109. A so vez, el 18 de xunetu del 2008, el Procurador Xeneral encargáu, Carlos Arturo Gómez, emitió pliegu de cargos escontra’l teniente coronel Orlando Espinosa Beltrán, los capitanes Guillermo Gordillo Sánchez (daquella comandante de la compañía Bolívar del batallón d’infantería nu 47, qu’aceptó la so responsabilidá na incursión paramilitar y acoyóse a sentencia anticipada) y Óscar Gerardo Omaña García, asina como escontra otros seis suboficiales, por atentaos graves al drechu internacional humanitariu, en comprobándose que facilitaron la incursión de los 60 paramilitares. Por esta masacre, el Ministeriu Públicu pidió-y a la Fiscalía investigar tamién a tolos miembros de les compañíes Bolívar y Anzoátegui del batallón d’infantería nu 47. 110. Na incursión asesinaron a Luis Eduardo Guerra, Sandra Milena Muñoz, Alejandro Pérez, Bellanira Areiza, Alfonso Bolívar Tuberquia, Deiner Andrés Guerra, de 11 años, Natalia Tuberquia, de 5 años, y Santiago Tuberquia, de malapenes 21 meses d’edá. Según la investigación, “tratóse del sometimientu pola fuercia d’unos civiles ayenos a la confrontación, ente los que destaquen una menor de 5 años y otru de 1 añu, qu’executaron dempués en condiciones d’indefensión, y esmembraron y enterraron los cuerpos nuna sepultura común”. 111. Esti crime terrible, nel que 8 persones foron garrotiaes, tirotiaes y trociaes con machete, atribuyéralu a la guerrilla de les FARC el xeneral Héctor Jaime Fandiño Rincón, comandante de la XVII brigada del exércitu, nun comunicáu reproducíu once díes dempués de los fechos por un diariu de la ciudá de Medellín: “Esta organización terrorista ye la única responsable d’esti crime terrible (...). El puelu colombianu y les diferentes comunidaes d’Urabá puen tar seguros de que l’exércitu va siguir cumpliendo la so misión constitucional nesta guapa rexón dientro del marcu del respetu de los drechos humanos y el drechu internacional humanitariu”.63 112. Los medios de comunicación xueguen un importante papel d’ocultamientu de la realidá cuando asoceden crímenes como la masacre de San José de Apartadó, onde los testigos y familiares de les víctimes señalaron públicamente de l’autoría a los grupos paramilitares en complicidá col exércitu de Colombia.
113. El diariu El Colombiano del 4 de marzu del 2005 na so páxina trés espublizó como ciertu’l rellatu emitíu pol exércitu d’un supuestu ex guerrilleru, pa xustificar la masacre cometida poles tropes nesa comunidá, cola fin d’esviar la investigación. L’editorial d’esi diariu afirmó que “tampoco ye sano que los medios inclinen la so opinión hacia l’autoría por parte de la brigada 17 del exércitu. (...) Paez qu’hubiera una campaña entamada pa desprestixar la política de seguridá democrática del Presidente Uribe, de xuru que pa intentar frenar la so reeleición”. 114. Pela so parte, el diariu El Tiempo, del 4 de marzu del 2005, espublizó un comunicáu del ministru de Defensa, Sr. Jorge Uribe Echavarría, refugando les acusaciones escontra l’exércitu como autor de la masacre de San José de Apartadó y afirmando esta falsedá: “Los soldaos que taben más cerca taben a trés o cuatro xornaes d’ehí”.64 115. La Corte Interamericana de Drechos Humanos (CIDH) condergó al Estáu colombianu, que reconoció la so responsabilidá, pola execución estraxudicial del cabezaleru indíxena del puelu nasa, comunal de Jambaló, cometida por miembros de la fuercia pública en febreru del 1988. 116. La Corte Interamericana tamién condergó nel 2007 al Estáu, y ésti aceptó la so responsabilidá, pola masacre en xineru del 1989 de 12 funcionarios xudiciales cometida por grupos paramilitares cola participación de militares en serviciu na Rochela-Santander. 117. La tortura en Colombia “exércese de manera sistemática, xeneralizada y deliberada, como mediu de persecución política y cola fin de semar terror n’individuos, comunidaes y procesos. (...) Ye una práutica sistemática atribuyible a tolos grupos armaos y en particular a la fuercia pública”.65 Hai denuncies sobre tortures dientro de les alcárceles y n’instalaciones militares y de policía, asina como abusos y maltratos neses instalaciones a lesbianes, gais, bisexuales y transexuales. 118. De les 93 persones sometíes a tortura nel añu, 43 acabaron muertes y 11 yeren neños/es. “Nos casos nos que se conoz el presuntu autor xenéricu de los
El Tiempo, 4 de marzu del 2005, páxs. 1-4. Informe sobre tortures, tratu cruel, inhumanu o degradante. Coalición Colombiana escontra la tortura, xunu del 2008. 64 65
63
El Colombiano, 4 de marzu del 2005.
46 |Constataciones
Constataciones| 47