Áhugamálið
YFIRFLOKKSTJÓRI Í VINNUSKÓLA Starf yfirflokkstjóra er m.a. að skipuleggja og hafa yfirumsjón með daglegum rekstri vinnuskólans, samræmingu á störfum flokkstjóra og stjórnun á hinum ýmsu verkefnum hans. Yfirflokkstjóri verður að hafa bílpróf, gert er ráð fyrir að viðkomandi hefji störf um miðjan maí. Lágmarksaldur umsækjenda er 23 ár Ekki er gert ráð fyrir frítöku á vinnutímabilinu.
FLOKKSTJÓRAR Í VINNUSKÓLA Flokkstjórar stjórna daglegu starfi vinnuflokka skólans og stuðla að reglusemi , ástundun og góðri umgengni starfsmanna. Flokkstjórar vinna með unglingunum og sýna þeim hvernig staðið skuli að verki og leiðbeina um notkun á áhöldum og tækjum Viðkomandi þurfa að geta hafið störf 30 maí Lágmarks aldur umsækjenda er 19 ár. VINNUSKÓLI REYKJANSBÆJAR ER TÓBAKSLAUS VINNUSTAÐUR Umsóknarfrestur er til 1 maí og umsóknir er að finna á vef Reykjanesbæjar.
LEIKSKÓLINN VESTURBERG Leikskólinn Vesturberg óskar eftir leikskólakennara í starf deildarstjóra í afleysingar í eitt ár. Gert er ráð fyrir að viðkomandi hefji störf í maí næstkomandi. Umsóknum skal skilað til starfsmannaþjónustu fyrir 24. mars n.k., Tjarnargötu 12, eða á mittreykjanes.is Nánari upplýsingar veitir leikskólastjóri í síma 420-3115 eða á brynja.adalbergsdottir@reykjanesbaer.is vesturberg.is/
GRAFÍKSÝNINGIN ÞRYKKT
Safnar fótboltatreyjum og golfskóm - Vantar Torres treyju í safnið
„Ég veit eiginlega ekki af hverju ég byrjaði að safna treyjum og skóm enda komin nokkuð mörg ár síðan þetta byrjaði,“ sagði Guðmundur Rúnar í samtali við Víkurfréttir. Afrekskylfingurinn, Guðmundur Rúnar Hallgrímsson, hefur safnað golfskóm frá árinu 2001 og er enn lengra síðan hann byrjaði að safna fótboltatreyjum. Rúnar, eins og hann er oftast kallaður, á 18 pör af golfskóm og eitthvað í kringum 120 fótboltatreyjur en engin þeirra er eins. „Ég á eina Manchester United treyju með Eric Cantona á bakinu þar sem kraginn er fastur uppi eins og lög gera ráð fyrir og er sú treyja í miklu uppáhaldi,“ sagði Rúnar. Elsta treyjan í safninu er ansi gömul treyja en hún er frá AcMilan með Marco Van Basten á bakinu. Flestar treyjurnar hefur Rúnar keypt hægt og rólega og fær vini og ættingja til að kaupa eina til tvær treyjur þegar þeir fara erlendis. Margar treyjurnar eru merktar einhverjum góðkunnum leikmönnum. „Ég á Real Madrid treyju með Zinedine Zidane og Luís Figo. Ég hugsa að þeir séu þeir bestu sem eru merktir á treyju. En sá versti er án efa Salif Diao aftan á einni Liverpool treyjunni.“ En hvað gerir Rúnar við allar þessar treyjur? „Ég nota sumar af treyjunum, alla vega þær sem ég kemst
ennþá í. Annars hanga einhverjar í skúrnum og restin liggur bara í kassa.“ Rúnar sagðist samt ekki huga að því að hafa sýningu á öllu safninu. Rúnar er alltaf með augun á nýjum treyjum og finnst ekki vera nóg komið. „Mig langar í Liverpool treyju með Torres á bakinu. Ef einhver er að spá í að fara með eitt stykki þannig treyju í Kölku, þá vinsamlegast komið henni frekar til mín,“ sagði Rúnar, harður Manchester United aðdáandi. „Eins hef ég reynt í smá tíma að fá Reynistreyju sem hefur gengið erfiðlega og vil ég þakka Davíð frænda fyrir það. Svo hefur mig alltaf langað í Liverpool treyju með Candy á framhliðinni.“ Rúnari finnst heldur ekkert leiðinlegt að versla sér golfskó og konan segir hann verri en hana þegar kemur að skóm enda á hann 18 pör. „Ég nota öll pörin ennþá og eru þau öll í góðu standi.“ Rúnar sagði eina geggjaða Ecco skó, Fast, vera í miklu uppáhaldi af því að þeir væru skuggalega þægilegir. „Elstu skórnir í safninu eru sennilega frá Nike en þá keypti ég árið 2001 minnir mig. En nýjustu pörin eru frá Footjoy og einir Ecco skór sem ég fekk gefins á Facebook,“ sagði Rúnar sem stefnir á að bæta við safnið einu til tveimur pörum í vor. siggi@vf.is
Ný sýning í Listasafni Reykjanesbæjar Grafíksýningin ÞRYKKT er samsýning 16 íslenskra grafíklistamanna í Listasal ásamt sögulegu yfirliti íslenskrar grafíkur í Bíósal. Sýningin er unnin í samstarfi við félagið Íslensk grafík og sýningarstjóri er Aðalsteinn Ingólfsson.
18
VÍKURFRÉTTIR I 11. TÖLUBLAÐ I 32. ÁRGANGUR
AUGLÝSINGASÍMINN ER 421 0001