Diasabra 22 di Februari 2014 | Margrietstraat 3 | Tel: 583-1400 | Fax: 583-1444 | noticia@awemainta.com
GRATIS
PROME MINISTER EMAN A RECORDA CON 40 AÑA PASA FAVI A NACE
“CURASON GRANDI DI NOS HENDENAN A LANTA FAVI”
DIABIERNA den oranan di
mainta a tuma luga un celebracion na Club Caiquetio na Paradera di Fundacion Arubano di esnan Visualmente Incapacita (FAVI) unda cu a recorda e di 40 aniversario di e fundacion cu ta traha na interes di esnan cu problema di bista. “Awe lo no tabatin FAVI si no tabata pa personanan cu tabatin un curason cu a dicidi cu kier cana cu nan rumannan
cu tin un reto di bista,” tabata palabranan expresa door di Prome Minister Mike den un discurso e mainta aki. Algun otro invitado, ademas di Prome Minister Mike Eman y su distinguia esposa Doina, presente na e celebracion aki tabata Gobernador Fredis Refunjol y Minister di Asuntonan Social y di Hubentud drs. Paul Croes. E Prome Mandatario a hiba un discurso unda el a mustra cu
tur mayor ta reza pa nan haya yiunan sano, y cu ora di mira rond e retonan cu hopi hende ta pasa aden, ta siña aprecia hopi mas tur e sentidonan bon cu nos a nace cu nan. El a gradici esnan cu a demostra cu nan tin un curason, un curason pa yuda otronan y cu a percura cu 40 aña pasa FAVI a lanta y duna un apoyo importante na esnan cu retonan visual den pueblo di Aruba. Special elogio e tabatin
pa sra. Joy Duinkerk Barry y sra. Cotty Baarh Bijlhout, Presidente y directora respectivamente di FAVI, pa e trabou grandi cu nan ta desplega, pero tambe tur e boluntario cu di un of otro forma a yuda e grupo aki. “Sentidonan di amistad convivencia y solidaridad, ... ta señalnan di e forsa di un sociedad ora cu nan mishi cu un of otro bou di e pueblo, cu nos por ta orguyoso di dje.”