PATHWAYS | 35
Pîkiskwiwin manâcihcikewin sâposci isi technology Nīhithawewin pīkiskwīwin mitoni nânithâw 120,000 ithisiniwak itâpacihtâw wâsakâm Kânata, maka oskāya ithiniw akihthāson ayahci-isi kiskêyihthamowin ohci. Athabasca Tribal Council (ATC) isi pakoseyimiwak ta-asēpitha ekwanima trend asici peyakwayith sêwêpicikan app osihcikewin ta-wichihkoyin nîsohkamâkewin pīkiskwewin kici ayaniskach nîkâniwin. “Ni-nithawêyihtâkwan ta-osîhcikâtik osākaskinahtamohiwewin nīhithaw oskāyak kici ta-wēhcasik ta-âpacihtât. Anohc kâ-kîsikâk osk-ithisiniw mâmawaci kwanta ayiwāk mestinikew wiyawāw ka-tepeyihthahkwāw sêwêpicikana, êcika ani tānēhki mwâc ka-pêtayin âcimostakewin ta-nistohtâhkwaw,”itwew Byron Bates, wiyasiwêhkâniwiw asici Fort McMurray #468 First Nation mīna otôsihcikew ohci ATC Nīhithawewin App. Ōma mosci-mêkiwin osākaskinahtamohiwewin isi pakitinkāthēw ohci iTunes mīna Google Play. Pakitinkāthēw ta-âpacihthâ kici ka natonamihk kīkway ākayāsimowin ēkospīhk ta-wapahtam nīhithawewin itwêstamâkêwin. Pīkiskwīwin mina ta-ke natohtamwak tanisi isi nīhithawewin isi pīkiskwī. Ōma app nahâpahcikewin kici nīhithawewin dialects isi northeastern Alberta. Isîhcikâtêw ōma kici nistam mâcihtawin mīna aniki asici kayâhtê ka-kiskeyitamwak ōma pīkiskwīwin. Ke-āpacihtāk kici tipiyaw awîyak wiyapoko ahpo ka âtotamihk kîkway kispin ka-pīkiskwīyin asici kihtehayah aniki nīhithawewin isi pīkiskwīwak. Anohc ōma kâ-kîsikâk, mâmawi atoskathamwak ōma osākaskinahtamohiwewin ke-mâwasakonamwak mina masinahikâtiw athiwak 447 pîkiskwīwina asici 120 asay takwascikewin. “Nîyanân eyoko ohcithaw âhkameyithamowin ta-osihtha isi ayamihcikāwikamik pîkiskwīwina,”itwew Byron.” Mâmawaci nîkâneyihthâkwan isi indigenous ithisiniwak ta-mamihteyita ohci nanâtohkôskânesiwin ikwa ta-nohte kiskeyithamin ōma pîkiskwīwin. Ōhi app’s nīhithawewin āsay ewakomīna kihci nouns mina pîkiskwīwina kici maskihky, akihthāsowin, kiskinwahikewin,tanisi isi-kīsikāw, calendar, mina kithaw.” ATC mina osehtawak Cīpwēyān pîkiskwīwina isi sêwêpicikana app. Byron, miciminam Bachelor of Science degree asici major isi masinatakan science ohci Vancouver Island University, takahkēthimow ta-mekihth nāthamākēwin ka-osehtah ōma app. “Ni-takahkēyithin ta-wīcihiwewiyan ōma peyakwayask isi poko mina ni-miyowāthin ta-wāpathaman ta-ohpiki. Anohc ōma kâ-kîsikâk, ōma osākaskinahtamohiwewin ki-tahki āpatan athiwak tahthwaw 5,000.