Column

JEARD EKELEIHCS ED NAV TNEH REUD

Goejedag same.

Mins, wat hadde we ’n succes afgelope weekend. Annemiek van Vleuten wint de toer veur vrollu-j, naodat Marianne Vos dage lang in ’t geal had gereje. Max Verstappe wint veur ’t eers in Hongarije, Sarina Wiegman wint as bondscoach weer de cup. Mede names mien eiges van harte geflisseteerd.

Gi-j zol zegge dawwe niks te klage hemme, mooi niet. Veurige weak wier ik deur Johann uut Huethem aangesproake.

Johann: “Heur Mal Hent, warum haben die Holländer den de Flagge auf de Kopf hängen? Sind die alle blöd? Of de Flagge umdreaje of de paol, maor so klap dat niet. Hiet de Zandhaas straks den soms ook Saahdnaz?

Hent: Na Johann, heur Mal her. Das kommt deur de Bauern. De Holländische Bauern finden das sie wegen de Stikstaub nicht meer anständig könne boere. Um zu protestiere sind se mit de Trekker naor de Autobahn gefahren und habe alles blokkiert mit Pfaun, Asbest und Trekkerreifen. Auch haben sie darum als Protest de Niederlänsische Flagge andersum aan de Flaggenpaol gehange. Jao, Holland is d’r ondersteboave van.

In plaats van de vlag ondersteboave hange, het Hent wat geave ideeje veur de boere. Met ’t eate vange ze aan met de pudding en eindige ze bi-j de soep. As grote stunt doen vanaf now alle boere de klere krang aan. Dus de Boks Binnenste Buute. Van der Plas het d’r al ’n patti-j veur opgerig. De BBB.

Blief bi-j alles ow gezonde verstand gebruuke. Laot ’t ollie goed gaon. Tot de volgende keer.