9
Toetswedstryde Suid-Afrikaanse rugby verloor sy houvas
A day to remember. The Springboks played the All Blacks at FNB Stadium in 2010.
In 2011, 150 jaar na die eerste treë in Suid-Afrikaanse rugby gegee is met die speel van voetbal volgens die Winchesterreëls, was die Springbokke besig om voor te berei om die Wêreldbekertitel in September en Oktober in Nieu-Seeland te verdedig. Dit op sigself maak 2011 ’n spesiale jaar. Toetsskedules is verander en die spelers het ander oefenprogramme gevolg sodat daar verseker kon word dat hulle op die regte tyd piek. Provinsiale en franchise-afrigters is tot nadeel van hul eie loopbane versoek om die land se topspelers spaarsaam te gebruik. Dit was ’n seisoen waarin elke Springbokondersteuner asem opgehou het dat sterspelers soos Victor Matfield, Fourie du Preez en Morné Steyn nie in die Super Rugbyof Drienasiesreeks beseer sou word nie, veral na die achillesbesering van Cheetah- en Springbokflank, Juan Smith. Hy was gevolglik in ’n wedloop teen tyd gewikkel om fiks te wees vir die vierjaarlikse hoogtepunt. Nog beserings aan sleutelspelers het gevolg. Die fisiese bestuur van die Springbokke was geensins ’n maklike taak nie. Suid-Afrika is kontraktueel verplig om sy beste spelers vir elke wedstryd van Drienasiesreeks van SANZAR (South Africa, New Zealand, Australia Rugby) te kies. Hulle kon nie te na aan die onkantlyn beweeg met spankeuses nie, nadat hulle in die Drienasiesreeks van 2007 nie juis die kompetisiereëls gerespekteer het nie en die ooreenkoms grootliks geïgnoreer het. Dieselfde beginsel geld vir die afrigters van die Super Rugbyspanne wat in die eerste plek ’n plig het om wedstryde vir hul franchise in hierdie taai en belangrike kompetisie te wen. Tweedens hang die SANZAR-swaard oor hul koppe indien hulle nie volgens kontrak die sterkste spanne, in opdrag van die Springbokbestuur, sou kies nie. Boonop was daar ook ’n verlies aan vorm by van die groot name wat die titel moet gaan verdedig.
Toetswedstr yde
150 Jaar Book.indd 159
159
2352011 5:25 PM