Cyfarfod ein Tîm Cymorth Tai

Pan fyddwch yn ffonio ein rhif

0800 052 2526 gydag ymholiad ynghylch rhent neu dai, bydd aelod o’n Tîm Cymorth Tai yn ateb eich galwad.

Y lleisiau cyfeillgar ar ben arall y ffôn yw’r pwynt cyswllt cyntaf i breswylwyr sydd â chwestiynau am eu cartref, nad ydynt yn ymwneud â gwresogi neu waith trwsio.

Byddant yn delio â nifer o ymholiadau, gan gynnig cymorth a chyngor pan fydd Swyddogion Tai allan yn gwneud eu gwaith. Gallant gymryd taliadau rhent, trefnu Debyd Uniongyrchol neu ddelio â’r holl ymholiadau ynghylch eich cartref a’ch cymdogaeth, gan gynnwys ceisiadau i wneud newidiadau i’ch cartref neu’ch contract meddiannaeth.

Bydd eu cymorth yn cychwyn cyn i chi symud i gartref Tai Wales & West hyd yn oed. Bydd aelodau’r tîm yn sicrhau bod cyflenwadau nwy a thrydan i’r eiddo yn barod pan fyddwch yn symud i mewn. Yn ogystal, gallant helpu’r sawl sy’n ffonio ac sy’n chwilio am gartref, trwy gynnig cyngor iddynt am sut i wneud cais a’r bobl gywir y dylent gysylltu â nhw.

Yn y cefndir, maent yn gweithio’n galed i archwilio hawliadau preswylwyr am Gredyd Cynhwysol neu fudddaliadau eraill ac maent yn helpu preswylwyr i fanteisio ar gymorth ychwanegol gan ein Swyddogion

Cymorth Tenantiaeth os bydd angen iddynt ei gael ganddynt.

O bryd i’w gilydd, efallai y byddwch yn cael galwad gan y Tîm Cymorth Tai hefyd. Rydym yn awyddus i ddeall os yw’r gwasanaethau yr ydym yn eu darparu wedi bodloni eich disgwyliadau. Felly, ar ôl i chi symud i’ch cartref, efallai y byddwch yn cael galwad gan y tîm i ofyn am eich profiad a sut yr ydych chi wedi setlo i mewn. Os byddwch chi wedi profi ymddygiad gwrthgymdeithasol, efallai y byddwn yn ffonio i holi sut oeddem wedi delio â’r adroddiad ar ôl i chi ei adrodd i ni. Weithiau, bydd aelodau’r tîm yn ffonio hefyd i holi sut hoffech i ni gyfathrebu gyda chi, er enghraifft, pa iaith y mae’n well gennych ein bod yn ei defnyddio neu a oes angen fersiwn print mawr neu fersiwn sain o’n cylchgrawn In Touch arnoch.

“Mae ein tîm yn gweithio gyda’r Swyddogion Tai i sicrhau bod preswylwyr yn cael atebion mewn ffordd mor gyflym ac effeithlon ag y bo modd,” dywedodd Cate Porter, Pennaeth Tai (Cymorth a Gwella), sy’n rheoli’r tîm.

“Boed hynny yn gais i wneud newidiadau i’w cartref neu fanylion eu contract, byddwn yn sicrhau y rhoddir sylw cyflym i geisiadau gan yr unigolyn cywir, er mwyn cynnig y cymorth gorau y gallwn ei gynnig i breswylwyr.”