ახალი უნისექს პარფიუმი EPICÉ-FLEURI SOLO SOLO-სგან თეა სხ იე რე ლი
მამაკაცის კანი ხაზს უსვამს მის ველურ, მძაფრ ნიშანთვისებებს: სუნამო უფრო თბილია, მგრძნობიარე და ცოტა მოტკბო, მაშინ როცა ქალის კანზე ყვავილის სურნელი მეტად დომინირებს მას შემდეგ, რაც ხილის თავდაპირველი სურნელი განქარდება. სუნამო პირამიდული აგებულებისაა, თავდაპირველად ყველაზე მძაფრად ციტრუსისა და მწვანე ვაშლის ნოყიერი, შუშხუნა ეფექტი იგრძნობა, რომელსაც მოსდევს ხისა და ველური ყვავილების სიმძაფრე, ბოლოს კი შეინიშნება მუშკისა და ხის ნაჟურის სუსტი კვალიც. მცენარეთა როგორი შემადგენლობა გამოიყენეთ ახალ სუნამოში? მანდარინი, გრეიპფრუტი, მწვანე ვაშლი _ თავდაპირველი სურნელისათვის; ასევე ვარდისფერი წიწაკა, დარიჩინი, ხის თეთრი ყვავილები _ შემდგომი ეფექტისათვის, და ბოლო „წერტილად“ _ თეთრი მუშკი და რუხი ქარვა. ამ სურნელთა გამა ისეთი სუნამოს შექმნის სურვილმა შეგვარჩევინა, რომელიც კანზე თანდათან იკრეფს ძალას და დღის განმავლობაში განსხვავებულად აღიქმება.
Solo-ს ლაუნჯებში ძალიან პოპულარულია პარფიუმერ კლოდინ რუბლოს მიერ შექმნილი ექსკლუზიური სურნელი, რომელიც სამი განსხვავებული არომატითაა წარმოდგენილი: ინტერიერის, ქალისა და მამაკაცის სუნამოებით. ავტორის შეფასებით, ეს არის ძველი და ელეგანტური, მაგრამ საოცრად თანამედროვე სურნელი: თეთრი, გამჭვირვალე ფლაკონი ქალებისათვის; შავი და შთამბეჭდავი _ მამაკაცებისათვის; ტყავის, ხისა და ხილის არომატი _ ინტერიერისათვის. ის უკვე იქცა Solo-ს გარემოსათვის განუყოფელ სუნად.
ჩემი ამოცანა იყო, შემექმნა სუნამო ერთდროულად მამაკაცებისა და ქალებისათვის, რომელიც თეთრ ყვავილებს გაგვახსენებდა. ამისათვის იმდენად უნდა „დამეცხრო“ ჩემი ნაზავი, რომ მამაკაცებისთვისაც მისაღები გამხდარიყო. ამიტომ ჯერ ხილის შუშხუნა გამა შევარჩიე, რომელიც ყნოსვას წინდაწინვე ამზადებს, განაწყობს უფრო მდიდრულ სურნელებათა ერთობლიობის აღსაქმელად. შემდგომ ჯერი მიდგა ხის სუნის შერჩევაზე, რომელიც სუნამოს მამაკაცურ მხარეს აძლიერებს და, ამავე დროს, აკმაყოფილებს იმ ქალბატონებსაც, რომლებიც დღესდღეობით უპირატესობას შედარებით უფრო კაცურ არომატს ანიჭებენ.
ინტერვიუ პარფიუმერ კლოდინ რუბლოსთან
ვისთვის შეიქმნა EPICÉ-FLEURI EPICÉ-FLEURI?? როგორ ხედავთ იმ ადამიანებს, მათი ცხოვრების სტილს, რომელთათვისაც სუნამოა განკუთვნილი?
გვიამბეთ ახალ სურნელზე, რომელიც კვლავ Solo-ს მომხმარებლებისათვის შექმენით; ამჯერად უნისექსი _ რა კონცეფციით არის შემუშავებული ახალი სუნამო? ახალი სუნამო, სახელწოდებით EPICÉ-FLEURI, უნისექსია, თუმცა ვამჯობინებდი მისთვის „საზიარო სუნამო“ მეწოდებინა. ის აერთიანებს გამომშრალი ხის (ფიჩხის) მგრძნობიარე მამაკაცურ არომატსა და თეთრი ყვავილების (ფორთოხლის ყვავილი, ჟასმინი, გარდენია) ქალურ სურნელს. სუნამო სრულიად სხვადასხვანაირად აღიქმება სხვადასხვა სქესის ადამიანის სხეულზე მოხვედრისას.
სუნამო უპირატესად 30 წელს მიღწეული მამაკაცებისა და ქალებისათვის და მათზე უფროსებისთვისაცაა; მოკლედ, იმ ხალხისთვის, რომლისთვისაც უმთავრესი არ არის ფრაგმენტულად მიიქციოს გარშემომყოფთა ყურადღება. სუნამო ჩაფიქრებულია ისეთი ადამიანებისათვის, რომლებიც საკუთარ თავს კარგად იცნობენ, ჩამოყალიბებული გემოვნება აქვთ და იციან სიმშვიდის, ელეგანტურობისა და თავისთავადობის ფასი. ესაა ის კომფორტული სურნელება, რომელიც დიდხანს ინარჩუნებს ხიბლს.
82 VOYAGER 1/2015