VEXIL'ÒC REVISTA OCCITANA DE VEXILOLOGIA – ISSN 2117-9166 N°23 – GENIÈR DE 2016
Bandièras del mond, per Joan Francés Blanc, a las edicions Talvera: http://edicions.talvera.free.fr
Vexil'Òc. Revista occitana de vexilologia, creada en 1997 per Joan Francés Blanc. ISSN 2117-9166. N°23, genièr de 2016, 16 paginas. En linha (veire darrièra pagina). Bibliotèca nacionala de França: http://catalogue.bnf.fr/ark:/12148/cb42484907z/PUBLIC
Vexil'Òc n°23 (genièr de 2016) – ISSN 2117-9166 - 2
Ensenhador Una bandièra nòva per Vexil'Òc (Joan Francés Blanc) Cambiaments administratius en França (Joan Francés Blanc) Bandièras dels caps d'estat en Espanha (Joan Francés Blanc) N’estar de l’Union Jack (2) (Joan Francés Blanc) Bandièras nòvas de 2015 (Joan Francés Blanc)
Retrobatz Vexil'Òc sus Facebook:
https://www.facebook.com/vexiloc
Vexil'Òc n°23 (genièr de 2016) – ISSN 2117-9166 - 3
4 5 7 9 14
Una bandièra nòva per Vexil'Òc Joan Francés Blanc Après una brava pontannada, es temps de cambiar de bandièra. Amb las aisinas nòvas (coma Inkscape, editor vectorial a res-non-còst) es mai aisit de combinar colors e simbèls. La nòva bandièra garda las cinc colors basicas de l'origina, en cambiar l'òr en jaune. Garda tanben la crotz e l'astrada dauradas.
La nòva bandièra de Vexil'Òc S'i apondon: lo leopard d'Aquitània, la vaca de Bearn, lo dalfin de Dalfinat, lo cèrf de Garait, la luna qu'amb lo solelh se tròba sul sagèl de Raimond 'VII', la clau d'Aran, l'agla de Niça, lo solelh del sagèl de Raimond VII, lo leon que se vei un pauc pertot (coma a Montferrand). ■
Vexil'Òc n°23 (genièr de 2016) – ISSN 2117-9166 - 4
Cambiaments administratius en França Joan Francés Blanc La division administrativa de l'Estat francés coneis de cambiaments importants en 2015. La lei sus las regions, adoptada en genièr de 2015, a doas consequéncias per l'Occitània granda: • la reduccion a 5 del nombre de regions administrativas que s'i parla l'occitan, efectiva après las eleccions regionalas de decembre, en fach lo 1èr de genièr de 2016. • lo cambiament de nom de la region Centre en Centre e Val de Léger (que lo Sud n'es occitan) tre lo mes de genièr de 2015. A partir de las eleccions departamentalas de març, los conselhs generals venon conselhs departamentals, çò qu'entraïna de cambiaments dins la simbolica d'aquelas collectivitats territorialas. D'autres cambiaments n'i agèt e n'i aurà: • lo primièr de genièr de 2015, en Arpitània division del departament de Ròse en doas collectivitats localas (la metropòli de Lion e lo conselh departamental de Ròse) • otramar, fusion dins de collectivitats unicas de las regions e departaments de Martinica e Guaiana, efectiva après las eleccions regionalas de decembre. Cal rapelar que la lei francesa permet pas normalament l'utilizacion d'autras bandièras oficialas que la de la « Republica ». Los novèls conselhs regionals (que se dison « regions ») an adoptats de logòs provisòris (leval Centre e Val de Léger, qu'o faguèt tre lo novèll nom conegut) mas pas de bandièras. S'espèra la mitat de l'annada 2016 amb de noms mai cortets e « definitius » per aquelas divisions administrativas qu'an qu'un pichon poder de « collectivitats terrirorialas », un poder deliberatiu mas pas legislatiu. Vexil'Òc n°23 (genièr de 2016) – ISSN 2117-9166 - 5
Logò provisòri de la region Auvèrnhe Ròse e Aups
Logò provisòri de la region Aquitània Lemosin Peitau e Charantas
Logò novèl de la region Centre e Val de Léger
Logò provisòri de la region Lengadòc Rosselhon Miègjorn Pirenèus
Sola la region de Provença Aups e Còsta d'Azur a sa bandièra. La region Auvèrnhe Ròse e Aups se contentèt de pegar amassa los dos noms tal qu'èran suls ancians logòs. Los logòs revèrtan un pauc çò que son las « nòvas regions »: d'estructuras gròssas luènh del mond. ■
Vexil'Òc n°23 (genièr de 2016) – ISSN 2117-9166 - 6
Bandièras dels caps d'estat en Espanha Joan Francés Blanc
Primièra bandièra d'Anfós XIII Bandièra d'Anfós XIII (1918) En Espanha lo cap de l'estat pòrta una bandièra carrada, que càmbia amb lo titular de la foncion. Vos donam l'istoric dempuèi l'an 1900. Lo rei Anfós XIII se cambièt la bandièra en 1918 per un escut de fòrma mai classica.
Bandièra del president Alcalá
Bandièra del president Azaña
Los presidents de la Republica portavan l'escut d'aquela amb lors inicialas. Vexil'Òc n°23 (genièr de 2016) – ISSN 2117-9166 - 7
Lo dictator Franco aviá una bandièra originala amb un pal dels dos caps de drac. Joan Carles restabliguèt la bandièra de son aujòl, mas amb los faisses e
Bandièra del caudillo
Bandièra de Joan Carles de Borbon
Bandièra de Felip VI de Borbon (a esquèrra)
amb una autra color de fons. En 2014, lo rei Felip VI de Borbon arribat al tròne adoptèt una bandièra personala simplificada: pòrta l'escut de l'estat espanhòl, la corona reiala e l'aus d'aur. ■
Vexil'Òc n°23 (genièr de 2016) – ISSN 2117-9166 - 8
N'estar de l'Union Jack (2) Joan Francés Blanc L'annada 2015 vegèt dos païses ensajar de tirar l'Union Jack de sa bandièra: Fitji, qu'es pas mai un reialme del Commonwealth, vòl trencar la dependéncia amb la poissença coloniala. S'organizèt un concors e retenguèt 23 proposicions, que totas gardan lo blau clar de la bandièra actuala.
Proposicions de bandièra de Fitji Vexil'Òc n°23 (genièr de 2016) – ISSN 2117-9166 - 9
Vexil'Òc n°23 (genièr de 2016) – ISSN 2117-9166 - 10
Vexil'Òc n°23 (genièr de 2016) – ISSN 2117-9166 - 11
Las 23 proposicions de 2015.
La bandièra actuala.
Mas finalament a la debuta de 2016 demandèron d'autras proposicions amb una data limita lo 29 de febrièr. Las autoritats causiràn abans lo 19 de març 5 finalistes, e après consultacion, lo desbois venceire serà anonciat lo 1èr de julhet, per una mesa en plaça lo jorn de la fèsta nacionala, lo 7 de setembre de 2016. Demoram. En Nòva Zelanda, es lo primièr ministre qu'organizèt lo concors. La rason es la tròp granda similitud amb la bandièraa d'Austràlia. Se fa una votacion en dos torns: lo primièr per causir demèst las proposicions (veire la pagina de cobèrta d'aqueste Vexil'Òc) una bandièra finalista; lo segond per causir entre la bandièra finalista e la bandièra actuala se farà per referendum en mars de 2016. En mièjafinala, se faguèt 4 torns per eliminar cada còp un desbois. Los dos desboisses de Kyle Lockwoord (la falguièra d'argent e la crotz estelada) obtenguèron al primièr torn mai de 80 % de las causidas. Lo koru (mena d'èrsa) obtenguèt mens de 4 %. La falguièra sens estelas, mens de 6 %. Lo triangle un pauc mens de 9 %.
Vexil'Òc n°23 (genièr de 2016) – ISSN 2117-9166 - 12
Las quatre proposicions de bandièra per Nòva Zelanda que se perdèron la mièja-finala, çai-subre. La bandièra finalista a drecha.
La bandièra Maori
La bandièra actuala
Las enquèstas d'opinion dison pasmens que la bandièra actuala l'estiman Vexil'Òc n°23 (genièr de 2016) – ISSN 2117-9166 - 13
melhor lo mond en Nòva Zelanda. Sitografia: • A New Flag for A New Fiji, <http://www.newfijiflag.com/> • 'The New Zealand Flag. Your Chance to Decide.' New Zealand Government <https://www.govt.nz/browse/engaging-withgovernment/the-nz-flag-your-chance-to-decide/> ■ Bandièras nòvas de 2015 Joan Francés Blanc Doas bandièras de notar en 2015: la de la region de Brussèlas, e l'Union Economica Eurasiatica (version novelària de l'Union sovietica installada lo 1èr de genièr jos l'aflat de la federacion de Russia).
Brussèlas. Anciana bandièra (1991)
La bandièra nòva de Brussèlas (2015)
Vexil'Òc n°23 (genièr de 2016) – ISSN 2117-9166 - 14
La Comunautat dels Estats Independents (1991-)
L'Union Economica Eurasiatica (2015)
De notar que l'UEE a mens de sòcis (5:Russia, Bielorussia, Armenia, Cazastan e Quirguistan) que la CEI qu'existís encara. ■
La primièra bandièra de Vexil'Oc
Vexil'Òc n°23 (genièr de 2016) – ISSN 2117-9166 - 15
VEXIL'ÒC REVISTA OCCITANA DE VEXILOLOGIA – ISSN 2117-9166 N°23 – GENIÈR DE 2016
Redaccion e compaginacion acabadas lo 21 de genièr de 2016. Ancians numeròs: http://bandieras.free.fr/vexiloc o http://vexiloc.tripod.com o http://vexiloc.eu.pn Imatges e cartas de còp tirats de: Flags of the Word, ISSN 1712-9842, <http://www.fotw.net/flags/index.html> Wikipèdia, <http://oc.wikipedia.org>