cael ei hwyluso gan gyfeillion hyfforddedig, sy’n cynnal grŵp cymorth unwaith y mis. Mae rhagor o fanylion a chymorth ar gael ar eu tudalen Facebook neu e-bostiwch Jess@bromorgannwgbabyloss.net
Grŵp Cymorth Colli Babi yn ystod Beichiogrwydd CTM Pili
Pala sy’n cyfarfod unwaith y mis i gynnig grŵp cymorth diogel a chyfeillgar dan ofal gan y Bydwragedd Profedigaeth lleol. I gael rhagor o wybodaeth a diweddariadau ar gymorth grŵp, ewch i’w tudalen Facebook CTM Butterfly Baby Loss Support Group neu cysylltwch â Bydwragedd Profedigaeth Cwm Taf Morgannwg ar CTM. bereavementsupport@wales.nhs.uk
Os oes gennych unrhyw gwestiynau neu os oes angen rhagor o wybodaeth arnoch, cysylltwch â:
Uned Beichiogrwydd Cynnar Ysbyty’r Tywysog Siarl 01685 728894
Llun - Gwener 08.30-16.30
Uned Beichiogrwydd Cynnar Ysbyty Tywysoges Cymru 01656 754030
Llun - Gwener 09.00-13.00
Uned Asesu Dydd Gynaecoleg Ysbyty Brenhinol Morgannwg 01443 443230
Llun - Gwener 08.30-16.30
Cydlynydd Profedigaeth ar gyfer pob colled o fewn
Bwrdd Iechyd Prifysgol Cwm Taf Morgannwg ctm.bereavementsupport@wales.nhs.uk
Tîm Caplaniaeth yr Ysbyty
Bwrdd Iechyd Prifysgol Cwm Taf Morgannwg ctm.bereavementsupport@wales.nhs.uk
Ar gael ar gyfer pob agwedd o ofal Ysbrydol a Chrefyddol trwy’r switsfwrdd
Ysbyty Brenhinol Morgannwg 01443 443443
Ysbyty’r Tywysog Siarl 01685 721721 01656 752752, Ysbyty Tywysoges Cymru
Arweinydd Clinigol Profedigaeth ar gyfer
Bwrdd Iechyd Prifysgol Cwm Taf Morgannwg ctm.bereavementsupport@wales.nhs.uk
Donna Morgan
07890985949