A Nova Peneira 71. Finais de agosto 2016

ANO 5 - nº 71

XORNAL GALEGO DE INFORMACIÓN XERAL

finais de agosto 2016- 2€

O Entroido de Verán de Redondela 19 anos de éxitos

FOTO: LAGO

ESPECIAL:

ACHÉGANSE AS ELECCIÓNS:

ENTREVISTAS AOS CANDIDATOS NACIONALISTAS DE PONTEVEDRA: LUÍS BARÁ, POLO BLOQUE, E ANDRÉS NÚÑEZ DE COMPROMISO POR GALICIA páx. 4 e 6

A FESTA DO VIÑO DO CONDADO DE SALVATERRA páx. xIV

PAÍS DE FESTAS: TODO LISTO PARA AS FESTAS DO CRISTO NO PORRIÑO E EN CANGAS páxs. 11 e 20

EN PROFUNDIDADE: CONVERSAS COA TENENTE DE ALCALDE DE REDONDELA, MARI CARMEN AMOEDO, ANTONIO ARAÚXO DE MANIFESTO MIÑOR E CO NOVO ALCALDE DE PONTE CALDELAS ANDRÉS DÍAZ

páxs. II ,23 e Ix

2

FINAIS DE AGOSTO 2016

EDITORIAL Tino Lago Director de A Nova Peneira

Na mañá do pasado 22 de xullo, no Concello de Moaña ,celebrouse o primeiro encontro de alcaldesas de Galicia. Moaña é un dos poucos concellos do noso País nos que unha muller exerce a máxima responsabilidade municipal. En concreto, unha alcaldesa do BNG, Leticia Santos. Unha muller moi nova á que desde logo parabenizamos pola iniciativa da celebración desta xuntanza. O noso País ten 314 Concellos. Só en 36, a responsabilidade da alcaldía é exercida por unha muller. Non resulta moi complicado constatar a tremenda desproporción existente. Se no 89% dos Concellos de Galicia, hai alcalde, e no outro 11% alcaldesa, semella obvio que estamos ante unha das múltiples arestas dun enorme problema estrutural: o patriarcado.

Historicamente este tipo de responsabilidades estaban reservadas aos homes ,e aínda que semella que algo comeza a mudar na conciencia colectiva, unha desproporción porcentual tan inmensa; 89% homes / 11% mulleres, é un indicio demoledor do moito camiño que aínda fica por percorrer. Calquera iniciativa que permita dar pasos no camiño da igualdade de xénero, debe ser apoiada con palabras e tamén con feitos, por todas as persoas e colectivos que teñan unha mínima sensibilidade ante un problema, que entre outras cousas, orixina arredor de 80 asasinatos de mulleres polas súas parellas e ou ex parellas, cada ano, ano tras ano, todos e cada un dos anos, no estado español.

MARCOS ESCUDERO

A loita pola igualdade de xénero e o PP

A organización da xuntanza de alcaldesas galegas, convidou á Secretaria xeral de igualdade, Susana López Abella (primeiro anunciou que asistiría e finalmente non foi). A presidenta da deputación de Pontevedra, a socialista Carmela Silva, si asistiu. A vicepresidenta da deputación da Coruña Goretti Sanmartín do BNG, tamén asistiu. Asemade todas as alcaldesas de Galicia, tamén foron convidadas por tres vías diferentes; -Correo postal, correo electrónico e chamada telefónica. Algunhas das alcaldesas convidadas escusaron a súa asistencia. Outras anunciaron que estarían alí, e finalmente non o fixeron. Curiosamente non acudiu nin unha soa alcaldesa do Partido Popular. Estiveron alcaldesas do PSOE, alcaldesas do BNG e de CxG. Pódese pensar que todas e cada unha das alcaldesas do PP ese día, casualmente tiveran unha axenda moi cargada e que non lles foi posible asistir.

Todas e cada unha! Nin unha soa alcaldesa do PP tiña nada menos importante que facer o 22 de xullo, que contribuir a visibilizar a escasísima presenza feminina nas máis importantes responsabilidades políticas.

Resulta en verdade asombroso, só considerar a hipótese de que se poida xogar ao partidismo sectario nun tema da relevancia da igualdade de xénero. Se non fose unha hipótese senón que fose a triste a realidade, sería unha realidade estarrecedora e negra. Onde estaban a mañá do 22 de xullo María Ramallo, alcaldesa do PP da Vila de Marín?, Nidia Arévalo, alcaldesa do PP do Concello de Mos? ou Cristina Correa alcaldesa do PP do concello de Oia?.

Leticia Santos, declarou á Nova Peneira que o grao de satisfacción da xuntanza foi moi elevado. Debateuse esencialmente de igualdade, de como enfocala desde a administración municipal e de como exixir ás administracións que se impliquen no combate contra a desigualdade máis e mellor. Todas as asistentes coincidiron na necesidade de regularizar estas xuntanzas.

Todo apunta que a segunda edición será a vindeira primavera no concello de Muros, con alcaldesa de Compromiso por Galicia. Esperamos que nesa xuntanza estean todas e cada unha das alcaldesas de Galicia, que non falte nin unha soa, porque non abonda con dicir que se está pola igualdade, cómpre amosalo cos feitos, día tras día, todos e cada un dos días.

FINAIS DE AGOSTO 2016

3

GALICIA Máis terapeutas nos centros de Atención Primaria do norte, no sur seguimos igual Ante as informacións aparecidas en prensa en relación ás novas instalacións dos centros de saúde de A Coruña, visitadas no día de onte polo Presidente da Xunta de Galicia, nas que destacou a dotación de fisioterapia no novo Centro de Saúde de Vilarodís, aledámonos de que valore positivamente a profesión e queremos deixar constancia de que: 1. Desde o 2008 non se creou ningunha nova praza de fisioterapeuta nos centros de saúde do sur de Pontevedra.

2. Cada fisioterapeuta da área de Vigo ten asignados 33000 cartillas aproximadamente.

3. Nos últimos anos a demanda de fisioterapia incrementouse pero non aumentou a dotación de fisioterapeutas. En contraposición a isto, o que si aumentou foi a derivación ao centro concertado.

Tamén celebramos que o Presidente se teña reunido coa plataforma para a inclusión a meninxite no calendario vacinal, e invitámolo a visitar a cidade de Vigo e reunirse coa Plataforma de Terapeutas Vigo para poder expoñerlle de primeira man a situación dos Terapeutas do sur de Pontevedra e así poder mellorar a atención que prestan a cidadanía.

Luis Villares: “Somos a dignidade da maioría, fronte á miseria social e política de Feijóo”

O parque das Galeras de Santiago de Compostela acolleu a presentación pública das candidaturas de En Marea para as vindeiras eleccións ao Parlamento de Galicia. O encargado de presentar o acto, o alcalde de Santiago Martiño Noriega, salientou a forza e ilusión “desta ferramenta útil que superou os patriotismos partidarios” e que “está mandatada para provocar un cambio neste país poñendo as institucións ao servizo dos e das máis”. “Estamos nun momento histórico, que chegou

dunha demanda cidadá para reflictir unha maioría social que non se ve representada e que foi atacada por Feijóo durante os últimos anos, diversa e plural que se reflicte nas listas que presentamos” asegurou Martiño Noriega.

O candidato á presidencia da Xunta de Galicia e cabeza de lista por Lugo, Luís Villares, arrancou cunha referencia a Manuel María que “ dicía que unha palabra vale máis que mil imaxes, hoxe a palabra é: uni-

dade”. “Galicia tivo uns gobernantes que non merecía, non estiveron á altura da xente. Manuel Rivas dicía que os nenos non querían nacer porque non sabía o futuro que lles esperaba no noso país, e a xente que nace ten que emigrar. Os traballadores de calquera sector ven como as súas condicións laborais e salariais con cada vez máis precarias. As horas pasan moi lentas nas casas dos que non teñen traballos, horas que pasan rápidos nas casas dos que van ser desafiuzados. O tempo volvese angustioso e reflíctese nos ollos de aqueles que ven que a súa pensión reducida e teñen que repartila cos seus fillos e netos e sen saber se aqueles que tiveron que marchar van poder volver porque os seus gobernantes non lle deron unha oportunidade de vivir con dignidade na súa terra” declarou Luís Villares.

Unha situación que asegurou

“produce indignación, a que nos obrigaba a saír as rúas, as prazas e facer visible que estamos fartos de que nos tomen o pelo, que sabemos quen no las está facendo e sabemos os motivos polos que o fan”.

A cabeza de lista de En Marea por Pontevedra, Carmen Santos, salientou a grande responsabilidade moral e ética que tiña En Marea “e por iso estamos aquí”. “Foi un camiño con distintas curvas, nunca dubidei como tampouco o fixo o 99 por cento que nos iamos a presentarnos xuntos. Tivemos papel de xenerosidade e de responsabilidade porque Galicia non pode deixar pasar este momento . Queremos facer política para ao 99 por cento, queremos construír e fortalecer unha Galicia mellor e con futuro para os nosos maiores e para os noso mozos” rematou Carmen Santos a súa intervención.

Compromiso propón un acordo para defender as competencias de Galicia ante os proxectos eólicos mariños

O secretario xeral de Compromiso por Galicia e candidato á presidencia da Xunta, Xoán Bascuas, demanda a

unidade dos políticos para “defender o veredicto unánime do Parlamento de Galicia e o clamor social que existe” contra a instalación de parques eólicos mariños en augas interiores do noso país.

“As autorizacións deste tipo de plataformas son competencia exclusiva de Galicia

e non podemos baixar a garda para defender a voz e o autogoberno de Galicia” comentou Bascuas, lembrando que estamos ante un asunto que provocou consenso entre distintos partidos políticos. Agora o Tribunal Supremo eliminou o veto do Parlamento de Galicia que si foi avalado pola Audiencia Nacional.

Un estudo estratéxico ambiental do goberno do estado de 2009 abría a porta á instalación de parques eólicos mariños nun 75% da franxa

costeira de Galicia. As previsibles consecuencias contra a flora, a fauna, o noso sector pesqueiro e os recursos mariños provocaron desde o principio unha forte oposición.

Desde Compromiso por Galicia pídese un pacto entre tódalas forzas políticas para “deixar clara a nosa oposición, reafirmar a nosa soberanía e que haxa un gran acordo para que o futuro goberno galego adopte as medidas oportunas neste asunto”.

4

FINAIS DE AGOSTO 2016

ENTREVISTA Entrevista a Luís Bará Torres. Cabeza de lista do BNG na Provincia de Pontevedra

¨Hai que poñer o país a producir¨

Despois do decepcionante resultado das eleccións de xuño, por que motivo considerastes acaido repetirdes as cabezas de lista de Pontevedra, Lugo e Ourense?

Non creo que os resultados teñan que ver coas persoas senón co contexto político no que se produciron as elecccións.

No meu caso, a campaña foi unha experiencia moi positiva, de coñecemento da organización e da realidade da circunscrición de Pontevedra. Foi unha experiencia de aprendizaxe e síntome moi motivado para encarar o repto das eleccións galegas e obter un resultado positivo para o nacionalismo

Xa están máis calmadas as cousas, ou aínda seguen a ameazar aos deputados provinciais do BNG? A que cres que responden estas tácticas propias da camorra siciliana?

O PP de Pontevedra, encabezado por Rueda, escolleu unha liña de oposición montaraz. Non acaban de asumir que perderon un dos baluartes de control e de utilización partidista da administración, a Deputación de Pontevedra. Por iso utilizan calquera escusa para montar gresca, e o conflito do Parque de Maquinaria hai que velo nesa clave. O día en que Rueda ou Feijoo manden parar, acabouse o problema.

Cales son os principais problemas que ao teu xuizo, padece a provincia de Pontevedra, a cuxos veciños e veciñas aspiras a representar?

Os problemas de Pontevedra son os problemas de Galiza: desequilibrios territoriais, desmantelamento dos sectores produtivos estratéxicos, aumento da desigualdade social e económica, coas consecuencias de paro, pobreza, exclusión,

emigración... O problema estrutural é que non hai un goberno galego que exerza como tal, a Xunta de Feijoo compórtase como unha delegación do goberno de Madrid, que executa de maneira obediente as ordes que lle dan na Moncloa e en Bruxelas. E mesmo presume de ser o campión das políticas impostas polo gran capital transnacional.

Para reverter esta situación cómpre que o goberno galego desenvolva unha política ambiciosa, que poña o país a producir, que xere emprego e riqueza desenvolvendo todo o potencial e os recursos que ten o noso país, que son moitos.

Temos recursos no mar, na terra, no

monte, no vento... que hai que aproveitar e desenvolver. A nosa mensaxe central da campaña ten que ver coa idea de que temos un país capaz, que temos xente cualificada e traballadora, que temos capacidade de aforro que debe reverter no tecido produtivo. En definitiva, que temos que ser quen de desenvolver un programa de goberno ambicioso, que poña a Galiza no mapa, entre as nacións máis avanzadas de Europa. Construír ese horizonte de esperanza e de futuro é a razón de ser do nacionalismo e do BNG, e esa vai ser a nosa tarefa.

Cales serían as primeiras iniciativas

que presentaría Luis Bará deputado?

Pois artellar un conxunto de medidas para poñer o país a producir: plan de industrialización e de freo á deslocalización que sofren sectores como a automoción e o téxtil; tarifa eléctrica galega para favorecer o tecido produtivo e aos consumidores con prezos máis baixos do recibo da luz; incremento do orzamento en I+D+I e aposta estratéxica pola investigación e o coñecemento; Instituto de Crédito e Investimento para canalizar o aforro cara ao investimento produtivo; Banco de terras para dinamizar a actividade produtiva no agro, por ex. planta ornamental, produción hortofrutícola de calidade. O Banco de Terras creado polo BNG o goberno da Xunta foi unha aposta estratéxica de desenvolvemento rural que o PP deixou esmorecer porque non teñen visión de futuro para o noso rural, non cren na capacidade do noso país para saír adiante.

Tamén sería para min prioritario desenvolver un plan de mellora da calidade das augas e da explotación da riqueza pesqueira, marisqueira e acuícola das nosas rías. As rías deben ser un gran celeiro de traballo e riqueza e por iso é fundamental o saneamento e tamén a investigación para mellorar a produción.

Ademais, paréceme fundamental desenvolver un plan de ordenación e xestión do monte, desde unha visión integral que contemple os usos económicos, sociais e ambientais: preservación da biodiversidade do monte; aproveitamento forestal e madeira primando as frondosas sobre as especies de crecemento rápido; promoción da actividade gandeira; diversificación produtiva (cogomelos, castaña, oliveira...); ordenación e xestión do patrimonio cultural; potenciación dos usos culturais, sociais e de lecer...

FINAIS DE AGOSTO 2016

5

ENTREVISTA Estamos convencidos de que non hai mellor política social que a que aposta por poñer o país a producir, por desenvolver todo o seu potencial, por crear riqueza e emprego de calidade e por garantir desde o público servizos para toda a poboación.

-Semella que desde Amio, o nacionalismo galego, vive enquistado no conflito permanente. Como está a saúde interna do BNG na actualidade? e como valoras a situación de En Marea-Podemos?

O nacionalismo nucleado arredor do BNG é unha organización viva, activa socialmente, plural, con grande implantación territorial e gobernos municipais que son un exemplo en Galiza e no mundo.

Mais somos conscientes de que o mapa político mudou e que temos que actualizar a nosa organización e o noso discurso para ser máis útiles á sociedade galega.

Por iso estamos agora no proceso Adiante, un programa de refundación e actualización que as convocatorias eleitorais fixeron que pasase a segundo plano mais que imos retomar con forza no outono e que queremos que estea rematado na primavera do 2017. Froito deste proceso de análise, debate e interlocución vai nacer un novo BNG. Con respecto a Marea Podemos penso que é unha alianza conxuntural que responde a intereses das partes mais que non vai durar. Xa o vimos na pasada lexislatura con AGE, que tiña menos pluralidade ideolóxica e acabou como acabou, convertida na cuarta forza do Parlamento con 6 deputados, e 3 no grupo mixto. E tamén o estamos a ver no Parlamento do Estado, coa representación da Marea absoluta-

Cervexería, Asador,

mente entregada á estratexia de Podemos.

Por certo, unha estratexia que levou a fortalecer a dereita e a permitir que o PP siga gobernando en Madrid.

Na constitución todo, e fóra da constitución nada?

Para nós a Constitución é o punto de partida, non de chegada. É un corsé, un molde ríxido que impide o pleno desen-

volvemento das capacidades e das potencialidades do noso país. Aspiramos a construir un novo marco político no Estado, no que Galiza teña un estatus novo, no que o noso país gañe cotas de autogoberno e de capacidade para xestionar os seus recursos en beneficio da maioría.

Esta constitución, por certo, tamén é a norma que consagra o teito de gasto e o déficit cero, unha modificación acordada polo PP e PSOE, que consagra a política de perda de dereitos e de destrución do público.

As nosas arelas de transformación, progreso e benestar para Galiza non caben nin no legalismo constitucional nin no autonomismo sano y bien entendido que defenden outras forzas políticas que se din de esquerdas.

Cales son ao teu xuizo, as principais cualidades de Ana Pontón? É unha persoa nova e con moita expe-

riencia política ao mesmo tempo. Ten enerxía e capacidade de traballo. Ten talento e talante. Gústame moito a súa proximidade, o coidado dos detalles. É unha persoa dialogante, sabe escoitar e traballar en equipo. Ten criterio, creatividade, coraxe. Ten todas as cualidades para liderar o BNG e para ser unha excelente presidenta do goberno galego.

No caso de que a dereita do PP, e a ultradereita de Ciudadanos, non sumen 38 escanos. A disposición do

BNG a formar un goberno alternativo, co resto de forzas de esquerda que estean no parlamento, estaría fóra de toda dúbida?

O BNG ten máis que demostrada a súa leadade, fiabilidade e xenerosidade a este respecto. Sempre que dependeu do BNG, non houbo goberno da dereita, por ex, recentemento nas deputacións ou nos gobernos de Coruña ou Santiago. Sempre apoiamos a forza maioritaria da esquerda para que non goberne o PP. Outras forzas políticas que van de adalides do cambio e da derrota do PP non poden dicir o mesmo: en Madrid permitiron que o PP saise reforzado e no concello de Pontevedra non apoiaron a investidura de Lores como Alcalde.

Rematamos Luis, agradecéndoche a túa amabilidade e pedíndoche que te dirixas áos lectores e lectoras dos 31 concellos de Pontevedra nos que se distribúe A Peneira. Por que motivo, deberían depositar a súa confianza en Luis Bará e no BNG? Porque estamos nun tempo de excepcionalidade, de emerxencia, e nestas circunstancias non é o momento de experimentos e improvisacións. Precisamos a experiencia, a solvencia e a solidez do BNG, que está a demostrar en concellos como Pontevedra, Allariz, Carballo, Tomiño, Ponteareas ou As Neves a súa capacidade para transformar a realidade.

Para iso fai falta tamén superar a mansedume e a resignación, fai falta coraxe, valentía, determinación, orgullo e confianza en nós, e estes son tamén trazos que definen o noso proxecto político.

6

FINAIS DE AGOSTO 2016

ENTREVISTA Andrés Núñez Rajoy. Cabeza de lista de Compromiso por Galicia pola provincia de Pontevedra

¨Aí están os concelleiros e os alcaldes de Lalín, Vilar de Santos e a alcaldesa de Muros para dar testemuña do traballo de Compromiso¨ Cóntanos a túa historia persoal Nacín en Pazos (Iria Flavia - Padrón) fai case sesenta anos. Teño dous fillos.

Estou casado e vivo na Boa Vila de Pontevedra dende fai unha morea de anos, tantos que me consideran, e me considero, un pontevedrés máis. A nivel profesional estudei enxeñería técnica agrícola na USC. No mundo do traballo fixen de todo, fun autónomo, din clase como profesor na formación profesional agraria, traballei como responsable de departamento dunha gran empresa, e por ultimo na administración galega primeiro como Axente de Extensión Agraria, logo como técnico especialista en horticultura onde desenvolvín traballo de investigación e experimentación, mais adiante fun xefe do servizo de Produción Agraria Sustentable e Sanidade Vexetal. Agora desenvolvo o traballo na concentración parcelaria na provincia de Pontevedra.

Debo sinalar que nestes trinta e bastantes anos traballando tamén formei parte de varios comites e grupos de traballo coma Comité Fitosanitario Nacional ou a Comisión Nacional de Bioseguridade a nivel de España ou no Committee on the Food Chain and Animal Health na Unión Europea. Tamén fun secretario do Colexio Oficial de Enxeñeiros Técnicos Agrícolas e Peritos Agrícolas da Coruña, Ourense e Pontevedra durante duas quendas.

A nivel político podo decir que levo no galeguismo dende o ano 1973 cando, aínda con Franco vivo, realicei o Curso de Inición a la Lengua Gallega impartido polo ILG e a USC, a partir de aí estiven militando sempre dende a miña ideoloxía socialdemócrata, por iso en CxG cumpre os meus obxetivos de galeguismo e socialdemocracia.

Cales son as perspectivas reais de CXG nestas eleccións autonómicas?

Aínda que non hai enquisas, neste intre, estamos seguros que imos sacar representación. Sabemos da dificultade, se xuntamos o 5% mínimo coa lei D'Honh, tamén de como está feita a circunscripción electoral en Galicia, un escano en Pontevedra custa 25.000 votos e en Ourense 15.000. Asi que as nosas expectativas céntranse na obtención de grupo parlamentar.

Por que motivo decidistes presentarvos en solitario, e non confluir con en En Marea ou aceptar a oferta que vos fixo o BNG? Se alguén fixo chamados á confluencia foi Compromiso por Galicia, convocamos xuntanzas e asistimos a todas aquelas ás que fomos convidados, as nosas condicións sempre foron a non ex-

clusión de ninguén, nin de partidos, nin de cidadás e cidadás, xa que o veto ou os apriorismos sen nin tan sequera intercambiar opinións son antitéticos á idea de confluencia e defensa do ben común. Ao final non puido ser, eu non son de botar culpas ninguén pero por nós non foi, e así o 17 de abril os afiliados e afiliadas de Compromiso por Galicia, nunha Convención Nacional, decidiron presentar candidatura propia ás eleccións ao Parlamento Galego

Nun contexto tan polarizado entre a mensaxe da estabilidade e a orde que vai tirar o PP, a mensaxe do cambio necesario que vai tirar En Marea, e a mensaxe do nacionalismo que vai tirar o BNG, hai espazo para CXG? O PP renunciou a que haxa unhas

eleccións en clave galega ao convocalas canda as vascas e, queirámolo ou non, vai a mediatizar moito a campaña que no fondo é o que lle interesa ao PP, pero xa vemos que a súa política foi nefasta para Galicia, non hai máis que mirar os indicadores económicos.

Polo que respecta á pregunta de si hai espazo para CxG a resposta é moi doada: haino, é máis somos necesarios para o país e o galeguismo ten que estar representado. Sabemos que as mensaxes que se van a mandar á xente van a ir moi marcadas polo nacionalismo e polo rupturismo, uns coma marca da casa e outros para xustificar as alianzas que levan feitas ata o de agora.

Nós somos un partido con vocación de gobernar Galicia, sabemos que é un labor lento, traballoso e é por iso que nosa mensaxe vai dirixida á maioría dos galegos e galegas sen exclusións, todos e todas somos necesarios, non somos excluientes como pasou ata agora no mundo do nacionalismo, non somos rupturistas, non hai "nova política", so hai política boa e política mala, é por iso que nos diriximos aos galeguistas, a esas persoas que saben que nós somos distintos, que presume de Galicia, que sabe que debemos de ter máis cotas de autogoberno para defender o noso, xente que quere competencias plenas no mar ou no agro, que debemos dirixir a nosa economía para crear riqueza, estas persoas ata o de agora votaban noutros partidos e non ven resultados, que ven corrupción e non se fai nada, que ven coma os mozos e mozas teñen que emigrar para conseguir traballo, queremos que boten man da súa autoestima e podan verse reflexados e identificados en CxG, que temos un programa para Galicia, sabemos que esa é a maioría da xente de Galicia, xente que ata agora votaba PP, ou BNG, ou PSOE ou Marea, a eles e elas nos diriximos cunha mensaxe clara: galeguismo. Nós temos que dirixir o noso.

FINAIS DE AGOSTO 2016

7

ENTREVISTA -Na pregunta non se fai referencia ao PSOE pero gustaríame referirme a el xa que é un dos que van a ondear a bandeira do galeguismo ao levar de candidato a X.F. Leiceaga, e non, non vai haber galeguismo, o que van a facer é buscar votos para Pedro Sánchez, e logo, si te vin xa non me lembro.

Sexa cal sexa o resultado o 25 S, CXG é un proxecto con vocación de continuidade no tempo?

Compromiso é un partido con vocación de permanencia e de goberno. Xa dixen antes que nos diriximos á maioría social deste país. Somo un partido novo, xa deixamos os cueiros e comezamos a camiñar con soltura. CxG xa deu mostra dos se facer na vida municipal e aí están os nosos concelleiros e os alcaldes de Lalín, Vilar de Santos e a alcaldesa de Muros para dar testemuña do noso traballo, por iso pase o que pase o 25 S sei que o 26 S comezaremos a traballar cara as municipais que a seguinte convocatoria electoral.

Cales son as principais problemáticas que padece a provincia de Pontevedra?

Son moitos os problemas e deficiencias que nos atopamos nesta provincia, froito dunha política nefasta do PP de Feijóo, así vemos os problemas da sanidade co esperpento de todo o que sucede arredor do A. Cunqueiro en Vigo ou da política de cabezonería dun hospital novo en Pontevedra para acabar amañando o CHOP, tempo perdido. A crise, permenente, da construcción naval polo pouco que se esforzan en buscar solucións parece unha tomadora de pelo, si a esto xun-

tamos a denominada crise conxuntural pola burbulla do ladrillo xa temos en marcha a maior cantidade de parados de Galicia. No agro, sobretodo no interior da provincia, conviven o despoboamento cos baixos prezos ao leite e a carne, cuns montes sen ordenar pola ausencia dunha política forestal seria que ten que aprender que os lumes apáganse no inverno e que hai que facer silvicultura. A contaminación das rías non é de recibo, son varios os avisos da Unión Europea e a Xunta de Feijóo sigue como si non pasara nada, e os nosos barcos con cotas de capturas que non se corresponden nin coa capacidade nin coa tradición pesqueira galega. As escolas cada vez con menos profesores con aulas masificadas.

Cales son as principais propostas programáticas de Compromiso?

Presentamos un programa de goberno realista, que se pode levar a cabo pensando en toda a sociedade galega. Se algo teño que destacar poderíamos falar do Benestar Social na que propomos que se garanticen os servizos sociais como cuarto piar do Estado de Benestar. Cando falamos do plano de desenvolvemento económico baseámonos na confianza nos autónomos, emprendedores e pequenos empresarios para a xeración de emprego e riqueza. Retorno da poboación emigrante, esta terra desangrouse xente durante décadas e agora vemos como a xuventude con mellor preparación esta emigrando para iso levamos un plano de desenvolvemento económico baseado no I+D+i . Nós consideramos o sector agroforestal coma vital para o futuro de Galicia, para iso levamos un plan de actuación que se basea principalmente no relevo xe-

neracional das explotacións, minimizar a dependencia de recursos alleos ása explotacións, apoio a modelos sustentábeis, producións de calidade e todo ca fin de creación de emprego e recuperación de poboación. Na pesca temos que defender as cuotas que lle corresponden a Galicia por xustiza. O exemplo recente do cerco é ben significativo. O establecemento de mecanismos para a representación directa de Galicia nas institucións europeas, sobretodo nas COREPER, e convertir a Fundación Galicia-Europa no interlocutor directo da Xunta de Galicia coa Unión Europea.

Que sería o primeiro que faría Andrés Núñez como deputado?

Aquí podería facer algunha proposta desas para quedar ben, pero non, pero eu non son así prefiro ser realista. O primeiro que faría como deputado sería unha proposta de lei para a revitalización económica e creación de emprego en Galicia, sería unha lei transversal que afectaría a tódolos sectores produtivos e que tería como raíz o I+D+i. Gustaríame que esta proposta de lei fose consensuada por unha moi ampla maioría do Parlamento o que querería decir que se falou e pactou moito, cousa que por certo non está a acontecer neste país no que se deixou de falar, de entenderse e pasouse a berrar, a rirse do outro, ao "e ti máis". Se queremos que Galicia teña futuro temos que entendernos todos, ninguén ten a exclusividade.

A coincidencia do teu segundo apelido, co primeiro dun señor non grato na cidade de Pontevedra, é unha casualidade?ou tes algunha relación fa-

miliar co rexistrador da propiedade de Santa Pola? É unha casualidade tanto con Mariano polo Rajoy, como con Alberto polo Núñez. Esta coincidencia so a usan os meus amigos para meterse conmigo ou cando no traballo poño o meu nome ou nunha tenda cando pagas con tarxeta, a xente soe preguntarme, primo? e eu sempre contesto que o primo de Mariano era o do cambio climático.

A única coincidencia que teño con Mariano Rajoy é o lugar de veraneo no que ámbolos dous levamos moitos anos indo alí, aínda que temos diferenza de nome xa que eu chámolle Sanxenxo e el Sangenjo.

Para rematar,como sabes o noso xornal distribúese en todos os concellos do sur de Pontevedra. Por que motivo, un lector/a de Mos, Ponteareas, Gondomar, Redondela, Bueu... debe votar a CxG? Todos e todas formamos parte da mesma comunidade, temos un xeito de ser e de estar, no noso subconciente á maioría da nosa poboación é galeguista so falta levantar un pouco a autoestima.

O Val Miñor, O Condado ou O Morrazo son zonas que coñezo ben, tanto persoalmente coma polas informacións dos meus compañeiros de CxG, sei dos problemas do todas esas comarcas que non difiren moito dos de outras zonas de Galicia e que teñen que ser tratados no parlamento con seriedade, é moi fácil facer preguntas, pero en CxG tamén temos respostas, non so preguntaremos senón que tamén proporemos, por iso pediremos o apoio a nosa candidatura pero sempre en clave de Galicia, sempre galeguistas.

8

FINAIS DE AGOSTO 2016

A LOURIÑA mOs

O pOrrIñO

Mos ultima o proxecto construtivo de mellora do Polígono do Rebullón para poder optar a unha axuda autonómica Esta primeira fase, e máis urxente, consistirá na acometida da rede de saneamento

O Porriño intensifica as actuacións para obrigar aos propietarios de leiras e montes a extremar as medidas de prevencion de incendios

O xefe territorial de Pontevedra da consellería de Economía, Emprego e Industria, Ignacio Rial, a alcaldesa de Mos, Nidia Arévalo, e o arquitecto municipal reuníronse onte no salón de sesións do Concello con representantes de AEMOS, Asociación de Empresarios, e de varias empresas do Polígono do Rebullón, na que foi a súa segunda xuntanza para abordar a solución ás deficiencias existentes no polígono.

O Alcalde Accidental do Concello do Porriño, Manuel Carrera, presidiu esta mañá unha reunión co fin de coordinar as actuacións para obrigar aos propietarios de leiras e montes a extremar as medidas de prevención de incendios, manténdoos limpos de maleza e respectando as franxas de seguridade establecidas pola lei na proximidade de vivendas illadas e núcleos habitados.

Na reunión participaron o Xefe do Distrito Forestal XVIII, Pedro Luís Alfonso; os concelleiros de Medio Ambiente e Limpeza do goberno local, Marcelino Coto e Orlando Márquez, respectivamente; responsables da Policia Local, Protección Civil e técnicos do

En dita reunión o arquitecto municipal presentou o proxecto construtivo, elaborado polo Concello, e que se atopa prácticamente rematado, tan só á espera de recibir as especificacións técnicas xa solicitadas ás compañías subministradoras de electricidade e telefonía, e que son necesarias para finiquitar dito proxecto.

Este proxecto será sobre o que se sustentará a solicitude municipal de subvención á consellería de Economía, Emprego e Industria; xa que o Concello de Mos pretende optar a unha liña de axudas de cara a principios do próximo ano 2017, que outorga un máximo de 150.000 euros por municipio e obra, contía coa que se acometería a primeira fase parcial, e máis urxente, das necesidades do Polígono do Rebullón, consistente na instalación da rede de

saneamento de augas fecais.

Pero ademais desta parte máis urxente que representa o saneamento, o proxecto contrutivo redactado polo arquitecto municipal inclúe un informe valorado do resto de necesidades do polígono que se centran fundamentalmente na canalización e xestión de augas pluviais e mellora do vial central, incluíndo a maiores a acometida dunha rede de hidrantes para a extinción de incendios e o soterramento do tendido eléctrico.

A mellora do vial central debería contemplar todo tipo de traballos de humanización como mellora do firme, acometida de beirrarúas e aparcadoiros, delimitación de vados, optimización do alumeado público, etc.

O custe total dos traballos podería superar os 480.000 euros sen incluír os labores de soterramento do cableado eléctrico, tratándose, polo tanto, dun proxecto moi ambicioso.

As prioridades nesta área industrial son, en primeiro lugar, a canalización e xestión de pluviais e fecais xa que hai un muro con perigo de derrumbe por este motivo e, en segundo lugar, o proxecto de ordenación vial.

Así mesmo a rexedora local mosense, Nidia Arévalo, declarou a “necesidade de revalorizar esta zona industrial, estratéxica pola súa ubicación, pero que precisa dunha mellora estructural importante e vital para a subsistencia do polígono”.

Concello. “Imos ser contundentes cos propietarios que non realicen as tarefas de limpeza obrigatorias e, especialmente, cos que poñan en perigo vivendas próximas”, asegura Manuel Carrera.

A Policia Local fará un estrito seguimento dos requirimentos de limpeza tramitados desde o Concello para, en caso de incumprimento, iniciar o procedemento sancionador establecido por lei.

Na reunión tamén se acordou facer un inventario das leiras e montes cuxos propietarios non están identificados, “co fin de garantir unha franxa de seguridade cos núcleos habitados” explica o Acalde Accidental.

Os propietarios de leiras e montes están obrigados a efectuar a limpeza antes do 30 de xuño de cada ano. En caso contrario, o Concello pode instarlles a realizar a mesma nun prazo de quince días e, se se incumpre, ordenar os traballos de limpeza esixindo os custos aos propietarios que ademais serán sancionados.

O pOrrIñO

O Centro Cultural permanecerá pechado dúas semanas para mellorar a accesibilidade da biblioteca

Desde o vindeiro luns día 22 e ata o 5 de setembro, o Centro Cultural do Porriño permanecerá pechado ao público debido ás obras de mellora da accesibilidade á biblioteca. A actuación forma parte do programa de modernización das

instalacións para optimizar os servizos aos usuarios no que tamén se inclúe a renovación da rede WIFI realizada o pasado mes de xuño.

A biblioteca municipal de Porriño é unha das máis utilizadas da Rede de Bibliotecas Públicas de Galicia. De feito, desde hai varios anos mantense na segunda posición, detrás da biblioteca de Narón, por número de préstamos realizados: un total de 14.741 no ano 2015.

O servizo pechou o pasado ano con 5.472 lectores asociados e recibiu 82.000 visitantes.

FINAIS DE AGOSTO 2016

9

PUBLICIDADE

Reserva os teus libros de texto!

10

FINAIS DE AGOSTO 2016

OPINIÓN Pedro Ocampo Cardalda Concelleiro de EU-Son do Porriño

A palla nas rúas

Recoñezo a miña pechazón e falta de visión xeral; andaba ás cegas e as árbores non me deixaban velo bosque, mellor dito o monte, un monte que arde estos días e nos envía o seu fume para que non esquezamos que esto non é causa do destino nin o azar nin a loucura dalgunhas persoas, senón da política, aquela da que todos e todas somos responsables; fume que nos debería facer reaccionar dunha vez e non permanecer indiferentes, como nos di Gramsci no seu famoso texto “Odio aos indiferentes”.

Pero ao que ía, como a mazá que din que fixo gritar “eureka” a Newton, a min foi a palla a que me abriu a mente; si, a palla, a palla que cubría as rúas do centro do Porriño con motivo desa festa “histórica” que é Porrigalia. Explícome, ata o de agora instábamos ao goberno do Porriño á acción, a promover políticas reais e efectivas para as persoas, criticando a súa falta de iniciativa, inocentemente optimistas na capacide deste goberno para facelo. Pero a palla abriume os ollos, en vez de pechalos: Porrigalia é a representación plástica do goberno do Porriño, a expresión simbólica do seu “carácter” ou, para ser xustos, da súa falta de “carácter”. A palla nas rúas do Concello do Porriño é a expresión plástica da política do seu goberno.

Para quen non o saiba, Porrigalia é unha festa de carácter “histórico” que naceu para ser algo así como uns xogos olímpicos gregos pero na GaliaPorriño. Nela participaban, o primeiro ano, galos, gregos, romanos e exipcios. A festa xurdiu na colaboración do Concello e unha empresa privada de espectáculos. Todo isto no último ano do goberno do PP. O novo goberno do PSOE e de UDDL (escindidos do PP) recolleu o testigo (moi olímpic a a frase) e quixo darlle un toque particular, co seu selo, algo máis “enxebre” para xustificar a cousa (ou

“Os feitos maduran na sombra, entre unhas poucas mans, sen ningún tipo de control, que texen a trama da vida colectiva, e a masa ignora, porque non se preocupa. Os destinos dunha época son manipulados según visións estreitas, obxectivos inmediatos, ambicións e pasións pesonais de pequenos grupos activos, e a masa dos hombres ignora, porque non se preocupa. Pero os feitos que maduraron chegan a confluir; pero a tela texida na sombra chega a bo término: e entón parece ser a fatalidade o que o arrolla todo e a todos, parece que a historia non sexa máis que un fenómeno natural, unha erupción, un terremoto, do que son víctimas todos, quen quería e quen non quería, quen sabía e quen non sabía, quen estivera activo e quen era indifirente.”

Antonio Gramsci

xustificarse), así que introduciu un novo pobo, “os castreños”. O terceiro ano, este, as rúas apareceron cheas de palla no chan e con adornos e decorados medievais (difícil de explicar aos e ás visitantes foráneas, xa non digo o susto dos tiquismiquis dos feitos históricos). Esta é a traxectoria desta festa, a cal ten boa acollida e parece que dá un respiro a bares, restaurantes e negocios do centro; que todo sexa por iso, alomenos. Non vou entrar aquí en se hai que seguir a facela ou non, aínda que podería de-

cirse moito da necesidade dunha marca de calidade no que se faga dende o Concello, e non só referido ás festas.

Pois ben, como ía dicindo, Porrigalia expresa o “carácter” do goberno do Porriño, o seu “ethos”, que dirían os gregos que ese día nos visitan. Se un le a entrevista á Alcaldesa do mes de xullo pasado na “Nova Peneira” o entenderá moi ben, e para quen viva no Porriño e teña ollos non fará falla.

Pero, como guía, pois estamos en agosto, mes de lecturas doadas, vou dar pistas, para que vostedes o completen (algo teñen que facer, aínda que esteamos en verán):

1. Porrigalia ten a súa orixe no goberno do PP e continuidade co novo goberno PSOEUDDL. 2. Porrigalia carece de identidade (histórica ou cultural).

3. Moita palla nas rúas do Porriño en Porrigalia e un decorado que non se corresponde cos persoeiros que por elas pasean: gregos, romanos, castreños ou exipcios.

4. Porrigalia é xestionada, case que exclusivamente, por entidades privadas.

O Concello pon os cartos e outros xestionan.

5. Moita propaganda e pouca implicación das asociacións de veciños e ningunha das Parroquias na celebración dos actos.

En fin, poderiamos dicir que o goberno do Porriño é, máis que un regulador da política municipal, unha “comisión de festas permanente”. Vanlle as festas, os actos públicos, e as utiliza para a súa promoción, pero é incapaz de facer cousas, ofrecer solucións e traballar para as persoas e familias. As festas non están mal, sociliazan, alegran, atraen a xente de fora, e moven a economía. Pero a mellor festa e ter un concello agradable, humanizado, no que a xente se sinta ben indo ao mercado, paseando polas súas rúas, parques, e camiños. Con parroquias vivas social e económicamente e non abandonadas, como así o recoñece a Alcaldesa con Torneiros. A mellor festa é aquela que non oculta desigualdade, sufrimento das familias, impotencia e frustración das persoas que non poden saír adiante. A mellor festa é aquela que pode ser compartida e vivida por todos e todas.

Perdoade o tono veraniego e lembrade que a vida continúa, ao igual que a necesidade do compromiso político permanente.

Saúde e forza!

FINAIS DE AGOSTO 2016

11

A LOURIÑA O pOrrIñO

Festas do Cristo da Agonía (e máis), O Porriño

G. FIGUeIreDO

Celébranse do 09/09/2016 ao 02/10/2016 e son unas festas na honra do Santo Cristo. O programa das festas inclúe, asemade dos tradicionais actos litúrxicos, moitas actividades lúdicas e deportivas para o goce de público de todas as idades.

Fagamos un pouco de historia que sempre é o camiño máis acaido para comprendermos onde estamos na actualidade. A Capela do Sto. Cristo da Agonía, historia. Fonte: diocese TuiVigo.

No ano 1848 foi derrubado o Cruceiro de pedra que estaba situado no empalme das estradas de Tui Vigo. No 1862 foi trasladado a este lugar, e fíxoselle un fornelo en 1876. Está datado no ano 1622, segundo consta na inscrición da base, na que tamén aparecen os nomes dos donantes.

Servando Ramilo Nieves promove a costrución dunha capela neste parque en memoria da súa dona Prudencia Diz Fortes, comprando o solar no ano 1897 e informa da súa intención de levantala segundo o proxecto dunha única nave, con paredes de cachotería e bóveda de ladrillo, e con dúas fornelas para a colocación das imaxes da Virxe do Carme e S. Xosé ou o sagrado corazón.

O 22 de xaneiro de 1898 o Bispo de tui, D. Valeriano Menéndez Conde, asina un decreto episcopal coas condicións necesarias para a aceptación desta

doazón.

Comezan as obras en setembro do mesmo ano, dirixidas polo canteiro Sr. Martínez,e un ano despois bendice e ábrese ao culto a capela, cedendo a favor da igrexa o dominio pleno da mesma e dunha franxa de terreo de 2 metros en todo o seu contorno. A escritura de doazón foi outorgada por don Sebastián Servando Ramilo Nieves a favor da parroquia o 16 de setembro de 1899 diante do notario de O Porriño D. Xosé de Castro Míguez.

Tamén nese ano reailza o acto fundacional da Confraría do Santísimo Cristo da Agonía.

A construción, seguindo a moda do momento en que se realiza, combina o clásico co histórico, nun eclecticismo de bastante orixinalidade e con riqueza decorativa. Na actualidade non se se aprecia totalmente, por atoparse toda a pedra vista, e non como foi pensada para mostrar o perpiaño resaltando sobre un morteiro branco, que cubriría as partes de cachotería, realzando a parte central da fachada de acceso.

Esta enmárcase con pilastras laterais. No centro está a porta de

arco trilobulado irregular, que se adorna cun relevo esterno formando outro de medio punto e unha clave central. Para soster o remate, completa a composición con dúas columnas clásicas co fuste acanalado e capitel composto que apoian sobre un alto prisma a modo de base. O entaboamento superior remata nunha cornixa que se adorna cunha banda denticulada, e nel apoia a base da torre con roleos laterais.

O frontón pártese para acoller o corpo inferior da torre, que se adorna cunha fiestra trilobulada e moldurada. Nos extremos hai pináculos de floreiros e a moldura de peche superior é irregular.

O corpo de cmpás é cadrado, con abertura aos catro ventos, de arco apuntado. Remátase cunha cruz metálica.

No mes de xuño do ano 1963 a irmandade de S. Cristovo comezou a facer desta capela a súa sé, e trouxo a imaxe do Santo para aquí.

Antigamente todo o paramento da cabeceira ocupábao un retablo, en madeira de caoba, no que estaban as imaxes do Cristo e da Dolorosa que cruzaban as súas miradas. Polo seu mal estado desfíxose, e na actualidade hai un pequeño retablo, con fondo de madeira, onde se situa a imaxe do Cristo da Agonía realizada en 1899, e outro no cruceiro coa imaxe da Dolorosa.

Nun dos brazos do cruceiro estaban as imaxes dos patróns dos doantes: S. Servando e S Prudencio.

No ano 1976 restaurouse a capela, sendo o Administrador Apostólico Monseñor Xosé Cerviño quen consagrou o novo alta o 27 de setembro dese ano.

Xornadas Cultura Urbana 2 e 3 de setembro. 2016

A Biblioteca Municipal do Porriño marca no calendario a inauguración do curso escolar 2016/2017 coa celebración destas xornadas de cultura urbana.

“Cultura Urbana en Estado Puro” desenvolverase na Praza Arquitecto Antonio Palacios, os días 2 e 3 de setembro.

Venres, 2 de setembro Obradoiros: Breakdance Turnatablism DJ Beatbox Personalización de Gorras Trucker Actuación: MaiSon, Escola de música e Danza

Sábado, 3 de setembro Skateboard, libre acceso ao skatepark instalado na Praza Arquitecto Antonio Palacios Exhibición de graffiti Obradoirode de skate Coa colaboración de Vella Escola, entidade espe-

Datos básicos do Porriño (para despistados) O Porriño é un municipio da provincia de Pontevedra e integrado na Área metropolitana de Vigo. Limita ao norte con Mos, ao noroeste co Vigo ao oeste con Gondomar, ao sur coa cidade de Tui, ao sureste con Salceda de Caselas e ao este co de Ponteareas.

Está atrevesado polo río

Louro, tributario do Río Miño.

Ocupa o centro dun amplo val chamado Val da Louriña. Cara ao límite sur do municipio hai una zona pantanosa chamada Gándaras de Budiño, zona de nidificación de aves migratorias e un dos ecosistemas máis ricos de Europa.

cializada na organización e difusión de actividades relacionadas coa Cultura Urbana en Galicia: breakdance, graffiti, skateboard, rap, beatbox, parkour, turntablism (DJ), street basket, danzas de rúa, bmx, slackline, capoeira…

A misión de Vella Escola é promover e difundir en Galicia as manifestacións culturais e artísticas que nacen no medio urbano (disciplinas de Cultura Urbana), a través da xestión e oferta de actividades innovadoras de calidade, que respondan ás necesidades de expresión e ocio da xuventude actual.

O seu principal obxectivo é ofrecer ao colectivo xuvenil a posibilidade de participar activa e socialmente en diferentes proxectos que favorezan o seu desenvolvemento integral mediante; a formación e expresión artística, o ocio activo e a integración social a través da Cultura Urbana.

12

FINAIS DE AGOSTO 2016

A LOURIÑA mOs

O BNG de Mos presenta una moción para crear unha oficina de información debido á regularización do catastro

Poderíase comezar a recibir as primeiras cartas no mes de setembro Proximamente vai ter lugar no noso concello, o proceso de regularización catastral que o goberno puso en marcha no ano 2012 e que se atopa nun momento avanzado, podendo recibir as primeiras notificacións no mes de setembro.

Este proceso que xa tivo lugar noutros concellos, e está a demostrar ser absolutamente inxusto por varias razóns. Deixando de lado a parte razonable de regular as infraccións que poida haber, e que cada cidadán pague polo que teña , este proceso está incluíndo construccións auxiliares tales como galpóns, galiñeiros, ...etc, que en ningún momento consideramos que deben ser considerados ben inmobles e que non deben tributar como tales.

Habendo un problema engadido, que o aumento de patrimonio pode influir na concesión de becas, como xa ten acontecido noutros lugares, un problema que foi levado ao parlamento

galego polo BNG e que o PP se negou a arranxar Por riba, este proceso está sendo levado a cabo por unha empresa privada que ten no seu afán, dar de alta o maior número de procedementos, cobrando por cada un deles 60 €.

Casos, como dar de alta casetas de pozos, medas de herba,..etc, son casos reais que aconteceron no noso país. O proceso de reclamación pode resultar complexo para as persoas que non estean de acordo coas altas que lles fai o catastro, polo que consideramos importante axudar e guiar aos nosos cidadáns nos procesos de reclamación que poidan facer.

Esto fariase desde unha oficina que abriría o concello durante toda a duración do proceso, lugar onde poderían acudir os cidadáns a facer ou consultar as súas reclamacións e onde se daría información sobre todo o proceso de regularización catastral.

mOs

O grupo Nosa Terra de Pereiras estivo en Lozère, Francia Un ano máis o grupo folclórico Nosa Terra de Pereiras emprendeu unha viaxe fora das nosas fronteiras.

Nesta ocasión viaxaron ata a localidade francesa de Lozère para participar na 21ª edición do Festival Des Culture du Monde (Festival das Culturas do Mundo), que tivo lugar entre os dias 12 e o 15 de agosto, e no que inauguraron o festival. Participaron xunto con grupos de Colombia, Cuba, Moldavia, a propia Francia, e moitos outros países máis.

O grupo Nosa Terra é un referente a nivel cultural no concello de Mos, e así o demostran os 35 anos ininterrumpidos que levan fomentando a nosa cultura a través do baile galego con persoas de todas as idades. Dada a importancia e a repercusión cultural que tén este grupo, que leva o nome de Mos e a súa bandeira a todos os rincóns do mundo, conta co apoio institucional do Concello de Mos na organización das súas viaxes e dos seus eventos.

O pOrrIñO

Manuel Carrera inaugura A Fonte do Peregrino instalada Por Ceamsa No Poligono Das Gándaras

O alcalde accidental do Porriño, Manuel Carrera, inaugurou a Fonte do Peregrino realizada pola Compañía Española de Algas Mariñas, CEAMSA, no Polígono de Ás Gándaras, no marco do proxecto de ampliación das súas instalacións. Manuel Carrera agradeceu a Iñigo Alzueta, presidente de CEAMSA, “esta xenerosa iniciativa que facilita aos peregrinos o seu tránsito polo polígono, e que ademais humaniza a contorna industrial no que está situada”.

No acto de inauguración tamén participaron o concelleiro de Urbanismo e Industria, Marcelino Coto; o director-xerente de CEAMSA, Iñigo Alzueta; o arquitecto que executou a ampliación das instalacións, Pedro da Ponte; e o autor da fonte, o escultor Jesús Balmaseda.

A Fonte do Peregrino consta dunha estrutura lixeira realizada en aceiro cor-

ten e está situada nun espazo cedido pola empresa. “Queríamos ter un detalle cos peregrinos que cruzan o polígono e mellorar a contorna da compañía. A primeira impresión ao acceder ás instalacións é fundamental porque reflicte a nosa forma de facer as cousas e a nosa fisolofía empresarial”, explicou o presidente de CEAMSA. Desde O Porriño, a empresa conseguiu converterse en líder mundial en produción de carragenina, un gelificante natural que se extrae das algas vermellas e é utilizado pola industria alimentaria, a farmaceútica e a cosmética entre outros.

As plantas de CEAMSA, localizadas en España e en Filipinas, baséanse en tecnoloxía de desenvolvemento propio. O 90% da produción destínase a clientes de cen países diferentes. En España a compañía conta con 210 empregados.

FINAIS DE AGOSTO 2016

13

PUBLICIDADE

Reserva os teus libros de texto!

14

FINAIS DE AGOSTO 2016

OPINIÓN Juan Karlos Pérez Álvarez Concelleiro de EAJ-PNV

Ante o irmanamento electoral vasco-galego

pazo de ajuria-enea (á esquerda) e residencia presidencial de monte pío

Anunciadas as eleccións vascas para o 25 de Setembro de 2016, estando previstas para o 23 de outubro de 2016, non supón un adianto senón técnico.

Poderíanse convocar mesmo o 20 de novembro, pero o escenario xeral non acompañaba para semellante aventura. Os 4 magníficos, PP, Podemos, PSOE e Cidadáns non están polo labor de deixar de ser inflexibles en Madrid e sendo incapaces de acordar un goberno, son capaces de facer unha segunda volta electoral, e mesmo unha terceira, porque non.

Poida que en decembro. Un debate sosegado require distancia temporal e espacial. E é así que o Lehendakari acabou, indirectamente, convocando as eleccións galegas para o mesmo día. Porque ambas as nacións merecen un espazo propio para poñer encima da mesa dos electores proxectos propios de futuro. Unha axenda vasca, e galega, que marque os intereses nados da terra, con proxección universal. Desde o propio ao mundo.

Ao Parlamento Vasco faltáronlle meses para cumprir co calendario lexislativo proposto por un Goberno Vasco que baseou o seu actuar en tres alicerces: saír da crise, paz e convivencia e un novo status para Euskadi. Curiosamente agora algún dos novos arrímase ao mesmo esquema, benvidos sexan. Aínda que a súa candidata a Lehendakari non aposta por reivindicar máis competencias e antes que unhas terceiras eleccións aposta por un goberno de Rajoy. 29 proxectos de lei prometeu o PNV no seu plan lexislativo desde o executivo, e os 29 entraron en rexistro, pero os prazos estiráronse demasiado, a pesar de vir pactadas cos sectores afectados só se puideron aprobar 19. Un balance positivo, como demostran os indicadores sociais, usados como referencia en Europa.

En Galiza o asunto está en se En Marea (Anova e EU) van xunto a Podemos. Sen dúbida a táctica

de En Marea é incorporar a Podemos como un ente subsumido. Algo deberían aprender de Compromis.

E do Bloc, dentro de tal. Debería ser un punto de intercambio entre verdadeiros nacionalistas. Podemos quere o seu protagonismo e a súa visualización. Quere unha coalición En Marea-Podemos.

Ten a súa faragulla, porque ante a desitegraciónvoadura do BNG, o nacionalismo galego, fragmentado, quen sabe se con electorado aínda, e con cadros, se, pero necesitado dos votantes de podemos nas eleccións xerais para o resultado das mareas revela a mar de fondo que trae o vellísimo elemento da contradición primaria e secundaria do marxisimo, que pode decidir o posible peso do nacionalismo galego no próximo parlamento. A súa supervivencia máis ben. Tempos complexos e complicados, que convidan a unha reflexión, antes, durante e despois, pase o que pase, talvez, volvendo aos fundamentos. Saber cal é a raiz e a base. Ter claro iso, polo menos.

En Galiza case seguro Feijoo terá maioría absoluta. E en Euskadi o PNV gañará as eleccións.

Sexan cales sexan os resultados haberá goberno antes de 2 meses. E como esta lexislatura, a xeometría variable impoñerase. Pactos entre diferentes, para unha sociedade plural, a vasca, na que se sabe negociar, sábese pactar, e sábese gobernar. Aínda así, mellor non adiantar detalles. Iso queda en mans de galegas, galegos, vascas e vascos. 25 de setembro. Cita coas urnas. E hai que votar. É importante.

FINAIS DE AGOSTO 2016

15

NEGOCIOS CON HISTORIA

Talleres San Juan

Un concepto integral da mecánica

Desde que se instaurou o carné por puntos en España, os índices de sinistralidade non paraban de diminuir. Porén, este último ano estase a producir un repunte perigoso de falecidos nas estradas. Entre outras razóns, o envellecemento do parque automobilístico (a crise fai que aguantemos moito máis

co coche vello) contribúe a que a conducción sexa menos segura. Conversamos con noso amigo Jose Ignacio Alonso, de Talleres San Juan en Torroso, para que nos asesore sobre como debe ser o correcto mantemento dos nosos vehículos.

Ignacio, queremos coñecer a experta opinión dun profe-

sional como Tí. Cada canto tempo é aconsellable que levemos o noso vehiculo a revisar nun taller?

Un coche con menos de cinco anos de vida debe vir polo taller cada 15-20.000 kilómetros aproximadamente.O aconsellable para un vehículo con máis de cinco anos é ser revisado cada 10.000 kilómetros.

Cales son os problemas máis serios que poden afectar á seguridade na condución?

Neumáticos, frenos,suspensión e dirección.

Cales son os principais servizos que ofrece Talleres SAN JUAN, aos seus clientes?

Nós ofrecemos un servizo de mecánica integral.Facemos absolutamente todo.

Algunha vez encontraches algún problema que non fora-

des capaces de solucionar?

Pois non. A plena satisfacción do cliente é a filosofía do noso taller. Ata que non solucionamos adecuadamente o problema non paramos. Algúns soluciónanse antes e outros despois, pero todo problema ten solución

A partir de cantos kms, sempre que se poida claro, é aconsellable mercar un coche novo?

Home, depende do estado en que se encontre, pero aínda que con salvidades e excepcións, pódese dicir que entre 250.000 e 300.000km de media.

Diesel ou gasolina, que nos recomendas?

Se andas menos de 20.000 km ao ano, aconsello gasolina, no caso contrario diesel.

Cantos anos levas arran-

xando coches Ignacio?

Arredor de 20 anos

Entón, miles de coches pasarían polas túas mans, non?

Pois si, a verdade que si.

Este taller era do meu tío. De feito toda a miña familia esta en gran medida relacionada coa mecánica.

Poderiamos dicir que es un namorado da túa profesión?

Sen ningunha dúbida.

Ti tes un fillo non?

Si, teño un neno de dous anos. A miña idea é que Talleres San Juan sexa un negocio para o futuro. Con esa ilusión traballo. Tanto eu como os dous compañeiros que traballan conmigo. Eso si, non viría nada mal que a administración relaxara un chisco a presión tributaria.

Moitas grazas, un pracer falar contigo.

Bar Tapería Envexada Beleza e calidade no corazón de Petelos No centro mesmo de Petelos, a nosa amiga Rosana Areal leva, coa mestría que lle dan os seus moitísimos anos de experiencia no mundo da hostelería, unha fermosa tapería, na que podemos atopar o acougo do exquisito trato que lle da Rosana a todos os seus clientes e amigos, alén dunha comida de extraordinaria calidade cociñada polas súas expertas mans, degustada nunha tapería preciosa.

Rosana, cóntanos a túa historia persoal Eu son do Castro, nativa de Mos, vaia. Comezei moi nova no mundo da hostelería. Con 19 aniños, funme traballar a un hotel a Sanxenxo. Estiven tamén en Ourense en distintos locais.Volvín a Mos a traballar a Tameiga, no bar Armando de San Eleuterio, estiven Tamén no famosísimo casa Alfredo das Rans.

Casa Alfredo! Ese era un

restaurante de luxo...

A verdade é que sí, eu aprendín moitísimo traballando alí.

Tamén traballei noutro restaurante de Teis, do porto deportivo, que tiña o mesmo dono do Alfredo. Cando pechou, decidinme a coller esta tapería.

De que ano estamos falando?

Do ano 2012, levo catro anos co negocio-

E como valoras eses catro anos?

Comezamos ben, pero hai que esforzarse moito. Estamos nunha época complicada, hai moita xente que o pasa mal, e nesta comarca, os furanchos supoñen un grave problema de competencia desleal.

Cales son as principais especialidades do Envexada?

As tapas os bocatas, e as hamburguesas, teñen moito

éxito.

Abofé que fas bocatas moi ricos. Es ti a cociñeira?

Si

Nótase que lle pos moita paixón ao teu chollo Rosana, que é o que máis che gusta?

O contacto coa xente sen dúbida. Eu creo que de todo o mundo se pode aprender cousas, e realmente pásoo moi ben coñecendo todo tipo de persoas,e desde logo procurando que no bar se sintan como se estiveran na súa casa.

O Envexada enfócalo cara todo tipo de clientela, non?

Si, desde logo que si. Aquí ven xente maior a botar a partida e tomar o viño, e tamén rapazada a tomar cañas e bocatas, ou familias a tapear.

Que horario de traballo

tes?

De 9 da mañá ás 11 da noite, ou ata que marche a xente. Este verán vou pechar os domingos

Ti tes dous fillos, este é un proxecto de futuro?

Así o espero, e por iso pelexo todos os días, para que esta sexa unha empresa de futuro para a miña filla e para o meu

fillo.

Quixera aproveitar a oportunidade que me da A Peneira, para agradecer de corazón a fidelidade da nosa clientela, así como convidar a quen non nos coñeza a que se achegue a gozar dunhas tapas na nosa terraza de verán. Prometo por o mellor que teño para que repitan.

16

FINAIS DE AGOSTO 2016

PUBLICIDADE

FINAIS DE AGOSTO 2016

17

A LOURIÑA

A nova edición da Festa dos Callos vai ser un éxito

sALCeDA De CAseLAs

Os días 3 e 4 de setembro, Salceda vístese de gala na súa particular Festa dos Callos. Desta volta, falamos coa Concelleira de Cultura Tere Pérez, á cal, ademáis deste evento, preguntámoslle por outras cuestións da vila.

Como valoras as recentes festas do Cristo?

Facemos unha valoración moi positiva. Durante as dúas semanas de actos, a Praza e os diferentes emprazamentos empregados estiveron sempre ateigados de xente, polo que a satisfacción persoal non pode ser maior. Nunha época de crise como nunca antes vivimos, conseguimos sacar adiante unha programación variada con un orzamento moi limitado, demostrando que coa colaboración de todos e todas se poden facer grandes cousas sen ter que recorrer a grandes orzamentos.

Aproveito para agradecer unha vez máis a enorme colaboración do tecido asociativo de Salceda, sen os cales sería imposible levar a cabo a programación de verán.

Como está a situación política no Concello? As relacións co PSOE camiñan por unha liña de correcta colaboración en prol da veciñanza, ou seguen tensas?

Desgraciadamente non podemos decir que teñamos unha situación política normalizada. Hai tempo que tanto PP como PSOE decidiron defender os seus propios intereses por enriba dos da veciñanza, e así o están a demostrar empregando a súa pinza para botar abaixo temas fundamentais para Salceda como o Plan Xeral ou a Modificación Puntual das normas do Cerquido. O absurdo máis grande estamos a vivilo neste momento, no que se negan a pagarlle aos proveedores do Concello tendo máis dun millón de euros nas contas bancarias.

No caso do PSOE é aínda máis incomprensible a súa actuación, defendendo plantexamentos totalmente opostos ao que defendían fai un ano cando formaban parte do Goberno Municipal, e renegando en todo momento dos seus oito anos como parte do Equipo de Goberno.

TINO LAGO

O tema do centro médico, como vai?

Por fin parece que empezan a chegar as boas novas. Tamén neste tema temos que lamentar a penosa actuación do PP e do PSOE de Salceda, que en vez de intentar aunar esforzos preferiron adicarse a entorpecer o proceso e a defender, unha vez máis, os intereses dos seus propios partidos antes que os dos veciños e veciñas de Salceda.

Despois de moito traballo, por fin a Xunta e o novo Conselleiro de Sanidade desbloquearon o tema, e tras a sinatura do Convenio o 29 de Marzo, que define o obxectivo máximo de 3 anos para o seu cumprimento, neste momento estase a redactar o proxecto do novo Centro de Saúde, que agardamos en pouco tempo sexa xa unha realidade.

Cal é a túa valoración do novo goberno da Deputación? consideras que atende as súas responsabilidades con Salceda como debera facelo?

Dende logo que o cambio notouse dende o primeiro momento. As relacións coa Deputación están a ser contínuas e fluídas, con moi boa predisposición polas dúas partes para colaborar en obras e servizos. Dende logo que a día de hoxe só podemos transmitir os nosos parabéns polo cambio na Deputación e por que por fin se acabasen as prácticas clientelares e de amiguismo que ata agora se viñan levando a cabo dende o Organismo Provincial.

Proximamente teremos eleccións autonómicas. Marcos amosou explicitamente o seu apoio á candidatura de En Marea.Esa é a posición de Movemento Salceda, ou é a súa opinión particular?

Os compoñentes de Movemento Salceda temos claro que é hora de sumar esforzos e de remar todos na mesma dirección, polo que non dubidamos en sumarnos a En Marea. Sen embargo, temos que deixar claro que o proceso de En Marea caracterízase fundamentalmente pola adscrición individual dos seus seguidores, polo que todos e cada un de nós o

facemos a título individual. Por nós non vai quedar; non imos deixar de traballar polo cambio na Xunta de Galicia e por desbancar a un Partido Popular que tanto dano leva feito sobre todo aos colectivos e familias máis desfavorecidas.

Nada máis Tere, como sempre moitísimas grazas pola túa amabilidade. Só nos queda preguntarte polas inminentes festas dos Callos. Como se presentan?

Pois está xa todo preparado para unha nova edición que estamos seguros que

non vai defraudar. A Festa dos Callos, xunto coa de Entroido, son as nosas festas máis multitudinarias, e estamos a traballar arreo para que todo estea preparado para o 3 e 4 de setembro. Son xa varios os colectivos que manifestaron a súa intención de achegarse a Salceda esa fin de semana, e estamos seguros de que se irán con bo sabor de boca tanto da Festa como de Salceda en xeral, que non dubidamos que unha vez máis amosará a súa enorme hospitalidade.

18

FINAIS DE AGOSTO 2016

OPINIÓN VILABOA

Moncho Lareu Membro de Anova e do CC da FPG

Tres notas estivais

Unha marea de medo O medo é a mellor ferramenta da reacción para se manter no poder. Crear unha preocupación inexistente, construír un perigo e introducir o terror entre a poboación. Mouras, xudeus, comunistas, masóns, rusas, mouros outra vez, todo-es-ETA, meigas, inmigrantes, cataláns, as Mareas... Ou nós ou o caos.

Para inducir medo dende arriba cara abaixo as ferramentas son diversas, a técnica foi depurada durante séculos.

Eses brazos están ligados, coordinados, conectados. Cando a forza represiva actúa, necesita dunha xustificación mediática. A patada na porta corcueriana precisa dunha previa mentira goebbeliana. Unha mentira con forma de medo.

Ninguén se pregunta polos motivos, xa nolos dan masticados. Ninguén se pregunta por qué cando a policía detén alguén por causas políticas algunha prensa xa está informada antes que a persoa detida, agardando na porta, na procura da foto inquisidora que sinale a imaxe do mal. Razzias. Pógromos. Caza de bruxas.

Velaí o que aconteceu en Cangas hai unhas semanas contra unha moza e dous mozos da vila. Querían escorrentar, pero se equivocaron de lugar. Nunca foi a

terra da Soliña patria para o medo.

Excluír, limitar e privar Cando tiña uns catorce ou quince anos, comecei a quedar cuns colegas en distintos exteriores de Vigo para ler e intercambiar poemas propios ou que faciamos propios: de Bukowski, Plath, Ferrín, Sexton... Entre eles estaba o meu bo amigo Jorge Pereira que recentemente publicou unha maravilla chamada Poemas Completos (1998-1999).

Lembro un día moi caloroso no que nos sentamos nunhas escaleiras a carón dunha coñecida libraría viguesa. Ao pouco tempo, un señor de cabelo cano afeounos estarmos sentados no que le denominaba “unha propiedade privada”. Privada. Dende aquela tarde comecei odiar esa palabra e todo o que implica.

Agora está a emerxer tamén o termo “exclusivo” para vender produtos.

Tamén a expresión “Edición limitada”.

Privado, exclusivo e limitado. Tres termos que veñen de “privar” “limitar” e “excluír”. Iso é o que se quere ofertar cando se nos dí que algo é privado, limitado ou exclusivo. Non se nos describen as cualidades ou beneficios do produto. Non. O que se nos vende é que ninguén mais o vai poder ter. Vostede

dentro, elas fóra. Todo teu, nada para o resto. Limitado, exclusivo, privado. Eis a lóxica do consumismo no sistema capitalista.

Catro anos anovando O pasado 14 de xullo cumpríronse catro anos dende a constitución formal de Anova-Irmandade Nacionalista a partir da unión do medio cento de asembleas populares que participaran no chamado Novo Proxecto Común. Catro anos que parecen corenta se reparamos en todo o que ten acontecido dende aquela. De feito, ninguén pode negar que o nacemento e posterior desenvolvemento de Anova-Irmandade Nacionalista ten gañado xa un lugar na historia de Galiza pola súa trascendencia e importancia no acontecer político e social galego dos últimos tempos. Anova-Irmandade Nacionalista, unha forza republicana, ecoloxista, laica, feminista, con vontade de unidade popular, de flexibilidade táctica alicerzada na firmeza estratéxica e coa autodeterminación cara a independencia como horizonte futuro que non distrae a responsabilidade presente.

Seguimos. Sen medo, sen privar a ninguén de nada, sen excluír, sen límites.

Vilaboa fai un pago de gasto corrente de 66.153,33€ dentro do Plan de Concellos da Deputación

A Deputación Provincial de Pontevedra aprobou para este ano 2016 o Plan Provincial de Cooperación ás obras e servizos de competencia municipal para o exercicio 2016, coñecido como Plan Concellos 2016.

Neste plan hai 4 liñas de actuación: liña 1, investimentos; liña 2, amortización, pagamento de débedas e gastos correntes; liña 3, actividades culturais, deportivas, sociais, turísticas e medioambientais; liña 4, emprego para a conservación e funcionamento de bens e servizos municipais.

Dentro da liña 2, o concello de Vilaboa fixo fronte ao pagamento acreedores de gasto corrente por unha cantidade de 66.153,33 euros.

FINAIS DE AGOSTO 2016

19

O MORRAZO CANGAs

As rúas, prazas e locais do casco vello cangués convertíronse no epicentro galego do mellor Jazz contemporáneo

Logo de case tres lustros organizando o festival -dende o 2001 ata o 2013-, o actual director do Seminario de Jazz permanente de Pontevedra, Luís Carballo, cedeu o temón a unha nova xeración. A nosa primeira tarefa foi crear a Asociación Cultural CanJazz, ca intención de preservar a esencia do evento para poder insuflarlle novas ideas. En tres edición, incluíndo a vindeira, a AC CanJazz conseguiu triplicar o número de actividades do festival, quintuplicando o seu orzamento.

Tomando como base o mellor jazz das dúas beiras do Miño, nos que seguimos afondando neste CanJazz, tanto para os concertos de medio día, como de noite e nas sesións Jam de madrugada, poñendo a nosa atención no jazz que se está a crear arestora, nos centros da escena europea e internacional do xénero, Amsterdam e Nova Iork.

Varias son as novidades foron presentar este ano. Por unha banda, no eido puramente musical, ampliaron a oferta ata un total de 12

concertos en 4 días. Pola outra, conseguiron xuntar dez actividades máis: 2 exposicións (Galiza a todo jazz e Xentes do Lentejazz); 4 sesións infantís, localizadas en diferentes espazos, chamadas Jazz Miúdo; 3 charlas baixa a denominación Jazz na Palestra, arredor de temas como as mulleres no jazz, a historia do xénero en Cangas e a actualidade dos clubs; e por último 1 obradoiro de tres xornadas para músicos, o Canjazz Workshop.

Cabe salientar que o XIX Festival Internacional de Jazz de Cangas foi unha realidade grazas ás achegas dos patrocinadores principais como son o Concello de Cangas, Nodosa Shipyard, Albanelería Pola, Mayeusis e Gadis, ademais da colaboración de Taberna O Rincón, Restaurante Menduiña, Café Alameda, O Arco, Tapería Manolo Mañanita, La Marina, Artemar, Ghastas Pista Swing, Deputación de Pontevedra e setenta micro empresas máis.

BUeU

Bueu abre o prazo de inscrición na aula de música

O Concello de Bueu abre o período de inscrición na Aula de Música para o vindeiro curso, cun total de 68 prazas nas que se poderán anotar as persoas interesadas ata o 31 de agosto. A actividade vai organizarse tanto para adultos como para infantil/xuvenil en diferentes niveis e desenvolverase entre o 15 de setembro deste ano e o 15 de xuño de 2017.

As materias que se impartirán son canto, solfexo, piano e música activa. Os criterios de admisión son estar empadroado/a en Bueu, ter asistido á

Escola de Música en anos anteriores nas materias nas que se inscribe, e un nivel de coñecementos musicais a valorar pola mestra.

O custe de cada unha das modalidades é de 5 euros ao mes, e o pagamento do primeiro mes deberá facerse por adiantado previa solicitude do documento de auto liquidación na Oficina de Xestión Tributaria, para a continuación proceder á inscrición.

As follas de inscrición poden descargarse na web municipal: www.concellodebueu.org.

20

FINAIS DE AGOSTO 2016

O MORRAZO CANGAs

Magnífico cartel para as festas do cristo 2016

A poucas semanas de iniciarse ás grandes festas de Cangas, hoxe asistimos á presentación das Festas do Cristo 2016. Un programa máis pensado, feito a conciencia e con tempo, o que supón un paso adiante na liña do que deben ser unhas boas festas.

Héitor Mera, Concelleiro de Cultura e Normalización Lingüística, destaca o esforzo común de todas as áreas e departamentos do concello, así como a colaboración e o traballo titánico das persoas responsables técnicas das áreas de cultura, xuventude e turismo. “Nesta ocasión, ademais de facer un esforzo económico maior, pénsase en toda a veciñanza e en todas as franxas de idade, ofrecendo unha ampla variedade de estilos. Un dos puntos fortes será o reforzo da verbena e da programación infantil.

Os beneficiarios máis importantes destas festas serán os nenos e nenas”.

Na esfera musical, contaremos con festivais de folclore de sobra coñecidos, como son Lembranzas e Tromentelo, e cabe destacar a presenza de grupos galegos. “Para facer unha programación de excelencia non hai que ir lonxe. Cangas vai ser capital musical de Galicia durante eses días”. Grupos como Black Dog Band, Ataque Escampe, Novedades Carminha, Guadi Galego, Quempallou, Dakidarría, a marabillosa orquestra Son de Seu, os concertos de María do Ceo e Def con Dos, ou as actuacións de orquestras de renome como Ledicia, Ciudad Cristal, Gran Atlanta, Charleston Big Band, Marimba, ou o grupo Hiroshima, entre outros.

Por outra banda este ano, a nivel loxístico, deuse un paso moi importante, incluíndo concertos na arteria principal da vila, a Avda. Castelao, onde se situará un escenario que cortará a rúa para poder desfrutar sen incomodidades dos concertos cabeza de cartel: Def con Dos e Son de Seu. Asemade, por primeira vez utilizaranse espazos novos como os Xardíns de Andrea, o Parque da Palma e o Eirado do Costal.

Como novidade destacan os 5 días de actividades infantís, que se desenvolveran entre a Praza das Pontes e o Eirado do Costal. Entre elas, actuacións de a Tropa de Trapo, Peter Punk II, Teatro Ghazafelhos, As Sircopatas e Viravolta Títeres.

A alcaldesa en funcións, Mercedes Giráldez, loa a variedade e calidade do cartel, no que resalta o inicio e remate das festas con música local. “Vexo unha programación impresionante e non podo máis que felicitar a todos polo traballo feito co pouco orzamento dispoñible”.

Dende a Concellaría de Cultura, que-

ren agradecer a todas as persoas e grupos que se ofreceron para actuar nestas festas, xente que ve nas mesmas unha posibilidade de escaparate e que forman parte da maxia desta festa. Animan a toda a veciñanza e a todas as persoas que visitan o noso concello neste mes estivo a achegarse a Cangas e compartir

estes días festivos.

Programación

Venres 26/08 19.00 h. Xardíns de Andrea XX Festival de bandas de música Banda de Música Belas Artes de Cangas

22.30 h. Naves de Ojea Black Dog Band Ataque Escampe

Sábado 27/08 10.30 h. Saída Auditorio Municipal Xigantes e Cabezudos 12.00 h. Pregón

FINAIS DE AGOSTO 2016

21

O MORRAZO Praza do Concello Sesión vermú coa banda de música de Lugo 22.30 h. Xardíns de Andrea Festival de Tromentelo 22.30 h. Rúa Eduardo Vicenti Orquestra Hiroshima Orquestra Ledicia 00.30 h. Naves Ojea DJ‘S

Domingo 28/08 20.00 h. Igrexa de Santiago de Cangas Procesión *23.00 h. Peirao de Cangas *Ao remate da celebración relixiosa 23.30 h. Avda. de Castelao Orquestra Ciudade Cristal Luns 29/08 21.30 h. Nave Ojea María do Ceo 23.00 h. Avda. de Castelao DEF CON DOS

Martes 30/08 12.00 h. Polas rúas de Cangas Charanga 19.30 h. Eirado do Costal Festa Infantil 20.30 h. Eirado do Costal Festival do Corais 22.30 h. Naves de Ojea Novedades Carminha

Mércores 31/08 12.00 h. Polas rúas de cangas Charanga 19.30 h. Eirado do Costal Festa Infantil

Xoves 01/09 12.00 h. Polas rúas de Cangas Charanga 19.30 h. Eirado do Costal Festa Infantil 20.30 h. Eirado do Costal Festival de Corais 22.00 h. Naves de Ojea Gaudi Galego

h. Naves de Ojea Quempallou Venres 02/09 12.00 h. Polas rúas de Cangas Charanga 19.30 h. Eirado do Costal Festa Infantil 22.30 h. Rúa Eduardo Vicenti Orquetra Charleston Big Band

Sábado 03/09 21.00 h. Xardíns de Andrea Festival Lembranzas da Ría 22.00 h. Avda. de Castelao Son de Seu 22.00 h. Rúa Eduardo Vicenti Orquestra Marinba 23.30 h. Naves de Ojea Dakidarría.

Isto é todo por este ano, esperamos que veciños,veciñas e visitantes aproveiten estes días de festa para bailar e gozar, pois o cartel ben merece que dispoñamos do noso tempo para visitar esta fermosa vila.

22

FINAIS DE AGOSTO 2016

O MORRAZO CANGAs

A Historia das Festas do Cristo de Cangas

G. FIGUeIreDO

Nos últimos días de Agosto, Cangas celebra as famosas Festas do Cristo. Da vila de Cangas chaman a atención moitas cousas, paga a pena perderse polas estreitas rúas do casco vello, e descubriremos incontabeis exemplos de arquitectura popular mariñeira , ou gozaremos de fermosas prazas como a de Singulis ou a do Costal, admirando tamén os nobres edificios blasonados.

De impresionante pódese cualificar a ex colexiata de Santiago, datada no século dezaseis. Cómpre visitar detidamente este monumento e admirar a súa fachada renacentista e as súas bóvedas góticas. Na alameda poderemos atopar tamén obras escultóricas salientables de Xoan Piñeiro, e Francisco Asorey, e

bido a que a fábrica da igrexa apenas tiña rendas e era esta Confraría a que provía de todo o necesario para o seu sostemento.

O día 27 de abril do ano 1865, desA asociación do Santísimo Cristo do Consolo é a encargada de organizar pois de cento cincuenta anos de silenas festas e cóntamovos un pouco de cio e inactividade, constitúese formalmente a Confraría do Bo Jesús historia: A destrución e incendio dos arqui- ou Santísimo Cristo do Consolo, que vos da Colexiata de Santiago na inva- perdurará ata os anos cincuenta do pasión de Cangas por piratas alxerinos e sado século XX, en que por desavinzas turcos, deixounos sen datos suficientes internas é disolta. No ano 1990 promósobre a verdadeira antigüidade desta vese de novo a erección da actual AsoAsociación de fieis, que se cre moi an- ciación ante a Autoridade Eclesiástica terior á súa fundación. Tan só disponse competente.

A imaxe do seu Paso titular é o Sandalgunha referencia do ano 1607 na que lla denomina como Confraría de tísimo Cristo do Consolo, que ademais Fabrícaa do Santo Nome de Jesús, de- é o patrón da vila de Cangas. Os cultos na súa honra celebrábanse antigamente no triduo de Entroido, pero despois da refundación no ano 1865, trasládase a súa festividade ao último domingo de agosto, con misa de exaltación da Cruz, e saíndo en solemne procesión, lucindo un valioso dosel bordado en ouro e pedrería. En Semana Santa, esta impresionante imaxe sae tamén o día de Venres Santo pola noite, pero esta vez sen dosel, resaltando así a figura do Crucificado, nun paso que inspira gran as festas do cristo hai corenta anos recollemento e admiración.

neste tempo de verán que mellor plan poderiamos imaxinar que perderse no paradisiaco areal da Praia de Rodeira.

Festas de Darbo, Cangas

Chega setembro, e coma sempre, na primeira fin de semana a parroquia de Darbo engalánase para a romaría máis coñecida de toda a bisbarra do morrazo. A Programación das festas deste ano é

a seguinte: Do 6 ao 9 de setembro a tradicional Romaría de Darbo.

O Xoves 8 De setembro a Danza e Contradanza de Darbo, catalogada de Interese Turístico de Galiza. Contando

Quentando motores para o Musicangas 2016

O Musicangas 2016, que coincide este ano co inicio e remate das Festas do Cristo, está cargado de propostas musicais, reunindo as mellores formacións locais nos próximos días 25 de agosto e 4 de setembro. O recinto das Naves de Ojea será o escenario escollido para vibrar coa nosa mellor música.

Este ano amplíase a participación con respecto ao ano anterior, pasando a integrar o cartel doce formacións musicais, co obxectivo de promover aos grupos da comarca de O Morrazo e darlles a oportunidade de tocar en directo.

O xoves 25 de agosto arrinca a sesión vermú ás 13:00 horas con Liz & The Blacksoul Band e Os Chiviñas, seguindo a partir das 21:00 horas coas actuacións de Dragon Wave, Nazca, Democide e His Anxiety. Por outra banda, o domingo 4 de setembro a sesión vermú ás 13:00 horas estará a cargo de Mad Dogs e Alia & Roman, seguindo a partir das 21:30 horas cos grupos De Trapo, Argallada, The Resaca's e Satxa.

Dende logo a boa música está asegurada nunhas festas que apostan claramente pola música local e os grupos da comarca.

co seguinte horario: De 12.00h. a 19.00h. no Adro da Igrexa de Darbo.

Esta danza está considerada unha das pezas máis antigas de Galicia e data do século XVI, bailábase para dar grazas á Virxe polos favores recibidos durante o ano. Participan dez galáns, cinco damas, un gaiteiro e un tamborileiro, todos eles dirixidos por un guía que marca o tempo da Danza e da Contradanza.

Esperamos que os veciños e achegados a Darbo gocen desta tradicional danza, pois ben paga a pena esta fermosa tradición.

A parroquia de Darbo, conta con abondosos exemplos de arte popular, como os cruceiros e os petos das ánimas. Son tamén salientables as capelas e santuarios como os de San Pedro e San Blas, pero non cabe dúbida de que a xoia arquitectónica de Darbo é a igrexa parroquial de Santa María de Darbo.

A devandita igrexa foi

construida no século XVIII, e é unha das máis importantes mostras do barroco rural galego.

Na entrada da igrexa atópase un centenario cruceiro, e na parte posterior unha fonte barroca. Recomendamos a todas as nosas lectoras e lectores a andaina polo Balcón do Rei, que se percibe desde o monte de San Roque.

FINAIS DE AGOSTO 2016

23

VAL MIÑOR Antonio Araúxo. Concelleiro de Gondomar

¨Estarei alí onde mellor se defendan as persoas agredidas polos poderosos¨ Nas eleccións municipais do ano pasado, o PP perdía o goberno da vila de Gondomar, a mans dun tripartito de esquerdas, encabezado polo alcalde Paco Ferreira do PSOE, que se aliaba con Manifesto Miñor, do ex alcalde Antonio Arauxo ,e con CABE (unha amálgama resultante da alianza entre Esquerda Unida, Podemos,o pouco que lle queda a Anova

en Gondomar, e escindidos de Manifesto Miñor). Poucos meses despois, o goberno tripartito, mudaba a bipartito, pois CABE, debeuno pensar mellor, e decidiron pasar á oposición. Achegámnos ata a vila miñorana para conversar con Antonio Arauxo e coñecer a súa visión sobre o estado da política local e nacional.

conseguindo traballar cun certo entendemento e respecto.

Cal é a túa opinión da espantada de CABE? Non te parece unha actitude un tanto pueril?

Primeiro de respecto pola súa decisión, e segundo que teñen as portas abertas para volver cando o consideren oportuno.

Politicamente considero que foi un erro pola súa parte o non interpretar correctamente os resultados electoriais: a eles e a nós votáronnos pra gobernar, non para facer facer oposición.

Que valoración fas deste ano longo de goberno, primeiro tripartito e agora bipartito, en Gondomar?

Trátase dun goberno…tan complexo coma necesario.

Complexo porque as diferencias políticas dos membros que o formamos son evidentes xa que vimos de espazos políticos afastados entre si, pero tamén, porque nós representamos ás novas formas de practicar e entender a política como lle cómpre a unha candidatura de unidade veciñal como é a nosa... E necesario, porque é preciso mostrarlle á cidadanía en xeral e aos votantes

en particular, que os gobernos de coalición entre as diferentes esquerdas e o nacionalismo son posibles, necesarios e viñeron pra quedar.

Paco Ferreira é unha persoa coa que se pode traballar con comodidade?

Non cabe dúbida de que o “factor humano” influe máis do que pensamos na política … E xa non digamos cando se trata de gobernar un concello e casar o ben común cos intereses máis próximas á xente. O esforzo por se entender ten que ser o máximo. E aí penso que estamos

Que medidas tomou o goberno do que ti formas parte, para solucionar o grave problema de transporte que padece Gondomar?

Este é un tema complexo pois está fóra das nosas competencias pra resolvelo. Agora ben, houbo conversas coas empresas, coa Xunta…e é posible que non tarde moito unha solución dentro da nova Área Metropolitana.

Cales son as principais liñas de traballo que estás desenvolvendo na área de goberno da que es ti responsable?

Neste momento hai unha fundamental que é a elaboración

do novo PXOM para Gondomar, e que conto que en breve saia a debate público o borrador do mesmo. Paralelamente estase traballando na delimitación de núcleos co obxecto de resolver unha serie de graves problemas derivados de denuncias da APLU.

6-Cal é a túa opinión do acordo con IXG na entidade menor de Morgadáns?

A Entidade Local Menor de Morgadáns é unha Institución pública independente do Concello, e alí quen chegou a un acordo para a súa gobernanza foron IxG e o PSOE. Nós respectamos ese acordo se como din os asinantes é bo para Morgadáns.

Como está a saúde de Manifesto Miñor, o proxecto ten vontade de continuidade no tempo, independentemente das coiunturas electorais?

Manifesto Miñor como xa dixen é unha candidatura de unidade veciñal con implantación na Comarca do Val Miñor que se xunta en asembleas e grupos de traballo regularmente, que debate non só de política municipal senón de todo aquilo que nos afecta coma persoas e coma cidadáns. Nada do que acontece no mundo e na sociedade nos é indiferente. Dende o TTIP, ao drama dos refuxiados, pasando pola loita feminista, contra a homofobia, ata os dereitos nacio-

nais de Galiza...O de continuar no tempo,quen sabe? pero en política tres anos é unha eternidade, como pra facer predicións!

E do futuro do nacionalismo en Galicia, que nos dis? vaia balbordo non? Estás de acordo coa opinión, parece que maioritaria en Cerna, de colaborar con En Marea?

Son tempos convulsos na sociedade e polo tanta na político...O nacionalismo galego como herdeiro das vangardas acusa especialmente estas convulsións, mais encontrar o camiño non vai ser doado. Velaí o reto! Na miña opinión agora hai que adicar os esforzos ao urxente que é botar da Xunta ao PP e as súas nefastas políticas e, paralelamente poñérmonos mans á obra co necesario que é construír unha organización política nacional galega, do século XXI, que nos sirva de ferramenta para conseguir a soberanía que tanto precisa Galiza. A segunda vai depender de que lle vaia ben á primeira.

Rematamos Antonio, agradecéndote a túa amabilidade, e preguntándote polas seguintes estacións da viaxe política de Antonio Arauxo Grazas a vós…Antonio Araúxo estará alí onde mellor se defendan as persoas agredidas polos poderosos e os intereses de Galiza que pra min van unidos.

Iso é o que fixen sempre.

24

FINAIS DE AGOSTO 2016

VAL MIÑOR GONDOmAr

Sinatura dun contrato administrativo de servizo de axuda no fogar en Gondomar

O Alcalde de Gondomar, Paco Ferreira, e a Concelleira de Servizos Sociais, Rocío Cambra, firmaron na alcaldía do Concello de Gondomar un contrato administrativo para o servizo de axuda no fogar, pretendendo así seguir mellorando a calidade de vida da veciñanza.

Este servizo de axuda no fogar no Concello de Gondomar que partía cun presuposto de licitación de 657.712,22 € foi adxudicado á em-

NIGráN

O Concello leva o saneamento ao barrio de Barreiros, en Camos Na mesma parroquia os operarios municipáis acondicionaron esta semana unha superfie para aparcar ao lado do torreiro das festas

presa ATENDO CALIDADE SL., cun contrato dun ano e prórroga por período doutro ano, ata un máximo de dous máis.

Dentro deste servizo de axuda no fogar poderá solicitarse servizo de fisioterapia a domicilio, servizo de acompañamento, socialización e desenvolvemento de hábitos saudables, cadeiras de rodas e camas articuladas entre outros.

Nigrán leva a cabo actualmente obras para instalar saneamento e canalización de pluviais no barrio de Ba-

rreiros, na parroquia de Camos.

Os traballos, a cargo de operarios municipais, estarán finalizados ao longo da semana próxima. O obxectivo e prover deste servizo ás casas situadas no Camiño do Fondo, que carecían do mesmo, polo que as entidades sociais de Camos o solicitaran. "Un dos obxectivos deste goberno é levar o saneamento a tódalas parroquias e seguiremos dando pasos neste sentido porque sabemos que é un servizo básico", indica o rexedor, Juan González.

Tamén na mesma parroquia, ao lado do Torreiro de festas e a escasos metros destas obras, operarios municipais levaron a cabo esta semana a canalización dun regato e o acondicionamento da superficie para habilitala como aparcamento de cara ás festas de Camos, que arrancan na semana do 22 de agosto.

FINAIS DE AGOSTO 2016

25

VAL MIÑOR GONDOmAr

Nova edición das Tapas do Conde

A Asociación de Empresarios e Comerciantes do Val Miñor- OVALMI, coa colaboración da Concellería de Turismo do Concello de Gondomar, organizan para os días 1, 2, 3 e 4 de setembro, a 4ª edición de "As Tapas do Conde".

persoais. ·Depositar o mapa nas caixas de correos habilitadas para o efecto, que se acharán en todos os establecementos participantes. ·As persoas que voten poderán gañar diferentes premios.

Un ano máis, e xa van catro edicións consecutivas, Gondomar vivirá a celebración do certame gastronómico “As Tapas do Conde”. Este empézase a realizar en Gondomar no ano 2013, coa clara intención de instaurar un evento atractivo tanto para os establecemento participantes como para todas aquelas persoas que durante esas datas se pasen pola localidade para gozar destas deliciosas receitas preparadas polos hostaleiros de Gondomar.

Os establecementos de Gondomar participan no evento, optando ao recoñecemento á mellor Tapa Conde 2016.

Durante as catro xornadas, empezando o día 1 de setembro ás 13:00h, os asistentes poderán gozar de multitude de variedades de tapas, tanto doces como

salgadas, por tan só 2,50 euros a tapa.

Serán os propios consumidores os que decidan quen é a tapa gañadora, coa valoración realizada en cada consumición. O Premio á Mellor Tapa Conde 2016 será concedido a aquela tapa que consiga unha maior valoración.

Para poder votar, e consecuentemente participar no sorteo de agasallos, deberán: ·Consumir en polo menos catro dos establecementos participantes, e ter selado o seu mapa polos respectivos establecementos. ·Unha vez teña todos os selos, deberá elixir unha tapa salgada e outra doce. ·Cubrir o apartado de datos

Na primeira edición no ano 2013 participaron uns 16 establecementos, bares, restaurantes, mesóns e ata cafeterías. Este ano, a organización, que corre a cargo da Asociación de Empresarios de Val Miñor OVALMI, calcula que se superará a cifra de 30.

Grazas á boa relación e a boa disposición do Sr. Conde de Gondomar, a entrega de premios pódese realizar nunha contorna privilexiada como é o Pazo do Conde de Gondomar.

Os produtos artesás volven á Praza de Abastos de Gondomar

O Concello de Gondomar, a través da Concellería de Comercio, Xosé Antón Araúxo, segue promovendo actividades para resaltar o comercio local e os produtos artesás. Despois do pasado sábado 20, o vindeiro 27 de agosto, en horario de apertura, a Praza de Abastos de Gondomar ofrecerá unha degustación de produtos artesás con produtos estrea como o viño, o queixo e o pan.

26

FINAIS DE AGOSTO 2016

VAL MIÑOR NIGráN

O Concello de Nigrán acolle a exposición fotográfica do Fondo Galego: "Galicia-Cabo Verde, unha irmandade" A mostra realizada polo fotoxornalista Rober Amado como gañador do certame 'Imaxes con Fondo' reúne vinte instantáneas tomadas no arquipélago africano

Os diferentes espazos do Concello de Nigrán acollen ata o 30 de agosto a exposición fotográfica "Galicia-Cabo Verde, unha irmandade" co obxectivo de dar a coñecer un país co que tradicionalmente ten cooperado o Fondo Galego de Cooperación e Solidariedade, entidade que preside o alcalde de Nigrán, Juan González, e que fai posible que esta mostra itinerante chegue ao concello. Trátase dunha vintena de imaxes captadas polo reporteiro ferrolán Rober Amado, gañador do certame 'Imaxes con fondo' ou o premio Tiflos da ONCE, e que pasou un mes visitando boa parte dos proxectos alí apoiados polo

Fondo (coa Asociación Nacional de Municipios Caboverdianos como parceiro local). Froito do seu percorrido por media ducia de illas son as imaxes protagonizadas polas persoas beneficiarias destas intervencións, retratos da vida cotiá que en conxunto achegan ao espectador á realidade do arquipélago.

Desde 2002, o Fondo Galego cofinanciou no país lusófono máis de 30 proxectos de cooperación en materia de xénero, educación, auga e saneamento, vivenda ou infraestruturas comunitarias.

O Concello de Nigrán e o Fondo Galego completan esta exposición que da testemuña da

irmandade Galicia-Cabo Verde co concerto de Batuko Tabanka e Cantares do Brión. O grupo Batuko Tabanka, integrado por mulleres de orixe caboverdiana afincadas na Mariña lucense, trata nas súas cancións temas como a emigración, a identidade ou a situación da muller. A agrupación reivindica a música tradicional de Cabo Verde ao tempo que difunde a súa cultura entre a sociedade galega, visibilizándoa e favorecendo actitudes de respecto cara a poboación migrante. Así o fan mentres baten con forza e alegría sobre un pano pregado que colocan entre as pernas, o batuko, e mesmo saíndo a bailar

nalgunhas cancións.

Por outra banda, o Coro galego Cantares do Brión, integrado por 50 persoas dirixidas por Pablo Rial Salgueiro, posúe un repertorio extraído da tradición musical galega, prestando tamén atención especial a novas composicións sobre poemas de autores galegos. Entre os seus propósitos principais están a interpretación, divulgación e restitución da música coral tradicional galega con acompañamento instrumental, así como o uso e divulgación do traxe tradicional, sendo obxecto de atención especial e de emprego habitual o idioma galego.

Nigrán amplía do 16 de agosto ao 15 de setembro o prazo de solicitude para optar ao plan de bolsas municipal para seis titulados en paro e sen experiencia Está dirixido a desempregados empadroados no Concello que teñan o ciclo medio de Xestión Administrativa ou o ciclo superior de Administración e Finanzas

O Concello de Nigrán amplía dende o martes 16 de agosto ao 15 de setembro o prazo de inscrición para optar ao segundo plan de becas municipal destinado a seis titulados do municipio que se atopen en situación de desemprego dende a lo menos seis meses e non exerceran nunca no seu ámbito de estudos. As bases son as que recolle o BOP do 19 de xullo de 2016 e que figuran na web municipal.

O novo plan de becas mantén o número de bolseiros en seis e a duración de 6 meses prorrogables a outros

6. Delas, catro requiren ciclo medio de xestión administrativa para traballar nas áreas de Rexistro/Arquivo, Persoal/Desenvolvemento Local, Urbanismo/Servizos Urbanos e Centro Antena e outras dúas becas requiren de ciclo superior de administración e finanzas para as áreas de Intervención e Recadación.

Os titores serán os funcionarios responsables de cada ámbito. Todas son xornada completa, establecéndose segundo o nivel de titulación unha asignación de 800 euros brutos mensuais.

O acceso a mesma estará

composto por tres partes: proba escrita eliminatoria, entrevista persoal e valoración do currículo. Toda a información sobre este programa e as súas bases de convocatoria están xa a disposición das persoas interesadas no Departamento de Desenvolvemento Local

"Tendo en conta a dificultade para acadar un emprego hoxe en día, dende o Concello temos o deber de facilitar a adaptación dos desempregados de Nigrán ao mercado laboral ampliando a súa experiencia e formación", resume

o alcalde, Juan González.

Así, o obxectivo final é que os beneficiarios acaden unha importante vantaxe competitiva á hora de optar ás distintas ofertas laborais existentes tanto na administración pública como na empresa privada.Partindo destas premisas iniciais, o Concello de Nigrán, consciente da situación laboral que está a vivir boa parte da sociedade, ten posta en práctica distintos mecanismos para contribuir a mellorar a insertabilidade dos seus veciños, sendo a convocatoria destas becas un paso máis neste mesmo senso.

GONDOmAr

O BNG de Gondomar solicita ao Concello unha maior oferta de espazos para actos electorais

O Bloque de Gondomar ven de presentar no Concello unha solicitude para ampliar a relación dos espazos públicos que se poñen ao dispor das candidaturas participantes, diante da convocatoria electoral do 25 de Setembro.

Trátase de facilitar ás formacións políticas a posibilidade de convocar actos públicos de distinto formato durante a campaña electoral, evitando os condicionantes de accesibilidade (Casa da Cultura), obras ou actividade cultural (Auditorio Lois Tobío) ou condicións acústicas e de espazo inadecuadas (Pavillón Municipal) que presenta a oferta que se ven facendo atéagora, sendo ademais todos eles, lugares pechados.

A solicitude do BNG advirte da necesidade de facilitar unha relación de espazos o máis ampla e acaída posíbel, e propón incluír a sala de actos do Centro Neural e cando menos, algunha das prazas públicas da vila: Alameda, Ángel Urzaiz e Escolas Vellas (centro de saúde), que permitan desenvolver actos ao aire libre e faciliten o achegamento da mensaxe política á veciñanza.

Neste mesmo sentido xa foi presentada unha petición co gallo das eleccións locais de 2015, diante da cal e nas sucesivas convocatorias electorais, non houbo resposta por parte dos gobernos municipais.

As bicicletas son para o verán

Ata o 1 de setembro poderemos ver a exposición de bicletas antigas de Luis Molist e Antonio Pino no Auditorio do Conello de Nigrán

FINAIS DE AGOSTO 2016

27

VAL MIÑOR

O Concello de Nigrán acomete o asfaltado e mellora da seguridade viaria en 18 rúas de todo o municipio por valor de máis de 275.000€ as obras, que en moitos casos xa concluiron, estarán rematadas al longo da vindeira semana e inclúen sustitución de firmes, ampliación da calzada nalgúns tramos e mellora da sinalización horizontal e vertical O Concello de Nigrán acomete actualmente obras de asfaltado e mellora da seguridade viaria en 18 rúas e camiños de todo o municipio por valor de 275.000 euros. En concreto, están traballando ou xa concluiron nas parroquia de Panxón (Jesús Espinosa, Gondomar, Area Alta, Camiño da Area, Arquitecto Palacios, Paraviñal e Camiño da Fonte), San Pedro (Manuel Misa), Priegue (Camiño do Monte, Rouxo, Condomínguez a Antonexas) e Nigrán (Manuel Alonso, Vilameán, Casás, Carballiños, Seixas Alto, Reverendo Pérez Alonso).

As actuacións céntranse en tódolos casos na mellora dos firmes existentes e da sinalización horizontal e vertical, así como na ampliación de calzada nos tramos nos que é factible e no rasanteo de pozos de rexistro e arquetas; asimesmo, nas estradas de máis tráfico se

instalarán peraltes para a mellora da seguridade viaria. Segundo o propio informe técnico, todos estes viais e camiños se atopan moi deteriorados debido precisamente ao uso intenso que deles fan os veciños e que se manterá no futuro.

En Nigrán, na rúa Alcalde Manuel Alonso, ao lado de Concello, ademáis de mellorarse o firme en todo o tramo e no cruce con Vilameán e Avenida Val Miñor, se instalará un paso peonil elevado antes de chegar ao cruce con Vilameán para diminuir así a velocidade dos vehículos e mellorar a seguridade. “Neste caso concreto tamén queremos dar solución ao problema de tráfico na pequena rotonda existente, así que tamén será eliminado o paso de cebra actual para reubicalo”, explica o rexedor, Juan González.

Unha da prioridades do go-

berno é a mellora da seguridade viaria nos camiños e estradas das diferentes parroquias e, neste caso, se trata de lugares moi transitados en nun estado moi deficiente, polo que o consistorio considerou prioritario a súa renovación. "Son obras que benefician a centos de veciños”, explica Juan González, alcalde de Nigrán.

Nos últimos meses o Concello de Nigrán asfaltou e acondicionou tres rúas na parroquia de Camos por importe de 79.454 euros (Milisozas, Lodeiro e Rial), a Avenida Praia América incluíndo o acceso á subida de Montelourido ou Laxes en Chandebrito. “Seguiremos nesta liña ao longo destes catro años porque realmente somos conscientes de que moitas rúas están en mal estado e precisan ser reparadas”, admite González.

Tamén humanizarase por completo a rúa do Mariñeiro de Panxón con obras por valor de 240.900€ en rúa Mariñeiro porque debe ser así nunha rúa transitada como esta. Supoñerá ademais unha mellora na seguridade viaria e da contorna", resume o acalde, Juan González, quen xa suprimiu o verán pasado o sentido único que impuxo o anterior goberno do PP en 2013 a pesar dun acordo plenario en contra e a oposición dos veciños.

O Concello de Nigrán levará a cabo antes de que finalice o ano obras para humanizar a rúa Mariñeiro da parroquia de Panxón por valor de 240.900,35 euros, unha cantidade con cargo ao remanente de tesourería e que foi aprobada no pleno ordinario de xullo. Estas inclúen a reparación do pavimento, a mellora das beirarrúas para que cumpran con todas as leis de accesibilidade, solución definitiva ao problema de evacuación de pluviais, instalación de novas luminarias LED na iluminación pública e ordenación defini-

tiva do tráfico rodado con máis prazas de aparcadoiro (auméntanse a 72). Todos estes traballos, cun prazo de execución de tres meses, están encamiñados á mellora da seguridade viaria e a contorna nunha rúa crucial na parroquia porque conecta a transitada Estrada pola Vía (PO-325) coa praia.

"Trátase do acceso principal á parroquia e ata agora estivo desatendido a pesar de ser a vía fundamental de entrada e saída. Con estas obras queremos consolidar definitivamente o dobre sentido

Actualmente a rúa conta con beirarrúas, pero estreitas e en mal estado e incumprindo con iso a normativa de accesibilidade, polo que se emendarán estas deficiencias aumentando de 1,50 a 1,80 o seu ancho e daráselle continuidade peonil cun novo pavimento a base de formigón puído coloreado. Ademais, mellorarase a instalación de evacuación de pluviais, xa que presenta problemas de estancamento de augas os días de fortes precipitacións (a rede de saneamento será separativa). Doutra banda, tamén se mellorará a contorna coa implan-

tación de iluminación pública con luminarias LED que supoñerán unha mellora na eficiencia e aforro enerxético, así como menor contaminación luminosa sen prexudicar a seguridade do viandante.

A nova iluminación será un elemento característico e diferenciador na futura rúa Mariñeiro, así, o fuste dos próximos farois será de aceiro inoxidable con acabado brillante e, en corte láser, representarase no mesmo o nome da rúa por ambos os lados e o escudo do Concello de Nigrán.

28

FINAIS DE AGOSTO 2016

OPINIÓN Baldomero Iglesias Dobarrio Mero

Pasou sen pena nin gloria a data aquela da humillante memoria. Si, unha parte do exército de África se levantaba en armas e, así, agora, oitenta anos despois lembramos levemente seiscentos mil mortos e moitos desaparecidos nunha ferida difícil de curar que non nos deixa avanzar e que impediu a nosa liberdade, democracia e estado de dereito. Así como tamén o noso recoñecemento en nós mesmos, como protagonistas para exercer do que somos e para vivir donos do noso destino. Graves sucesos que non deberamos esquecer, que non se deben ocultar –como aínda fan os que gobernando silencios pensan que esqueceremos- senón aprender deles. O goberno legal foi usurpado por un ditador que conmemorou a vitoria todos os anos e festexaba aquel trauma co seu “glorioso alzamento nacional” que, en realidade, era un golpe militar e unha guerra fratricida.

Os militares sublevados afirmarían o seu poder ante o silencio do mundo que vía aquela desfeita. E daquela desfeita vimos nós, alí está a orixe dos nosos presentes, destes tempos crueis de mentiras, corrupción e perdas de suficiencia. Foi un caos colectivo que abriu un cisma de violencia, rompeu a convivencia dunha sociedade fracturada en odios e medos. Guerra brutal de sangue entre atrocidades homicidas e vinganzas de todo xénero. Triste resultado. Tan triste que aínda hoxe pagamos aqueles aconteceres. Todas as guerras son malas porque intúen en nós un enorme fracaso das relacións humanas, da falta de comprensión e entendemento, de políticas que non concilian

A oitenta anos do inicio da Guerra

entre as nacións do estado, lonxe do centralismo español que todo borra coa desculpa de homoxeneizar ou globalizar obrigas, que non dereitos.

Carrexounos ademais uns danos incalculables de morte e represión que tardarán moitas xeracións en seren reparadas, nunca esquecidas nin disimuladas. Aínda estamos saíndo daquel precipicio enorme que nos mira para tragarnos, aquela foxa chea de silencios na que se escudan moitos para calar culpas. Aquilo, que chamamos guerra civil, foi unha carnicería que traumatizou a toda a nosa sociedade e aínda está sen facer a prevención cívica necesaria para recuperar a dignidade de tantas e tantos, restaurando a súa memoria en dignidade. morte dun miliciano, fotografia de robert capa Os vencedores, chámanse eles así, seguen admivontades. Pero esa guerra, civil, fratricida é imperdoa- nistrando a vitoria e estirando a sombra inmoral da ble. A proba é que a paz non está connosco, despois mentira, escurecendo aínda máis a negra noite daquede oitenta anos, nin xermola cando termina a guerra. las infelices datas, deste fracaso.

Quedan montóns de heroes silandeiros nas cunetas e nas gabias do País. E aos que gobernan e sacan votos Outro dato a anotar é a criminalización dos disinon lles interesa remexer o pasado, teñen aínda medo dentes políticos, semella que a convivencia está neque lles salpiquen culpas. Foi a súa vitoria, pero non gada. Condenados por estar na sospeita e ás marxes foi a nosa paz. da súa lei. Sen dereito á presunción de inocencia. Non O recorrente emprego das armar non resolveu os hai que ir lonxe e ver a Lei Mordaza, ou outras leis problemas daquel 18 de xullo tráxico. Cómpre tan só que demoran os nosos dereitos discrepantes. Seguen ver os sufrimentos que ocasionou e ocasiona, as divi- a perseguir aos que queren sentirse libres a pesar sións que produciu, os acontecementos de dor que deles, dos que defenden a máis básica das liberdades provocou, os exilios –calculados en máis de oitocentas para expresarse en aberto e sen ofender, lonxe de dismil persoas- moitas delas as mellores cabezas pensan- cursos de odio. Dos que loitan día a día por preservar tes que tiñamos e que sabían como erguernos diante o estado de dereito e os dereitos humanos que aqueles da peor crise mundial ou da fame, tamén do analfabe- negan e recortan. tismo e das tortuosas capacidades de entendemento Tan só van oitenta anos!

FINAIS DE AGOSTO 2016

29

VIGO

A recuperación do sector naval: unha cuestión de propaganda Dende a federación de Industria da CIG queren saír ao paso das informacións recollidas recentemente polos medios de comunicación nas que se achegan unha serie de datos que avalarían a suposta recuperación do sector naval da Ría de Vigo ao apuntar que lidera as novas contratacións no primeiro semestre por enriba dos estaleiros asturianos e vascos:

1º. Compáranse as actuais contratacións coas de anos anteriores, cando case non existía sector ao atoparse practicamente desfeito.

2º. Das seis contratacións, dúas dependen de Armón Asturias e outra dun estaleiro de Marín; ademais, tráano Barreras Vulcano Metalships Freire Armón Cardama Talleres da industria auxiliar

Novas demandas por discriminación contra Médicos Sin Fronteras

tase de estaleiros pequenos que xa estaban a traballar, polo que o impacto en termos de postos de traballo é nulo.

3º. Os estaleiros que levaban o peso da contratación en termos de buques e postos de traballo seguen no dique seco; Barreras está á espera da entrega do flotel, co que quedaría baleiro; Vulcano leva cinco anos sen contratación e no limite da resistencia; xa pasaron tres anos dende que Metalships entregou o ultimo buque; e Freire atópase rematando dúas construcións.

4º. No ano 2007 o número de empregados/as no sector naval da Ría de Vigo superaba os 9000, mentres que na actualidade non chega a 1500: 2007

2016

2375 1083 1500 600 600 300 2650

300 85 160 350 350 200

Médicos Sin Fronteras continúa as represalias contra as e os traballadores que protestan.

O mes pasado, a xustiza condenou a MSF por discriminación e obrigou á ONG a tratar ao traballador e traballadora estranxeiros como ao resto do persoal de captación de persoas socias, polo que os seus contratos de traballo foron cambiados por MSF a indefinidos como se indicaba na sentenza do xulgado.

Aínda así, "MSF continúa na súa actitude discriminatoria ao dilatar intencionadamente os trámites administrativos deste compañeiro e compañeira a fin de impedir a reno-

vación do seu permiso de residencia, o que constitúe un serio agravante da súa situación profesional e persoal" sinala o sindicato CNT. Isto levará novamente aos xulgados a Médicos Sin Fronteras tras a presentación das correspondentes demandas por seren discriminados.

Desde a central anarcosindicalista considerase "inaceptable e deplorable" o trato aos dous traballadores que "non ten outra explicación que a de perxudicar no posible a aqueles que protestan en Médicos Sin Fronteras".

Afírmase que "se xa foron desprezables as explicacións de MSF á plantilla de persoal sobre a sentenza condenatoria por discriminación, o continuar maltratando aos compañeiros debería ter consecuencias inmediatas nos postos de responsabilidade de Médicos Sin Fronteras".

30

FINAIS DE AGOSTO 2016

OPINIÓN

ARTE

Manuel Caride Responsable local do BNG de Vigo

Razóns para votar BNG o 25 de setembro

Os últimos sete anos de goberno do Partido Popular na Xunta tiveron como resultado para Galiza unha desfeita de proporcións bíblicas, tanto no plano económico como no social. A maiores produciuse unha perda significativa de capacidade de decisión, xunto cunha marcada recentralización de competencias por parte do Estado español e un baleirado do autogoberno galego. Con este panorama os únicos calificativos aplicables aos gobernos e políticas do PP nestes anos só poden ser os de antisociais e antigalegos, abocando ao país a unha situación crítica.

Con todo, a política de recortes e o desmantelamento produtivo que padecemos na Galiza non se soluciona só con que Feijoo e o PP desaparezan do poder. Para o BNG o problema de fondo é outro: Galiza ten que ter outro papel e precisa pór en marcha un proxecto de país que rompa coa subordinación e coa dependencia, un proxecto ambicioso baseado no aproveitamento de todo o noso potencial para crear riqueza, emprego e benestar.

Así pois, o BNG ten un proxecto para Galiza que vai máis alá da derrota do PP. Hai que derrotar o PP, por suposto, e iso permitirá mudar algunhas das políticas máis regresivas que este veu impulsando, mais esa derrota por si mesma non garante a posta en marcha de políticas que incidan realmente nas causas profundas que impiden desenvolver as nosas capacidades como pobo. Neste sentido, o BNG sempre se destacou pola súa capacidade de acordo para facer posíbeis gobernos e políticas alternativas, que contribúan a construír unha Galiza diferente viva, inclusiva, moderna e con futuro.

Mais no BNG entendemos que os problemas de Galiza non se resolven debilitando Galiza como marco de referencia. O sucursalismo político non reforza a consciencia e a confianza nas nosas propias forzas e posibilidades, senón que afianza as estruturas de dominio do poder estatal central sobre nós.

Exposición "Novos Valores 2016. Obra seleccionada" Un conxunto de 32 pezas amósanse nas salas de exposicións temporais da Facultade de Belas Artes e da Escola Superior de Conservación e Restauración de Bens Culturais. Entre estas pezas atópanse 13 obras de pin-

tura, sete de fotografía, seis de debuxos, cinco esculturas, tres vídeos e dous gravados. Todas forman parte dunha primeira selección, que inclúe as obras dos premiados e premiadas do certame Novos Valores 2016.

Logo o proxecto da alternativa nacionalista que o BNG representa pasa por desenvolver, desde o máximo autogoberno, todas as potencialidades do noso país. Temos como pobo unhas capacidades e un potencial enorme, rico, vizoso, e é tempo de responsabilizarnos directamente, de decidir que queremos ser.

A loita contra a precariedade laboral, contra o desemprego, o dereito á vivenda, a defensa dos servizos públicos, do ensino, da sanidade, da nosa cultura... conforman as prioridades do BNG. E todas esas prioridades están directamente relacionadas con termos capacidade real de desenvolver unha política de país, un conxunto de políticas estratéxicas que poñan o foco en construír un país dinámico, vivo e que use os seus recursos no seu beneficio. Neste sentido, BNG é unha garantía non só de cambio de goberno, senón de cambio de modelo, de mudanza de políticas a favor de Galiza e das súas clases populares.

Nas eleccións ao Parlamento da Galiza do vindeiro 25 de setembro moito é o que nos xogamos como pobo: temos a responsabilidade de nos facer valer e o dereito de tomar decisións a favor do noso desenvolvemento para conseguir mudar o noso estatus e o noso papel no Estado e na UE.

Aínda tes até o 11 para visitar a exposición ¨Meu Pontevedra!

1916-1936¨ de obras de Castelao

Nesta mostra conmemórase a súa chegada á cidade do Lérez en xaneiro de 1916 para ocupar a praza de funcionario de Estatística. O título da exposición recolle o remate do texto escrito por Castelao, xa no exilio, sobre os vinte anos que viviu en Pontevedra.

Nela amosarase, ademais da súa plena integración na vida cultural da cidade, na que participou intensamente, o amplísimo labor desenvolvido nos eidos da creación artística, literaria e, finalmente, política ao se converter en líder do Galeguismo.

Outeiro do río Xabriña Recanto máxico onde ovos xigantes de rocha quedaron deitados para sempre en niños de breixos e carrizos. Alí, cando eramos nenos, coñecemos un velliño que xa formaba parte da paisaxe. Tódolos días viña pastar as ovellas e traia un can que nos daba graza polo xoguetas que era, e porque tiña o seu mérito, cando lle dicía: -Chichiño, leva as ovellas á beira do río… bule!

E o can, como se entendera o idioma que falaba o dono,

saía correndo como unha chispa e tornaba as ovellas ata deixalas onde lle mandaba.

Ríase a esgalla mentres xogaba con el e estaba tan ledo que lle dicía a todos os que pasaban por alí: -Agora ides ver o que fai o meu “Chicho”… Eu agocho a gorra sen que me vexa e non sei como pero logo da con ela.

Enterraba a gorra debaixo dun terrón e despois de chamar por el, dicía nun ton queixoso: -Chichiño…! Mira, non

CONTO S

MUÍÑO DA FEIXA

x.s.pArAmOs

teño gorra. Roubáronma e teño frío na cachola… busca a gorra, Chichiño, que morro!

O pobre do can volvíase tolo sen parar de laiar na procura da gorra. Cando daba con ela só faltaba que lla puxera na cabeza.

Un día pasou un veciño e vendo o asunto, rosmoulle de malos modos que iso calquera can llo facía. El contestoulle: -Calquera can pode que si, pero non calquera persoa.

FINAIS DE AGOSTO 2016

31

CINEMA

jOsIñO ArAújO

Como facerte pasar por unha persoa interesante (II) Durante canto tempo, en que situación e ante quen, preguntaraste.

Se fose durante toda a vida, en calquera circunstancia e ante todo o mundo, compensaría eliminar do título pasar por e deixar o resto, de maneira que quedara : Como facerte unha persoa interesante. E aínda que tamén teño tres fórmulas infalibles para conseguilo, non son nada doadas nin son o obxectivo da miña columna de hoxe. Porque hoxe imos ser menos ambiciosos e conformarnos con que deas o pego.

En canto á duración desta impostura, imos tentar facerte pasar por unha persoa interesante durante un período non superior a dous días: dende o tempo que poderías pasar nunha cea de amigos ou nunha das first dates de Catro ata o que duraría unha finde na montaña. En que circunstancias e ante quen, que parece máis complicado pois non é o mesmo parecerlle interesante a un friqui nun LAN party que a unha deputada de Ciudadanos ou a un gaiteiro nun furancho, porén, non o vai ser tanto porque cos meus tres pasos obrigatorios pero moi doados conseguirás o que calquera política, sacerdote, emprendedora ou hipster mediocres soñarían.

Unha columna nun xornal é sempre un espazo moi reducido para expresar calquera idea cunha certa complexidade e máis para facerlle cumprir ao texto unha das máis prácticas funcións da lingua: a apelativa, que consiste en tentar influír na conduta dos demais, pois podes, se non dispós das palabras suficientes, caer nunha excesiva simplificación que converta en chilindrada o tema máis profundo e deixar no tinteiro aspectos substanciais ou curiosos e interesantes aínda que accesorios. Pero eu vou tentar e creo que conseguir transmitirche a miña mensaxe nesta columna que é incomprensiblemente o único que me adxudican nesta publicación. Demostrarei, no entanto, o que unha boa coach, como dicimos por aquí, pode conseguir seleccionando unhas poucas liñas de comportamento e actuación adecuadas. As que eu che propoño para pasares por unha persoa interesante son lóxicas, intuitivas e moi, moi simples. Reducireinas a tres: A primeira…

Marvel Vs. DC - Escuadrón Suicida

En Estados Unidos a palabra superheroe (Super Hero) é, dende 1979, unha marca rexistrada conxuntamente por DC e Marvel, as dúas editoriais de comics máis importantes do mundo.

Con acordos/treguas deste tipo, estas xigantes do negocio foron afianzando o seu monopolio e reducindo a batalla pola venda de tebeos a unha cousa de dous, batalla que continúa hoxe máis aló do papel, trasladándose ao celuloide.

A loita polo reinado na taquilla mundial entre DC e Marvel (agora tamén produtoras cinematográficas) tradúcese nunha cascada incesante de estreas de películas de superheroes que abarrotan continuamente as carteleiras a risco de rematar por saturar ao espectador. Polo de agora parece que Marvel leva vantaxe sobre un DC que vai a remolque, sempre baixo a sombra do Batman de Christopher Nolan e presionada polos constantes éxitos da súa rival. Se Batman V. Superman: O amencer da Xustiza (Zack Snyder, 2016) e a próxima Justice League (Zack Snyder, 2017) nacen como resposta á saga de Os Vingadores, a recente Escuadrón Suicida é unha reacción a películas como Deadpool (Tim Miller, 2016) ou Gardiáns da Galaxia (James Gunn, 2014) films cun ton máis irreverente e desenfadado que as súas compañeiras de xénero. Pero a pretendida reacción, neste último caso, fracasa estrepitosamente xa que a irreverencia pretendida non fai acto de presenza no film protagonizado por Will Smith, deixando o seu lugar ao aburrimento e o infantilismo.

O director David Ayer ponse ao mando dun escuadrón formado por malos malísimos que, ironicamente, son os únicos que poden salvar o mundo. Lamentablemente, aquí non hai rastro do certo bo facer que se lle intuía ao realizador nalgunha das súas anteriores películas como Sin tregua (2012) ou Corazóns de aceiro (2014).

O director non pon remedio á incohe-

rencia que domina a metraxe e céntrase burdamente en intentar dar a entender que "os bos non son tan bos e os malos non son tan malos". O guión (firmado polo propio Ayer, o que ten máis delito) é nefasto, pragado de gags sen gancho e con diálogos sen dinamismo, carentes de graza. Unha eterna presentación de personaxes, a maioría deles prescindibles e unidimesionais, desemboca nunha trama improvisada e sen ningunha tensión, para rematar cos típicos fogos artificiais moi ruidosos e pouco

vistosos.

Da queima só se salva por momentos Harley Quinn, interpretada por Margot Robbie, personaxe namorado dun Joker (Jared Letto) que parece sacado dun videoclip de rapeiros ou de Spring Breakers (Harmony Korine, 2012).

Se Marvel e DC pretenden seguir gañando millóns e que a burbulla de superheroes non lle estoupe, terán que esforzarse un chisco máis e dotar de calidade aos seus produtos.

Director: Tino Lago Vargas

anovapeneirapublicidade@gmail.com

Edición, deseño e maquetación: Alberto Ardid de Cabo anovapeneira@gmail.com

Redacción: G. Figueiredo

anovapeneiraentrevistas2@gmail.com

Edita e publica: Edicións Mide S.L. Rúa García Lorca 3, 6º AB. 36209 Vigo edicionsmide@gmail.com Teléfonos: 662187102 / 670274709

Imprime: Publicaciones Tameiga S.L. Fotografía: Arquivo.

Publicidade: Departamento propio.

Colaboradores: Guillermo Rodríguez, Adrián So-

lovio, Moncho Lareu, Vicente Alló, Carlos Rey, Josiño Araújo, X. S. Páramos, Lucia Santos, Santiago Mallo, Segundo González, X. C. de la Fuente, Baldomero Iglesias, Juan Karlos Pérez, Pedro Ocampo, José Manuel Durán, Xabier P. Igrexas, Marcos Escudero.

Corresponsal en Madrid: Juan Louzán / 665715149 Depósito Legal: VG175-2012

Este xornal imprimiuse en papel reciclado

nº 41 (terceira xeira)

XORNAL GALEGO DE CULTURA E DEPORTE

finais de agosto 2016 - 2€

Quen foi o Siñor Afranio?

Uxío Reinoso nárranos as peripecias que fixo Alonso Ríos para risparse das gadoupas da morte

páx. xxII

264

II

FINAIS DE AGOSTO 2016

REDONDELA Mari Carmen Amoedo. Tenente de Alcalde do Concello de Redondela O goberno municipal de Redondela do PP, vive unha situación complicada.O PP goberna co 9 concelleir@s ,nunha corporación de 21,e nun contexto de crispacións e tensións constantes.O ruxe ruxe dunha próxima moción de censura, que terían que chegar a consenso os catro grupos da oposición, circula con fluidez pola rúas de Redondela.Nas últimas Peneiras entrevistabamos a Eduardo Reguera ,voceiro do Psdg e a Xoán Carlos

González do BNG.Desta volta tócalle ao goberno do P.P explicar a súa visión sobre a situación política de redondelá.No momento de realizarmos esta reportaxe, o alcalde Javier, encontrábase de vacacións, xa que logo fomos atendidos pola tenente de alcalde e alcaldesa accidental, Mari Carmen Amoedo que ,ao igual que Javier en anos anteriores, atendeunos con exquisita amabilidade.

“A oposicion utiliza os servizos sociais para facer demagoxia política.”

Mari Carmen, que valoración fas destes 15 meses do segundo mandato do PP no goberno municipal de Redondela?

Nós entendémolo como unha continuación do traballo iniciado hai cinco anos. Desde o inicio do noso goberno, pretendemos reestruturar e reorganizar, o concello, que estaba completamente abandonado.

ciais para facer demagoxia política.

Porén, a oposición manifesta, que seguen existindo retrasos na xestión de axudas a persoas que as necesitan?

Non é certo.As persoas son atendidas no mesmo día, e cando alguén ten que facer algún tipo de trámite, achegar documentación..., o prazo máximo de espera son 15 días.Nós fomos aumentando o persoal de servizos sociais.De feito na unidade de Redondela, agora hai dous auxiliares administrativos, cando antes había un.

O Concello estaba mal organizado ao voso xuízo?

Moi mal, tanto na súa organización como na optimización dos seus recursos.

E de quen era a responsabilidade desa presunta mala organización?

Do PSOE e do BNG.O que amosaron nos 12 anos que gobernaron xuntos foi que fixeron de todo menos optimizar os recursos do concello de Redondela.

E ti Mari Carmen, que é a primeira vez que asumes responsabilidades de goberno.

Como te sintes? Desde fóra o que se percibe é que o ano está sendo duro. Un goberno en minoría, manexando situacións de moita tensión...

O ano está sendo difícil, sí, porque a oposición mudou o paso. Nós seguimos na nosa liña

de procurar consensos traballando por Redondela, pero eles están facendo unha oposición moitísimo máis negativa e dura.

Todos os grupos de oposición?

Si, pero especialmente o PSOE e o BNG, con eles non hai posibilidade de chegar a acordos nunca. Están instalados no non ,polo non.

Pero vós tendes vontade de chegar a acordos?

Sempre. Así por exemplo no meu departamento de servizos sociais, chegamos a algún consenso, despois de moitísimo traballo coa oposición. Ben con todos agás co BNG, que se negou.

No tema dos servizos sociais, hai unha coincidencia xeral na oposición en cualificar a vosa xestión como moi deficiente. Supoño que ti non estarás de acordo?

Desde logo que non. Nós fi-

xemos unha ordenanza para regularizar as axudas de emerxencias sociais, que increiblemente nun concello gobernado por forzas de esquerdas non existía.Este ano aumentamos a partida destinada as Emerxencias sociais de 60.000 a 80.000€- Por primeira vez substitúense as vacacións das traballadoras sociais- Traballamos con todos os segmentos que teñen algún tipo de necesidade especial, traballamos con SOGA, COGAMI.....A oposición usa os servizos so-

É evidente, que no trato persoal Javier Bas, é un home moi afable e respectuoso (polo menos con este xornal).Ti, Mari Carmen, tes fama de ser moi dura.De feito se forades unha parella de policías. Javier sería o poli bo, e ti a poli mala...Realmente es tan dura?

Non, o que pasa e que a min me toca ser portavoz e defender a postura di PP de Redondela. E en fronte teño a catro grupos que constantemente están tirando mensaxes que non se axustan á realidade Esa posición de estar sempre en primeira liña de batalla, en combate permanente, como a levas?

Ah, moi ben, lévoa perfecta-

FINAIS DE AGOSTO

III

REDONDELA mente. Para min é vocacional.

Non me costa traballo. Eu creo neste goberno, creo en Javier Bas como Alcalde, e creo no Partido Popular.

Na “rajada” que lle metiches á concelleira Raquel Quintáns, non fuches un pouco dura de máis?

Non, fun realista. Todas e todos os concelleiras e concelleiros teñen que facer o seu traballo con responsabilidade. Nin está nas comisións nin asiste aos plenos nin traballa os expedientes. O Bloque tamén ten ese problema, tampouco traballa os expedientes.

Aínda que esta entrevista faise antes do entroido de verán, e publicarase despois, quero preguntarche, como se presenta este ano?.

Ben , nós non temos ningunha dúbida de que será un éxito, e desde logo este goberno está a tope para que así sexa.

Aumentamos moitísimo as actividades de rúa para diversificar os espazos de lecer, aumentamos e melloramos a seguridade e os baños públicos. Quero aproveitar para recoñecer o gran traballo do Concelleiro de Eventos Jesus Crespo e a inmensa e magnífica labor da ex concelleira Herminda Quenlle.

A plusvalía; cal é a visión do goberno municipal?

O máis curioso de todo isto é que levamos 6 meses de estudo , nunha comisión de impostos.O partido popular, a través da nosa representante Ana Alonso, presenta unha proposta, ningún grupo da oposición fai contraproposta e logo, despois dunha serie de reunións confidenciais da oposición desbotan a proposta deste goberno.

Ti afirmas que os grupos

da oposición se reuniron para chegar a consenso ,nunha posición contraria á vosa?

Si,eles mesmos o recoñeceron.

Eduardo Reguera, dixo no noso xornal que cando eles gobernaban, non cobraban ese imposto, e que fostes vós o que comezastes a cobralo,e que xa levades preto de 2.000.000€ recadados con ese imposto. É certo?

O que é certo, é que o señor Reguera, que foi concelleiro de facenda, afirma que facían a vista gorda dun imposto que tiñan a obriga de cobrar. Moi indicativo do tipo de goberno que tivemos en Redondela. Un goberno só para algúns, non para todos.

Afirmas que o goberno bipartito, fomentaba o amiguismo?

Non podo dicir o contrario, as súas declaracións o demostran. O seu descontrol explica o tremendo endebendamento que tiña o Concello de Redondela e unha deixadez clara de funcións por parte do Sr. Reguera.

Por que motivo queredes agora reducir o imposto?

Porque levamos 5 anos coas contas en azul, baixamos o endebedamento do Concello, xa que ata que chegou o noso goberno os números estaban en vermello e o endebedamento o máximo permitido, Agora é o momento de reflectilo nos nosos cidadáns e rebaixar impostos.

Na entrada de Redondela, hai unha estrada de tres carrís,e non hai nin un só punto polo que os peóns poidan cruzar.A ambos lados da rúa viven veciños/as,a xente de Negros que baixa andando á Vila ten que cruzar esa estrada.Mari Carmen, cando

ides solucionar ese problema ,que calquera día pode ser unha traxedia?.Hai máis dun ano pregunteille ao alcalde cando se ía por un semáforo ou paso de peóns,a sensación que saquei da súa resposta é que sería inminente, pero seguimos sen semáforo...

Está xa aprobado Si ,pero segues se concretar nada Está aprobado no presuposto do ministerio de fomento para o ano 2.016 Ao longo deste ano porase ese semáforo?

Si.

Mira que no 2017, co teu permiso, voute volver a entrevistar, e lembrareite as túas palabras...

Sen ningún problema. Quero dicir tamén que esa, xunto a moitas outras, como pór exemplo a pasarela de Cabanas... son demandas xa de anos, que estaban esquecidas polo goberno bipartito. Foi Javier Bas, que nun tempo record púxoas na mesa do ministerio de fomento.

Como valoras o novo goberno da deputación?

Esta é unha moi mala deputación

Por que?

Discriminan aos concellos do Partido popular

Ben, antes todos os concellos que non eran do PP, queixábanse de que eran discriminados polo goberno de Louzán...

Con Rafael Louzán, os Concellos que non gobernaba o PP recibían axudas igual que os que gobernaba o Partido Popular.

Os alcaldes non din o mesmo.Emiliano de Fornelos,

Félix de Bueu, Sandra de Tomiño... non din o mesmo nin por asomo!

O último concello co que asinou Louzán un convenio foi co de Vigo, que non é precisamente do PP. Eu insisto, en que os alcaldes non din o mesmo. Asemade Rafael Louzán está imputado, cun ex deputado provincial do PP, e actual concelleiro voso en Pazos de Borbén Severino Reguera...

Si, pero está imputado por unha razón da súa actividade privada, non por algo que teña que ver co goberno da deputación

Xa, pero non deixa de ser igual de grave Eu pido respecto para a presunción de Inocencia de Rafael Louzán.Manchar o nome das persoas é moi fácil, e logo recuperarse é moi difícil.

Coincido contigo Mari Carmen, en que a presunción de inocencia, debe de ser unha das bases dunha sociedade democrática Desde logo. Esta nova deputación non recibe a ninguén que non sexa alcalde, e teñen a maquinaria parada. A esta deputación só lle preocupa o fotocall.

Por que motivo saltades o acordo plenario, que impide ao alcalde asistir ás procesións relixiosas?

O pleno non ten esa competencia. Esa é unha competencia do propio alcalde. Temos un informe xurídico da secretaria do concello que así o indica con claridade.

Polos maios, apareceron nas rúas de Redondela unhas octavillas moi agresivas,ata persoalmente ofensivas contra persoas concretas de AER...

Ah si?

Si. Iso saíu do Partido Popular?

Non teño constancia.Desde logo dos órganos do partido non saíu.Non sei porque non puido vir do psoe, do BNG ou da propia AER ou de algún cidadán anónimo. Non sei porque dis que puido ser o PP.Se cadra quen lle ten máis gañas a AER, son os do psoe ou os do bng, por non ter feito goberno con eles..

Nesas octavillas insinúase a posibilidade de que existe un acordo para unha moción de censura, ti que opinas?

Eu non podo opinar do que non coñezo.Este goberno segue a traballar de maneira seria e rigorosa,non fai conxeturas e iso non nos quita o sono.

Falemos das eleccións do 25S. Como as ves?

Pois desde dentro, acabo de ser nomeada no comité de campaña.Creo que non está nada feito, e no P.P temos que traballar desde o primeiro minuto.Trátase de elixir entre un presidente serio e solvente, que é Alberto Núñez Feijóo, ou outra cousa que non se sabe moi ben o que é.Semella que as Mareas e Podemos non paran de pelexar entre eles.Eu espero que polo ben de Galicia Feijoo acade unha nova maioría absoluta.

Moitas grazas pola túa amabilidade Mari Carmen.

Podes utilizar as nosas páxinas para dicir o que queiras á veciñanza de Redondela Este goberno vai seguir traballando en prol do ben común de Redondela, tratando de conseguir o maior número de obxectivos, gastando a menor cantidade de recursos posibles.

A nosa prioridade é o emprego, para todas e todos os veciños da nosa Vila.

IV

FINAIS DE AGOSTO 2016

PUBLICIDADE

FINAIS DE AGOSTO 2016

V

REDONDELA

AER critica os favoritismos na organización de eventos ao aire libre e a deixadez de funcións do Goberno Local de Redondela A Agrupación de Electores de Redondela vén de constatar a grave falta de responsabilidade e a existencia de favoritismos no labor do goberno local á hora da concesión de permisos para a realización de actos ao aire libre. No mes de maio, AER realizou unha serie de rexistros solicitando información sobre os seguros de responsabilidade civil obrigatorios, tal como indica o Concello de Redondela na correspondente ordenanza, e sobre o plan de evacuación de diversos actos, algúns propios do Concello e outros realizados por entidades privadas.

No que respecta a algúns actos dos que é responsable o Concello de Redondela, non se proporcionou copia do Plan de Emerxencias que se require, e remitiuse ao protocolo esixido polos mandos policiais á fronte en cada un dos eventos, protocolo que non foi aportado e que polo tanto se descoñece por completo.

Da resposta dada respecto aos eventos que se realizan durante a festividade local do Cristo, o goberno local reco-

ñece que no que respecta a estes actos que se realizan na vía pública non se lles esixe seguro de responsabilidade civil algún. Esta situación é vista dende AER como un acto de favoritismo intolerable, sobre todo despois de ter constancia de que a numerosos programadores de eventos e de entidades privadas que organizan eventos na vía pública se lles esixe tanto seguro de responsabilidade civil como plan de seguridade, a expensas de que non se lles autorice o evento de non cumprir ditos requisitos en tempo e forma.

A esta situación de privilexios encubertos tamén hai que sumar o recente caso do descontrol que vén de aflorar coas fogueiras de San Xoán do presente ano 2016. Todas as fogueiras tiñan a obriga de realizar a correspondente solicitude de permiso contando con seguro de responsabilidade civil e dispoñendo o material o día anterior á queima, condicionado a que non se instalen materiais que conteñan substancias que poidan

Os nosos amigos de óptica travesía Redondela inauguraron un espectacular novo local. Non é moi dícil de atopara pois está

emitir fumes tóxicos. Sorprendente foi a actitude do goberno local á hora de publicar unha nova de prensa responsabilizando a un veciño particular da suspensión dunha das fogueiras máis coñecidas de Redondela, cando o que aconteceu realmente é que os responsables de supervisar as fogueiras non realizaran correctamente a supervisión dos permisos extraordinarios necesarios en cada caso, se o emprazamento era o axeitado ou non e se os materiais empregados nas fogueiras cumprían cos requirimentos medioambientais. Esta omisión nas súas funcións do departamento de Medio Ambiente e máis do departamento de Interior púxose en evidencia cando un veciño a nivel particular notificou ao Concello as deficiencias que el mesmo detectou. O goberno local recoñece que foi nese momento cando asumiu as súas responsabilidades e revisou as fogueiras que presentaban deficiencias e das que recibira notificación, así como tódalas fogueiras construídas e autorizadas polo Concello.

xusto en frente do seu local antigo. Parabéns a Noé a Silvia e a todo o equipo desta óptica de grandes profesionais e mellores persoas

O BNG considera “electoralista” a participación agora da Xunta no Pavillón da Marisma

Dende a organización nacionalista consideran que o anuncio da participación do goberno galego na urbanización do entorno da infraestructura deportiva, obedece únicamente aos intereses do Partido Popular. Recordan que no seu momento, cambiaron unha partida de 400.000 euros destinadas ao Centro de Día de Trasmañó, para o novo pavillón, “unha decisión que nunca apoiamos”, afirma o concelleiro Xoán Carlos González.

A construcción do Pavillón de A Marisma, supuxo un desenvolso de 2.500.000 euros, financiados a traverso dos fondos europeos. A partida incial, foi insuficiente para rematar a obra.

“Para nós tería que ser naquel momento cando Javier Bas debería facer valer o seu peso, para xestionar que o goberno galego invertira na finalización”, considera o concelleiro do BNG. “Entre as competenzas da Xunta está a de apoiar infraestructuras deportivas que beneficien ao conxunto dos veciños e veciñas, mais renunciaron a facelo así”, afirma.

Dende a organización nacionalista recordan que o goberno de Javier Bas eliminou a proposta de construír un Centro de

Día en Trasmañó, para aforrarlle cartos á Xunta.

Por outra cambiaron a partida destinada a este equipamento de carácter social, para rematar unha obra coa que o goberno galego nunca se comprometeu, recalca.

“Houbo unha estratexia clara do Partido Popular para favorecer os seus intereses de partido, na que o alcalde de Redondela exerceu de piar fundamental” valora Xoán Carlos González.

Os proxectos recollidos no Plan Marisma e Marisma Máis, supuxeron diversas inversións en Redondela nos últimos anos a cargo de fondos europeos. No seu momento, a xestión destes recursos, permitíu a aprobación de maiores partidas económicas.

“O cambio dunha partida destinada a un equipamento de carácter social, perfeitamente asumíbel, constituíu un feito sen precedentes, do que o único responsábel é o goberno de Javier Bas”, afirma o concelleiro nacionalista.

Consideran que o anuncio da inversión do goberno galego, “trata de dar a imaxe de que apoiaron a construcción do Pavillón de A Marisma, únicamente co interese de favorecer os intereses eleitoralistas do Partido Popular”. Recalcan dende o BNG, a necesidade imperiosa dun cambio de goberno en Compostela, para que se dea verdadeira resposta

VI

FINAIS DE AGOSTO 2016

PUBLICIDADE

FINAIS DE AGOSTO 2016

VII

REDONDELA

19 anos de éxitos no Entroido de Verán de Redondela Este xornal estivo presente o pasado sábado no divertidísimo evento carnavalesco que ten lugar no mes de agosto na vila dos viadutos. Aquí vos deixamos unhas instantáneas da festa, na que se celebrou a sexta

Gala Drag Queen, actuacións de La Ricura, K-Narias e New York. Contou tamén con zona Infantil, espectáculos de rúa, sesións de DJ’s e Show Dancers. Na contraportada do Hermes & Atenea hai máis fotografías

VIII FINAIS DE AGOSTO 2016

TERRAS DE REDONDELA Asoballados e indefensos, por cuestión de centímetros, nas beiras da AP-9

As imaxes de desolación son latentes no tramo urbano de Chapela, unha morea de escombros nos que antes había vida, comeza a amosar que a ampliación da AP9 non era nin é unha broma. Nas pasadas semanas a prensa facíase eco de que se están a derrubar as derradeiras casas das expropiacións da ampliación da AP-9. ¿Todas? Dende AER cren que non.

A Agrupación de Electores de Redondela denuncia a situación que sofren os residentes dun edificio de 3 plantas, situado en Chapela no Camiño de Cornide, onde habitan seis unidades familiares.

Despois de que parte da súa parcela cun garaxe anexo fora afectada polas expropiacións da ampliación AP-9, os residentes deste edificio decidiron solicitarlle ao Ministerio de Fomento a expropiación total da edificación.

Alegaron motivos de saúde, contaminación acústica , posibles danos estruturais como os que sufriron nos anos 70 na construción da AP-9, dado que nesa rúa Audasa ten previsto demoler un muro con pilotes de formigón próximo a citada edificación. O inmoble está en claro risco de sufrir danos estruturais.

A expropiación foi rexeitada polo Ministerio por entender que a liña de servidume non toca a estrutura habitable do inmoble.

Unha liña que queda a escasos centímetros da construción principal segundo o proxecto construtivo. Audasa recoñeceu na derradeira xuntanza da comisión de seguimento das obras que aínda non ten os estudos topográficos feitos, polo que non se pode asegurar que esa liña de servidume quede fóra da edificación principal do edificio; tan só se compromete a expropiar a edificación se sofre danos estruturais graves.

Estas decisións e actitudes demostran que os cartos están por enriba da dignidade e seguridade das persoas que alí residen, non hai ningunha lei que lle impida a Fomento chegar a un acordo cos residentes deste edificio. Parece que a única lei que entenden Fomento e Audasa é a do diñeiro.

Polo que desgraciadamente e unha vez máis, persoas que o único “delito” que cometeron é ter unha vivenda nas beiras da ap-9 son condenadas á incerteza e indefensión por un Ministerio sen escrúpulos.

A Alternativa veciñal de Pazos de Borbén carga contra Severino Reguera

A Fiscalía de Pontevedra ven de presentar acusación por un delito continuado de suborno contra o concelleiro e Tenente-Alcalde de Pazos de Borbén Severino Reguera, para quen pide un ano de prisión, e contra o ex-presidente da Deputación Rafael Louzán.

Durante estes últimos anos, boa parte da sociedade comprobamos con indignación que mentres á xente do común se nos esixían esforzos, sacrificios..., unha elite privilexiada adicouse ao saqueo sistemático e organizado de recursos públicos, ao fraude, á evasión fiscal...

Pazos de Borbén non é alleo a este clima de corrupción, o PP deste concello é unha peza máis desa maquinaria.

Podemos comezar por corruptelas diarias, coma o reparto discrecional de recursos públicos, caso dos postos de emprego temporais, e podemos rematar nin máis nin menos que co TenenteAlcalde sentado nun banquiño dun tribunal acusado dun delito de suborno continuado. E todo isto pasando por concesións de obras irregulares, licitadas tanto polo Concello como pola Deputación de Louzán, que benefician a empresas do entorno do PP e que tamén están a ser investigadas pola fiscalía. Curiosamente, é especialmente “agraciada” entre todas elas unha empresa de familiares directos do Tenente-Alcalde Severino Reguera.

Alternativa Veciñal considera que as persoas que

ocupen cargos públicos deben estar para defender o interese xeral e non o seu particular, e que deben render contas diante da cidadanía que os elixiu. Nunha democracia de calidade ademais das responsabilidades penais tamén deben existir responsabilidades políticas.

Por iso, á parte das responsabilidades penais que poidan derivarse do proceso xudicial en marcha, Alternativa Veciñal considera que coa acusación en firme chegou o momento de que o Tenente-Alcalde, Severino Reguera, asuma as súas responsabilidades políticas.

Así, Alternativa Veciñal presentou unha moción na que solicitan a dimisión de Severino Reguera como concelleiro da Corporación de Pazos de Borbén. E, no caso de que este non asuma as súas responsabilidades políticas, solicitamos do Alcalde Andrés Iglesias que o aparte de todas as súas funcións de goberno.

FINAIS DE AGOSTO 2016

IX

PONTE CALDELAS Andrés Díaz. Alcalde de Ponte Caldelas polo PSOE

“A situación económica de Ponte Caldelas estaba moi deteriorada.

Tivemos que reconducir practicamente Todo.”

Desde os inicio da democracia española, o concello de Ponte Caldelas só coñeceu alcaldes do Partido Popular. A alcaldía de Fidel Rodríguez deu paso á do seu fillo Perfecto. Moi curiosa esa forma de entender a política que considera aos concellos como “cortijos” que se poden herdar.

Catro décadas despois, un tripartito do PSOE BNG e AVP (Agrupación

Veciñal de Ponte Caldelas), conseguía desaloxar aos populares dunha alcaldía que semellaba da súa ¨propiedade¨.

A Nova Peneira desprazouse ata o Concello de Ponte Caldelas, para coñecermos a Andrés, un home novo con moita enerxía , ilusión e orgullo do seu pobo.

Despois de toda unha vida de goberno do PP no concello, nas eleccións do ano pasado un tripartito que ti encabezas conseguiu plasmar un goberno alternativo. Como foron estes meses de goberno?

Con moitísimo traballo, intentando reconducir a deteriorada situación económica, e facer que Ponte Caldelas rexurda.

Como te encontraches as contas do Concello cando accediches á alcaldía? O esperado, ou algunha sorpresa desagradable?

Imos ver, as contas eran coñecidas porque os orzamentos son públicos, pero si que atopamos un profundo deixamento na xestión económica. Tivemos que reconducir practicamente todo para facermos uns orzamentos acorde ao que precisa Ponte Caldelas.

E ti como levas a responsabilidade de goberno?

Eu son unha persoa moi responsable, quero dalo todo polo benestar dos veciños e veciñas, e como non podía ser doutra maneira lévoo con tensión permanente.

Como son as relacións cos dous socios de goberno, o BNG e o grupo

independente?

Moi ben. Somos sete persoas, que con independencia do grupo político ao que pertencemos, só pensamos no ben colectivo para o concello de Ponte Caldelas

O teu goberno é atípico. Non hai áreas diferenciadas individualmente e facedes política de xeito colexiado...

Si, cada luns temos xunta de goberno e todo o decidimos entre todos.

E funciona ese xeito de gobernar? porque realmente é diferente...

Si, funciona moi ben. Recoñezo que é diferente, pero pretendo que sexa exemplar. Quero un goberno implicado ao máximo, nunha visión global de Ponte Caldelas no seu conxunto, e que todos deamos todo, para solucionar colectivamente os problemas.

Pronto teredes as festas das Dores. Xunto coas da troita as máis sobranceiras da Vila. Señor alcalde, para todas as nosas lectoras e lecto-

res. Cales son os principais atractivos de Ponte Caldelas?

As nosas paisaxes, sen dúbida. Estamos na contorna do río Verdugo, un lugar paradisiaco. Temos bandeira azul na praia fluvial e proximamente inauguraremos o primeiro sendeiro azul do interior de España.

Os atractivos turísticos da nosa vila son moitos e moi numerosos, de feito este goberno quere darlle un importante pulo ao sector, co gallo de que sexa unha importante fonte de ingresos para a veciñanza. Convido a todas e todos os lectores da Peneira a que se acheguen á nosa vila á gozar das nosas festas, dunhas paisaxes sen igual e dunha gastronomía espectacular.

Rematamos, señor alcalde agradecéndote a túa amabilidade e preguntándote polas eleccións de setembro. Haberá cambio de goberno?

Veremos. Desde logo, se se consigue terá que xurdir da coalición de varios actores e da xenerosidade de todas e todos. Nós que temos en Ponte Caldelas un goberno de pacto estamos seguros de que pode funcionar moi ben.O que teño moi claro é que Galicia precisa un cambio. Os oito anos de Feijóo foron un retroceso para Galicia.

X

FINAIS DE AGOSTO 2016

PONTE CALDELAS G. FIGUeIreDO

Datos rápidos:

Que Visitar: O Concello de Ponte Caldelas

Ponte Caldelas é un municipio da provincia de Pontevedra, ten unha Superficie de 87 km². Limita ao norte co municipio de Cotobade; ao sur con Fornelos de Montes e Soutomaior; ao leste coa Lama e ao oeste co municipio de Pontevedra.

Este municipio está formado por 9 parroquias: Anceu, Caritel, Barbudo, Insua, Ponte Caldelas, Forzáns, Tourón, Xustáns e Taboadelo.

Historia

A súa Política:

O concello estivo gobernado desde as primeiras eleccións democráticas ata o ano 2015 por conservadores. Primeiro, Fidel Rodríguez Toubes (UCD-AP-PP) ata o ano 2003, cando lle sucede o seu fillo, Perfecto Rodríguez Muíños, do Partido Popular, ata as eleccións municipais do ano 2015. Desde o 2015, a alcaldía ocúpaa Andrés Díaz Sobral, á fronte dun goberno de coalición formado polo PSdeG, a AVP e o BNG. Quedando o goberno municipal da seguinte maneira: PSdeG-PSOE: D. Andrés Díaz Sobral, D. Enrique Vidal Tellado e Dª. María Pilar Couto Seoane.

AVP (Agrupación Veciñal de Ponte Caldelas): D. Alfonso Gutiérrez Santiago e D. José Manuel Martínez Igrexas.

BNG: D. Manuel Xesús Muiños Rodríguez e D. Manuel Barreiro Martínez

O Concello de Ponte Caldelas recibiu o seu nome seguramente da antiga ponte sobre o río Verdugo e das súas augas termais sulfuroso-sódicas.

A vila foi patrimonio da catedral de Santiago de Compostela, dándolle Gelmírez privilexios e franquías. Conta a tradición que a famosa raíña Lupa ou Loba que perseguiu aos discípulos do Apóstolo Santiago foi natural desta vila ou residiu nela, o que se se puido constatar é que en 1.126 o rei Alfonso VII concedeulle o título de A Moi Leal.

Así mesmo na Guerra da Independencia o mariscal Soult foi derrotado nas inmediacións de Ponte Caldelas ao pasar cun exército de 20.000 homes, e desde entón agregouse ao escudo deste Concello, que formaba a ponte sarmentado, unha cruz en honra das vítimas

desta batalla, librada na ponte que lle da nome ,en 1809.

No período preconstitucional chegaron a funcionar os concellos de Caldelas, Tourón e A Insua.

Xa no proceso de establecemento constitucional dos concellos, este territorio foi integrado no partido xudicial de Caldevergazo ou A Lama, que logo no ano 1845 cambiaría a súa denominación e capitalidade por Ponte Caldelas; será no ano 1836, dentro da planificación definitiva para o antedito partido xudicial, cando se establece o concello de Caldelas.

Esta denominación modificouse pola de Ponte Caldelas en 1845 coincidindo coa adxudicación da capitalidade do partido xudicial; inicialmente, aínda co mesmo territorio que hoxe, estaba formado por oito parroquias, ás que se engadiría no ano 1868 a de Caritel, segregada da de Santa Eulalia de Ponte Caldelas.

FINAIS DE AGOSTO 2016

XI

PONTE CALDELAS Os seus monumentos:

Os primeiros "monumentos" aos que lles imos a prestar atención son os PETRÓGLIFOS de Tourón.

A riqueza e variedade de motivos representados en "Outeiro dás Sombriñas" constitúen un dos mellores exemplos da súa arte rupestre.

Como sucede noutros municipios galegos, no Concello de Ponte Caldelas destaca desde o punto de vista monumental as construcións de carácter relixioso. Así podemos mencionar a románica igrexa parroquial de Tourón, de finais do século XII que conserva desta arte a fachada e o arco do presbiterio. Nunha fachada lateral existe un escudo dos Pazos de Proben.

A igrexa parroquial de Santa Eulalia de Ponte Caldelas destaca polo

seu retablo pétreo obra do mestre D. Manuel González, autor tamén da fonte que se atopa na "Plazuela do Bispo" no centro da vila e do Calvario de Barbudo.

Tamén destacan as igrexas da Insua, aberta ao val cun Via Crucis de pedra ao redor do atrio e da igrexa de Xustáns (conxunto de igrexa e cemiterio con outo interesante cruceiro).

A riqueza monumental deste municipio complétase con innumerables cruceiros, catro capelas e petos de ánimas, sen esquecernos de varios pazos entre os que destacan o pazo do Pombal en Tourón, fundado en 1.688 por D. Pedro de Pazos Proben, e outro pazo tamén en Tourón que se corresponde coa antiga Casa dá Inquisición, ambos hoxe de propiedade privada.

As festas de Ponte Caldelas: FESTAS DAS DORES: Son as festas patronais do municipio e celébranse o último fin de semana de agosto ; durante catro días: sábado, domingo, luns e martes.A festa se fai en honra á virxe das Dores e San Roque. Os tradicionais oficioso relixiosos, variadas actuacións musicais a cargo de orquestras do momento e pasacalles fan que a festa congregue a numerosos visitantes, sobre todo o martes, verbena que se prolonga ata ben entrada a mañá do día seguinte.

FESTA DA TROITA: Esta festa celébrase o último domingo do mes de maio e é a máis popular de Ponte Caldelas. Naceu no ano 1.967 como iniciativa dun grupo de amigos afeccionados á pesca (Rafael López, Luís Branco, Enrique Puga e Luciano Martínez, alcalde daquela

época), vendo que había gran afluencia de troitas nos ríos que atravesan el termo municipal, ao mesmo tempo que promocionaban o concello, dábase saída a unha afección moi compartida na comarca como é a pesca de río. Así se celebra o último fin de semana do mes de maio e, xunto coas diversas celebracións lúdico-festivas, leva a cabo un Concurso de Pesca Internacional na modalidade de salmónidos.

A festa nace coa particularidade da edición do coñecido "Libro da Festa da Troita" no que se recollen os programas de festexos, o regulamento do concurso de pesca, os acontecementos máis destacados da vida do municipio así como achegas da vida cultural do país. Por todo elo estes exemplares supoñen para todos os habitantes de Ponte Caldelas o recordo ao longo do

tempo de todo aquilo que foron e foi a súa vila e o camiño que recorreu ata os días de hoxe.

Un segundo denominador común de todas e cada unha das edicións da festa é a celebración do Concurso Internacional de Pesca deportiva que é coñecido polos afeccionados a este deporte de toda Galicia e mesmo Portu-

gal, e que en consecuencia aglutina a gran cantidade de pescadores que agardan cada ano tan ansiada cita.

Todo isto xunto co Festival de Baile e as degustacións deste delicioso peixe de auga doce fixeron que esta festa fose declarada de Interese Turístico de Galicia.

XII

FINAIS DE AGOSTO 2016

PUBLICIDADE Ponteareas urxe á Consellería de Educación implantar o bacharelato de Artes

Ponteareas destina 20.000 euros a bolsas para material escolar e libros

O Goberno local agarda que a Xunta non discrimine a Ponteareas que conta con 1900 alumnos nos 4 institutos cos que conta

O Goberno local aprobou as bases das axudas ao alumnado das familias con menos ingresos de educación infantil, FP básica, ciclos formativos e bacharelato

O alcalde de Ponteareas, Xosé Represas, vén de dirixirse ao conselleiro de Educación, Román Rodríguez, urxindo a concreción do bacharelato de Artes para o vindeiro curso, bacharelato demandado dende fai unha década por toda a comunidade educativa de Ponteareas, amais de ser apoiada tamén por todas as forzas políticas da Corporación. “O Bacharelato de Artes Escénicas Musicais e Danza non é só unha cuestión de Ponteareas, é tamén de interese para o alumnado da comarca que cursa o bacharelato na nosa localidade” manifestou o alcalde.

Represas indicou que Ponteareas conta con alumnado máis que suficiente para xustificar a implantación do bacharelato de Artes. Nos 4 institutos contou o pasado curso con 1917 alumnos e ao mesmo nivel que outros municipios e cabeceiras de comarca, que xa contan con este bacharelato. “Agardamos que o Goberno de Feijoo actúe en consecuencia e atenda esta demanda xa para o vindeiro curso, noutro caso os veciños e veciñas de Ponteareas, as familias que terían que levar os seus fillos a outras localidades, estarían sendo discriminadas” declarou

Represas engadindo que “as administracións públicas están obrigadas a respectar a igualdade de oportunidades, e máis, no ámbito educativo. Moitas familias non poden asumir os gastos que supón que os seus fillos teñan que realizar o bacharelato noutra localidade” A Consellería de Educación anunciou para o vindeiro curso académico que Mos, que conta cun só instituto e 540 alumnos, terá de Bacharelato de Artes Escénicas, Musicais e Danza. Esta decisión o Goberno de Ponteareas considéraa positiva para os veciños de Mos. Por iso, agarda que a Xunta confirme tamén o bacharelato de Artes en Ponteareas pola poboación estudantil, a situación de cabeceira de comarca, a existencia dun Conservatorio de Música, cuestións todas elas que reforzan aínda máis a posición preeminente de Ponteareas para contar con estes estudios.O alcalde Xosé Represas solicitou unha reunión co Conselleiro de Educación e Ordenación Universitaria, Román Rodríguez para tratar esta demanda e a súa concreción coa maior brevidade posible.

O Goberno municipal de Ponteareas ven de aprobar as bases para as axudas para material escolar e libros, medida destinada ás familias con menos recursos económicos, “iniciativa que é posible grazas a aprobación dos orzamentos nos que se destina unha partida de 20.000 euros para estas bolsas complementarias. Poderanse conceder un mínimo de 200 axudas por un importe máximo de 100 euros cada unha”, explicou a concelleira de Ensino, Cristina Fernández Davila.

Poderán ser beneficiarios destas axudas as familias empadroadas no Concello de Ponteareas que teñan menores ao seu cargo, matriculados para o curso escolar 2016/2017 nalgún centro de ensino de Ponteareas en Educación Infantil, FP Básica, Ciclos Formativos e Bacharelato, ou noutra localidade por non existir a rama de Ciclo Formativo

ou modalidade de bacharelato no Concello de Ponteareas, para axudas de libros de texto e material escolar e que non dispoñan de ningunha outra axuda de organismo público. O prazo de presentación de solicitudes será ata o 30 de setembro de 2016.

“O Goberno de Ponteareas leva a cabo esta acción de axuda para paliar a inxusta situación que se produce ano tras ano, pois hai familias que non poden acceder coas súas rendas a libros e materiais escolares”, indica a edil Cristina Fernández.

A totalidade dos requirimentos incluídos nas bases pódense consultar no Departamento de Ensino, sito no 2º andar da Casa do Concello, ou na súa páxina web. As solicitudes presentaranse no Rexistro Xeral do Concello de Ponteareas ou por calquera dos procedementos establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo o moelo das propias bases.

FINAIS DE AGOSTO 2016

XIII

O CONDADO

XIV FINAIS DE AGOSTO 2016

O CONDADO

Arranca a Festa do Viño do Condado do Tea A tradicional festa do viño do Condado, xunto co peso do viño na economía familiar, a calidade dos seus viños fan de Salvaterra do Miño a capital do viño.Esta festa nace no ano 1960 , xa que logo imos celebrar a edición número LVI e conta cunha grande acollida popular.A cita principal é o último domingo de agosto.

Os visitantes poden gozar co viño desta subzona da D.O Rías Baixas acompañado de deliciosos produtos gastronómicos como o polbo, as sardiñas a empanada ou a lamprea.Cómpre salientar asemade a celebracións dos “Viños deliciosos do ano”, que se ven facendo desde o ano 2.000 a iniciativa do Concello de Salvaterra.Estos premios van dirixidos ao coñecemento comparativo dos viños elaborados nas zonas do Condado e Monçao-Melgaço.

PROGRAMACIÓN 26/8 Inauguración -Banda de Gaitas Pontenova -Charanga Vaka Pinta -Concertos de Pablo Nash, Worder Covers,San Rokers 27/08 –Cata á procura dos viños deliciosos do ano -Charanga Nova Cubana -Keltia e musical 28/08 –Desfile de grupos folclóricos e banda de gaitas -Nomeamaento dos cofrades da cofradía do viño do condado do Tea e entrega dos premios aos Viños deliciosos do ano.

-Ás 12, 30 pregón a cargo do xornalista Josemi Rodriguéz Sieiro seguido da actuación das charangas Apeles e Doctor Anchoa. Ás 19,30 concerto de Dous e Tino Baz

Cata de viños

Arranca a última semana de agosto e con ela empezan os actos conmemorativos da Festa do Viño do Condado do Tea. Así tanto o mércores como o xoves tivo lugar no Castelo de Dona Urraca a Cata Comentada de Viños. Unha actividade que se enmarca nos preámbulos da LVII Festa do Viño do Condado do Tea e que cada ano acolle a máis adeptos. Preto de 100 persoas participaron este ano nesta Cata que ten como fin último achegar os nosos Caldos a poboación, para que eles mesmos exerzan de embaixadores do Viño do Condado do Tea. Cata impartida por Antonio Alén, Gran Mestre da Cofradía do Viño do Condado do Tea

FINAIS DE AGOSTO 2016

XV

O CONDADO

Premios Karaoke 2016

Preto de 20 nenos e nenas e máis de 30 adultos participaron na LIV Edición do Festival Internacional de Karaoke de Salvaterra de Miño. Ás 22.30 horas daba comezo o Festival de adultos, onde participaron 30 homes e mulleres vidos de varios puntos da provincia e de Galicia. Según recalcaron os propios membros do Xurado, cada ano é mais dificil a valoración e elección dos gañadores. Así mesmo Marta Valcárcel, 1ºTte de Alcalde do

Concello recalcou a gran papel que xogan os concursantes e que fan que este festival sexa o que é, e deu as gracias aos rapaces e rapazas que participaron no karoke infantil, recalcando que veñen pisando moi forte.

O Resultado foi o seguinte: 1º Clasificado: Dario Carrera Fernández de Vigo 2º Calsificado: Cristina Rozas de Ponteareas 3º Clasificado: Fernando Míguez García de Salvaterra de Miño

As Neves mellora a xestión do alumeado público O Concello aumenta a eficiencia enerxética, reduce o gasto eléctrico e resolve os problemas de seguridade dos cadros de iluminación pública.

Coa adxudicación de dous novos contratos, o goberno soluciona vellos problemas relacionados co alumeado público ademais de realizar melloras que suporán un aforro e un aumento na calidade e na seguridade deste servizo municipal.

O primeiro dos contratos, por un importe de 25.773 €, corresponde ao mantemento da rede pública de alumeado, tanto exterior coma dos edifi-

cios municipais, e inclúe unha serie de novidades entre as que destaca a incorporación dun servizo de reparación de avarías 24 h.

Outras melloras logradas co novo contrato comprenden a instalación de 26 lámpadas LED que contribuirán a un aforro no gasto eléctrico dos edificios municipais, o mantemento dos Centros de Transformación da Caíña, Batalláns e Outeiro, e a realización dun estudo de consumos a través das lecturas dos contadores, que permitirá resolver un problema demandado pola veciñanza. O segundo contrato, cun custo de 20.740,01 € fi-

nanciados a través da Deputación de Pontevedra, mellorará non só a eficiencia enerxética da iluminación pública, senón tamén a seguridade dos cadros eléctricos.

Na liña da mellora en materia de eficiencia enerxética, instalaranse reloxos astronómicos nos cadros de alumeado público e eliminaranse os sistemas de acendido mediante células, xa obsoletas, acadando un aforro no gasto dun 15%.

Por último, resolvendo os problemas de seguridade dos cadros de alumeado público, colocaranse novas pechaduras nos xa existentes e farase unha revisión xeral dos aparellos de mando dos novos, situados en Liñares, Taboexa, San Pedro de Batalláns e Rubiós.

I Raid do Condado ¨Marqués de Vizhoja¨

O Club Cornelios organiza os días 16, 17 e 18 de setembro o I Raid do Condado-Marqués de Vizhoja, 5ª proba do calendario da actual tempada da liga Española de Raids de Aventura.

A proba desenvolverase nos concellos de Arbo, As Neves e Salvaterra do Miño, co protagonismo do seu elemento natural en común principal: as increibles augas do Río Miño.

XVI FINAIS DE AGOSTO 2016

PUBLICIDADE

FINAIS DE AGOSTO 2016

XVII

BAIXO MIÑO

Descubrindo as nosas fortalezas O percorrido, duns 6 quilómetros, inclúe o Forte dos Medos e outros lugares de interese, coma “Estás na Auga” e os Muiños da Regueira

Achégase a Festa da Virxe do Alivio en Tomiño

Entre os próximos días 11 e 14 de setembro o Concello de Tomiño celebrará as súas festas máis grandes, as festas en honra da Virxe do Alivio.Os asistentes gozaremos no fermosísimo concello tomiñés, de espectáculos moi diversos alén da privilexiada contorna de Tomiño, da beleza da súa praza principal e da hospitalidade das tomiñesas e tomiñeses.

Un pouco de arquitectura O Concello de Tomiño segue a por en valor o patrimonio arqueolóxico e arquitectónico do municipio, dentro do programa de actividades, de balde e para toda a familia “Tomiño Único”, organizado pola Concellería de Turismo e Patrimonio, que dirixe Fátima Rodríguez.

A penúltima actividade está prevista para o vindeiro mércores, 24 de agosto, e consta dun percorrido circular de case 6 km. A partida será ás 18.30 horas dende o campo de fútbol de Estás e onde se atopa o Forte dos Medos, unha fortificación construída en terra coma baluarte no século XVII e ligada ao complexo de fortificacións Goián-Cerveira. Trátase dunha ruta sinxela e con poucos desniveis.

Durante a ruta visitarase tamén “Estás na Auga”, así como os Muíños da Regueira e da Gandariña, que nos últimos anos foron obxecto de intervencións promovidas polas Comunidades de Montes de Tomiño e Estás, a través do Grupo de Desenvolvemento Rural GDR-18. “Por último aproveitaremos a ocasión para visitar a Aula Ábdón Alonso da Fundación Peirópolis, nome que ven dado das minas de cal de Uberaba, onde se estableceu este emigrante cando marchou a Brasil” sinala a concelleira.

A capela de San Bieito (Virxe do Alivio) é unha capela pequena de porte Barroco do século XVIII. Ademáis dos elementos arquitectó-

nicos máis salientables, está feita en pedra de mampostería para ser recuberta e pintada. A fachada principal céntrase con pilastras laterais,das que parte unha cornisa que ascende ata a base da espadaña e nos estremos sustentan sendos pináculos rematados en bola.

A porta é rectangular con pilastras laterais e ten a seguinte inscripción:”REFORMADA POR EL PUEBLO EN 1966”.Por riba da cornisa que remata a porta,nun frontis de moldura mixta. Atópase a lenda do ano da construcción da capela e o seu motivo.É na honra de San Bieito e San Roque.

A portada remátase cunha ventá de arco rebaixado e moldura sobre a que ten unha pequena fornela con venera.Mesmo sobre ela hai outro adorno a modo de libro no que se

le”REEDIFICADA EN 1912 POR EL PUEBLO”.Complétase cunha espadaña de dous ocos e cun remate barroco de apoio para a cruz radiada de pedra.Na festa da virxe do alivio realízase unha danza con arcos executada por nenos,que data de mediados do século XIX. Asemade prodúcense as subastas dos productos ofrecidos á Virxe.Desde aquí animamos a todas as nosas lectoras e todos os nosos lectores a que se acheguen a Tomiño esos días a gozar dunhas marabillosas festas .

“Dara”, o único neno saharaui que visita Tomiño este verán, foi recibido hoxe polo goberno local É o segundo de catro irmáns, fala galego e castelán e gústalle a praia, a piscina, o fútbol, o churrasco e tocar o bombo

O seu nome é Adahsalama pero todos o coñecen coma “Dara”, porque é máis fácil de pronunciar e recordar.

Ten 12 anos e este é o terceiro verán que pasa as súas vacacións en

Tomiño; máis concretamente, en Sobrada, na casa de Emilia Acuña Domínguez.

Chegou o 15 de xullo e marcha dentro dunha semana. Este mediodía foi recibido no Concello pola al-

caldesa e resto de concelleiros e concelleiras do equipo de goberno local. Acompañado por dúas amigas e veciñas, Jéssica e Idaira, recibiu os agasallos: una mochila e un libro de Geronimo Stilton.

Durante a entrevista, quedou claro que Dara fala castelán e galego de forma correcta.

O feito de poder comunícase diariamente por whatsapp coa súa nai e a proximidade da data de regreso, inflúen para que non queira volver aínda aos campamentos.

Cando lle preguntan que é o que máis lle gusta de Tomiño, a súa nai de acollida responde que lle encanta o churrasco, a praia, a piscina, o fútbol e tocar o bombo.

XVIII FINAIS DE AGOSTO 2016

PUBLICIDADE

FINAIS DE AGOSTO 2016

XIX

BAIXO MIÑO

Nova edición da Festa da Carne de Poldro

Este pasado 21 de Agosto no lugar de Torroña, pertencente á parroquia de Burgueira no municipio de Oia, acolleu a

celebración da décimo terceira edición da Festa de Degustación de Carne de Poldro.

Os asistentes a este singular evento gastronómico, puideron degustar, a partir das 12 do mediodía, ademáis desta exquisita carne equina, de carne asada, empanada, callos e varias sobremesas a prezos populares, e deleitarse coa actuación da charanga Vai k Pinta que amenizou a xornada.

Outro éxito da Festa do Percebe

O sábado, 13 de Agosto, celebrouse, por vez primeira, a I Festa da Paella, a partir das 12.00 horas, os comensais puideron, ademais, degustar empanada, croquetas e callos.

A X Edición da Festa do Percebe e da Gran Churrascada que se celebou a pasada fin de semana na parroquia de Viladesuso, no municipio de Oia, congregou a centos de asistentes. Os presentes puideron degustar durante estes tres días, churrasco e o exquisito crustáceo a prezos populares, xunto con outros deliciosos manxares. As xornadas estiveron amenizadas con variadas actuacións musicais entre el as o grupo de música tradicional Os Swaroskys.

No segundo día, o domingo 14, ás 12.00 horas deu comezo a X Gran Churrascada, onde os presentes tiveron a oportunidade de catar, ademais da carne, empanada, polbo, croquetas, orella e demais delicias.

Xa o Luns 15, tivo lugar a IX Festa do Percebe, onde os asistentes gozaron deste delicioso crustáceo acompañado doutros manxares como empanada, polbo, croquetas e orella.

E tamén houbo inchables para que os máis pequenos desfrutasen ao grande.

Sen dúbida, unha fin de semana moi intensa e divertida na parroquia oiense de Viladesuso.

XX

FINAIS DE AGOSTO 2016

BAIXO MIÑO

Unha treitena de mozos e mozas tomiñesas toman o seu primeiro contacto co mundo laboral O programa “Deseñando o teu futuro” achega aos máis novos e novas á realidade laboral da súa contorna

O Concello de Tomiño participa, a través da OMIX e do departamento de Orientación Laboral no Programa “Deseñando o teu futuro”, impulsado pola Dirección Xeral de Xu-

ventude e Voluntariado e a Fundación Paideia.

Case unha treitena de mozos e mozas de Tomiño, de entre 14 e 18 anos de idade, participan neste programa no que durante 15 días mergullaránse no funcionamento diario dunha empresa local, e participarán da mesma.

O obxectivo do programa é aportar un referente profesional aos participantes e, á súa vez, propiciar a primeira toma de contacto da mocidade coa reali-

dade laboral. Deste xeito as persoas participantes poderán descubrir se lles gusta ou non determinado desempeño empresarial e laboral, e aprenderán moitos aspectos do que supón un traballo.

Para a súa realización o Concello conta co apoio e a colaboración dunha ducia de empresas locales de moi diversos tipos, dende empresas de servizos, como unha ortopedia, unha clínica veterinaria ou unha cerraxería, até unha empresa do mundo do viveirismo.

A asignación dos participantes a cada unha das empresas colaboradoras fíxose dende o Concello tendo en conta os intereses e preferencias de cada un deles.

Os participantes ademáis percibirán unha pequena retribución pensada para facilitar os gastos de desprazamentos que se poideran ocasionar.

O programa desenvolvese por primeira vez en Tomiño, e dende o Concello espérase que sexa unha moi boa experiencia educativa e formativa para a mocidade tomiñesa participante.

O Concello de Tomiño apúntase á compostaxe Cerca de 300 veciños e veciñas dos nucleos urbanos de Tomiño e Goián participarán no programa piloto

O Concello de Tomiño ven de instalar nos puntos establecidos dos núcleos urbanos de Goián e Tomiño os Centros de Compostaxe Comunitaria. A iniciativa enmárcase no Programa “Revitaliza” da Deputación de Pontevedra, na que participan 23 concellos.

O programa piloto, no que participarán casi 300 veciños e veciñas dos núcleos de Goián e Tomiño, inclúe a instalación dos módulos de compostaxe, financiados pola Deputación, así como a formación para os participantes, impartida por unha persoa técnica especialista, e a supervisión técnica do proceso, co fin de correxir erros, minimizar molestias e garantir un co-

rrecto resultado.

Esta medida forma parte da estratexia integral municipal para a mellora do funcionamento da recollida do lixo, na que ademáis se contemplan intervencións para a optimización da separación de residuos para a súa reciclaxe posterior, a creación de centros de depósitos para os restos de podas e herbas, e a mellora da recollida a grandes produtores.

O Concello aposta pola recollida selectiva e a compostaxe como ferramentas para reducir os residuos do contenedor verde, reducindo así os custes para o concello e ademáis cumplindo coas normativas actuais en materia de residuos urbanos.

FINAIS DE AGOSTO 2016

XXI

BAIXO MIÑO

O grupo “De Vacas” actuará este venres na Praza do Reló da Guarda como parte do festival Música nas Prazas Música nas Prazas. Tras o éxito do primeiro dos concertos, o da cantante e compositora viguesa Carmen Johns o pasado 29 de xullo, desta volta é a quenda do grupo galego De Vacas.

O verán guardés continúa cheo de ritmo e de moita e boa música. Este venres 26 de agosto hai unha nova cita dentro da primeira edición do festival

Chega á Guarda un dos grupos que están a revolucionar o panorama musical do noso país coas súas versións de cancións de sobra coñecidas polo público. Faia Díaz, Inés Salvado, Paula Romero e Guillerme Fernández conforman as catro patas dun proxecto que nacera coa idea de adicarse a versionar cancións das Spice Girls.

Pero o concepto foi evolucionando e fixéronse coñecidos a través de internet grazas a unha versión da canción Gangnam Style, de Psy. Tras dous anos de vida están a acadar cada vez máis sona coas súas “ver-

sións feas”, tal e como eles as denominan. É dicir, danlle unha volta a cancións moi coñecidas e, en moitos casos, xa aborrecidas polo gran público, cun resultado sorprendente.

Trátase pois dunha gran oportunidade para desfrutar dun grupo que está a facer as delicias do público alá por onde pasan e que ofrecerá a súa actuación este venres día 26, ás 22 horas, na Praza do Reló da Guarda. En caso de choiva o concerto terá lugar no Centro Cultural.

O cartel do Música nas Prazas o completan outras tres actuacións, a cargo de grupos guardeses. O venres 16 de setembro o grupo punk rock 'Unabombers' tocará na Praza de San Caetano. O xoves 22 de setembro será a quenda de SONGODIN'S, que interpretará as súas versións de cancións coñecidas na Praza de Salcidos. E para rematar esta primeira edición de “Música nas Prazas” o grupo 'Nobles' actuará, co seu estilo persoal ó que eles mesmos denominan gas noble, o venres 30 de setembro na Praza de San Amaro.

Ata o 4 de setembro amósase en Tui a exposición “Acollida e hospitalidade no Camiño de Santiago”

A Sala de Exposicións Municipal na Área Panorámica acolle dende o luns, 8 de agosto, e ata o 4 de setembro a exposición “Acollida e hospitalidade no Camiño de Santiago”. Na mesma recóllense fotografías realizas por Manuel G. Vicente achegándonos a súa propia visión da peregrinación a Santiago.

A mostra foi visitada polo alcalde de Tui, Enrique Cabaleiro, xunto ao bispo da diocese de Tui-Vigo, Luís Quinteiro Fiuza, e o xerente do Xacobeo, Rafael Sánchez Bargiela.

A exposición abrirá de luns a venres de 9 a 21h e os sábados de 9 a 13h.

XXII FINAIS DE AGOSTO 2016

REPORTAXE Uxío Reinoso Maset Licenciado en historia pola USC. Arqueólogo industrial e activista pola rehabilitación da Panificadora e o Barrio do Cura de VIgo

Antonio Alonso Rios, fillo de pequenos comerciantes, naceu no lugar de Campo Rapado, Silleda, en 1887. Antonio era un rapaz espelido, e sendo moi novo, conseguiu entrar a estudar Maxisterio na Escola Normal de Compostela, onde se graduou aos 19 anos, e de seguido comezou a traballar como mestre na mesma escola.

Pero as inquedanzas de Antonio eran ainda maiores, e en 1908, entrou clandestinamente na Arxentina, onde a pesar estar sen pasaporte, axiña conseguiu traballo de mestre. Cousas da emigración, foi na Arxentina onde Antonio coñeceu a súa paisana de Campo Rapado, Oliva Rodriguez coa que casou e tivo dúas fillas e

dous fillos.

Ainda así, Antonio mantivo a súa inquedanza xuvenil, e recen asentado, comezou a participar na vida social, cultural e política: impulsa a fundación da “Federación de Sociedades Gallegas Agrarias e Culturales”, da cal chega a ser secretario xeral, e participa na “Sociedade Científica Arxentina” a par que estuda na Facultade de Filosofía.

Trala proclamación da II República a “Federación de Sociedades Gallegas” decide mandar delegados para participar neste interesante proceso político. Antonio, e o resto dos delegados da emigración galega, enseguida foron recoñecidos polo resto dos galeguistas, ata o punto que

O Siñor Afranio Antonio foi escollido por unanimidade como presidente da “Asamblea de forzas republicana galegas”.

Antonio Alonso e a súa familia afincaronse en Tomiño, xa que el fora nomeado director da escola “Aurora del Porvenir”. Como non podia ser doutro xeito, Antonio Alonso compatibilizou este posto coa acción política, máis concretamente no agrarismo máis galeguista, ata o punto que en febreiro 1936 saiu deputado as Cortes de Madrid polo Frente Popular.

O levantamento fascista do 18 de xullo colleu a Antonio de “vacacións” en Tomiño. Antonio enseguida entendeu a gravidade das poucas noticias que chegaban, e en compañía do Alcalde e outros republicanos de Tomiño actuou dilixentemente como mensaxeiro e catalizador de simpatias por todo o Baixo Miño. En cousa dun par de días, alcaldes e concelleiros de Tui, Tomiño e A Guarda, xunto con paisanos e outras xentes agraristas, socialistas, comunistas e anarquistas, crearon un comité de defensores da II República no Baixo Miño. Probablemente fose a forza deste comité o que conseguiu manter fieis á legalidade aos Caribinieros da fronteira e os militares do posto da Mariña en Tui, ao mesmo tempo que se neutralizóu a Garda Civil e aos cregos e falanxistas da bisbarra.

Foi esta mesma xente a que con armas caseiras, pouca munición e moita valentía, mantiveron a raia aos sublevados durante varios días nun “frente” na gándara de Budiño. Pero coa chegada de máis e máis reforzos do lado nacional esta posición fíxose insostible: o 27 de xullo as forzas rebeldes entran ata Tui, e entón estoupará toda a violencia da dereita nacionalista.

Aquel día Antonio Alonso consigue “risparse das gadoupas da morte” por primeira vez: cando estaba subindo cuns compañeiros ao monte Aloia para xuntarse co último continxente armado do comité republicano, Antonio intúe unha incursión de falanxistas e decide dar media volta. Ao pouco de comezar a fuxir escoita os tiros dunha escaramuza que rematará co fusilamento de ducias de homes e mulleres republicanas. A esta masacre do Aloia seguironlle no días seguintes outras noticias terribles por toda a bisbarra: os falanxistas capturaban e en moitos casos fusilaban a case calquer tipo

a escola ¨aurora del porvenir¨ en tomiño

FINAIS DE AGOSTO 2016

XXIII

REPORTAXE

alonso ríos dando un mitin en prol do estatuto

de republicano, e incluso aos simples veciños que axudaran aos que fuxian para salvar a vida.

A súa ilustre figura do deputado era unha carga, non só para el os seus compañeiros de fuxida, senón tamén a calquera persoa, achegada ou non, que o auxiliase ou tivese contacto casual con el, e no momento non correse a delatalo. A cacería humana foi de tal grado que os nacionalistas españois chegaron a ofrecer unha recompensa de 50.000 pta. pola súa cabeza, e así ademáis dos falanxistas algúns paisanos miserables saian coa escopeta para cazalo “gran zorro”, como foi alcumado daquela o Antonio Rios.

Despois de pasar o mes de Agosto agochado entre os campos e no mato da Grova, alimentándose apenas do millo doce e as primeiras uvas, Antonio Alonso

alonso ríos ou afranio de amaral

Rios decidiu que tiña que afastarse do Baixo Miño. Daquela, consumido pola fame e a intemperie, coa barba medrada e as roupas esfarrapadas o deputado Antonio Alonso era case irrecoñecible, decidiu inventarse a persoaxe do Siñor Afranio de Amaral, un esmoleiro “de oficio” de orixe portuguesa, e comezar a camiñar cara o interior de Galicia.

Inicialmente, pretendia chegar a Asturias, ainda republicana, pero enseguida decatouse que a misión non ía ser fácil, os falanxistas vixiaban as estradas e os nacionais dictaron a obriga de que os esmoleiros estivesen documentados.

Esfameado e indocumentado, evitando as horas, estradas e localidades principais, durmindo nas casas e alpendres que as xentes do pais, as veces con certas reservas, lle ofrecían, o Siñor Afranio avanzou paseniñamente por Budiño, Salceda, As Neves, A Cañiza, Melón e Ribadavia. Desbotada por demasiado arriscada a posibilidade de cruzala “raia seca” nese momento, Antonio Alonso decidiu recurrir aos familiares que tiña en Carballiño, e a través deles mandou recado ao seu cuñado que traballa nunha axencia de embarques de Ourense, para que lle conseguise cartos, papeis e pasaxe para a Arxentina.

Antonio Alonso non podía ficar no Carballiño, os falanxistas tiñan vixiada aquela casa, así pois, entretanto non chegaba o recado o seu cuñado que daquela montara oficina en Tabeirós (A Estrada) tivo que voltar de xeito indefinido aos camiños, vagabundeando pola comarca do Carballiño primeiro e despois na de Terra de Montes.

Entón aconteceu que nunha das casas nas que parou o Siñor Afranio a pedir esmola, en Sorribas de Forcarei, ofreceronlle teito, pan e roupa a cambio de axudar nas labores do campo., daquela a axuda do se cuñado ainda non era posible asi que aceptou.

Nesta casa de Sorribas estivo dende o 29 de setembro ata mediados de xullo de 1937. Ao longo destes meses o Siñor Afranio xa levantara certas sospeitas entre a veciñanza, ainda que Antonio Alonso esforzábase en representar o papel de pobre ignorante, de cando en cando, sobre todo coas crianzas, agromaballe a vocación de mestre e deixaba a todos sorprendidos. Pero ademais aconteceu que nos dias da sega chegaron a Sorribas dous mozos de Silleda para contratarse e a dona decidiu collelos. A Antonio estes segadores cos que ía ter que traballar resultaronlle familiares dos seus tempos de mintines agraristas, e temendo que se acabaran decatando de quen era realmente o Siñor Afranio decidiu despedirse da dona e voltar de esmoleiro ata Carballiño.

Perto de Carballiño, en Moreiras de Boborás, o Siñor Afranio voltou conseguir entrar de criado nunha casa campesiña. Ali o Siñor Afranio voltou gañarse o respeto e estima de todos, tanto polo súa boa disposición coas labores do campo como polo seus “sorprendentes” coñecementos para un esmoleiro, os paisanos levabanlle a prensa a ler e incluso chegou a formar ao rapaz da casa para ingresar no instituto de Vigo. A estima dos seus paisanos era tal que Afranio de Amaral obtivo un certificado de “boa conducta” que lle permitiria viaxar pola provincia.

Daquela, no verán de 1937, xa se diluira a posible axuda da seu cuñado e fa-

milia de Carballiño, pero Antonio Alonso non desistiu e tentou conseguir pola súa conta un pasaporte para fuxir da barbarie fascista que asolagaba Galicia e cada vez mais partes de España. Para obter o pasaporte, obrigabao a exporse a riscosos viaxes e tramites nos consulados de Ourense.

Fracasou tanto no caso portugués como no arxentino, pero nas xestións para obtelo pasaporte arxentino cando menos conseguiu contactar cunha amizade súa na Arxentina, que ademáis dun xiro de 200 pesos, lle achegou a noticia de que a súa dona e catro fillos estaban a salvo en Bos Aires.

Asi, despois de tres tentativas fracasadas que incluso lle levaron a ser preso pola Garda Civil que o confundiu cun borracho marrulleiro, Antonio Alonso, sen pasaporte e con apenas 3 pesetas que lle deran na casa de Boborás, en Xullo de 1938 Antonio arroxouse unha vez máis aos camiños, campos e montes ata conseguiu cruzar a “raia seca” polo camiño dos contrabandistas entre Quintela de Leirado e Castro Leboreiro. Xa en terra portuguesa, onde tampouco podía moverse libremente polo risco dos axentes de Oliveira Salazar, estivo agochado na Serra da Peneda durante semanas, ata que uns paisanos, baixo promesa dun bo feixe de escudos, o puxeron en contacto cuns irmás demócratas de Arcos de Valdévez que si lle axudaron desinteresada e efectivamente a chegar ata Porto, primeiro e Lisboa despois. Foi na capital portuguesa, onde, coa axuda de boa xente e amigos Antonio Alonso conseguiu finalmente, documentación falsa e pasaxe para voltar a entrar clandestinamente en Arxentina o 29 de Xullo de 1939.

Director: Tino Lago Vargas

anovapeneirapublicidade@gmail.com

Edición, deseño e maquetación: Alberto Ardid de Cabo anovapeneira@gmail.com

Redacción: G. Figueiredo

anovapeneiraentrevistas2@gmail.com

Edita e publica: Edicións Mide S.L. Rúa García Lorca 3, 6º AB. 36209 Vigo edicionsmide@gmail.com Teléfonos: 662187102 / 670274709

Imprime: Publicaciones Tameiga S.L. Fotografía: Arquivo.

Publicidade: Departamento propio.

Colaboradores: Guillermo Rodriguez, Adrián So-

lovio, Moncho Lareu, Vicente Alló, Carlos Rey, Josiño Araújo, X. S. Paramos, Lucia Santos, Santiago Mallo, Segundo González, X. C. de la Fuente, Baldomero Iglesias, Juan Karlos Pérez, Pedro Ocampo, José Manuel Durán, Xabier P. Igrexas, Marcos Escudero.

Corresponsal en Madrid: Juan Louzán / 665715149

Depósito Legal: VG-195-2011

Este xornal imprimiuse en papel reciclado

MIRADAS: FURTIVAS

¨Bechos estivais¨ é o título das dúas instantáneas que o misterioso fotógrafo Diafragma Sagrado nos envía este mes.

O noso amigo José Manuel Durán fixo de reporteiro na insigne festa que leva A Nova Peneira na portada: o xa célebre Entroido de Verán de Redondela, que a xulgar polas imaxes foi de todo menos aburrido Grazas aos dous!

Gústache a fotografía? Esta sección está feita para tí! Podes enviarnos as túas fotos a anovapeneira@gmail.com