2.7 materiaren gida - 2013

HUMANITATEAK ETA HEZKUNTZA ZIENTZIEN FAKULTATEA

IKASLEAREN GIDALIBURUA 2.7. MATERIA: Eskola antolakuntza eta familiaren parte-hartzea 2012-2013 Ikasturtea

1

2012-2013 Ikaslearen gidaliburua Eskola antolakuntza eta familiaren parte-hartzea

AURKIBIDEA.

1. TUTORE TALDEA. ............................................................................... 3 2. SARRERA. .......................................................................................... 4 3. HELBURUAK. ..................................................................................... 5 4. EDUKIAK. .......................................................................................... 6 5. EBALUAKETA ..................................................................................... 7 6. BALIABIDEAK…………………………………………………………………...8 7. OINARRIZKO BIBLIOGRAFIA……………..…………………………………8

2

2012-2013 Ikaslearen gidaliburua Eskola antolakuntza eta familiaren parte-hartzea

1. MATERIAKO TUTORE TALDEA. Aitziber Arregi aarregi@mondragon.edu Asier Irizar airizar@mondragon.edu Meltxor Artetxe martetxe@mondragon.edu Asier Lauzurika alauzurika@mondragon.edu • Mikel Errazkin/Ane Urizar merrazkin@mondragon.edu aurizar@mondragon.edu • Ziortza Jimenez zjimenez@mondragon.edu Iñigo Ramirez de Okariz (Koord.) iramirezdeokariz@mondragon.edu

3

2012-2013 Ikaslearen gidaliburua Eskola antolakuntza eta familiaren parte-hartzea

2. SARRERA. `Eskola Antolakuntza eta Familiaren Parte Hartzea´ izeneko 2.7 materian landuko dugunaren berri ematea da gidaliburu honen helburua.

Izenburuari erreparatuz gero, juntagailu bidez lotutako bi gai solte diruditen arren, ez da horrela. Erabateko lotura duten bi gai dira, ia banaezintzat jo daitezkeenak. `Practicum´ egin berri zatoztenez, agian hauteman duzue bata zein bestearen arteko harremana lotua dela. Are gehiago, esan gabe doa Hezkuntza Komunitateaz dihardugunean eskolaren antolamenduak eta bere baitan hezkuntza eragile guztiek duten elkarrekintza ezinbestekoa dela kalitatezko hezkuntza bat eskaini nahi badugu.

Eta hori da hain zuzen ere materia honek iraungo dituen 26 saiotan azaltzen saiatuko garena.

Hori lortzeko ondorengo orrietan bildutako helburu, eduki eta ebaluazio uneak erabiliko ditugu; eta, bide batez, konpetentzia espezifiko eta zeharkakoak landuko ditugu.

Tresna horiek guztiak eskutan ditugula irizpide biografikoa jarraituko duen hurrenkera bat sortu dugu. Alegia, gure materiaren abiapuntua haurra eta bere familia izango dira.

Izatez, denok jaio gara familia baten baitan; eta jaio garen familia horrek gure hazkuntza eta hezkuntza baldintzatuko ditu hein handi batean. Lehen sozializazioa ere deitu izan zaio garai honi. Esan nahi da, familia bakoitzak (zer da ba familia?) kontzienteki edo ez, agerian edo isilpean eta nahi edo ez nahi, hazkuntza eta hezkuntzari buruzko usteak, igurikapenak, egiteko moduak etab. dituela. Eta horiek guztiek haurraren garapena baldintzatuko dute ezinbestean.

Baldintzapen horiek haurraren bizitzako une desberdinetan agerikoago edo ezkutukoago egongo dira. Guk ez ditugu une guztiak aztertuko, baina bai haurraren garapen eta bizitzan eragin handia izango duen bat: haurra eta eskola harremanetan hasten direnekoa.

Izan ere, haurraren heziketa integral horretan, haurrak lagungarria izango du batik bat eskolan emango den bigarren sozializazioa. Harreman hori ere aipatutako irizpide biografikoa erabiliz aztertuko dugu. Hau da, sortzen den unea (noiz hasten da harremana, zein eskolatara doa, zergatik doa eskola horretara ?) abiapuntu hartu eta irauten duen bitartean (nola eragiten du eskolak haurrarengan, eta haurrak eskolarengan ?).

Harreman horren azterketak aukera emango digu batetik eskola ulertzeko; eta bestetik, gurasoen igurikapenak, desirak, inplikazioa, parte hartzeko moduak ulertzeko; eta, azkenik, harreman horretan irakasle gisa jokatu beharko dugun papera definitzeko. Izan ere, familia eta eskolaren arteko harreman horretan irakasle gisa jokatu beharko dugun papera definitzeko. Bada, funtzio horiek ere izango ditugu aztergai.

4

2012-2013 Ikaslearen gidaliburua Eskola antolakuntza eta familiaren parte-hartzea

Eta nola antolatzen da eskola eskakizun horiei erantzuteko? Antolaketa horretan zein da gure papera irakasle gisa? Zein paper betetzen du familiak? Eta gainontzeko hezkuntza eragileek?

Irakaslearen profil profesionalean hiru funtzio nagusi definitzen dira: hezitzaile, ikertzaile eta kudeatzailea. Hirugarren hau, kudeatzailearena alegia, da materia honetan ere landu nahi duguna. Izan ere, irakasleak hezkuntza jarduerarekin loturiko proiektu ezberdinak garatzen eta kudeatzen ditu. Beraz, behartuta gaude identifikatzera, aztertzera eta ezagutzera ikastetxearen antolaketarako nahiz bere ebaluaketarako erreminta eta estrategia egokiak, eta batik bat gurasoekin eta gainontzeko hezkuntza eragileekin izaten diren harremanei azterketa berezia eginez.

Etengabe eraldatzen ari den gizarte honetan, ezinbestean, hobekuntza prozesu desberdinetan parte hartzera bultzatu beharko luke Hezkuntza Komunitate osoa, horren bitartez, ikastetxearen nahiz hezkuntzaren eraldaketa eta hobekuntzan sakonduz, hezkuntza kalitatea lortzeko.

Hala ere, ezin dugu sarrera hau bukatu materia honek norberaren profil profesionalari egiten dion ekarpena aipatu gabe. Lidergoari erreparatu nahi diogu 2.7. materian.

Horretarako, helburu komun bati begira jarri nahi ditugu ikasleak, eta norbanakoaren nahiz kolektibitatearen interesak ongi uztartzen jakin dezatela irakatsi.

3. MATERIAN IKASLEAK LORTZEN DITUEN IKASTE EMAITZAK. A.

Materiari dagozkion konpetentzia espezifikoei dagokienez, hauek dira: •

Etorkizuneko eskolan benetako hezkuntza komunitatea osatzeak duen garrantziaz jabetu eta gurasoen nahiz gainontzeko hezkuntza eragileen inplikazioa sustatzen duten eskola antolaketak identifikatu eta deskribatu.

•

Ikastetxearen antolaketa eta kalitate egokiaren premia eta gakoak identifikatu, aztertu eta ezagutu.

•

Familien orientazio eta prebentzioarekin lotutako egoerekin bat egin nahian, simulazio egoerak (kasu) identifikatu eta aplikatu.

•

Antolaketa hori egituratzeko eta gauzatzeko premiazkoak diren proiektu eta tresna esanguratsuenak ezagutu eta aztertu.

B. Zeharkako konpetentziei dagokienez (lidergoa): •

Lidergoaren ezaugarri nagusiak identifikatu eta norbere burua ezaugarri horiekiko kokatu.

5

2012-2013 Ikaslearen gidaliburua Eskola antolakuntza eta familiaren parte-hartzea •

Helburu komuna duen lan-taldea kudeatu eta dinamizatu, baliabideak eta ardurak banatuz eta era enpatiko batez gizabanako eta kolektibitatearen interesak ongi orekatuz.

•

Eskolaren kudeaketan nahiz hezkuntza praktika desberdinetan (batik bat gelan egiten den horretan) lan komunitarioak duen garrantzia baloratu.

4. MATERIAN LANDUKO DIREN EDUKI ATALAK ETA EDUKIAK. FAMILIA 1. Familia kontzeptua lantzen 2. Familiaren azterketa: ikuspegi sistemikoa eta ekologikoa 3. Lidergoa: konpetentziaren definizioa, ezaugarriak, adierazleak eta lorpen maila.

ESKOLARATZEA 1. Ikastetxearen testuingurua eta konplexutasuna.

•

Legedia: bilakaera historikoa eta egungo hezkuntza lege nagusiak.

•

Eskola sareak eta hauen ezaugarriak, antolaketari dagokionez.

2. Hezkuntza komunitatea osatzen duten eragileak (bereziki gurasoen rolean eta zereginetan sakontzea).

3. Lidergoa: komunikazio eraginkorra eta ilusionagarria.

ESKOLAN 1. Ikastetxeko antolaketaren ezaugarri nagusiak ezagutu: •

Organoak

•

Proiektu nagusiak eta euren arteko loturak.

•

•

Ikastetxeko Hezkuntza Proiektua (IHP).

•

Ikastetxeko Urteko Plangintza (IUP).

•

Ikastetxeko Curriculum Proiektua (ICP).

Zuzendaritzaren ardurak, rolak eta eginkizunak.

2. Gurasoekin harremanetan.

•

Kudeaketa alorrean.

•

Tutoretzaren eta ikasleak elkarlanean hezi beharraren ikuspegitik.

3. Lidergoa: 1. Lanen eta arduren banaketa.

2. Norbere konpromiso pertsonala.

6

2012-2013 Ikaslearen gidaliburua Eskola antolakuntza eta familiaren parte-hartzea

BOST URTE ONDOREN 1. Ebaluazioaren kontsideratuz.

garrantziaz

jabetu

etengabeko

hobekuntza

bezala

Ikastetxeko proiektu nagusien ezaugarriak eta euren arteko loturak : • Urteko memoria.

• Berrikuntza eta Prestakuntza proiektuak.

4. METODOLOGIA ETA JARDUERAK

Presentzialak (%40): Egoera eta kasuen azterketa, zeinetan ikaslea (bakarka nahiz taldeka) hezkuntza egoera eta prozesu desberdinekin loturiko hainbat kasu eta egoera simulatzen baitituen.

Ez presentzialak (%60): Bakarka nahiz taldeko lanak egoera eta kasuen azterketen bidez, aurkezpenak, iritziak eta komentarioak, simulazioak … egin ditzaten, horretarako euskarri digitalak erabiliz (Mudle, Sites …).

5. EBALUAZIOA •

•

Materiari dagozkion konpetentzia espezifikoak bakarka eta taldeka ebaluatuko dira. Guztira, azken notaren %75ko balioa izango du eta gainditu egin behar da. o Banaka: bukaerako sintesia1. Ikasle bakoitzak materiaren globaltasuna aintzat hartuko duen sintesia eta hausnarketa egin beharko du, horretarako asteetan zehar erabili den dokumentazioa aintzat hartuz. Ondoren, lan horretan oinarrituta, ahozko azterketa egin beharko du tutorearen aurrean. (Azken notaren %25, baina gainditu egin behar da.). o Taldeka: Materian zehar egindako talde-lan eta Sites-en ekoizpena, aurkezpena eta defentsa. (Azken notaren %50, baina gainditu egin behar da.).

1

Idatzizko lana ebaluatzeko aintzat hartuko diren irizpideak: 1) Zorroztasun akademikoa: Ezinbesteko baldintza izango da bibliografiaren (APA irizpideak jarraituz) erabilpen egokia egitea.

Beraz, autoreen iritziak gure hitzetan jasotzen ditugunean, iturria aipatu beharko dugu. Hau da, iritzi hori norena den eta non irakurri dugun esan beharko dugu. 2) Informazioaren pertinentzia: Beharrezkoak direnak jarri eta behar ez direnak kanpoan utzi. Ez dezagun neurtu lanaren kalitatea orri kopuruarengatik. Eskatzen den horretara mugatu.

3) Sakontasuna: Gaiari merezi duen sakontasuna eman. Lan akademikoak dira; beraz, hausnartuak, kontrastatuak behar dute izan eta aipatzen diren kontzeptuak jaso beharko dira beti. 4) Testu akademikoaren antolaketa: Testuaren antolaketa eta egitura zaindu: kohesioan arreta jarriz, esaldiaren eta paragrafoen arteko koherentzia gordeaz eta testuaren zentzu globala kontuan izanik, besteak beste. 5) Zuzentasuna: Oinarrizko arauak errespetatu beharko dira eta xuxen zuzentzailea erabiliko da lanak entregatu aurretik.

7

2012-2013 Ikaslearen gidaliburua Eskola antolakuntza eta familiaren parte-hartzea

• Zeharkako konpetentziei dagokienez, ebaluazioa banakakoa izango da. Guztira, azken notaren %25ko balioa izango du, baina gainditu egin behar da.

Ebaluazio aktibitateei atxikita, hiru estrategia erabili eta partekatuko dira: o Irakaslearen behaketa eta azterketa. o Auto-ebaluazioa. o Koebaluazioa.

6. BALIABIDEAK. A. Ikasle-gida.

B. Mudle plataforma: materiaren dokumentazioaren kudeaketa eta eguneko saioen antolaketarako erabiliko dugu. Baita mezuak bidaltzeko ere.

C. SITESen talde txikietan ekoiztutako lanak kudeatu eta gordeko ditugu.

7. BIBLIOGRAFIA (MUDLE erabili jarraipena egiteko).

8