香港科技大學學生會, 嶄越社四學生會
Content Functions 隊長的話 ExCos有話兒 Word Search Puzzle Photo Gallery
P.1-5 P.6-8 P.9-18 P.19-20 P.21
FUNCTIONS
1
FUNCTIONS 嶄別越情 我哋ExCos準備咗豐富嘅抽獎禮物同晚餐，一
齊慶祝Final Year嘅嶄越人畢業。我哋仲準備 咗回憶片段同Graduation Book去回顧佢哋 以往喺嶄越嘅點滴！希望所有畢業嘅 members前程似錦，就算前途係點都好，都 會記得有個叫嶄越嘅地方喺背後一直撐住大 家。嶄越隨時都歡迎你哋返嚟！
Joint House Sports Competition Session 2022-2023
經過多場激烈嘅比賽，嶄越再次喺Joint House Sports Competition創下佳 績。全靠各位運動員嘅努力同members 嘅支持，嶄越Sports Teams分別喺男子 籃球、羽毛球及足球獲得亞軍，以及喺女 子籃球及乒乓球獲得冠軍，成為全場總冠 軍。
Registration Day 又到最期待嘅Registration Day啦，可以見到
好多新面孔。我哋ExCos準備咗精簡而實用嘅片 段介紹科大同Hall IV，仲有全天候嘅Zoom Counter可以同我哋ExCos吹水。我哋除咗喺 網上傾計之外，仲有帶咁多位新生一齊行 Campus Tour，幫助新生喺嚟緊嘅新學年更容 易融入校園生活。最後就梗係向佢哋介紹咗嶄越 呢個充滿人情味嘅地方啦！嶄越大家庭歡迎你哋 啊！ 2
FUNCTIONS Orientation Day
今年因為疫情嘅關係，學校只係批准我哋 喺campus範圍搞ODay。不過唔緊要！ ODay都可以好精彩好好玩㗎！一班組爸 媽同freshmen喺Sports Hall入面玩遊戲 同跳campfire舞，由一開始靦靦腆腆去 到大家都開始放開自己。見到大家玩得咁 盡興，我哋都覺得好開心啊！
Joint House Hall Orientation Week Day 1
首先係精彩嘅Zone Performance 同刺激嘅嶄越國技，freshmen同組 爸媽已經熱好晒身準備好當晚嘅 Party Night。我哋仲邀請咗 Zpecial同Band Society為我哋表 演，將全日嘅氣氛昇華至巔峰！
Joint House Hall Orientation Week Day 2
正所謂夏天為大地帶嚟美腿！嶄越OCamp 又點可以冇Beach Day呢？！完咗Beach Day之後仲有Campfire等緊大家！大家圍 住個火跟住音樂盡情跳舞，揮灑汗水，真係 夠晒青春熱血啊！ 3
FUNCTIONS Joint House Hall Orientation Week Day 3
到咗OCamp嘅最後一日，朝早玩嘅賭分 game相信大家仍然歷歷在目！我哋好榮幸 邀請到非常強壯嘅力王、惹味hall雞同台灣 丐幫嚟出席我哋嘅OCamp。最後大家以午 餐作總結，為OCamp畫上完美句號。
Orientation Week
Orientation Week又點少得我哋 嘅靚靚Soc. Product呢！今年我哋 為咁多位members準備咗又靚又 實用嘅Soc. Tee、Soc. File、Soc. 紙、Tote Bag，仲有全新推出嘅減 壓骰，幫大家喺咁大壓力嘅讀書環 境中解下壓！
老四開幕
當晚嘅開幕儀式相當盡興，為老四士多增添 咗生氣。有零食又有board game，最緊要 仲有足球機！唔知大家想唔想一齊玩，一齊 喺老四老死呢？！
同是天涯嶄越人
開學冇幾耐，相信咁多位freshmen同組爸媽 都好掛住大家。大家趁住大Re-U聚首一堂， 一邊燒烤一邊懷緬OCamp嘅美好時光。唔知 大家又鍾唔鍾意我哋男莊員當晚嘅精心打扮 呢！ 4
FUNCTIONS 越伴小夜曲
今年Singing Contest真係人才濟濟，大家都 相當踴躍咁報名。當晚除咗有參賽者嘅精彩演 出，仲有一班firm爆嘅樓會成員為我哋帶嚟樓 會表演。我哋非常榮幸邀請到Band Society嘅 成員為我哋表演。成晚氣氛都好high，又rap 又熱舞，睇得出大家都好enjoy！最後要多謝 咁多位參賽者嘅落力演出，希望你哋嚟緊都可 以繼續炸爆個台！
Clair De Lune
越夜驚魂
今年鬼屋嘅主題係馬戲團，全靠一眾樓會成員 同ExCos嘅準備，成功吸引咗好多人嚟參觀我 哋嘅鬼屋。我哋着咗恐怖嘅服裝，仲為參加者 提供人體彩繪服務。聽到大家當晚嘅尖叫聲此 起彼落，相信大家都玩得好開心！
今年我哋有幸聯同六件院校嘅宿生會一齊舉辦 Christmas Ball。相信大家當晚都見到唔少靚仔 靚女，唔知大家同你哋嘅partner仲有冇聯絡 呢？另外我哋仲邀請咗Yack Studio同Zpecial 為大家表演，將全場氣氛炒至最高。相信大家都 喺Christmas Ball度過咗一個難忘嘅晚上！ 嶄饈佳餚 今年嘅Spring Dinner趁住防疫措施放寬返啲， 學校嘅BBQ場重開，喺campus入面同 members一齊BBQ！大家喺科大獨有嘅海景隔 離一齊圍住個火，有講有笑咁燒嘢食，真係好開 心㗎！當晚仲有nom莊為大家表演，載歌載舞， 相信咁多位members都好enjoy！ 5
隊長的話 6
混排隊隊長 阿俊 大家好！又係我ChunB啊！今年混排隊
長啊！雖然上年因為少少波幅，排球嘅 JHSC冇咗。不過唔緊要！今年！我哋會 拎返屬於我哋嘅冠軍！
乒乓球隊隊長 Solomon 好開心上年可以同嶄越打JHSC，希望今年 可以再攞獎，繼續努力！嶄越加油！
男籃隊隊長 嘉立
非常榮幸又一年成為嶄越籃球隊隊 長，好開心可以同一班咁有能力嘅球 員一齊披荊斬棘。喺Vista我認識到好 多朋友which is我喺UST最大嘅得 著。四年時間匆匆，祝願日後嶄越喺 各領域屢創佳績，繼續烽火四起！
7
女籃隊隊長 4Y 好感恩呢兩年可以代表嶄越去打比賽，
同一班有熱誠嘅球員一齊為一個目標去 努力。受到肺炎影響，更加覺得幸運依 然可以有機會同其他hall比賽。好多謝一 班ExCos為女籃隊嘅付出，除咗book 場、搵球員、為我哋打氣之外，有時唔 夠人仲要落場打埋一份。衷心多謝咁多 位嶄越人嘅支持，希望今年嘅表現冇令 大家失望啦！願未來有更多新血加入嶄 越女籃嘅大家庭，繼續打多啲好波俾大 家睇。Let’s Go Vista！
羽毛球隊隊長 阿黃 以前隊長的話羽毛球隊淨係得「冠軍」兩隻字，可惜
之前喺JHSC都爭少少，攞唔到冠軍。呢年多咗好多人 加入，今年比之前準備得更多、更強。相信今年JHSC 一定可以奪冠，嚟緊隊長的話就會係「冠軍」！
足球隊隊長 馬超 經歷咗三年嘅疫情，今年終於回
復正常，各球員可以如常參加 sports gathering，準備嚟緊嘅 JHSC，吸取咗過去兩年落敗嘅 經驗，加上新舊球員嘅磨合，大 家嘅默契同技術都有所提升，希 望今年能夠重整旗鼓，將足球冠 軍攞返老四，嶄越加油！
8
ExCos有話兒
9
ExCos有話兒 President 膠袋 一年眨下眼就過咗去，呢一年莊期帶俾我嘅唔單 止係知識、經驗，更多嘅係俾咗我新嘅體驗同埋 友情。由一開始大家三唔識七，到認識嶄越嘅咁 多位，到而家上莊，換嚟嘅係一段段終生難忘嘅 經歷，同埋新嘅freshmen同members。好多 freshmen可能唔知點解我哋要上莊，但係喺嶄 越呢兩年令我明白到嶄越呢個地方有好多獨特嘅 文化、氣氛，令我學識要回報呢個地方，將嶄越 文化繼續傳承落去。希望新嘅一年下莊都可以繼 續努力，帶嶄越重上巔峰！
Internal Vice-President 陪嘔 唔知嶄越呢個地方帶俾大家係啲咩呢？對於我嚟講係好
多獨有嘅體驗、回憶同一班捱過嘅戰友。上莊會令人好 痛苦亦會好幸福，嗰種幸福就睇你give幾多就take返幾 多。特別多謝我嘅莊員，多謝嶄越所有members、組 爸媽喺我莊期入面出現過、支持過、包容過、開心過。 另外真係多謝上莊們，多謝每一份幫助、意見、鼓勵、 支持。希望你哋所有人可以享受嶄越呢個地方，享受每 一個function，享受喺嶄越嘅回憶，享受嶄越嗰份情懷 精神，享受呢一個家。同埋新莊們你哋嚟緊要加油，享 受你哋獨有嘅莊期，珍惜呢一年。如果做到覺得辛苦想 放棄，停一停諗返你哋上莊嘅初衷同嶄越呢個地方！睇 好你哋，大家記得支持新莊啊！
10
ExCos有話兒
External Vice-President 機少
話咁快又過咗一年啦！仲記得上年Pro P晚晚 通宵同莊員一齊努力真係好青春，好彩最後 一切都順順利利。話咁快我哋嘅莊期就得返 幾個月，希望各位members可以繼續享受我 哋嘅活動同埋支持下莊既Pro P，亦都希望嶄 越可以喺下莊嘅帶領下再續輝芒。嶄越永遠 最強！
Financial Secretary o7
其實一年嘅莊期好快就過咗，雖然一開始 因為疫情冇咗一個實體Pro P嘅機會，但係 好慶幸可以搞到一個實體OCamp，認識到 一班好正又好warm嘅freshmen，將佢哋 帶咗入嶄越呢個大家庭。希望我哋有俾到 一個好難忘嘅fall sem大家啦！喺呢一年 莊期入面，我學到嘅唔單止係莊務，更加 係同人嘅相處之道。最重要係有一班齊上 齊落嘅莊員同我一齊拼搏。嚟緊都就快到 新莊Pro P啦，都祝願佢哋可以帶領嶄越再 創巔峰！為嶄越帶來更多心血同美好嘅回 憶啦。 11
ExCos有話兒 General Secretary 小玉 唔經唔覺莊期就已經過咗大半，好記得當初 Pro P嘅時候同好多莊員都唔係太熟，去到而 家同大家都熟咗好多。喺呢一年入面，我收穫 到嘅唔止係友情，仲有自身嘅改善同進步。呢 一年嘅莊期入面我學到好多嘢，明白到原來一 手一腳搞一個活動出嚟真係唔簡單。不過好彩 有一班莊員互相扶持同鼓勵，我哋嘅活動先可 以順利舉行。呢班莊員真係好好、好fun、好 有愛，好慶幸可以同你哋一齊上莊。雖然因為 某啲原因少咗機會喺hall度同freshmen相 處，但係我都好開心可以識到你哋，希望你哋 喺嶄越可以玩得開心同埋之後可以再熟啲！喺 嶄越嘅呢段時間將我平凡無趣嘅大學生活變得 多姿多彩，喺我嘅青春入面寫下色彩繽紛嘅一 頁，絕對會成為我人生中嘅寶貴回憶。
General Affairs Secretary 凱婷
話咁快就已經嚟到2023年，莊期都已經過咗 一大半，由一開始戰戰兢兢咁搞個Farewell Dinner，去到上次嘅Christmas Ball，覺 得自己各方面嘅能力都進步咗好多！同莊員 嘅關係都越嚟越close！好感激可以同呢14 個人一齊上莊～冇咗佢哋真係會捱唔住！同 埋各位組爸媽同members，冇你哋今年都 唔會有咁多咁firm嘅freshmen，多謝大家 今年對我哋嘅支持，冇你哋我哋啲活動都唔 會搞得咁順利！嶄越加油！ 12
ExCos有話兒 General Affairs Secretary kam仔
話咁快又過咗一年，莊期都差唔多結束。好多人 都會問點解要上莊，覺得浪費時間同辛苦。 但係 經過呢個莊期，我覺得我學到好多嘢，每搞完一 個活動，自己各方面都會有進步。好多謝我嘅一 班莊員一齊捱過每一個活動，每次一諗到完咗一 個活動之後一齊玩一齊笑，就會有動力繼續去準 備下一個function，希望喺未來有更多機會可以 一齊聚下。同埋都好多謝members同freshmen 支持我哋嘅活動，希望大家以後繼續支持嶄越， 令嶄越變得更好。
Hall Affaris Secretary 蛙哥
唔經唔覺已經上咗莊咁耐啦，諗返起自己 freshman到而家嘅經歷，當中嘅歡笑同淚水都令 我都難以忘懷，而我覺得我入大學之後做過最正確 嘅選擇，就係上嶄越莊。 由Pro P到正式上莊之後嘅每個function，我喺入 面學到真係學到好多嘢，整dec、拍片度橋同籌備 活動等等，更重要嘅係學識同人打交道同分配時 間。成年咁漫長，好在有班咁supportive嘅莊員， 可以陪我捱落去，繼續搏殺。 喺呢一年莊期入面嘅辛酸同歡樂，到而家都歷歷在 目，種種歷練亦令我從中成長。希望大家喺過去嘅 幾個月都玩得開心啦！最後循例講返句 嶄越！永遠 最強！ 13
ExCos有話兒
Marketing Secretary 149
哇！原來咁快大家嘅莊期都已經過咗一 半！好開心今年疫情好返啲可以搞到大部 份嘅活動俾大家一齊玩。最深刻、最大成 功感嘅一定係OCamp，最大嘅得着一定 係學識咗關關難過關關過呢個道理。雖然 林林總總咁多活動入面有好多不足之處， 都好多謝大家都繼續嚟參加我哋嘅活動， 希望我哋呢啲活動都有為大家沉悶嘅大學 生活帶嚟少少樂趣 ^-^
Marketing Secretary cola
一年就咁就過啦，估唔到眨下眼就唔係嶄 越嘅ExCo。但即使係短短嘅一年，我都 有好多美好嘅回憶，例如搞OCamp、鬼 屋、喺hall同freshmen玩等等。當然仲 有同莊員相處嘅時刻，我都同唔少莊員嘅 關係更加熟落。而另外嘅大得着就係識得 一班好fit嘅freshmen，同佢哋一齊玩真 係好開心，好似自己都變返freshman 咁！希望下莊可以令嶄越成為一個更加好 嘅地方！ 14
ExCos有話兒
Promotion Secretary 皮皮
一開頭成日喺度諗究竟幾時落莊，覺得個 莊期好長，估唔到眨下眼，話咁快就落莊 啦。每個大大小小嘅function都係一段段 好珍貴嘅回憶。好開心認識到一班咁正嘅 freshmen，睇住你哋日日都咁精力充 沛，突然間就覺得自己老啦....呢一年莊期 入面，好慶幸自己有呢一班莊員，一齊玩 一齊捱，雖然有時候好辛苦，但係有啲人 同事，無論開心定唔開心，都係我會好好 咁記喺心入面嘅，記一世嘅。
Promotion Secretary west
一年真係眨下眼就過，好似明明冇幾耐前先上莊 但突然間就要落莊，雖然處理莊務會花好多時 間，但一睇到成果同各位members玩得開心就 覺得一切都係值得嘅！都希望可以俾到 freshmen一段難忘嘅回憶，好開心好感恩識到 你哋！今年對我嚟講無論係待人處事同提升自己 方面都學到好多嘢，真係好多謝各位members 同莊員一直嘅支持，最後新莊要加油啊！要努力 令嶄越變得更好更強大，期待你哋之後嘅表現！ 15
ExCos有話兒
Sports Secretary 飛鷹
《暫終站》
彎曲山 向山峰攀 每天洗莊衫 Pro P每一晚 與每一餐 天天都AGM 終於當選ExCo Farewell Din 與 Spring Din 做MC的挑戰 音箱 音箱 開始時竟冇電 Seafront LG1 Book場俾Sports Team練 練多 幾遍 (Sports Gat） 幾多功課仿似深淵 幾多莊務使我心酸 有多久冇返過屋邨 到Joint House Sports打敗冰川 便一伙共舞 活動 盡做 到Sports Sec獨舞 佢做 我做 每一位FM 一位Sports Man 賜我力量 用力做 ODay和OCamp盡力做 Campfire Beach Day落力做 (MC) OWeek時病住亦要做 (陰性) 大Re-U Unofficial亦要做 繼續訴 搏命做 要做到 16
ExCos有話兒
大家的Wong Show 到Sing Con我又跳舞 (King Kong) 練夠七日誰勤勞 (老四) 來扮作Vista Anson盧 (Uh-Oh) 鬼屋當日 馬上到 連環帶路 連環帶路 而聖誕交錢來patrol 如何能逃 如何能逃 才回望上莊之前自己 方知 我要折返一年前 想貢獻時 使你合時 Prove Vein IS The Almighty 不感苦悶 細意探視 在這嶄越 用力唱 球員在Sports Gat合力上 Freshmen在Sing Con落力唱 (咪嘴) Sports Sec在League中 盡力上 (戥腳) 唱到那快將落莊 尚在唱 繼續上 頂硬上 有讚賞 才知 這叫 嶄越強
17
ExCos有話兒
Sports Secretary 9mo
一年莊期嘅結束，代表住下莊莊期嘅開始。 喺呢一年我經歷咗唔少嘅事，從中亦都成長 咗好多，我好肯定如果冇上呢一年嘅莊，都 唔會得到咁多寶貴嘅經驗。希望下莊可以承 前人奠定嘅基礎，為嶄越創下更多里程碑。
Welfare Secretary kuku
時光飛逝，話咁快就嚟到fall sem嘅尾聲啦， 呢個sem期間經歷咗都幾多個functions，例如 鬼屋、大Re-U 同OCamp，由上年作為 freshman去參加去到今年作為搞手咁去體驗， 其實都好感觸，比起上年學到更加多嘢。今年 學校慢慢放寬咗好多，有返實體嘅Reg Day， 雖然仲係唔可以參觀hall但係終於可以面對面 去reg freshmen參加OCamp啦！而今次Reg Day其實係我獲得最大得着嘅，平時唔太鍾意 social嘅我，因為ExCo嘅身份要係咁同好多陌 生人交流，一開始都好唔習慣但係去到後尾發 現原來reg人係一件好有成功感嘅事嚟，所以上 莊真係令我踏出咗自己嘅舒適圈，經歷咗好多 我冇諗過會出現嘅回憶。 18
Word Search Puzzle 唔知大家喺入面搵到幾多個同嶄越有關嘅字呢？ 提示：總共有4個㗎！
19
Word Search Puzzle
正確答案:
20
21