Diahuebs 5 di Juli 2012 | Margrietstraat 3 | Tel: 583-1400 | Fax: 583-1444 | noticia@awemainta.com
GRATIS
N’e seramento di e periodo 2011-2012 di Fundacion Desaroyo Educativo Comunitario (FDEC), Minister di Asunto Economico, Social y Cultural a expresa cu Gobierno ta hopi orguyoso di subsidia e fundacion aki cu ta hunga un papel
DENISSE TA SOÑA DI TA UN SOPRANO Y UN DIA CANTA CU IL VOLO
importante den nos comunidad. Pa medio di ofrece comunidad lesnan di arte y musica pa maestronan califica na un prijs hopi abao pa via cu e ta un organisacion subsidia, FDEC ta brinda oportunidad na hopi mas hende pa desaroya nan talento
y abilidadnan. Arte y musica no ta solamente hobby, pero parti di desaroyo completo di un persona, Minister Hooyboer-Winklaar a enfatisa. Un di e hobennan cu sigur ta sacando lo maximo di su lesnan
na FDEC y ta poniendo e base pa realisa soñonan grandi pa su futuro, ta Denisse Geerman. Denisse Geerman ta un studiante di canto cu kier desaroya su voz soprano y siña bon con pa uza su voz. E no ta simplemente bay les, pero ta train tambe tur dia, pasobra e ta reconoce cu esey ta un rekisito ora bo kier yega na desaroya bo voz corectamente. E ta expresa den un entrevista cu sigur e tin soño pa su futuro carera como cantante y su prome escogencia tabata pa canta un dia cu Pavarotti, cual awor no ta posibel mas.
Denisse Geerman ta un admirador di Il Volo tambe y a pone su bista awor cu enfoke cu un dia lo e canta hunto cu e tenornan hoben. Denisse ta contento cu FDEC y ta recomenda tur hende pa check e cantidad di diferente curso y lesnan cu ta wordo ofreci. Particularmente su mensahe pa otro hobennan ta pa nan no laga nan talentonan bay perdi. E ta splica cu si tin un talento cu e hoben lo desea di desaroya of un habilidad cu nan lo kier siña y desaroya, na mester simplemente purba, tuma un les y ta sigur cu nan lo gusta.