Хештанро хайр хо[b, хайрхо[и халr бош!
НАСИМИ
Оғози нашр 24 / 04 / 1932 *** № 29 (9444) *** Чоршанбе, 3. 08. 2022
ИСФАРА
НАШРИЯИ МАRОМОТИ ИXРОИЯИ {ОКИМИЯТИ ДАВЛАТИИ ША{РИ ИСФАРА
Боздиди раиси шаҳр аз Хонобод Раиси шаҳри Исфара Баҳоваддин Баҳодурзода дар Ҷамоати деҳоти Хонобод оилаҳои беморро аёдат намуда, бо рафти барқароркунии кӯпрук дар деҳаи Хушобод ва оғози умури мумфаршсозии роҳи Яккачинор - Баланд ширкат варзид.
Н
ахуст шаҳрдори Исфара дар деҳаи Яккачинор 5 нафар шахсони беморро аёдат карда, зимнан таъкид дошт, ки Мақомоти иҷроияи ҳокимияти давлатии шаҳри Исфара мувофиқ ба сиёсати хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамеша талош дорад, то аз ҳолу аҳволи шахсони ниёзманд, яккаву танҳо, собиқадорони ҷангу меҳнат, бепарасторону ятимон хабаргирӣ намуда, дар ҳалли мушкилоти онҳо саҳмгузор бошад. Ҳангоми аёдат ба беморон кумакҳои моддӣ расонида шуд. Минбаъд раиси шаҳр Баҳоваддин Баҳодурзода бо рафти корҳои барқароркунии кӯпруки деҳаи Хушобод шинос шуд. Бояд гуфт, ки кӯпруки мазкур дар натиҷаи омадани сел хароб гардидааст. Ҳангоми боздид аз ин мавзеъ шаҳрдор аз масъулин иҷрои саривақтии супоришҳоро тақозо намуда, таъкид дошт, ки кӯпрук барои мардуми маҳал ҷузъи муҳимми ҳаракат мебошад ва он бояд дар вақти муайяншуда бо риояи меъёрҳои техникӣ таъмиру тармим ва барқарор карда шавад.
Қувваи мушт дар панҷ ангушт Тибқи нақшаи кории Мақомоти иҷроияи ҳокимияти давлатии шаҳр дар самти омодагӣ ба даъвати чавонон ба сафҳои Қувваҳои Мусаллаҳи Ҷумҳурии Тоҷикистон, пешгирии қонунвайронкуниву ҷинояткорӣ, шомилшавии ҷавонон ба ҳизбу ҳаракатҳои террористию экстремистӣ, тамоилҳои бегонапарастӣ, тақлид ба маданият ва тарзи либоспӯшии ба фарҳанги мо бегона дар маҳалҳо вохӯриву мулоқотҳо доир гардида истодаанд.
Ч
унин як мулоқот бо иштироки муовинони раиси шаҳр Мадина Бобоиён ва Суруриддин Зиёваддинзода дар Ҷамоати деҳоти
Оғоз бахшидан ба раванди мумфаршсозии 2,5 километр роҳи Яккачинор-Баланд қисмати дигари боздиди раиси шаҳр Баҳоваддин Баҳодурзода аз Ҷамоати деҳоти Хонобод буд. Бояд гуфт, ки мардуми созандаю ободкори деҳаҳои Яккачинор ва Баланд ба мисли дигар мардуми шаҳру деҳоти Исфара ба таъмиру азнавсозӣ ва мумфарш кардани роҳҳои дохилии маҳалҳои зисти худ бо саҳми умум камари ҳиммат бастаанд. Раиси шаҳр қабл аз оғози корҳо бо сокинони деҳот суҳбат ороста, аз ҷараёни корҳои ободониву бунёдкорӣ дар шаҳру деҳоти Исфара ёдовар гашт ва ташаббусу иқдомоти созандаи мардуми Ҷамоати деҳоти Хонобод, саҳмгузории муҳоҷирони меҳнатии ватандӯст ва соҳибкорони саховатпешаи бурунмарзии зодаи ин сарзамин ва саъю кӯшишу саҳми сокинони ободкорро дар ҳалли муҳимтарин мушкилоти иҷтимоӣ ва ободонии маҳалли зист шоистаи таҳсин ва ибрату пайравиҳо арзёбӣ намуд. Мавсуф изҳори қаноатмандӣ аз он дошт, ки мардуми Исфара, хосса хонободиҳо ҷавобан ба ғамхориҳои рӯзафзуни роҳбарияти давлату ҳукумат бахшида ба омодагиҳо ба таҷлили сазовори 35-умин солгарди Истиқлоли давлатӣ корҳои созандагию ободониро дар муассисаҳои маорифу тандурустӣ ва ҳам таъмиру ободонии роҳҳои дохилимаҳаллӣ аҳлонаю дастҷамъона вусъат мебахшанд, дар ташкилу пешбурди корҳо дар самти азнавсозӣ ва мумфаршкунии роҳи маҳаллаҳо дар баробари соҳибкорон, аъзои ҳар як оилаю хонавода ба қадри имкону тавон мусоидату саҳмгузорӣ доранд.
Ворух сурат гирифт. Зимни суҳбат бо сокинон муовинони раиси шаҳр аз дастовардҳои даврони соҳибистиқлолӣ, фазои сулҳу ваҳдат ва оромиву ободии Тоҷикистони соҳибистиқлол изҳори андеша карда, таъкид намуданд, ки вазъияти ниҳоят ҳассосу ноороми ҷаҳони имрӯза моро водор мекунад, ки нисбат ба ҳар вақти дигар зираку ҳушёр бошем, дар ғафлат намонем, манфиату зарари худро дар гуфтору амали хеш дуруст дарк кунем, ба қадри бузургтарин неъматҳои зиндагӣ - истиқлолияту озодӣ, соҳибватаниву соҳибдавлатӣ, сулҳу оромӣ ва ваҳдати миллӣ расем. Гурӯҳи корӣ таваҷҷуҳи аҳли нишастро ҳамчунин ба масъалаҳои ҷудошавии оилаҳои ҷавон, эҳёи ҳунарҳои мардумӣ, рушди шуғли хонагии бонувон ҷалб намуданд. Чанде аз ширкатдорон бо ҳамовозӣ бо маърузачиён аз дастовардҳои хуби айёми Истиқлолияти давлатӣ ва нақшаву ниятҳои неки Пешвои муаззами миллат ёдовар шуда, омодагии худро ҷиҳати саҳмгузорӣ дар рушду равнақи минбаъдаи Ватани маҳбуб иброз намуданд. Онҳо хотирнишон карданд, ки барои таъмини шукуфоии минбаъдаи сарзамин бояд дар ҳамфикриву ҳамдигарфаҳмӣ ва якҷоягӣ амал кард. Беҳуда нагуфтаанд, ки "Қувваи мушт дар панҷ ангушт".
А
гар барои ҳалли буҳрони озуқаворӣ тадбир андешида нашавад, инсоният ба гуруснагии оммавӣ, бесуботии сиёсӣ ва муҳоҷирати бенизом мувоҷеҳ хоҳад шуд. Дар ин бора дар изҳороти Барномаи ҷаҳонии озуқавории СММ (WFP) гуфта шудааст. Таҳримҳо мардумро дар саросари ҷаҳон ба гуруснагӣ ва фақр гирифтор мекунанд. Чунин буҳрон метавонад сабаби марги миллионҳо нафар гардад. Созмонҳои байналмилалӣ бонги изтироб мезананд. Ба ҳисоби коршиносон, соли оянда шумораи гуруснагон аз 13 миллион нафар зиёд мешавад. Дар сомонаи Барномаи ҷаҳонии озуқавории СММ соли 2022 «соли гуруснагии бесобиқа» номида шудааст. Тибқи маълумоти СММ ҳар рӯз 828 миллион нафар аз норасоии ғизо азият мекашанд. Теъдоди нафароне, ки ба норасоии ғизо дучоранд, аз 135 миллион дар соли 2019 ба 345 миллион расидааст. 50 миллион нафар дар 45 кишвари ҷаҳон дар остонаи гуруснагӣ умр ба сар мебаранд. СММ тасдиқ менамояд, ки барои ғизои 152 миллион нафар 22,2 миллиард доллар зарур аст. Норасоии ғизоро, дар навбати аввал Миср, Ҳабашистон, Нигерия, Судони Ҷанубӣ ва Яман эҳсос менамоянд. Тибқи пешгӯии коршиносон Афғонистон ва Сомалӣ ба нуқтаҳои нави шиддатнок табдил хоҳанд ёфт. Бо вуҷуди ин норасоии ғизо ба кишварҳои пешрафта низ таҳдид мекунад. Дар он ҷо нархҳо аллакай чанд маротиба боло рафта, ба ҳамёни истеъмолкунандагон зарба мезананд. Афзоиши нархи гӯшт, ғалла, сабзавот ва мева баръало намоён аст. Деҳқонон афзоиши қимати нуриҳои минералиро низ зикр мекунанд ва ҷаҳон аллакай дар остонаи камбуди нон қарор дорад. Масалан Миср бузургтарин воридкунандаи гандум дар ҷаҳон аст ва ҳамасола аз хориҷи кишвар ҳудуди 11 миллион тонна ғалла бо истеъмоли солонаи 18 миллион тонна мехарад. Содиркунандагони асосии гандум ба ин ҷумҳурии арабӣ Русия ва Украина мебошанд. Ҳаҷми интиқоли ғаллаи Россия соли гузашта ба 8,2 миллион тонна (74,5 фоизи тамоми воридоти ғалла) расид. Ҳиссаи Украина тақрибан 20% -ро ташкил медиҳад, боқимонда аз ҳисоби дигар давлатҳо пур карда мешавад. СММ чаҳор сабаби гуруснагии оммавиро номбар кардааст: даргириҳои мусаллаҳона, офатҳои иқлимӣ, оқибатҳои пандемияи COVID-19 ва болоравии нархҳо. Ба гуфтаи ин созмон 60 дарсади гуруснагон дар ҳудуде зиндагӣ мекунанд, ки даргириҳои мусаллаҳона ҷараён доранд ва ё ба он наздиканд. “Мо ҳамин ҳоло бо бӯҳрони бесобиқа рӯ ба рӯ гардидаем ва агар бо он ба таври стратегӣ ва муассир мубориза набарем, пас моро гуруснагии оммавӣ, бесуботии даҳҳо кишвар ва муҳоҷирати оммавӣ интизоранд”,гуфт директори барномаи озуқаворӣ Дэвид Бисли (иқтибос аз “РИА Новости”). Бисли ҳушдор дод, ки соли оянда метавонад нисбат ба ин сол «хеле шадидтар» бошад. Вай ҳамчунин иқрор шуд, ки дар мудати 6-12 моҳи оянда ҷомеаи ҷаҳонӣ бинобар болоравии қимати маводи ғизоӣ ба мушкилот дучор хоҳад шуд. Баъд аз ин, агар мушкил ҳал нашавад,
Президент ҳушдор дода буданд Созмонҳои байналмилалӣ бонги изтироб мезананд: ба ҷаҳон гуруснагии сахттарин пас аз давраи Ҷанги дуюми ҷаҳон таҳдид мекунад ҷаҳонро метавонад норасоии сартосарии ғизо фаро гирад. Аввали моҳи июл СММ пешгӯӣ карда буд, ки тақрибан 13 миллион нафар дар ҷаҳон ба далели амалиёти ҷангӣ дар Украина имсол ба таври изофӣ бо мушкилоти гуруснагӣ рӯ ба рӯ хоҳанд шуд. Тибқи пешгӯиҳои навшуда соли 2030 беш аз 670 миллион нафар метавонанд эҳсоси гуруснагӣ кунанд. El Pais 22 июн хабар дод, ки Иттиҳоди Аврупо гузоришеро дар бораи пайомадҳои иҷтимоӣ, сиёсӣ ва иқтисодии амалиёти Россия дар Украина барои кишварҳои сеюм омода кардааст. Кишварҳои аврупоӣ аз афзоиши хатари “қаҳтии фалокатбор” дар Африқои Шимолӣ ҳушдор додаанд. Дар бисёр мамлакатҳои Африқо имсол ҳосил амалан набуд, аз миёнаҳои соли гузашта қариб 3 миллион cap чорво нобуд шуд. Кишоварзӣ дар Африқо дорои иқтидори бузург аст, аммо сармоягузорӣ талаб мекунад. Дар Зимбабве соли 2022 қариб 3,8 миллион нафар бинобар ҳосили паст бар асари хушксолӣ ба гуруснагӣ дучор хоҳанд шуд, бармеояд аз ҳисоботи Кумитаи арзёбии осебпазирии Зимбабве (ZimVAC). Дар Миср, Лубнон, Либия, Сурия, Тунис, Марокаш ва Фаластин — бӯҳрони озуқаворӣ, хушксолӣ ва нарасидани об мавҷуд аст. Тақрибан чоряки аҳолии ҷаҳон дар кишварҳое зиндагӣ мекунанд, ки ба онҳо норасоии шадиди об таҳдид мекунад. Яъне, ду миллиард нафар ба оби равон дастрасӣ надоранд, омадааст дар ҳисоботи Пажӯҳишгоҳи захираҳои ҷаҳонӣ (WRI). Харитаи хавфи обии пешниҳоднамудаи WRI норасоии об, хушксолӣ ва обхезиро арзёбӣ мекунад. Кишоварзӣ, саноат ва шаҳрҳо дар 17 кишвари ҷаҳон қариб тамоми захираҳои обиро (ба ҳисоби миёна 80%) истеъмол мекунанд. Ба ин феҳрист Қатар, Исроил, Лубнон, Эрон, Урдун, Либия, Қувайт, Арабистони Саудӣ, Эритрея, АМА, Сан-Марино, Баҳрайн, Ҳиндустон, Покистон, Туркманистон, Уммон ва Ботсвана шомиланд. Дувоздаҳ кишвар аз ин феҳрист, ки ба камбуди фавқулода баланди об дучоранд, дар Шарқи Наздик ва Миёна ҷойгиранд, ки дар он ҷо норасоии об метавонад на танҳо рақобатро барои захираҳои об, масалан, миёни деҳот ва хонаводаҳо афзоиш диҳад, балки ташаннуҷи сиёсиро низ вазнинтар намояд. Тавре АМИТ «Ховар» хабар дода буд, қаблан Президенти Тоҷикистон муҳтарам Эмомалӣ Раҳмон ҳушдор дода буданд, ки соли 2022 “барои башарият аз ҳама ҷиҳат, аз ҷумла дар масъалаи таъмини амнияти озуқаворӣ соли душвортарин ва вазнинтарин” хоҳад буд. Сарвари Тоҷикистон дар ин бора 1 апрели соли равон зимни суханронии табрикии
худ ба муносибати фарорасии моҳи Рамазон изҳори назар намуданд. Дар робита ба ин, Пешвои миллат аз ҳамватанон даъват намуданд, ки бинобар таъсири ҷиддии авзои ҷаҳон ба вазъи иқтисодӣ ва иҷтимоии ҷумҳурӣ барои на кам аз ду сол маводи ғизоӣ захира кунанд. «Мо бояд ҳар рӯзи мусоиди фасли баҳорро истифода барем, то маъракаи киштро сари вақт анҷом дода, ба ҳосили фаровон замина гузорем. Дар ёд дошта бошед, ки ҳар оила бояд барои ду сол маводи ғизоӣ захира намояд», - хулоса намуданд Президенти Тоҷикистон. Президенти Тоҷикистон муҳтарам Эмомалӣ Раҳмон дирӯз, 28 июл, дар ҷаласаи навбатии Ҳукумати кишвар бори дигар ба ин мавзуъ рӯй оварда, доир ба зарурати ҷустуҷӯи роҳҳои алтернативии воридоти гандум ба мамлакат сухан гуфтанд. Чунин супоришҳо аз ҷониби Сарвари давлат ба роҳбарони аввали Вазорати кишоварзӣ, Вазорати саноат ва технологияҳои нав, инчунин Ассотсиатсияи воридкунандагон ва коркардкунандагони ғалла дода шуданд. Президенти мамлакат таъкид намуданд, ки барои воридоти мунтазами гандум аз хориҷи кишвар тадбирҳои зарурӣ андешида, роҳҳои ҷойгузини (алтернативии) воридоти он низ ҷустуҷӯ карда шаванд. Дар ҳамин ҳол, Сарвари давлат иброз доштанд, ки бо вуҷуди он ки дар шашмоҳаи аввали соли 2022 рушди истеҳсолоти кишоварзӣ ба 107,2 фоиз расидааст, захираҳои кишвар ҳанӯз ҳам пурра истифода намешаванд. Дар робита ба ин муҳтарам Эмомалӣ Раҳмон дар назди Ҳукумат вазифа гузоштанд, ки амнияти озуқавории кишварро ҳифз карда, бо оқилона истифода бурдани ҳар ваҷаб замин аҳолиро бо ҷойи кор таъмин намоянд. Ба андешаи Сарвари давлат, ин имкон медиҳад, ки дар як сол се-чор ҳосил рӯёнида, аз ҳисоби кишти такрорӣ майдони кишт зиёд карда шавад. Президенти мамлакат муҳтарам Эмомалӣ Раҳмон масъулинро вазифадор карданд, ки барои ҳифзи амнияти озуқавории кишвар ва бо ҷойи кор таъмин намудани аҳолӣ фаъолиятро оид ба афзоиш додани майдони кишти зироати таъйиноти ғизоӣ, хусусан, дар кишти такрорӣ, аз ҷумла дар заминҳои наздиҳавлигӣ ва президентӣ, ҷамъоварии беталафи ҳосил, таъмини муттасили бозори дохилӣ, содироти меваю сабзавот ва бунёди корхонаҳои коркарди маҳсулоти кишоварзӣ тақвият бахшида, дар ҳар оила захира намудани озуқавориро барои давраи тирамоҳу зимистони солҳои 2022 – 2023 ва мавсими соли оянда таъмин намоянд. АМИТ «ХОВАР».