10
MANNLÍF Á SUÐURNESJUM
fimmtudagur 28. nóvember 2019 // 45. tbl. // 40. árg.
HVATNINGIN
Ertu svona upptekin(n)? „Ég hef bara engan tíma fyrir ræktina!“
Þetta er ein algengasta afsökun sem er á afsökunarlistanum hjá þeim sem hafa ekki tíma fyrir heilsuna og eru þær ansi margar sem fólk notar til þess að réttlæta það fyrir sér að geta ekki æft. Það er svo auðvelt að finna tíma. Til dæmis með því að vakna fyrr á morgnana ertu strax búin(n) að græða tíma sem þú ættir að geta nýtt í ræktina. En þá ertu líklega með aðra afsökun um að þú getir bara ekki æft svona snemma. Annar vinkill á þetta er að skrá niður hvað þú ert að eyða miklum tíma í sumar athafnir. Skráðu niður tímann sem fer í sjónvarpsáhorf og facebook notkunina! Ég efast ekki um að þú getir skorið niður tímann af þessu hvoru tveggja og náð 30 mínútum eða jafnvel klukkutíma sem þú getur nýtt í ræktina og trúðu mér þú missir ekki af neinu þótt þú sleppir einni klst frá þessum tímaþjófum. Settu þig í fyrsta sæti og ekki missa tökin á heilsunni. Og eitt að lokum þar sem það styttist nú í jólin; Skíttmeða hvað þú borðar á milli jóla og nýárs! Það skiptir máli hvað þú borðar á milli nýárs og jóla!
Njótum, æfum og hreyfum okkur! Bestu kveðjur, Gunnar Einarsson, Einkaþjálfari, Sporthúsið Reykjanesbæ. Styrktarþjálfari A landslið karla hjá KKÍ - Körfuknattleikssambandi Íslands.
AFLAFRÉTTIR Á SUÐURNESJUM
Fjölmenni á fjörugum föstudegi í Grindavík Það var líf og fjör í Grindavík síðasta föstudag þegar haldinn var fjörugur föstudagur við Hafnargötuna í Grindavík. Þar er fjöldi fyrirtækja og þjónustuaðila sem gerðu bæjarbúum og gestum glaðan dag. Þetta er í áttunda sinn sem haldinn er Fjörugur föstudagur í Grindavík. Eins og mörg undanfarin ár bauð Þorbjörn hf. upp á fisk og franskar en í tilefni dagsins komu til landsins færustu Fish’n’chips-kokkarnir frá Fishnchickn og Churchill’s í London en þessir veitingastaðir eru stærstu kaupendur á þorskflökum frá Þorbirni þegar kemur að þessum þjóðarrétti Breta. Kvikan iðaði einnig af mannlífi. Þar var skemmtilegur jólamarkaður og
Páls saga Jónssonar GK Eitthvað fór lítið fyrir pistlinum í síðasta blaði Víkurfrétta þótt að ég hafi setið við skriftir fyrir um viku síðan. Það voru þó nokkrir sem höfðu samband og spurðu út í hvar hann væri. Pistillinn fór reyndar ekki í blaðið heldur fór inn á vefinn vf.is.
AFLA
FRÉTTIR
Tíminn líður og það styttist óðfluga til mánaðamóta og þar af leiðandi líður að því að síðasti mánuðurinn á þessu herrans ári 2019 líti dagsins ljós. Þetta þýðir líka að þá loksins fara bátarnir, sem hafa verið fyrir norðan og austan land, að koma suður og þá helst til Grindavíkur. Stóru línubátarnir þaðan hafa allir verið að veiðum fyrir austan og norðan land og hafa ekkert verið að landa í Grindavík í haust nema að nokkrum túrum undanskildum. Nóvember er reyndar búinn að vera mjög góður aflamánuður hjá línubátunum og hafa Grindavíkurbátarnir allir komið með fullfermi í land. Sighvatur GK hefur mest komið með 139 tonn. Páll Jónsson GK 111 tonn, Hrafn GK 112 tonn, Fjölnir GK 132 tonn, Jóhanna Gísladóttir GK 120 tonn, Sturla GK 122 tonn, Kristín GK 106 tonn og Valdimar GK 86 tonn. Talandi um Pál Jónsson GK, þá líður nú að því að núverandi Páll Jónsson GK hætti í útgerð því að glænýr Páll Jónsson GK, sem hefur verið í smíðum í Póllandi, er svo til að verða klár og búist við að hann komi til landsins snemma á næsta ári. Nýi báturinn er 42,36 metrar á lengd eða tveimur metrum lengri en núverandi Páll Jónsson GK og mælist 964 brúttótonn á meðan sá gamli mælist 402 brúttótonn. Munar þarna miklu um að nýi Páll Jónsson GK er breiðari en sá gamli og að auki er nýi báturinn hærri. Gamli Páll Jónsson GK var smíðaður í Þýskalandi árið 1967 og hét fyrst Örfirisey RE. Undir því nafni var báturinn mjög atkvæðamikill á loðnuveiðum og náði því að verða aflahæstur nokkrar loðnuvertíðir undir þessu nafni, Örfirisey RE.
Gísli Reynisson gisli@aflafrettir.is
Báturinn var seldur árið 1972 til Akraness og fékk þar nafnið Rauðsey AK og með því nafni var báturinn alveg til ársins 1993 eða í 21 ár. Undir nafninu Rauðsey AK stundaði báturinn mjög mikið loðnuveiðar og var bátnum þá breytt í þá veru sem hann er í dag. Það er að segja að hann var lengdur, byggt yfir hann og ný brú sett á bátinn sem var mun hærri en sú gamla. Báturinn var í Húsavík frá 1993 til 1996 og hét þar Björg Jónsdóttir ÞH. Hann var Arnþór EA frá 1996 til 1999 þegar að hann var seldur til Djúpavogs og fékk þar nafnið Goðatindur SU 57. Hann var með því nafni í tvö ár þangað til Vísir ehf keypti bátinn árið 2001 og fékk þá nafnið Páll Jónsson GK. Báturinn reri ekkert árið 2001 því þá var endalega verið að breyta honum í línubát en fram að þeim tíma hafði báturinn verið með búnað um borð til þess að stunda nótaveiðar, bæði á síld og loðnu. Þess má geta að fullfermi var hjá bátnum, þegar hann stundaði loðnuveiðar eftir breytingar og þegar hann hét Rauðsey AK, var um 620 tonn. Tonnin sem Páll Jónsson GK hefur landað í gegnum þessi 52 ár eru orðin mjög mörg. Ekki hef ég tekið það saman hvað það er mikið enda er nokkuð verkefni að reikna það út. Örlög bátsins verða líklegast þau sömu og örlög annarra báta sem hafa lokið hlutverki sínu hér við land, að fara í síðustu siglingu sína yfir hafið í brotajárn erlendis.
Sigríður Etna kynnti þar nýjustu bók sína, Etna og Enok hitta jólasveinana. Við innganginn voru svo ristaðar möndlur í boði Sjómanna- og vélstjórafélags Grindavíkur.
Á trésmíðaverkstæði Grindarinnar gat unga fólkið tekið þátt í að útbúa jólaskraut eins og undanfarin ár og í verslunum og fyrirtækjum voru tilboð í tilefni dagsins. Ljósmyndari Víkurfrétta smellti af nokkrum myndum í fjörinu í Grindavík.