Diabierna Januari 24 2014
Pagina 5
OTMAR ODUBER NO A PRESENTA DEN PARLAMENTO PA TRATA E CIERE DI WESTIN Segun Marisol, Otmar ta malo?
E siman aki Otmar Odumber a tene tres conferencia di prensa pa e reacciona riba e “strawberry-gate”. Sinembargo ayera e tabata malo y no por a atende reunion na Parlamento tocante Westin. Net Otmar Oduber cu a priminti e trahadornan aña pasa den porta di eleccion cu no tin ningun problema, cu ningun hende ta
perde trabao. Ayera trahadornan ta wordo poni bao presion pa e hotel y e sindicato TEAM pa firma nan pakete y bay. Hustamente ayera cu Otmar Oduber por a haci algo pa e trahadornan, el’a keda ausente den Parlamento. Trahadornan di Westin ta sinti cu den eleccion Otmar a manipula nan y awe Otmar a defrauda nan!