XHOSA SUMMARY

INTETHO ESESIDLANGALALENI NEPHUMA KWI-OFISI YOMPHATHISWA u IVAN MEYER

INTSHONA KOLONI IBHIYOZELA UMHLA WOBISI KWIHLABATHI

Ngomhla woku 1 ku Juni 2021, sizibandakanye nehlabathi ekubhiyozeleni Umhla Wobisi kwiHlabathi.

Oku sikwenza ngokukhahlela kwicandelo leemveliso zezobisi ngokunika abantu bethu ubisi, sigcwalise iimatyi zethu zokutya nokwenza igalelo kuqoqosho loMzantsi Afrika.

Ngo Matshi 2021, umbutho weemveliso zezobisi uphawule into yokuba Iimveliso Zezobisi Ezimarikeni zibonakalise ukuthunyelwa okukhulayo kweemveliso zezobisi kumanye amazwe, kumnyaka ka 2020 sishicilele amanani aphezulu ngeemveliso ezithunyelwe kumanye amazwe.

Ilizwe loMzantsi Afrika lithumele kumanye amazwe izigidi ezingama 460 zeelitha zobisi. Olu bisi lungaka nelingazange labakho kuthunyelo lobisi kumanye amazwe, siluvelisile nangona bekukho izithintelo ngexesha le “lockdown” kuMzantsi Afrika.

Intshona Koloni ivelisa ubisi olungange 28% kweli lizwe.

Ngokweemveliso ezithunyelwa kumanye amazwe, eli phondo lilo elithumela ubisi nocwambu ngobuninzi.

Ubisi nocwambu oluthunyelwe kumanye amazwe zikhule rhoqo kangange 9% kule minyaka ilishumi idlulileyo.

Ubisi lune “calcium” eninzi kakhulu, isimbiwa esinceda ukukhula kwamazinyo aphilileyo kwakunye namathambo.

Ukusetyenziswa kobisi ekutyeni nakwiziselo yinto ekukudala yenziwa kwiminyaka engamawaka-waka eyadlulayo.

Ubisi luyinto esetyenziswa phantse ngumntu wonke kubomi esibuphilayo, yaye kukho necandelo elipheleleyo leemveliso ezenziwa kwangalo.

Lukwasesona songo sibalulekileyo kukutya okwenziwe ngeemveliso eziphuma elubisini nezinje ngebhotolo, ucwambu, “ice cream”, nesonka samasi. Kumaxesha amaninzi, ubisi luba sisongo esisetyenziswa ekwenzeni okunye ukutya okunje ngesonka, amaqebengwana, ipapa yosana oluselula,izimuncu-muncu kunye nokunye okuninzi.

Ngaphezulu kwezigidi ezingama 800 zabantu abalala bengatyanga kwihlabathi liphela, kufuneka siqiniseke ukuba abantu bethu bayalufumana kangange glasi ubusi, imihla yonke. AP