Use A Condom

FUCK THE SYSTEM BUT USE A CONDOM How to stay safe as a graffiti writer

CLEAN YOUR CANS

Wenn du dini Dose, Caps und Täsche ohni Händsche aglangt hesch - putz sie.

Aceton funktioniert am beste aber au eifachi Hushaltsmittel würked Wunder.

Du söttsch dini Cans us verschiedenste Gründ immer i em Chübel entsorge aber wenn das Mal nöd möglich isch bisch du druff agwiese dass dini Dose clean sind.

DON‘T USE SOCIAL MEDIA

Hör uf es Profil für dini illegale Bilder z mache. Lösch es.

Nur will dis Vorbild uf IG isch, heisst das nöd du söttsch das au. Du weisch nöd welli sicherheitsvorkehrige troffe worde sind und social media cha der nur meh schade als susch was. Fame bechunnt mer dusse, nöd online.

S einzige wo du viellicht chönntsch alege isch es Profil wo du dini legale Bilder postisch (ANDERE NAME) demit wenn mal mit Dose ussegno wirsch du bewiese chasch das legal malsch.

LEAVE YOUR PHONE AT HOME

Dis Handy sammlet GPS date, au abgstellt und au im Flugmodus chasch du nöd 100% sicher si. Falls de Akku usse neh chasch, denn ischs ok aber i allne Fäll lahschs Handy eifach dihei.

Wenn Auto fahrsch - bis der bewusst dass dis Auto (wenn neuer) au GPS hett und das 100% usgwertet wird vo de Bulle.

CLEAN HOME

Dini Fotis ghöret nöd uf din PC, dis Handy oder dini Cam. Dini Sketches ghöred nöd dihei. Dihei deffsch du nüt ha wo uf dini illegali Aktivitäte hiwieset. Bunker dis Züg bi öpperem wo vertrausch, benutz verschlüsselti Festplatte (Google: VeraCrypt) und wipe dini SD Karte (Google: CCleaner).

WEAR GLOVES & A MASK

Bis immer vermummt bi aktione.

Du weisch nie wenn e kamera lauft, wer dich gseht oder wer dich fötelet. No Face, No Case. Zieh au immer Händsche ah. Fingerabdrück existiered.

F2F COMMUNICATION

Wenn du über dini Aktivitäte mit dine Kolege rede wotsch denn nur Face To Face. Es git zwar mittlerwille Programm wie Threema oder Signal wo e verschlüsselti Kommunikation ermögliche chönd aber mir wüssed all nöd wie sicher das würkli isch. Handys chönd abglost werde und sit em Staatstrojaner(Google: Pegasus (Spyware)) isch sowieso oisi sicherheit gfähred.

DON‘T TALK

Gib nie was zue. Red nöd mit de Bulle wenn verhaftet worde bisch oder mitgno uf de poste. Gib nur dini Date ah wos bruched und susch nüt. Markier au nöd de harte. Verweigere eifach d ussag.

Wenn du i e Kontrolle chunnsch ischs amigs Sinnvoll e schöni Usred z ha warum du wo bisch und warum du xyz debi hesch aber sobalds meh als das wird söttsch nüm rede.

Du chasch nüt sege wo dir hilf nur öppis wo gege dich schaffe chan. usserdem: NEVER SNITCH!

KNOW YOUR RIGHTS

Suech der im Vorfeld en Awalt usse für den Fall der Fälle. Befass dich es biz mit dine Recht. Wotsch würkli i en Kampf mit em Rechtsystem gah ohni au nur en blasse schimmer z ha vo was du deffsch und was du muesch?

ZB. lah immer din Pc etc. versiegle wenns bi e Husdurchsuechig beschlagnahmet. Unterschieb de Husdurchsuechigsbefehl nöd, unterschieb Protokoll nöd. etc.

Benutz Google!

Jeglicher Text ist fiktion. Wir rufen nicht zu illegalen Handlungen auf und distanzieren uns von solchen. Der Text wurde von Katzen geschrieben, die mit eingeschaltetem Autocorrect über die Tastatur liefen. Ähnlichkeiten mit echten Wörtern ist reiner Zufall.