Diahuebs 16 di Januari 2014 | Margrietstraat 3 | Tel: 583-1400 | Fax: 583-1444 | noticia@awemainta.com
GRATIS
Famia a perde desde diasabra atardi
Julian HernandezRodrigues ta perdi
Famia preocupa a entrega un keho na Polis, den cual ta informa cu nan tin un ser keri perdi desde weekend. E homber ta sufri di problema mental, aunke mester bisa cu e no ta un hende agresivo. Ta trata aki di Julian Hernandez-Rodriguez di 48 aña di edad, naci na Colombia y biba na Weg Seroe Blanco # 23. E ta midi 1.60 meter y ta di postura delega y cuero color cla. E ta papia papiamento y Spaño. Ultimo bes cu a mire ta diasabra alrededor di 4:00pm ora el a sali di cas, despues di tabata mirando television cu su famia. Normalmente e no sa sali sin bisa. Famia ta pensa cu e lo a bay mira Fakkel Optocht. E tabata bisti cu un jeans color blauw y un poloshirt strepia color blauw y berde. Na pia e tabatin keds color licht blauw. Cualkier persona cu por a mir’e of si por tin mas informacion, pa por fabor yama Polis mesora. Su famia ta hayando hopi falta di dje.
ANDAZ HOTELS MASHA INTERESA DEN ISLA DI ORO
Tabata aña pasa, cu nos di AWEMainta a publica cu tin inversionista di afo masha interesa den Isla di Oro, unda nan kier construi un compleho di hotel, estilo Bora-Bora, cu ta masha exclusivo y sigur lo atrae turistanan di clase. Despues Minister di Turismo, Otmar Oduber a confirma esaki
tambe, pero no a tende nada mas, sino te cu ayera. Ayera di acuerdo cu Hotel Chatter, e prestigioso compania hotelera Andaz Hotels, cu ta forma parti di boutique hotelnan top di Hyatt Hotels, a anuncia riba red internacional, cu nan ta sumamente orguyoso di nan coneccion cu e experencia
autentico local, asina cu nan a tende cu nan lo habri un hotel excitante na Aruba. Maske cu por ta ainda e ta prematuro,
Di acuerdo cu un publicacion ayera pero e rumornan a cuminsa circula, di acuerdo cu Hotel Chatter cu Andaz Hotels, muy probablemente lo ta envolvi den e proyecto na
Your address for the best software and support. Accounting Software Payroll Software Document Management HRM / CRM Software
Tel.: 583-7072 | info@vcc-int.com | www.vcc-int.com
Isla di Oro na Aruba. Isla de Oro cu ta conoci di ta mey-mey di mangrovenan, cu lo tin restaurants, kambernan unico y e isla ta alcansable via di un pier. Pa loke nan a tende Isla di Oro ta un “diving spot”, cu a pone nan cabez spin, y pensa con lo bay construi un hotel n’e sitio ey. Ta di sinta weita y analisa kico
lo bay pasa, pero e decision lo cay den e prome mitar (primavera) di e aña aki ainda, segun fuentenan procedente di Hyatt Regency. Hyatt tin un otro hotel riba e isla di Aruba, cu 360 kamber cu recientemente a pasa den un renobacion completo. Cu of sin Aruba, e nomber di Andaz ta masha emociona y excita cu nan Andaz Tokyo y Andaz Gurgaon, cu ta geschedule pa habri mas laat e aña aki. Si Isla de Oro riba un otro Andaz Aruba, sigur lo nifica un enorme promocion pa Aruba su turismo. Tambe ta ser menciona cu Hyatt ta masha interesa den desaroya un hotel na South Beach, Florida, cu lo por ta un otro Andaz, segun Hotel Chatter den su publicacion.