Sakamálið
Kolbeinn Þorsteinsson
Skuggaleg skötuhjú – Með feigðina í farteskinu
Fimm manns lágu í valnum í miðborg Parísar í Frakklandi þann 4. október, árið 1994. Þar af voru þrír lögregluþjónar. Þau sem ábyrgð báru þar á voru Audry Maupin og Florence Rey. Þegar þar var komið sögu höfðu skötuhjúin verið undir smásjá frönsku leynilögreglunnar vegna aðildar þeirra að pólitískum neðanjarðarsamtökum, en það er önnur saga. Florence Rey var 19 ára og stundaði nám í heimspeki og Audry Maupin var 22 ára og hafði gefist upp á læknisfræði. Þegar fyrrnefndur atburður átti sér stað höfðu þau hreiðrað um sig í yfirgefnu húsi í Nanterre í úthverfi Parísar. Atburðarásin hófst klukkan að verða hálf tíu 4. október, 1994. Þá hugðust Florence og Audry brjótast inn á svæði þar sem lögreglan geymdi haldlagða bíla. Þau ætluðu þó ekki stela þar bíl heldur komast yfir skotvopn lögreglumannanna tveggja sem voru þar á vakt.
Florence Rey Sagði aldrei frá sinni hlið á málinu.
36
Þau klifruðu yfir girðinguna, komust óséð að lögreglumönnunum og náðu að yfirbuga þá. Þegar þau hugðust handjárna þá kom smá babb í bátinn, því lögreglumennirnir voru ekki með handjárn. Gripu þá skötuhjúin til þess ráðs að úða táragasi í augu þeirra. Leigubíll á rauðu ljósi Síðan lögðu Audry og Florence á flótta, en leiða má líkur að því að þau hafi ekki verið búin að hugsa málið til enda, því engan höfðu þau flóttabílinn.
Audry Maupin Var ekki til frásagnar þegar upp var staðið.
Lánið lék þó við þau og þau ruddu sér leið inn í leigubíl sem hafði stöðvað á rauðu ljósi. Bílstjórinn var af afrísku bergi brotinn, Amadou Dialoo, og auk hans var í bílnum grunlaus farþegi, Georges Monnier. Amadou og Georges horfðu beint inn í byssuhlaupin og var hótað bráðum bana ef þeir hefðu ekki hægt um sig. Síðan var Amadou skipað að aka að Républiquetorgi og ekkert múður. Enn hafði ekkert gerst sem gaf til kynna að gjörðir parsins illskeytta myndu vinda upp á sig.
Amadou Dialoo Leigubílstjórinn, fimm barna faðir.
6. tölublað - 39. árgangur
