SA AKON PANGLAKATON The Catalyst
Kasanag sang kingki ang akon sulo, Samtang puno sang luha kag kasubo. Wala untat nga nagatubud halin sa tagiposoon ko nga pilason, Kalamig sang kagab-ihon nagahakus sa akon kaugalingon. Pinasahi nga huni ang akon nabatian. Sang mga kuliglig kag maya sa tunga sang taramnan. Mga humay nga nagasinaot upod sang mabaskog nga hangin, Samtang ako naga-isahanon sa tunga sang akon panglakaton. Sa kada tikang sang akon mga paa, Sa kada muklat kag piyong sang akon mga mata. Sa akon nga hunahuna, Matam-is mo nga yuhom gulpi lang nagwa. Babayi nga akon unang pinalangga, kung diin ka man subong nga lugar ukon bansa, Ang kapait kag kasakit nga ginbilin mo sa akonTani sa iban indi mo gid ipaagum.
41