VOYAGER by SOLO ■ Autumn 2015

არქიტექტურა

უბნები გეოგრაფიულად პარიზი ექვს გორაკს (შაიო, მონმარტრი, ბელვილი, მენილმონტანი, მონპარნასი და წმ. ჟენევიევი) შორისაა მოქცეული. ქალაქის უბნები მათ გარშემო ჩამოყალიბდა. პარიზი 20 ადმინისტრაციულ უბნადაა დაყოფილი (Arrondisement). ისინი ერთმანეთისაგან პრესტიჟულობითა და ურბანული დანიშნულებით განსხვავდებიან. სენ-ჟერმენ დე პრე პარიზული „ინტელექტუალების“ სამფლობელოა. ლათინური კვარტალი მოდერნისტული პარიზის სიმბოლოა. ფობურ სენ-ჟერმენში XVII საუკუნის საოცარი „ოტელ პარტიკულიეები“, არისტოკრატებისა და მსხვილი ბურჟუაზიის საქალაქო სასახლეები მდებარეობს. მდიდრულად შემკული ჭიშკრების დანახვისას აუცილებლად მოგინდებათ, რომ მათ შიგნით შეიხედოთ. მონპარნასი, ოდესღაც ლეგენდარული უბანი, დღეს პარიზის მრავალსახეობის ანარეკლია. მისი ცათამბჯენიდან ქალაქის საუკეთესო ხედი იშლება. მონპარნასის სასაფლაოს ბინადართა „შემადგენლობა“ ამ უბნის ლეგენდარულ წარსულს ცხადყოფს. მარსის ველები, ველები დიდი, განიერი ავენიუებით, წყნარი, ბურჟუაზიული უბანია. აქ ორი მთავარი მონუმენტია _ ეიფელის კოშკი და ინვალიდების ტაძარი, რომლებიც თითქოს სრულყოფილებაში ერთმანეთს ეჯიბრებიან.

პასი შაიოს პატარა ლუქსბუტიკები პასისა და ბელ-ფეის ქუჩების გასწვრივ, ასევე ვიქტორ ჰიუგოსა და მოცარტის ავენიუებზეა განლაგებული. ტროკადეროს მოედანი ამ უბნის მცხოვრებთა თავშეყრის ადგილია. განსაკუთრებით საინტერესო სანახავია მისი ტერასები შუადღის სადილის დროს, როცა აქ პარიზის წარმატებული საზოგადოება იყრის თავს. ტრიუმფალური გზა _ მონუმენტების მოოქრული მზერის ქვეშ მყოფი, მსოფლიოს ერთ-ერთი მთავარი ქუჩა ისევ მოდურია: ელისეს მინდვრებზე მდებარე ლეგენდარული „ლა დურე“ და „ლუი ვიტონი“, რესტორანი „ფუკე“ და „პლენ ერზე“ არსებული მრავალი გამოფენა თითქოს შინაარსობრივად აბალანსებს იაფფასიანი მაღაზიებისაკენ ჯგუფ-ჯგუფად მიმავალ პილიგრიმტურისტთა ნაკადებს. ლა დეფანსი ტრიუმფალური გზის თანამედროვე გაგრძელებაა. ეს უბანი თავისი ცათამბჯენებითა და ოფისებით პარიზის Skyline-ის ნაწილი გახდა. ლუვრი და ტიუილრის ბაღი (ზოგადად, ლუვრის ბაღები) ამ სამეფო პერიმეტრების მქონე უბანში წარმმართველ როლს თამაშობს. აქვეა არაერთი პასაჟი, მოედანი და თაღოვანი სვეტი, ლეგენდარული „კომედი ფრანსეზი“ და „პალე რუაიალი“. სენტ-ონორედან ოპერამდე საყიდლების ციებ-ცხელებით შეპყრობილთასამოთხეა(დაიმახსოვრეთმათიწმინდანისსახელი– Saint-Honore!).დასავლეთითძირითადადსაცხოვრებელიადგილები და ულამაზესი მონსოს პარკია _ აქ დასახლებული „წარჩინებული“ ოჯახების საყვარელი სასეირნო ადგილი.

52 VOYAGER 1/2015