20
VÍKURFRÉTTIR
Fimmtudagurinn 12. maí 2011
vf.is
starfið mitt
››
›› Listdansskóli Reykjanesbæjar heimsótti Lundúnaborg á dögunum:
Irmý Ósk Róbertsdóttir hefur unnið við innritun farþega Iceland Express í Leifsstöð. Hún varð leið á að vinka öllum farþegunum bless og fór því í flugfreyjunám og mun í sumar fljúga sem flugfreyja hjá Iceland Express. Hún segir skemmtilegt að starfa við flugið:
Dansað alla daga
Var orðin leið á að vinka bless
I
rmý Ósk Róbertsdóttir hefur starfað hjá Airport Associates síðan síðasta sumar en hefur verið að læra flugfreyjuna. „Airport Associates er þjónustuaðili við flug Iceland Express eins og er en verið er að stofna nýtt fyrirtæki innan Iceland Express sem heitir Iceland Express Handling og mun sjá um alla farþegaþjónustu þeirra. Ég flýg svo fyrsta flugið líklegast um miðjan júní hjá Iceland Express sem flugfreyja,“ sagði Irmý Ósk, spennt fyrir flugfreyju starfinu. „Starfið sem ég er í núna er eitt það skemmtilegasta og fjölbreyttasta sem ég hef unnið við. Enginn dagur er eins. Sama hvort allt gangi upp eins og í sögu eða einhver vandamál komi upp er bara stuð í vinnunni. Í starfi sem þessu þýðir ekkert annað en að vera jákvæður, láta hlutina ganga upp og tækla vandamálin séu þau einhver.“ Irmý segir samstarfsfólkið skipta miklu máli og það geri góðan dag enn betri. „En í raun er það allt ferlið í kringum flugin sem er svo skemmtilegt, sem og allir farþegarnir. Fólk er jafn ólíkt og það er margt og það er það
skemmtilega við starfið. Maður getur átt von á hverju sem er.“
Irmý segist ekki hafa innritað neina fræga erlenda manneskju en oft hefur hún þó innritað forsetafrúnna, Dorrit Moussaieff. Einnig hefur hún afgreitt tónlistarfólk, leikara og viðskiptamenn sem fólk kannast við. „Í raun hefur maður engan tíma til að vera velta fyrir sér hvot einstaklingurinn sé frægur eða ekki. Innritunin þarf að ganga svo hratt fyrir sig. En auðvitað er ekkert leiðinlegt að innrita eða sjá frægt fólk í flugstöðinni.“ En mun þetta starf hjálpa þér eitthvað við að komast í flugfreyjuna? „Já, ég held það. Þekkingin sem ég hef öðlast í vinnunni hjálpaði mér til dæmis mikið þegar ég sat fimm vikna flugfreyjunámskeið hjá Iceland Express núna um daginn. Að þekkja flugferlið, allan þann undirbúning sem liggur á bakvið hvert flug og öryggisatriðin hjálpaði mér mikið.“ Hvað er svona heillandi við flugfreyjustarfið? „Aðal ástæðan fyrir því að ég sótti um flugfreyjuna er sú að ég hef
reynslu af allri afgreiðslu flugvéla og farþega. Það má segja að ég sé orðin pínu leið á að loka vélunum alltaf og vinka bless. Nú vil ég breyta til og fá að fara með. Lenda kannski í nokkrum ævintýrum, ferðast og hafa gaman. Svo á ég nokkrar vinkonur sem starfa sem flugfreyjur og líkar þeim vel. Mér finnst æðislegt að vinna í afgreiðslunni eða innritun farþega því þar er nóg að gera, það vantar ekki, en fyrst mér bauðst þetta tækifæri var ég ekki lengi að stökkva á það.“ Irmý segir kostina við að starfa hjá Iceland Express vera mjög marga en aðal kosturinn sé hvað fyrirtækið sé ungt og skemmtilegt. „Andinn hérna er léttur og það finnst mér mest heillandi. Iceland Express er opið fyrir nýjungum og ræðst ekki á garðinn þar sem hann er lægstur. Allt sem fyrirtækið tekur sér fyrir hendur virðist ganga upp sama hversu umfangsmikið það er. Sem dæmi má nefna að félagið byrjaði að fljúga síðasta sumar til Bandaríkjanna og núna er verið að setja á fót nýtt fyrirtæki, Iceland Express Handling, svo það ætti að segja sitt,“ sagði Irmý Ósk að lokum, bjartsýn á framtíðina.
Tíu stúlkur úr framhaldshóp 16 - 20 ára hjá Bryn Ballett Akademíunni í Reykjanesbæ fóru á dögunm í átta daga dansæfingaferð til Lundúnaborgar. Bryndís Einarsdóttir eigandi og skólastýra Bryn Ballet deildi með okkur ferðasögu hópsins. Hún segir ferðina hafa verið í undirbúningi síðastliðna mánuði. „Stelpurnar héldu dansmarathon og söfnuðu áheitum, héldu styrktardanssýningu, seldu blóm fyrir konudaginn, seldu lakkrís, bökuðu og seldu kökur, seldu páskaegg og fleira.“ Bryndís sem bjó sjálf í Lundúnum í næstum fimm ár og Daniel Coaten unnusti hennar, sem er frá Bretlandi voru fararstjórar á eigin vegum sér til mikillar gleði og kátínu. „Eiginlega allir nemendurnir höfðu aldrei komið til Lundúna, né farið í neðanjarðarlest eða rauðan strætó, sem þeim þótti gífurlega spennandi. Fannst öllum mjög gaman að upplifa þessa ferð og var mikið hlegið á hverjum degi. Við héldum til í mjög stóru húsi sem við leigðum, yfir 100 ára gamalt
hús frá Viktoríutímabilinu á þremur hæðum. Konan sem á það, er mikill listamaður og ljósmyndari, þetta var svona ævintýrahús, mjög bóhem ,“ segir Bryndís. Farið var í heimsókn í tvo dansskóla, Pineapple Dance Studios og Danceworks, þar sem að stúlkurnar dönsuðu af krafti alla daga. Þar var farið í klassískan ballett, jazz, street dans, egypskan dans og svo mætti lengi telja. Endalaust var horft á danstíma enda mikið um að vera í þessum dansstúdíóum, stundum 7 dansalir með opna danskennslutíma í einu á háannatíma. Ásamt því að dansa af lífi og sál var farið líka á danssýningar og söfn. Sumir prófuðu kínverskan mat og sushi í fyrsta sinn, sem er mikið góðgæti að sögn Bryndísar en hún hefur starfað sem danskennari í Japan og líkaði vel.
Hópurinn búinn að elda pasta heima hjá sér.