VÍKURFRÉTTIR Á SUÐURNESJUM Í 40 ÁR // 25
Falur og stelpurnar við Dynjanda á Vestfjörðum.
– Hvernig slakarðu á? Fer í heitu pottana í lauginni eftir góðan sundsprett en ég reyni að synda á hverjum degi enda hollt og gott fyrir íþróttaslitin hné. – Hvaða matur er í uppáhaldi hjá þér? Góð nautasteik með öllu. – Hvaða tónlist fær þig til að sperra eyrun þessa dagana? Ég er nokkurn veginn alæta á tónlist en ég hef mjög gaman af íslenskri tónlist og gaman að hlusta og sjá hversu öflugt tónlistarfólk okkar er. – Horfirðu mikið á sjónvarp og hvernig? Ég horfi nokkuð mikið á íþróttir en hef samt ekki haft gaman af þeim í Covid-ástandi með enga áhorfendur nema kannski golfið. Annars dett ég í eina og eina seríu annaðhvort á streymisveitu eða sjónvarpsstöð. – Hverju missirðu helst ekki af í sjónvarpinu? Ég kolféll fyrir Yellowstone í sjónvarpi Símans og bíð spenntur eftir fjórðu seríu og þátturinn Með okkar augum er kannski það helsta sem ég missi ekki af enda algjörlega frábær.
Lovísa, elsta dóttir Fals og Margrétar, giftist Gunnari Þorsteinssyni 22. júlí, á einum af besta degi sumarsins. Það var svo heitt að Flóki litli sonur þeirra var með vatnsbrúsa í athöfninni.
– Besta kvikmyndin? Ég get alltaf horft aftur og aftur á Shawshank Redemption og finnst hún alltaf jafn góð. Annars hef ég mest gaman af góðum grínmyndum. – Skipulagðir þú sumarfríið fyrirfram eða var það látið ráðast af veðri? Fríið í Aðalvík var skipulagt en við eltum veðrið til að spila golf.
– Áttu þér uppáhaldsstað til að sækja heim innanlands? Það eru mjög margir fallegir staðir og gaman að heimsækja en Aðalvíkin á Hornströndum er einstök.
– Hvaða staður fannst þér áhugaverðast að heimsækja í sumar? Aðalvíkin er óviðjafnanleg og alltaf yndislegt að koma þangað, lítið breyst frá því ég kom þar fyrst þegar ég var fjöára enda friðað land. Móðuramma mín var fædd og uppalin í Aðalvík og er húsið sem hún ólst upp í í góðu standi og í eigu fjölskyldunnar.
– Ætlar þú að ferðast eitthvað meira innanlands á næstunni? Ekki ólíklegt að ég spili golf einhvers staðar á vestur- og suðurlandi og líklegt að ég fari til Eyja til að spila golf.
– Hvað kom skemmtilega á óvart í sumar? Við áttum alveg frábæra daga þegar við keyrðum um sunnanverða vestfirði á leiðinni heim úr Aðalvík. Stoppuðum nánast alls staðar eins og t.d. Suðureyri, Flateyri, Þingeyri, Menningarsetrinu á Hrafnseyri, við Dynjanda og á Rauðasandi.
Magga og Elfa í kvöldsólinni.
– Hvert er þitt helsta áhugamál? Golf, körfubolti og allt sem börnin mín eru að gera. – Ertu að sinna áhugamálum eins og þú vildir? Já, svo sannarlega. Ég og Magga erum búin að vera mjög dugleg ásamt vinafólki á golfvöllum í sumar. Varðandi körfuboltann, þá þjálfaði ég Fjölni í Grafarvogi síðastliðin þrjú ár en ætla að taka mér smá pásu frá þjálfun.
– Hver er uppáhaldsbókin þín og/ eða -rithöfundur? A Lifetime of Observations and Reflections on and off the court eftir John Wodden. Bækur eftir John Wodden, fyrrum körfuboltaþjálfara UCLA-háskólans, hafa lengi verið í miklu uppáhaldi hjá mér. Annars hef ég mjög gaman af ævisögum en þar er Shoe Dog eftir Phil Knight í miklu uppáhaldi. – Hvað fer mest í taugarnar á þér í fari þínu? Hvað ég er leiðinlegur einn með sjálfum mér! – Hvað fer mest í taugarnar á þér í fari annarra? Undirferli og óheiðarleiki. – Uppáhaldsmálsháttur eða -tilvitnun: Iss, þetta er ekki neitt! – Orð eða frasi sem þú notar of mikið: Byrja alltof margar setningar á að segja: „Heyrðu ... “! – Ef þú gætir farið til baka í tíma, hvert færirðu? Til háskólaáranna í Charleston í Suður-Karólínu 1991–1994. – Hver væri titillinn á ævisögu þinni? „Gefðu boltann“. – Hvernig hefur þú verið að upplifa árið 2020 hingað til? 2020 á klárlega eftir að vera fyrirferðamikið í sögubókum framtíðarinnar. Þetta er búið að vera eftirminnilegt tímabil sem við munum klárlega komast í gegnum. – Hver er tilfinning þín fyrir haustinu og komandi vetri? Bara góð. Þetta eru krefjandi tímar sem ber að tækla af skynsemi. Ég held að það sé hollt að einbeita sér að því sem maður hefur stjórn á sjálfur og huga vel að því að rækta sjálfan sig.
Falur og Alli eru búnir að spila smá golf í sumar.