Íslenski skálinn á Feneyjatvíæringnum: Handan við tröllin Ana Victoria Bruno
Feneyjatvíæringurinn er vettvangur þar sem lönd hafa tækifæri til að koma listamönnum sínum á framfæri og skilgreina ímynd sína gagnvart heiminum. Skáli hvers lands er eins og nafnspjald sem sýnir það sem þar á sér stað og mögulegt framlag þess til listheimsins. Á þessari 57. hátíð var íslenski skálinn sérlega beinskeyttur: Tvö gríðarstór tröll halda sýningu í stað listamanns. Það gæti verið fyndið, virkað eins og brandari, en mun meira liggur bak við yfirborð þessa íróníska verks. Verk Egils Sæbjörnssonar Out of Controll in Venice, endurspeglar
8
flókið samfélag þar sem hefðbundnum innihaldsefnum er hrært saman við önnur sem tekin eru úr íslenskum samtíma og útkoman verður lystilegt póstmódernískt dæmi um menningu þessa heimalands. Á sama hátt og póstmódernískir listamenn ítölsku Transavanguardia hreyfingarinnar nýttu sér fyrri innlegg í listasöguna og staðbundnar þjóðsögur, virðist Egill fá innblástur frá íslenskri hefð, sem snýst að mestu um náttúru og goðsagnakenndar sagnir. En á meðan listamenn Transavanguardia höfðu það að markmiði að endurheimta hefðbundna málverkið inn í
samtímann forðast Egill miðilinn: Hann skapaði verk sem sprettur upp af ólíkum miðlum jafnvel þótt enginn þeirra sé nauðsynlegur, verkið gæti lifað sjálfstætt. Ímyndunarafl listamannsins blés lifi í tvö tröll, endur-útfærða útgáfu slíkra fyrirbæra í norrænum þjóðsögum. Ísland birtist sem land byggt goðsögulegum skepnum; hraunbreiðurnar, berangursleg fjöllin og hrjúfar klettabrúnir sem rísa úr sjó skapa fullkomið umhverfi fyrir stóran ímyndunarheim fullan af ískyggilegum skepnum. Tröllin, sem Egill tjáir sig í gegnum, eru