“
Ko ngä kanohi o Te Kähui Amorangi i tëtehi o ngä hui-ä-iwi i Raroera, Hui-tanguru 2010
Ko te Kähui Amorangi hei korowai mö Te Wänanga o Aotearoa ... kia puäwai ngä wawata, ngä tümanako a ngä whänau whai mätauranga. Ehara tënei i te mea hou ki te iwi Mäori kia whakaarotia he tirohanga whakamua. I te wä, i whiti mai ö tätou tïpuna i Hawaiki, nä rätou i takoto te huarahi pai mö rätou. Mai rä anö i te möhio rätou ki ngä moana, ki a Tangaroa, ki ngä whetü, ki ngä manu, möhio rätou. Käore mö rätou anake, engari mö te iwi, mö tö rätou hapü mö tö rätou waka. Tae mai ki a tätou ngä uri, kei te pënei tonu mätou kia whäia i roto i te mätauranga, i roto i ngä mahitanga
16
KA MÍHARO
KÖANGA Spring
HE WHÁRIKI REO
Me pëhea tätou e whakatö ai i te purapura Mäori i roto i ä tätou tamariki? He mea nui tërä. Ehara mä te mätauranga anake e whakatika ngä mahi hë e haere ana ki runga i ö tätou marae ... ngä mahi patupatu tamariki, wahine hoki, te inu waipiro haere, e kai tarutaru ana, ërä tü ähuatanga katoa. Mä te mätauranga rätou e äwhina kia whäia te huarahi o te tika. Me kaha tätou ngä pakeke, ngä whare wänanga ki te ako, ki te äwhina i ä tätou tamariki kia whäia te huarahi tötika mö rätou.
”
Mä te Mäori te Mäori e tiaki? Me hoki au ki te moemoeä o tërä tangata Wänanga, o Rongo Wetere. Tïmata mai i a ia te Wänanga nei, käore ngä Päkehä i whakaae. E käo! Ka tïmata ki te whakahë i ngä mahi a Rongo engari kei te haere tonu te wänanga nei. Nö reira kia kaha tätou te iwi ahakoa ka pëhitia tätou e te Päkehä, me kaha tonu tätou.