2) 4H-tilskipingar i klubben Gjennom året har klubben mange ulike aktivitetar, og desse står i årsplanen. Alle medlemmene i klubben bør få tilsendt årsplanen til 4H-klubben så snart som råd etter årsmøtet. Då er det lettare for kvar einskild å følgje med og planleggje sin eigen aktivitet. Det kan vere at styret og årsmøtet ikkje har funne tema for alle tilskipingane gjennom året, men når dagen er bestemt er det lettare for medlemmene å hugse på at det skjer noko i 4H-klubben. Eit anna godt tips er å ha 4H-tilskipingane på same dag i månaden eller veka, for då er det det lettare å hugse. Det er likevel viktig at styret har gode rutinar for korleis meldingar om tilskipingane skal kome ut til medlemmene. Tilskipingane kan òg vere ein fin måte å få med seg nye medlemmer på, men då må vi kanskje bruke ein annan måte å melde frå om tilskipingane på. Vi har laga ei liste med nokre forslag til korleis meldingar om tilskipingar kan sendast ut, men det er sikkert mange fleire! • henge opp plakat på skolen/butikken/uteplassen • sende e-post med påminning • sende SMS med påminning • heimesida til klubben • få med klubbaktivitetar i kulturkalenderen el.l. til kommunen • annonse i lokalavisa
Klubbtilskipingane er for mange 4H-arar det viktigaste som skjer lokalt i klubben. Som hjelp til styret, og kanskje medlemmene, har vi laga eit framlegg til hugseliste for korleis gjennomføre ei god 4H-tilskiping. 1. Velkomen v/leiar Det er ein god skikk å ynskje alle velkomne, og ein får gjort dei frammøtte merksame på at no startar møtet. 2. 4H-lovnaden (eventuelt til slutt) Målet må vere at den står på sakslista til alle møta. 3. Opprop v/sekretær For å få utdelt merke på haustfesten må ein ha fått godkjent 4H-prosjektet og delteke på minst halvparten av klubben sine tilskipingar. Difor er det viktig å få registrert alle frammøtte i møteboka. 4. Aktivitetar 4H sitt motto er ”å lære ved å gjere”. Det bør synast på tilskipingane i 4H! Det bør vere mykje aktivitet og moro på tilskipingane våre. 4H-arar kan presentere
12
