香港浸會大學學生會第四十八屆周年大選
候選評議會主席
陳樂行
政綱及財政預算
香港浸會大學學生會第四十八屆周年大選 候選評議會主席陳樂行 政綱及財政預算 最後更新: 5/2/2016 目錄 候選人簡介 ............................................................................................................................... 2 政綱 ........................................................................................................................................... 3 振興議會 ............................................................................................................................... 3 （一）改善議會效率 ....................................................................................................... 3 （二）壯大議會 ............................................................................................................... 5 （三）常規問卷調查 ....................................................................................................... 6 （四）石門校園推廣 ....................................................................................................... 6 革新制度 ............................................................................................................................... 6 （五）整頓會章闕漏 ....................................................................................................... 7 （六）改革制度 ............................................................................................................... 8 財政預算 ................................................................................................................................... 9
1
香港浸會大學學生會第四十八屆周年大選
候選評議會主席
陳樂行
政綱及財政預算
候選人簡介 陳樂行，本科中醫學及生物醫學，三年級。 校內經驗 曾任中醫藥學會會長，以及擔任學生會相關委員、學聯代表。詳見下表：
中醫藥學會代表會秘書
2015 至今
學生會幹事會社會事務委員會委員
2014 至今
學生會學聯代表團正式觀察員
2014–2015
中醫藥學院院務委員會學生代表
2014–2015
中醫藥學會會長
2014–2015
政治聯繫 港語學召集人及普教中學生關注組創會成員，兩者皆為關注香港語言危機及普 通話教中文政策組織。無政黨背景。 點解會參選？ 任中醫藥學會會長其間，我曾考慮修改會章遷冊加入學生會，深感困難重重。 後來目睹幹事會由上莊，乃至與評議會爭執之事，旁聽數次評議會會議，漸覺 評議會之重要，而振興學生會，喺革新議會程序、風氣、制度，非評議會主席 不能為。 歷屆評議會主席，最終多數由曾任學生會架構成員嘅同學擔任。作為「學生會 素人」，或者我對制度嘅認識未及成員純熟，我會虛心熟習；而喺學界新舊之 爭，風雨飄搖之際，無架構背景嘅我可以主持公允，俾同學信服；我亦會將學 會、學聯、社會事務嘅經驗，帶入學生會，引領創新。 2
香港浸會大學學生會第四十八屆周年大選
候選評議會主席
陳樂行
政綱及財政預算
政綱 雖然有人提醒我，喂，大陸地區同學未必習慣閱讀粵語文章喎，不過粵語係我 輩第一語言；為母校服務，進而報效父母之邦，非母語不足以暢所欲言，盡訴 寸草之心。千里之行，始於足下；謹此以一篇廣東話政綱踏出本人參選香港浸 會大學學生會評議會主席第一步，並以至誠向各位同學承諾：
振興議會 喺呢幾年，評議會主席都著重議會嘅透明化：設立 Facebook 專頁、通訊、工作 報告、諮詢大會直播等。現屆評議會打好咗資訊傳播技術嘅基礎。我會維持現 有渠道，並緊貼資訊科技，務求評議會嘅資訊可以兼顧網上同校園各層面，更 快更新咁畀到同學。 然而，議會形象同關注不足嘅問題，唔單係宣傳可以彌補；「諸形於內，必形於 外」。議會效率不足、議員缺席問題、議會組成基礎等問題，皆窒礙會員參與評 議會事務。治病必求其本，做好對外宣傳工作，亦喺內部改善議會，方為振興 議會之法。
（一）改善議會效率 評議會議事氣氛薄弱，時常得少數議員參與討論，數度出現續會、延期等情 況；「因事缺席」與「無故缺席」未有明確準則分別。因此，首要目標係改善議 會嘅效率，措施如下： 易事先議 一般制定議程時，未必會考慮到議題嘅複雜性。大議題好多時候都需要時間理 解同反覆討論。若然將大議題放喺議程嘅開首，呢啲大議題可能會發大，甚至 佔據大部分會議嘅時間；如此就阻礙評議會處理其他較為簡單嘅事項。 我喺參與制訂議程嘅時候，會考慮到議題複雜性，將簡單、容易處理嘅議案， 例如追認嘅程序，放喺前面，等議會先行處理。一來俾大家有額外時間喺會議 前理解同討論重大議題，二來亦都使簡單嘅議案無需要被拖延。 3
香港浸會大學學生會第四十八屆周年大選
候選評議會主席
陳樂行
政綱及財政預算
缺席通報 現時本會會議規則只有預知嘅遲到通報，預知缺席或早退者不須交代；即使評 議員因要事告假，情有可原，亦與無故缺席者一樣，同列為缺席。幹事會常務 會議有「請假」機制，列明喺條文 13.9.1 ：「幹事請假，須於常務會議四十八 小時前或臨時會議前，以書面向幹事陳述理由，並須徵得幹事長許可。」然而 整體學生會會議都無請假嘅明確規範。 根據附則會章 3.2.5.1「出席守則」，「任何人士若無故缺席超過兩次或連續三 次缺席會議，其參加會議權利得立即自動凍結」。會章顯然將因事缺席同無故 缺席分別處理。然而附則缺乏機制，無法明確判別評議員係咪無故缺席。此乃 憲制漏洞。 我建議喺附則 7.4「會議出席守則」，補回預知早退同缺席嘅通報機制，只接受 書面道歉，以將預告缺席者同無故缺席者有所分別。提交對象改為會議主席。 會議主席應喺會議開始前，報告缺席、遲到、早退者及其原因，記於會議紀 錄，向會員交代。7.4.6 附則只規定向連續兩次缺席會議發出警告信，無故缺席 會議兩次者，亦應喺條文補上，以作警告。 發佈出席紀錄 目前評議會係以 Excel 檔發佈出席紀錄，不便會員查閱，評議員嘅缺席情況較難 引起會員嘅注意；直到有評議員缺席三次，被開除資格，先至會有通知。 評議員嘅出席紀錄係評議會嘅重要文件，應當更容易睇到。會議紀錄應當列明 缺席嘅評議員。我亦建議喺評議會通訊、Facebook 等平台，簡要咁註明評議員 嘅出席狀況，其遲到、早退、缺席或無故缺席，都要標明。 轉莊程序 目前本會轄下學會要轉莊，上下莊須向評議會遞交嘅文件繁多，對幹事會抑或 轄下組織管理委員會都帶黎負擔。我建議委員會更新文件提交指引，以遞交方 法將文件分類，而非只以表格呈現文件要求；亦嘗試簡化文件要求，例如剔除 「全年活動報告表格」，單據影印本及正本皆接受等。
4
香港浸會大學學生會第四十八屆周年大選
候選評議會主席
陳樂行
政綱及財政預算
（二）壯大議會 評議員現時經常出席會議者約十多人，發言集中，好多學科學會屬學生事務處 管理，未能派出代表，以致評議會未能充份代表各方會員嘅聲音。另一方面， 普選評議員雖然具民意授權，作用同意義甚大，但今屆無人參選，遑論達到憲 制預定十人。 首先要加深會員對普選評議員工作嘅認知，期望以普選評議員嘅形式，補足各 方聲音；長遠應當說服各學科學會向學生會登記，以使議會嘅代表性同議員基 礎更加壯大。 推廣評議會 評議會嘅工作未廣為會員了解，以致佢地對參與評議會卻步；我地可以拍攝簡 單影片，放喺評議會網頁，介紹評議會工作；並且邀請評議員上任時撰寫簡短 自我介紹，附上相片，放喺網上，俾同學認識評議員嘅身份同理念。 除此之外，評議會通訊，亦應以實體形式張貼喺校園當眼位置，俾同學接觸。 當中可以使用 QR Code 同顯眼圖表，連結網上同現實嘅宣傳。 遊說學會註冊 學科學會代表了解唔同系同學嘅需求，喺議會反映同學聲音，但係現時尚有唔 少學會未向本會註冊。轄下組織管理委員會宜制定清晰指引，喺俾有意轉向本 會註冊嘅學會參考；我亦會跟進有意學會嘅會章，睇吓可以修改邊部分符合本 會嘅要求。我亦會藉首長聯席會議簡介遷冊事宜，聯絡同遊說學會，務求更多 學會遷冊；亦喺首長會進行遷冊簡介，邀請成功遷冊本會嘅學會負責人現身說 法，增強遷冊嘅說服力。 介紹普選評議員工作 今年無人參選普選評議員，反映普選評議員嘅角色同工作未為同學所熟悉。評 議會會以圖文宣傳，並喺每年上學期舉行兩場嘅普選評議員簡介會。如有可 能，將會與幹事會及編委會嘅招莊會合辦，除咗接觸到更多有意參與學生會嘅 同學，亦使有意上幹事會或編委會嘅同學都認識評議會嘅工作。
5
香港浸會大學學生會第四十八屆周年大選
候選評議會主席
陳樂行
政綱及財政預算
招募常設委員會成員 評議會轄下常設委員會將招募基本會員，屆時會加以圖文甚或影片宣傳，介紹 常設委員會嘅功能同角色，吸引同學參與。
（三）常規問卷調查 舊年普選評議員對幹事會工作表現嘅調查，藉評議會通訊向會員收取意見，反 應積極，可惜問卷報告未成議會討論嘅焦點。建議問卷調查定於本會年度中期 （十月或十一），每年常規至少一次，問題由監察委員會擬定。除咗俾會員網 上填寫問卷之外，亦以最少兩日擺設問卷攤位，收集同學意見。
（四）石門校園推廣 評議會現時喺石門校園嘅宣傳不足，諮詢大會日期、地點或本會一般通訊，皆 未有喺石門校園範圍張貼。本會嘅重大事務應喺同時石門校園張貼通知，並且 對石門校園多加推廣評議會工作，期望有國際學院同學參選普選評議員，使其 宣傳工作更便利。我會督促幹事會，應注意石門校園嘅通訊。 與此同時，許多國際學院學科學會未有向學生會註冊。由於國際學院學會發展 情況，未必能即時符合本會學會指引有關規定，我有意設立委員會，專司處理 國際學院學會事宜，考慮給予學會相當豁免，俾佢地先遷冊學生會。
革新制度 現行會章存在唔少闕漏，如退選等空白位置，需以會議決定填補；會章各字眼 前後不一，或者重覆冗文，多次修章，都未能完全解決問題。評議會通過邁向 議會制、評議會主席改作互選等改革，但喺會章仍然存在空白、漏洞嘅情況， 如何能夠逐步實現，還須審慎計劃。
6
香港浸會大學學生會第四十八屆周年大選
候選評議會主席
陳樂行
政綱及財政預算
（五）整頓會章闕漏 歷屆修章力圖修改、補上會章空白處，比如常設委員會之權責。然而會章嘅格 式、審視會章嘅方式，其實都影響會章嘅完整性同埋修訂會章嘅效率，不獨空 白之闕漏。會章應以簡潔、實際為佳。我期望喺進行修章工作時，重新審視整 體會章嘅可讀性、可行性，根據以下原則修訂，務求會章喺理解、修訂、執行 上都更有效。 條列方式 目前會章各項條文，皆以數字條列，會章綱目不清。例如是次修章諮詢將常設 委員會條文置入＜評議會＞一章，財務委員會之其點列表現為「7.8.3.6.6.4 負 責…」。會章條文無限細分，會造成查閱同引用嘅困難。 建議會章以「章條項（某）」嘅格式，條文皆順序編號，引用時以「第十六條 2(a)」稱呼，更為方便。會章條文應以項(某)為止，不得無限細分。 條文應簡潔、不重覆 若能以設立一條例蓋括之事，不應用幾條條例拆開論述。既然學生會轄下之各 組織成員必須為基本會員，可以另立一例明言，不須要每設一委員會，就立一 例注明；如果會章上下兩條文重覆咗同一意思，亦應當刪減其中一條。 條文應當簡潔。意義多餘嘅字，例如會章中部分「所有」、「一切」、「在」 等字詞，如果唔影響會章意思，就應刪除。 架構條例格式 會章言及本會架構部分，建議統一以「組成、權責、任期、會議、遺缺、辭 職」作為組織嘅基本條文題目，並且由此審視學生會各架構嘅條例有何缺漏。
7
香港浸會大學學生會第四十八屆周年大選
候選評議會主席
陳樂行
政綱及財政預算
（六）改革制度 章則委員會提出咗明確改革方向，我基本上都支持，亦都有少少自己嘅意見。 我會做好諮詢工作，使到改革得以俾同學了解同實行。 評議會正、副主席互選產生 議會正副主席嘅責任係主持會議、處理議事程序，普選制而來嘅民意授權，對 於會議主席黎講過大。透過互選制選出為議員信服嘅主席，亦有利調解議員間 糾紛及樹立議會權威。因此評議會既已通過改革建議，我支持此方向，喺議會 增加民選代表同時，會喺任內推行改革同修章。 大學事務委員會與社會事務委員會 章則委員會建議修改會章，將大學事務委員會與社會事務委員會轉入評議會， 我同意此做法。我認為兩委員會嘅定位應該獨立於幹事會，使其角色更鮮明， 而幹事會委員與基本會員人數相約。建議內外務副幹事長擔任當然主席，其秘 書則由委員會互選產生。 議會集權制 我贊成本會改用議會制，並認同章則委員會提出最終以學院人數決定議席。不 過，我認為三階段中，可先改用學院人數決定議席，喺已遷冊學生會名下嘅各 學院學會中，推舉議員；往後再說服其他學科學會遷冊至本會名下。 國際學院專責委員會 考慮到國際學院喺學生會嘅情況特殊，其學會遷冊、學生會活動、通訊存在問 題，應有專責部門收集意見、處理問題。短期內，我會於評議會設立專責委員 會，制定處理遷冊同通訊嘅方針；長遠會考慮修章，設立相關委員會，確保有 關事務得到處理。
8
香港浸會大學學生會第四十八屆周年大選
候選評議會主席
陳樂行
政綱及財政預算
香港浸會大學學生會第四十八屆周年大選 候選評議會主席陳樂行
財政預算 活動
項目
單價
數量
支出
第四十九屆 周年大選
幹事會及編委會宣傳費用
$4,000
2
$8,000
評議會候選選單位宣傳費用
$1,500
12
$18,000
幹事會及編委會諮詢大會費用
$4,000
2
$8,000
評議會候選單位諮詢大會費用
$1,000
12
$12,000
選票印刷
$0.119
7000
$830
A3 宣傳海報
$3
60
$180
修章諮詢
A3 宣傳海報
$3
40
$120
中期諮詢
A3 宣傳海報
$3
40
$120
學會註冊
原子印贊助
$75
10
$750
總計
$48,000
9