XVIII FINAIS DE NOVEMBRO 2017
VAL MIÑOR
ROLDA DE PRENSA LUIS BARÁ (DEPUTADO DO BNG), CARME NÚÑEZ (POSTAVOZ MUNICIPAL DO BNG), JOSÉ MARTÍNEZ TATO (CONCELLEIRO DO BNG)
'Aula Verde' busca a sensibilización medioambiental a través de obradoiros relacionados con temas chave como o cambio climático, consumo responsable, reciclaxe, enerxías renovables...
Programa de Educación Ambiental en tódolos centros públicos de Infantil e Primaria do municipio de Nigrán e o ‘Juan María’
O Concello de Nigrán ofrece novamente este curso o programa de educación ambiental 'Aula Verde' en tódolos centros públicos de Infantil e Primaria do municipio e o de Educación Especial Juan María cun investimento total de 4.000 €. Este trata diversos temas relacionados coa sensibilización medioambiental (cambio climático; consumo responsable de productos, auga ou enerxía; fomento da eficiencia enerxética...) ben de xeito transversal nas diferentes áreas deseñadas para o programa formativo e, en concreto, nos obradoiros que se levan a cabo nos diferentes colexios ata finais de ano e que se retoman de marzo a xuño. "Cremos na educación como a mellor ferramenta para ter un presente e un futuro mellor, queremos que estes nenos sexan uns consumidores responsables e preocupados pola súa contorna, por iso apostamos fortemente por Aula Verde. Precisamente, o periodo de seca que está a atravesar Galicia e os incendios do día 15 poñen
aínda máis de relevo a importancia destes obradoiros", sinala o alcalde de Nigrán, Juan González, quen visitou onte xunto ao edil de Educación Luis Sanromán o CEIP Da Cruz (Camos) para coñecer de preto o obradoiro 'Gastar pouco e reciclar moito' no que, entre outras cousas, os nenos empregaron materiais de refugallo para construir xoguetes. O conxunto de obradoiros que se levan a cabo nos centros, dunha duración aproximada de 3 horas, xira en torno ao cambio climático, o consumo responsable e a eficiencia enerxética e, finalmente, o coñece-
mento do medio natural local. Todo elo se aborda a través da realización de múltiples actividades lúdicas que inclúen dende visitas guiadas á narración de contos, experimentos didácticos, actividades manuais, xogos grupais... Así, colexios como o CEIP Da Cruz (Camos) realizarán saídas enmarcadas nos obradoiros titulados 'As praias do meu Concello', 'Os ríos do meu Concello', 'A Foz do Miñor' e 'Os Bosques do meu Concello'; mentras que dentro do propio centro levarán a cabo os obradoiros 'Gastar pouco e reciclar moito', 'Horto ecolóxico' e 'Da horta ao bote'.
O BNG de Tui presenta unha inicativa parlamentar contra os ataques da memoria histórica galega
A organización nacionalista no Concello de Tui agradece a asociación "Levada Libre" e a tódalas persoas que fixeron posíbel a construcción do monumento ás víctimas do franquismo na Volta da Moura, lugar da memoria e da loita pola democracia. Asimesmo, o deputado do BNG, Luis Bará xunto coa portavoz municipal, Carme Núñez, e o concelleiro, José Martínez Tato, condenou os ataques fascistas que se sofriu o monumento hai uns dias, e, tamén todo tipo de mani-
festación de apoloxía do terrorismo fascista que se producen con absoluta impunidade no noso País. O Bloque Nacionalista Galego ven de rexistrar unha iniciativa no Parlamento Galego no que se insta á Xunta de Galiza a que condene os ataques fascistas producidos no País, e a súa vez, solicitáse a creación dunha rede de lugares de memoria antifascista galega para construír unha sociedade máis democrática.
O alcalde de Gondomar Paco Ferreira e a Concelleira de Benestar Social do Concello de Gondomar Rocío Cambra, manifestan o seu agradecemento a Entidade de “la Caixa” que a través do seu Fondo Social, fixo entrega o pasado día 7 de novembro da cantidade de 4.000€, para investir na compra de alimentos para persoas en situacións de emerxencia social do Concello. O acto da entrega asistiron por parte da devantida Entidade a Directora da sucursal en Gondomar e o Director de zona, e por parte do Concello o Sr. Alcalde e a Concellleira de Benestar Social.