't Scepterke - C.V. De Tuurhouters by C.V. De Tuurhouters

‘t Scepterke ES DAE ‘NS KALLE KOOSJ! INFOBLAEDJE CV DE TUURHOUTERS 2024

Leef Tuurhouters en Tuurhouterinnekes Veur uch ligk ein nuut initiatief vanoet de vastelaoves vereiniging. ‘T scepterke, ein (programma) beukske wómit veer uch aan ‘t begin van de vastelaovend wille informeere mer ouch al ein bietje in de sjtömming wille brenge veur de aansjtaonde vastelaovend. Nao ein tweetal corona jaore koosjte veer veurig jaor gelökkig weer geneete van eine “normale” vastelaovend. Mer nao de brendj in t Tuurhoes dreigde dit jaor wederom eine sjtraep door de vastelaovend te gaon. Want t Tuurhoes beejd toch óngerdaak aan al ós activiteite. Gelökkig höbbe v'r allein 't leedjeskonkoer / prins oetrooping mótte versjuuve. Miene dank geit hie veural nao de sjtichting die dr veur haet gezörg dat alles nog net op tied aaf is gekómme wodoor niks meer eine sjieke vastelaovend in de waeg sjteit. Es Tuurhouters kenne veer natuurlik allein mer grueëtjs zeen op ózze vastelaovend en veural op alle luuj die ein biedrage levere aan t laevendig hauwte van de vastelaovend in ós dörpke. Van leedjessjrievers, zengers, optochdeilnummers, zaate hermeniekes, sjponsore, hulp achter de bar tot de kompleete organisaasie van ein van de

vööle aktiviteite. En aan de angere kèntj natuurlik de luuj die wille geneete van de vastelaovend. Van de doorgewèntjerde vastelaovesvierder dae niks wilt misse tot de luuj die eine leuke aovend wille belaeve of allein op maondjig wille geneete van d’n optoch en ein nónnevot. Allemaol same draage v'r bie aan dat sfeertje en geveul wat v'r dan de “vastelaovend in Göttekaove” neume. Dèk zeen 't ouch neet de groate aktiviteite mer de klein denger d'r óm bie die dich bieblieve en die jederein op zien meneer leut geneete van vastelaovend. Aafgeloupe zaoterdig höbbe veer aafsjied genómme van Roel, Vinz en Tess. Zie zeen aafgeloupe jaor veurop gegange en höbbe dat op ein veurtreffelikke meneer gedaon. Zie höbbe de scepters euver gedrage aan hun opvolgers en vanaaf dees plaats wil ich dan ouch Prins Dave, Jeugprins Kjell en Jeugprinses Lola van harte feliciteere mit hun oetverkeezing en ein heal sjiek sezoen toewunsje. Vööl laesplezeer mit dees easjte oetgaave van ‘t Scepterke en veur sjtraks houp ich weer dat veer d'r mit zien alle weer eine heale sjieke vastelaovend van gaon maake!

Alaaf, Vors Peter

jannewarie

Senioren zitting

Mansluujzitting

aanvang: 14:11 oer

aanvang: 11:00 oer

jannewarie

Prinsereceptie

Vrouwluujzitting

aanvang: 11:11 oer

aanvang: 15:00 oer

fibberwarie

Carnaval Kantien

Vastelaoves zitting

aanvang: hauwt social media in de gate

aanvang: 20:00 oer

fibberwarie

Sjleuteleuverdrach

Auwt Wieverbal

aanvang: 19:00 oer

aanvang: 21:00 oer

fibberwarie

Vastelaoves show

Optoch / Optochbal

aanvang: 19:11 oer

aanvang: 14:11 oer

fibberwarie

Familiemiddig

Heeringbiete

aanvang: 15:30 oer

aanvang: 19:00 oer

e v I a D s n Pri -2 024 Eindelik maog ’t gezag waere: Ich ben de Prins van de Tuurhouters veur ’t kómmende sezoen. Lang nao oetgekeke en get langer gewach dan gepland. Noe d’r ein nuujt daak op ‘t Tuurhoes lik is ’t aan mich, samen mit Jeugprins Kjell en Jeugprinses Lola, om ens te testen wie good dat noe eigelik vas lik. Geer kent mich mesjien es besjtuurslid van J.V. ’t Waeske en woovan ’t lètste jaor es veurzitter. Wiejer zörg ich es TD-er bie KVW L.E.G. dat de kenjer sjpelkes kènne doon en de papa’s op de vriedigaovend in de wei ein glaas beer kènne drenke. Op zunjigmörge ben ich te venje es bugelsjpeler bie fanfare St. Caecilia Göttekaove en op woonsdig bie de jeugfanfaar. Es ich dan nog tied euver höb, ben ich bezig mit sjtudere. Ich zit noe in ’t lètste jaor van de bachelor "Systeem en Netwerkbeheer" bie hoagesjoal PXL in Hasselt. De vastelaovend is mich mit de paplaepel ingegaeve, maarja wat wil se ouch mit zo’ne pap.

Hae waor zelf in 1991 Prins van de Tuurhouters en noe maog ich ‘t 3x11 jaor later ouch mitmake. Ouch aan mam heure kèntj zeen ze neet vies van de vastelaovend. Zie waor in 1991 de Prinses van pap en opa is in 1961 Prins gewaes van de Smautbuule in Einekoeze. Zelf ben ich in 2007 Jeugprins gewaes en is mien zöster in 2011 Jeugprinses gewaes. Ich weit zeker dat veer d’r mit òs drieje eine sjoane vastelaovend van gaon make en haop uch allemaol te zeen in ’t Tuurhoes, loupend in d'n optoch of langs de kèntj van de route.

Alaaf, Prins Dave 1e

Kjell s n i r p Jeug Jeugprinses Lola -2024 -

Oetneudiging Prinsereceptie

Bie deze wille veer uch van harte oetneudige om

Dave Kentgens te kómme felicitere mit zien oetverkezing tot

Prins Dave I van De Tuurhouters oet Göttekaove

Same mit jeugprins en jeugprinses

Prins Kjell & Prinses Lola Kjell Rennenberg & Lola Kusters hauwte zie dees receptie op zunjig 21 jannewarie van 11:11 oer tot 13:11 oer in Gemeinsjapshoes ‘t Tuurhoes aan de Kirksjtraot in Göttekaove

Meubelmakerij & Interieurbouw

Senioren zitting zaoterdig 13 jannewarie Conny Bruijnaers - buut • Fer Kousen - buut Mark & Wilhelmien - zang • Katja Henz - zang Sam, Saar & Lola - zang ‘t Tuurhoes • zaal aope: 13:00 oer aanvang: 14:11 oer • entree: 11,00 euro (incl. koffie & nonnevot) Organisatie: Vereniging Senioren Guttecoven • Entree kaarte verkriegbaar bie Mariet Knops, Marlies Deckers & Toos Lamers Auch veur neet leeje!

Mansluuj jzitting zitting zunjig 14 jannewarie ‘t Tuurhoes • zaal aope: 10:00 oer aanvang: 11:00 oer • entree: 17,50 euro Kaertje koupe?* Scan de QR code en maak dich op veur eine topmiddig! * Entreeprijzen zijn exclusief servicekosten Tixxx

De vrouwluuj van de Sjröbbelkes

Vrouwluuj zigting zitting zaoterdig 27 jannewarie Sjpringlaevend • ZOES • Sanny & Myron De Bad-boys & eine special act ‘t Tuurhoes • zaal aope: 14:00 oer aanvang: 15:00 oer

Auwt jeugprins Vinz & Auwt jeugprinses Tess

Einmaol prins te zeen, in Göttekaove mien dörp. Miljaar wat waor dat sjiek! Genaote van begin tot enj, van de aesjte tot en met de letste activiteit en zelfs nog ein paar kear extra maoge aantraeje i.v.m. de verboewing van ‘t Tuurhoes. Ich haop dat ich höb oetgesjtraold dat ich het geweldig nao miene zin höb gehad om names de Tuurhouters veurop te gaon in de vastelaovend. Samen mit mien geweldige jeugdpaar Vinz & Tess höbbe veer al ozze energie derin gegoajd om mit jederein eine sjieke vastelaovend te viere. Dit waor ‘n jaor om noait te vergaete en dat zal auch zeker neet gebeure! Samen mit Anne zörg ich d'r veur dat ózze Guusje wurt klaorgesjtoump es Tuurhouterinneke, zodat der alvas weer ‘n nuuj generatie Tuurhouters klaorsjteit om de vastelaovend in Göttekaove in eare te hauwte. De vastelaovend in Göttekaove is de sjoanste dae der besjteit. Dit waor geweldig en geer, de luuj, waort fantastisch. Dankjewel!

Auwt prins Roel II Alaaf!

Auwt Prinse Praot Wie belaeve die Prinse de vastelaovend eigelijk? Wat make ze mit? Wat zeen hun tips en hun geheime? Hie maak geer ‘t mit in de allereesjte editie van Auwt Prinse Praot. “Dat Prinsepak is magisch, dao in wurse nooit meug en zaat. Dat pak wurd waal eine kilo per aovend sjwaorder van de zjweit!” Prins Niek II “Same nog op L1 gewaes mit de Smautbuule. Ein bietje prins kump op televisie natuurlijk!” Prins Frank I

Mit danse en sjprenge kriege de kneeje ‘t goot te verduure, maar wat achterwaege blif zeen die zate kuure. Es prins drunk se gaondeweg heel get beer, mèr doe zjwèts nog heel get meer. Dus ich zou zègke.. sjpreng en dans mit alles mit, dan höb se de daag van dien laeve, sjieke verhaole veur later en nooijts eine kater! Prins Peter II

“Geneet en veurkóm ein maagwandontstaeking: drènk neet jeedere daag Schrobbeler, maar aet waal jeedere daag ein nónnevot.” Prins Maarten I “Vors Giel van Willem Salden zag ummer taege de mam: “Tilla, haet Wilke eesj milk gedrónke en eine gooje teijer spek mit ei gehad? Angesj höbbe ver dèm sjtraks aan 't sjpieje!” Prins Wil V

“Vastelaovend in Göttekaove is grenzeloos. Dat höbbe veer ervare toen de vors vroog of ich prins van de Tuurhouters wou waere. Destijdse woonplaats: Smautbuuleriek. Ens eine Tuurhouters, altied eine Tuurhouter!” Prins Peter III

Nog get tips veur alle toekomstige prinse en prinsesse en alle Tuurhouters veur eine gesjlaagde vastelaovend: Aet veul bamiblokke, es ‘t neet hulp is ‘t waal lekker; Aet vööl eier, leefs véur de activiteit; Gaef good gaas en geneet, dat vaste kent later!

Carnaval Canraval in de kantien vriedig 2 fibberwarie Mit oetreuping prinsepare van VV Zwentibold & KV Gazelle! Hauwt de social media van VVZ & Gazelle in de gate veur meer info!

Xitting Zitting zaoterdig 3 fibberwarie Stefan Wolters - zang • Marleen Rutten - zang Ger Frenken - buut • Spik & Span - zang Winnaar GLK 2024 • Proclamatie prins ‘t Tuurhoes • zaal aope: 19:00 oer aanvang: 20:00 oer • entree: 12,50 euro Kaertje koupe?* Scan de QR code en maak dich op veur eine fantastische aovend! * Entreeprijzen zijn exclusief servicekosten Tixxx

5 vraoge veur... ...Spik & Span! Op 3 fibbewarie verzörg g'r ein optraeje op de zitting van de Tuurhouters, wat vènjt gr sjooner?, optraeje veur 200 man in eine kleine zaal of veur 20.000 man op ein boetepodium?

Optraeje veur 200 man is 't sjoonste, doe höbs vööl meer kontak mit de minse in eine zaal van 200 den in ein plein van 20.000.

Wat vèntj gr zelf t sjoonste vastelaovesnummer ooit gemaak?

Beste nummer van angere: det ligk zo erg aan wie ze dich zelf veuls: vandaag is 't: es de sterre dao baove Straole... Van ós zelf: "Vrunj tot de allerletste runj" haef biej ós ein heel speciaal plaats, omdet weer toen wónne in ós gemeinte.

Wat zou veur uch vetter zeen, t LVK nog eine keer wènne of eine hit in de Top 40?

Laot veural angere 't LVK wènne, dooch mer de Top 40 hit hahahaha.

Van welk angertalig nummer zauwt g'r ein limburgstalig nummer wille make?

Boetelands nummer hmmm, noe nog gein voorkeure, wellicht get van Coldplay, "Fix you" beveurbeeld.

Letste vraog, wat is vastelaovend veur uch, boete optraeje?

D'r blif neet veul tied mer euver veur vastelaovend boete het optraeje, 't bezeuke van de buute hauve finales en finales sjtuit waal altied op het program.

Auwt wiever bal zaoterdig 10 fibberwarie Mit Carnavalsband.nl ‘t Tuurhoes • zaal aope: 20:30 oer aanvang: 21:00 oer • entree: 5,00 euro

De grote vastelaoves show show#2 #2 zunjig 11 fibberwarie Quiz • The masked singer • De alleskenner JV ‘t Waeske • aope vanaaf: 17:00 oer aanvang programma: 19:11 oer Meer informatie bennekort via social media!

Kleur de vastelaovend! Ósse jeug kleurt de vastelaovend. Dat numme veer noe heel letterlijk. Haol dees Tuurhouter kleurplaat sjnel in hoes en hang deze prominent en sjoon gekleurd veur de roet. Dan zal osse prins de sjoonste kleurplaat mit ein prieske belone op ‘t Kenjerbal!

Wilste deze kleurplaat höbbe? App effe nao de Tuurhouter telefoon (06 166 764 65), dan wurt deze perseunlijk bie dich bezörg of pik ‘m op bie ein van ós activiteite in ‘t Tuurhoes.

Alle 11 leedjes van 't GLK op eine USB stick? Dat dat allemaol drop pas? De USB stick is te koup op alle aktiviteite van de Tuurhouters veur 5 euro! Of email of app mich effe: info@tuurhouters.nl 06 166 764 65

13de Göttekaoves Leedjes Konkoer Op 6 jannewarie 2024 vónj in 't Tuurhoes 't 13de Leedjes Konkoer plaats. Wènnende leedje in de categorie 'Besjtaonde melodie':

The Maliblue’s Zolang ich nog ein Tuurhout bèn Wènnende leedje in de categorie 'Nuuj melodie':

De Jatsprieje - Same mit ós

Alle leedjes zeen opgenómme op 11, 12, 13 en 14 december in studio 'De Keuke' aan de Veersesjtraot in Göttekaove!

The Maliblue’s - Zolang ich nog ein Tuurhout bèn teks: John Donners, Robert Rennenberg meziek: Peter Brings, Stefan Brings, Harry Alfter, Kai Engel, Christian Bluem arrangeur: Huub Lemmens Refr. Zolang ich nog ein Tuurhout bèn Hie vastelaovend viere kèn Zo lang…. ich nog ein Tuurhout bèn. veer zeen neet kapot te kriege gaon veur geine aan de kènjt veer zulle doorgaon tot ’t gaetje al sjteit de boel hie in de brèndj sjus dan hauwte veer same en sjlaon de hónj inein dat kent jederein beaame ós kriege ze neet klein Refr. Zolang ich nog ein Tuurhout bèn Hie vastelaovend viere kèn Zo lang…. ich nog ein Tuurhout bèn. In Göttekaove weit v’r waat vastelaovend viere is van d’n Uul tot aan ’t Tuurhoes geine daag wurt dao gemis van jónk tot oud dat viert dao meziek klink door de sjtraot bie ’t Kruutz dao wurt gedans jao de dikke tróm die huit de maot

De Jatsprieje - Same mit ós teks: Sem Peeters, Roel Wetzels meziek: Huub Lemmens • arrangeur: Huub Lemmens Refr. Sjprèng, same mit ós mit door de sjtraote haer, Want same lekker gek doon dat doon veer zo gaer, Noe pak dich mer dien glaas en proost mit ós mit Want veer gaon allemaol nog gaaroets neet nao bed Sjprèng, same mit ós mit door de sjtraote haer, Want same lekker gek doon dat doon veer zo gaer, Noe pak uch in de erm en zing mit ós mit Dat kleine sjtökske leedje woo 11 keer LA in zit. JALALALALALALALALALALA Loup ver door de sjtad heur v’r leedjes, heel vööl leuke luuj in cafeekes. Ich ben alweer 5 dage van hoes weg, belse mich dan op höbse auch pech. Want veer doon polonaise dao mit eederein Dae dendert dao dan door wie eine boemeltrein. Beer, wien, fanta, shotjes of nónnevot Net wie ozze lengte kóm ver niks te kort. Refr. JALALALALALALALALALALA Om 3 haol v’r de jas, en gaon v’r rieje, es d’r noe mer neemes hoof te sjpieje, Bie wae gaon v’r noe sjtraks nog nao benne, jao want eine lètste mot toch kenne Mit ein, twee glazen beer kump aan vandaag ein enj, Dan pótse v’r mit shotjes allemaol ós tenj, En kiek v’r op de klok dan gaon v’r baeter door, En v’r zènge allemaol nog ‘ns in koor Refr. JALALALALALALALALALALA

Prins Wil VII

Optoch maondig 12 fibberwarie aanvang 14:11 oer Opsjtelle achter de kirk opgaeve via info@tuurhouters.nl

Aansjloetend Optochbal in ’t Tuurhoes zaal aope: 15:00 oer aanvang: 16:00 oer

Familiebal Densdig 13 fibberwarie ‘t Tuurhoes • zaal aope: 15:30 oer aanvang: 16:00 oer officiële aafsjloeting – 21:00 oere

Hauwt ósse social media in de gate veur alle updates, foto's en nog veul meer! facebook.com/tuurhouters • youtube.com/tuurhouters twitter.com/tuurhouters • instagram.com/tuurhouters www.tuurhouters.nl Wilste zelf ein leuke foto deile? Tag ós dan of sjtuur ein mailtje nao info@tuurhouters.nl. #tuurhouters #göttekaove #veerhauwtesame

Geneet van de vastelaovend! Tuurhouters Alaaf!