O alumnado de 5º artellou o MANIFESTO, procurando información na rede, coa guía dos seus mestres.
Accederon á web de ONU e UNESCO, e atoparon un fermoso discurso de Antonio Guterres (Secretario Xeral da ONU) con motivo do Día Internacional da Paz. Extractaron o máis relevante, e fórono adaptando á unha linguaxe que entendesen todas as nenas e nenos do colexio.
Cando xa remataron, acordouse que participase, na lectura do Manifesto 2023, todo o alumnado de quinto; e houbo que ampliar o texto a ler. Entón, pensouse en facer unha poesía, e... meu dito, meu feito: a partir dun Poema sobre A PAZ, descarregado do Seminario Galego pola Paz, fixemos unha recreación de varias estrofas.
E este foi o resultado:
• No Colexio Balaídos realizamos ao longo do ano moitas celebracións colectivas nas que participamos todos e todas. Son moitas ao longo de cada ano escolar. Pero, polos valores que defenden queremos salientar especialmente a celebración de dous días: O DÍA DE HOXE, 30 de xaneiro (O Día da Paz) e O PASADO 25 de novembro (Día contra a violencia de xénero exercida contra a muller). Destacamos estes dpus días porque somos un colexio que nos gusta loitar a diario polo respecto, a diversidade, a igualdade, a tolerancia e a Paz.
• Sabemos que se pode acadar a Paz, que hai que traballalas, día a día, para facer un mundo mellor. Por iso hoxe, un ano máis, saímos ao noso Patio Escolar, un lugar importantísimo para nós, pois é onde xogamos, nos patios dinámicos, e convivimos case 400 nenas e nenos.
• A Paz vai máis aló da ausencia de guerras: consiste en convivir coas nosas diferenzas (de sexo, de raza, de lingua, de relixión ou de cultura) promovendo o respecto universal á xustiza e aos dereitos humanos nos que se basea esa convivencia.
• Por iso hoxe, no Día da Paz, queremos lanzar este berro:
NON á guerra, SI á paz !
Non ao terrorismo, si ao diálogo e á comprensión !
• Non á violencia de gobernos sen escrúpulos, si ás Nacións Unidas (verdadeiramente unidas).
Non á pobreza, e si á solidariedade !
• Este ano 2023 será un ano no que o mundo necesita PAZ máis que nunca e que a procura desa paz guíe as accións de todas as persoas.
• O ano pasado vimos a millóns de persoas obrigadas a cambiar de vida debido aos conflitos, á pobreza e ás calamidades relacionadas co clima.
• A nivel mundial, 100 millóns de persoas tiveron que desprazarse, fuxindo de guerras, incendios, secas, pobreza e fame.
• Ucraína, Afganistán, a República Democrática do Congo e máis aló, moitos víronse obrigados a abandonar as ruínas das súas casas e medios de vida en busca de algo mellor.
• Pedimos Paz na convivencia, diálogo para acabar cos conflitos. Paz coa natureza e co noso clima, para construír un mundo máis sostible”,
• Paz para que as mulleres e as nenas vivan con dignidade, para que todas as persoas gocen plenamente dos seus dereitos humanos, para acabar cos abusos e os discursos de odio.
• Xuntos, fagamos do 2023 un ano no que a paz volva ás nosas vidas, ás nosas casas e ao noso mundo.
RIMAS DA PAZ 2023_ C.e.i.p. Balaídos
• Compañeiros e compañeiras, sexamos sinceiros, non podemos ser indiferentes, nin podemos calar diante da dor de tantas e de tantos inocentes.
• Loitemos todos xuntos por un mundo novo, onde non haxa empurróns por ser ou chegar os primeiros.
• Se imos todos e todas contra todos remataremos cegos. “”
• Se conseguimos un todos para todos e todas para todas, a “”“” xenreira e odio, xuntos venceremos.
• E haberá un fermoso futuro onde todos, nenas e nenos da Terra esquezamos estas palabras: odio, fame e guerra…
• E non haberá ningún neno ou nena sen pan, nin leite, nin escola …
• Loitemos todos xuntos por un mundo novo, onde estean desterrados o medo e a violencia, os nenos famentos, os escravos e escravas, os enfermos, a tristura e abandono, os abusos a nenas e nenos, as guerras e morte de inocentes, a asasinato de nais e mulleres, o maltrato ao medio ambiente, os insultos aos diferentes,…
• Loitemos todos e todas xuntas por un mundo novo onde non haxa ninguén que se sinta extranxeiro, neste cole e no mundo enteiro, e que aos débiles e pobres se lles escoite os primeiros.
• Un mundo distinto queremos. Un mundo distinto ao que temos, onde sexamos sempre alegres e sinceiros, onde sexamos libres, pero compañeiras e compañeiros.
• Onde todos participemos en defender ao oprimido, onde non sexa estraño darlle a man ao caído, nin sexa estraño perdoar ao inimigo.
• E en fin, onde non sexa estraño que ti e eu, nós e vós, sexamos amigas e amigos.
• Loitemos todos xuntos por un mundo mellor e coidémolo entre todas e todos.
• Por Ucranía, para que a guerra remate e volva a vida á normalidade.
• Pola PAZ! Porque todas e todos sigamos ese camiño de esperanza e amor: A Paz é o camiño!
• Que teñades un Feliz Día da Paz, nenas e nenos.
• Agora imos escoitar a canción deste ano, que cantaremos facendo os xestos coa linguaxe de signos dirixidos e ; dirixidas polo alumnado de sexto. Fixádevos ben, nenas e nenos!