ouzzine
Abdeljalil
مسعودة شكون هي؟ شنو كدير؟ اصعب سؤال ممكن طرحو على شي واحد ،على مسعودة بالضبط ،حيت هي ماشي شخص واحد ،هي بزاف د االشخاص فواحد ،مسعودة ،اختيار االسم ماشي عشوائي ،يمكن حيت كتفتقد السعد ،السعادة ،حيت منحوسة ،ماشي شخصية متخيلة ،هي كل واحد منا ،هي الجانب المظلم من كل شخص ،النقطة السوداء،هي دكشي الي عاشوا بزاف وللي تا حد ما قدر يخرجو للضو ويعاودو ،بصراحة، بواقعية ،بجرأة ،غتعاود قصتها على أجزاء ،من نهار خرجات عرات على كتافها وعلى حوايج خرى باش .تعيش معمر نوات تعاود ،خاصة فاش استقرات،ودارت دارها ووليداتها ،ووالت تاهي كيتحسب ليها الحساب،ولكن واخا هكاك دوك القصص كيدوزو قدام عينيها يوميا قبل ما تنعس ،تا فاش كتنعس ،كتفيق مخلوعة ،عيات، ...غتهضر باش تبرى ماشي مهم كيفاش غتشوفو فيها من بعد ،كل واحد من منطلقو غيحكم عليها ،ولكن قبل متصدرو االحكام ديالكم ،ديرو فبالكم غي واحد الستون ،تاهي مكرهاتش كون كانت بحالكم .ولكن مختارتش بيديها .الحياة مقودة
***لحلقة االولى :أول خرجة للواقع ،أول مرة غيقيسني شي زامل
قررت نمشي ،غنخرج معاه بوحدي ،كانت فيا الخلعة بزاف ،ولكن الجوع اقود من الخلعة ،مكيخليكش تميز دكشي لي كدير ،الشومبر ديالي رقم تسعود فالعمارة سبعطاش ،ساكنة فيها أنا واحد الساطة من سيدي عالل التازي ،نهار كامل كتسمع القران ،و بالليل كتهبط عند صاحبها لكولوار ديال الحي ،كطلع تا كيقرب الفجر، كدوش نيشان وتصلي الفجر و تنعس ،كنكون باقا فايقة ،مكنعسش الليل ،ديك الساعة مزال معرفت الش مكنعسش معليناش ،هداك موضوع اخر ،مشيت جبت واحد الصباط طالون من واحد البنت فالشقة التانية ،لبست واحد التريكو مخلياه غا لمناسبات بحال هادو ،ديكولطي ،كتبان منو الفرقة ديال بزازلي ،كيعجبني الحال ،كنحس براسي بنيتة ،خرجت عندو جوايه التسعود دالليل ،ماكيت شوية ،وهبطت ،وسط الساحة د الحي ،حلقية د الرفاق ،محاكمة جماهيرية لشي واحد لقاوه مدخل جمتو لبيتو ،كانو كيعجبوني الرفاق فاالول ،فلخر لقيتهم أغلبهم زوامل ،كلشي باغي يوسع النقاش ويعمقو مكانتش كتفهملي هادي فلول ،من بعد عاد فهمت أنها بكل بساطة باغي يفرعليك كرك بالمبادئ و تخلص عليه كارو و يحويك من الفوق ،دكشي ممسلكش ،مكيوكلش الخبز ،خونا كيصوني كل دقيقة ،ركبت فالطوموبيل ،البيز والهضرة بالفرونسي ،ضروري باش تبان كالص ،مشينا نتعشاو ،بقا كيهضر بزاف، فرعلي كري ،معقلت على تا كلمة من دكشي لي كان كيعاود ،كنت كناكل ،بحال شي حد عاد خرج من الكهف ،موراها دخلنا ال بواط ،طلب جوج بيرات ،كتلو ال بالتي ،أنا بغيت غي كوكا،شاف فيا شوفة ناقصة، صحابلو كنمتل عليه ،باغا نتجوج زعما
ouzzine
Abdeljalil
أنا ما كرهتش فحقيقة ،ولكن ميمكنش ،حيت كنكره الرجال ،كيجيوني كاملين بحال با ،الواليد مقود ،كنت ديما كندعي فيه قبل مننعس ،كندعي يموت ،ميرجعش من الخدمة ،حيت كيكرفص الواليدة بزاف ولد القحبة، صغري كامل وانا كندعي ،فاش كندعي كنبكي ،كتولي واحد الدوارة كبييرة فالمخدة ،كنحط راسي عليها ،مع الوقت لقيت السما كاع ممساليالي ،مكتشوفش جيهتي ،بديت كنفكر نسالي معاه أنا نيت ،ولكن منقدرش، كنخاف ،ساالت السهرة ،مشينا للدار عندو ،شويرف شوية ،ولكن كنت كنقنع راسي أنه مستيلي ،دوك الشراف الي كيجيهم الشيب زوين ،ولكن دياب كيكونو ،دارو كبيرة ،الباس عليه ولد لحرام ،بيوت كبار، أكبر من دوك الديور الي كنت كنشوف فاالفالم ،وفراش مقود ،كلشي جلد وكوير وريدويات صداع ،أول مرة كنشوف هوم سينيما ،هو لول يمكن الي دخلها للمغرب ،تالجة الي كتحل من جوج جيهات ،تلفت فدكشي أنا فين ما درت كتبالي سواتش وال سنسلة ديال الدهب ،بديت كنفكر نهزلو شي وحدة نديرها فالصاك ،خفت عاوتاني ،عاد فهمت الش القحاب مكيكولوش سميتهم الحقيقية ،تا أنا غنبدا نسمي راسي ،ميمي وال فاتي، الي كان ،مهم منبقاش نزكل بحال هاد الفرص ،دخل هو بيت النعاس ،سهيت أنا فدكشي حتى بقا كيعيطلي، كتلو ال غا خليني هنا كنتفرج ،كالي اتفرجي مع الخمسة د الصباح ،مالكي زملتي ،أول مرة كيخسر معايا شي حد الهضرة ،أنا متقفة ،أنا طالبة ،أنا كنقرا الفلسفة ،وايلي ميمكنش ،مال هاد لقالوي داخ ،بقيت ساكتة و جامدة فبالصتي ،كالي اجي غي حكيلي شعري ،مشيت بالشوية ،تخشيت حداه ،كلعبلو فشعرو و يدي كاملة كترعد ،وهو كيتكسل ،وكيقيسنس فبزازلي ،قلبي كيضرب بزاف ،كنت ديما كنكول أن أول واحد غننعس معاه غنكون كنبغيه بصح...مكتابش لحلقة :2الخير كينتصر غا تخربيقة كيتنصرو النزقين لعبت ليه فشعرو ،شعرو شايب وزوين ،بحال شي ممتل ميريكاني ،أنا كلعب بشعرو وهو كيلعب فبزولتي، كان جسمي حاضر ،وعقلي مسافر بعيد ،كنشوف فخيالي مناظر مقودة ،كضرني فقلبي كنشوف راسي بعلوكة مزاحمة مع خوتي فبيت وحدة ،وكنشوف بّا ناعس مع الواليدة قدام عيني ،كنشوف حيت مفهمتش شنو دكشي ،واش كيضربها ،معرفت ،كنعرف غي أنني مخصنيش نشوف ،حيت ركلني فوجهي حتى ضربت الماريو د الخشب الي جنبي ،ماشي مهم نسمع ،مهم منشوفش ،بقاو دوك األصوات ديما كيتعاودو فبالي ،فاليل ،فالظالم ،فشي بالصة خاوية ،فالدروج دالعمارة،فين ما مشيت ،كيتبعني الصدى سرحت تا حسيت بشي حاجة تقيلة فوق مني ،كتحرك ،كتمشي وتجي ،مخليتوش ،نضت كنجري لوسط الدار ،خونا ما فهم والو ،أو مال هاد خينا غتحمق ربي هاد الليلة ،ياك هزيتها من الباب د الحي ،هي الي بغات ،مبززتش عليها ،حسيت بيه محملنيش ،كيخنزر فيا ،هو سكر بزاف ،كنتوقع منو أي حاجة ،طاحت ...عليا فكرة ،نعاودليه كلشي ،نكولو أنا بنت دارنا ،خريت بالضحك على راسي فنفسي ،بنت دارنا فلخر جمعت الوقفة ،هو كيتكيف كارو وكينفخ بجهد ،معصب ،كتلو أنا بنت ،وباغا نبقى بنت ،حيت دارنا أيقتلوني ،غرباوة صعاب ،إال السروال ،حس بيا داوية من نيتي ،بانتلي فعينيه الشفقة ،واخا هاد اللعيبة كتكون غا فاألفالم ،الواقع مقود داك الخير كينتصر غا تخربيقة ،كينتصرو والد القحاب ،والنزقين ،أنا غا دمدومة ،معليناش ،كالي انعس معاك من فوق ،بالشوية ،واخا تحيدي السليب ،غي زيري رجليك ،كان كيهضر وسناني كيتزيرو ،صباع
ouzzine
Abdeljalil
يدي كيتزيرو ،بقا كيحيد بياسة ببياسة ،كلما اتعطل كنزيد نتعصب ،فخاضي تالصقو ،بحاال دايراليهم لكوال، معرفت فديك اللحظة شنو طرا تحديدا ،شي دعوة قديمة ،وال شي خير درتو واخا مكندير بوخير ،لقا جوج ..نقيطات حمرين وصافيين ونقيين ،لقا الدم ،رجع تجبد فبالصتو ،عطاني بالظهر ،نعس بدات الشميشة كتشق السما ،هزيت صباطي فيدي باش منقرقبش ونفيقو ،هبطت مع الدروج كنتسنى طاكسي
_________________ ..لحلقة :3هللا يبعد عليك والد الحرام يا فدوى ،كتجاوبو كون ما دوك والد الحرام مغنسيفط ليك تا مناعساش ،زدت كملتها باش كتلو وصلني الحي الجامعي د أكدال ،جامع كلشي داك الخرى ،الدريات الكالص وبوزبال ،وقليل الي كيقرا ،انا كنحترم القحاب كاملين ،وكنحترم اكثر الي كتقحبن باش تقرا ،دوك المثاليات ديال النم مكيلقاو تاباش يطبعو بوليكوب ،كيتسلفو من عند الصيانات ،كيكونو رجولة ،ميدوزوكش فدوى كانت مثال الرجولة ،كانت امراة حقيقة ،جثة ضخمة ،كتفكرني غا فالشيخات ديال والد حريز ،البزول والترمة واللحم بزاف ،كتشهي ،كنت كنخاف منها فلول ،هي بنت سيدي سليمان ،باها امام ديال الجامع، كانت كتعاود وتخرى بالضحك ،كاتلينا امام د الجامع كيصلي بالناس وبنتو كتصلي تاهي ،باللورانية، دايراليهم مانضة كل شهر كتسيفطها ،كاين شي امام كيشد مانضة من بنتو طالبة؟ كيرضي عليها ويدعي معاها ،هللا يبعد عليك والد الحرام يا فدوى ،كتجاوبو كون ما دوك والد الحرام مغنسيفط ليك تا قلوة، مكتسوق لتاحد ،فارضة احترامها ،كلشي عاطيها التيقار حيت جالخة ،شي سبع سنين وهي تما ،كتعرف كلشي ،كتمشي مع كلشي ،ولكن فاش كتفكر الحب د بصح ،كتسيف ،كتولي درويشة ،فين مجبدات سميتو كتلف ،زايد بجاللة قدرو ،فاش كيشد كونجي كتشد االرض ،تا كيرجع عاد كتصوني على لكليان لقدام ،من البنات الي كتعرف شي حد كدوزو نيشان لمرجان ،معندهاش الش تحشم ،الخبز عاد الحب مهم دخلت لبيتي مدكدكة ،مافيا ما يهضر مع شي بنادم ،كلشي كيشوف فيا ،وال منعرف كيجيبلي هللا كلشي عرفني فين كنت،سوالتني فدوى مال ربك ساخطة؟ مجاوبتهاش ،منحتاجش نجاوبها ،عيني فيهم كلشي، حلقي فيه واحد الحجرة مخالتنيش نهضر وال نتنفس ،دخلت للدوش ،درت الرغوة بزاف ،مكرهتش شي رغوة كتنقي من الداخل ،بغيت ندير بحال االفالم زعما ،نعمر البينوار وننعس فيه ،باش نتنقى ،واخا وسخي عميق،ساعا دكشي غا فالتلفزة ،فالحي ميمكنش ،حيت الطواليط مشروكة مع الدوش ،بنادم عاد جاتو يخرا ويبول ،تا حد ما مسوق الي خاري على الوقت ،خرجت لقيت فدوى مخدمة واحد الفيسيدي مشقف ،كدردك وكتحير ،بقات كتجر فيا وانا كنبعد ،كتجر وانا كندفعها ،حزماتني من وسطي وكاتلي شطحي يا الصوبيصة را ما طالعة ما طالعة ،دابا تبدل الوقت ،بديت نشطح حشمانة فلول ،وما فياش ،شوية تا بديت كنقطر، لصقات عليا الكسوة ،ديك الساعة تخلطلي العرق مع الدموع ،تاحد مشافني كنبكي ،كلشي كيشوفني غي ...كنشطح حسن من الشيخات د زمور لحلقة : 4بغيت نمسح ديك الليلة من راسي فمرة ،حيت عرفت أنني فاشلة ،تا ف81 + ... ما غبرتش ،غي عياني دكشي الي كتبت ،ارهقني ،بقيت كنفكر نحبس الخرا كامل،اش بيني وبين شي كتابة انا كاع ،انا امراة مجوجة وبوالدي ،وهاديك مرحلة وفاتت ،والي مدارش شوي دار بزاف ،مقدرتش ،حست براسي كنخون راسي ،كنخون أكثر احساس زوين حسيتو ،حيت فاش كنكون كنكتب ،بعد ما كينعسو الدراري وينعس الراجل ،كتجيني واحد التبوريشة زوينة ،وقت الكتابة ووقت مكيخرج دكشي ،احساس معمري جربتو ،اشبه بالسكرة فاش كتغيب ،وتبقا طيح وتنوض ،وتقدر تبول تحتك ،تبدا غادي وتعنك
ouzzine
Abdeljalil
وتسامح وتدوق الي تالقيتي ،كلشي خويا و صحيبي ،وهانية ،الصباح كتفيق ناضي ،كتقنع راسك را موقع .والو معليناش ،مور ديك الليلة ،غبر خونا ،معاودش سول ،فحقيقة تانا مبغيتوش يعاود يسول كاع ،يقود ،بغيت نمسح ديك الليلة من راسي فمرة ،حيت عرفت أنني فاشلة ،تا فالتقحبين ،تما فهمت ان باش تكون قحبة مساهالش ،خصك تكون مقود فريك ،شبعان قوالب ،وحكاتك الدنيا مزيان ،حكاتك لدرجة كيولي كلشي زايد ناقص ،خصك غي تصوفي راسك ،وتعيش ،ومتبقاش تفكر بزاف ،حيت ال فكرتي خسرتي كلشي ،كتعجبني ضحكتهوم ،بالجهد والبغوات ،الي شافهوم كيصحابلهوم كيضحكو من القلب...المرتاحين هوما الي مكيفكروش ،الي عايشين بحال البهايم ،غي غاديين ،فين ماراح الليل يروحو معاه ،انا صعيب عليا منفكرش، ماشي حيت انا قارية ،ولكن كاينة واحد التصويرة مكتمشيليش من بالي هي الي كتخسرلي كلشي ،تصويرة الواليدة ،تصويرتها نهار جرا عليا الواليد من الدار فالليل ،خرجني ورما حوايجي من الشرجم ،والجيران كيتفرجو ،تما عرفت مبقالي عالمن نعول من غير كري ،ومغنرجعش لدارنا قبل مندير عالش ،باش ...ماكان معليناش دوزت ديك السيمانة فالحي مكنخرج موالو ،اصال قربو االمتحانات ،خصني نقرا ،خصني ننجح باش نقدر نتصالح مع مسعودة ،مسعودة الي كنت ومبقيتش ،ديك الدرويشة الي معمرها لعبات فصغرها مع بنات قدها ،حيت فاش كانو كيلعبو كانت كتكلس فالعتبة د الباب حاضية باها ليدبح مها كيما هددها فاخر مدابزة ،هو معمرو دبحها ،ولكن هي كانت ديما كتخايلها مدبوحة بموس حافي ،غارقة فدماياتها ،كتغوت عليها وتا حد مكيرد ،من غير صوتها المبحوح الي كيتعاود فالدار كاملة ،كتسمع ديما صوت الماس ماضيين كيجرحو ،فاش كانو كيقراو كانت كتسنى غي فوقاش تسالي باش تمشي كتجري ،تشوف واش مها باقا عايشة ،هاكا عاشت الطفولة ،فالخوف والسخط والزبل كلو ،معمري كنت كنتصور أن عالقتي بالرجل .غتكون سوية ،كنكره اي واحد بقضيب متحرك ،اي ذكر معليناش ،جات ابتسام وهجر فرحانين ،تبعهوم شي حد فالزنقة ،شي حد كبير فالمخزن ،كانو هوما تالتة د الرجال ،وهوما غي جوج بنات ،عطاوني نمرة سعيد ،كالولي هاد خونا كاميلة ،غضربي يدك ،ومتنسايناش، عندو شركة د الحديد ،صونيت عليه وقطعت ،بالزربة عيطلي ،صوتو زوين بزاف ،من بعد غنعرف أن اي واحد صوتو زوين وجهو كيكون بحال الزك ،حالتو ويامو ،ولكن انا مالي؟ مالي غنتجوجو زعما ،هو اصال .مجوج وكيموت من مراتو الحلقة الخامسة .المرفحين كيولدو مرفحين والحازقين كيولدو الحازقين تاهوما كيعاودو يولدو محزقين اكثر منهم= يمنع على اقل من 81سنة
عاوتاني بقاتلي ساعة ونخرج ،راس كيكولي خرجي ،وراس كيكولي بالش ،ولكن القضية عندي مزيرة، معندي تا لاير ،عندي غي الصولد فالتيليفون ،شي ميتين درهم د الصولد ،كون غي كانت كتصرف دراهم نشريها غا خبز وبيض بعدا ،معليناش ،لبست عاوتاني على سعدي ووعدي ،كحلت عيني تكحيلة دايزها الكالم ،باش يااله نغطي الصفورية ،وجهي شاحب ،صفر ،مريض ،درت الفاراجو مزيان ،وعكر ربعة وعشرين ساعة ،هو الي كنكساب ،مكنحملش نشري الماكياج ،كيجيني غالي عليا ،عندي واحد لعكر كنخورو
ouzzine
Abdeljalil
بصبعي ال بغيت نعكر ،وقلم كحل فيه شي تالتة سنتيم ،عييت مننجر فيه ،واخا فدوى مسكينة كتكولي فاش تكوني خارجة دوزي نكاد ليك كمارتك ،هي مقومة مزيان دكشي ،باش كنكوليكم ماشي ساهل التقحبين ،تاهو خصو قوامو
خرجت ،كتبالي واحد الطوموبيل كحلة كالص ،معرفتش شمن ماركة ،مهم طويلة وزوينة ،وداك وجه الكلب خارج منها ،شفتو وانا نتعقد ،ربي كيعطي الفول غا الي معندو ضراس ،كيعطي الحديد والفلوس غا لوجوه الحبس ،فاش شفتو ندمت كاع الش ماكيت وتسلفت شنو نلبس ،هدا خصني نخرج عندو بجالبة وبزاف عليه، شافني هو يقيم ،داخ ،وانا فراسي كنكول هللا ينعل بو الوقت الي خالتني نركب مع واحد بحالك ،كرهت راسي ،وكرهت الفقر ،وكرهت الش تزاديت فهاد البالد ديال النم ،البس قميجة بيضة ،كالص زعما ،عنقها موسخ ،مدودة ،معمرو بدل عليه واقيلة ،مع طلعت صونات مراتو ،وافينك؟
شاف فيا وغمزني ،متهضريش زعما ،أنا معندي منكول اصال ،غا مكمداها فعظامي وساكتة و كندعي هللا يدوز هاد الليلة على خير ،كيشدلي فيدي مرة مرة ،كتجيني التبويعة ،كندير راسي كنتمنظر من الشرجم، واخا انا هي المنظر المقود د بصح ،واحد وعشرين عام خارجة مع واحد عندو شي ستين عام ،وخص ديرلو الخاطر ،وانا شكون يديرلي الخاطر؟ باش عجبني هاد سعيد ،عروبي ديال بصح ،من دكشي الي كنبغي، مكاين ال فرونسي ال ستة حمص ،نيشان مشينا ناكلو الشوا ،هو عندو تجربة مع الطالبات ،مدوز منهم بزاف على حساب ماعاود ،عاودلي كاع انه ضبر على شحال من وحدة فخدامي زوينين ،كيطمعني زعما ،ولكن معامن ،انا مكنشوفش بعيد ،كنشوف غي ديك السيمانة وال خمسطاشريوم كاع ،ونقلب ،حيت منقدش نطول فاللعبة ،دكشي كبر مني ،وتا لقيت راسي فيه بال خاطري ،معندي ال يد ال رجل فيه
تحكم عليا نتولد فدار مقودة عليها ،بال الفقر كاع ،حيت الفقر ماشي عيب ،ولكن فاش كيتجمع الفقر مع المشاكل و فريع الكر صعيب تستحمل ،قرايتي هي االمل الوحيد ،حيت عارفة راسي مغنكملش فهدشي، ماشي ديالي ،مكرهتش فحقيقة ،ولكن صعيب بجهد ،كنت كنعتبر انني فخدمة مؤقتة ،بحاال شادا السربيس فشي موقف ،حنا كنتعشاو وهو كيعاود ،شكون عقل عالش ،مهم بقيت شادة غا شي تويشيات ،كنكون مغيبة فديك اللحظات ،كيعاود انه واحد بنادم الي كون راسو من والو ،وبدا من الصفر ،وديك الهضرة ديال جدلاير ،كدخل من ودن وتخرج من لخرا ،تا أنا مكرهتش نكون راسي من الصفر ،ونبدا من اللول ،ونعطي
ouzzine
Abdeljalil
لراسي دور البطولة ففيلم مختاريتوش ،بالحق وهللا وماكنتي الال ومالي ال قرقبتيها معاهم ،دكشي هاكاك داير ،المرفحين كيولدو مرفحين ،والحازقين كيولدو الحازقين ،تاهوما كيعاودو يولدو محزقين اكثر منهم، فاش سالينا لعشا تقضالي عشا اخر ،البتسام وهجر ،سبب اللقاء ،وداز على مول الديسير ،شرا بزاف ديال الديسير ،وصلني منين ما هزني ،قبل مننزل مدلي كمشة ديال الفلوس فيدي
،كتلو ال وهللا ما نشدهوم ،هو كيحلف وانا كنكول ياربي ميردهومش لجيبو ،فاش نزلت العساسة د الباب ضحكو معايا،ضحكو عليا زعما ،شي كاميلة هادي يا العفريتة ،سعدات الي عندو الحديد ،عطيتهم بنانة بنانة ،بال منهضر ،وصلت لبيتي و بقيت كنصوني ونقطع على الدريات كاملين ،حتى الخوانجيات ،كلشي جا يتعشى ،ويسمع القصة ،انا ما فيا منعاود شي خرية ،خليتهم كياكلو فرحانين ،شعلت عليهم كارو وبقيت ...حاضية دخانو فين غادي الحلقة .6كنت كنحلم نتالقا شي شارف يديرني بحال بنتو ،مكنتش عارفة را كاينة البيدوفييا :بغيت بنتي تعرف أن الدنيا عامرة قوادة :يمنع على اقل من 81سنة باش نكتب شي حلقة ،نهار كامل وانا هازة ليها الهم ،فالخدمة ،فالكوزينة ،فاش كلعب مع والدي، فاش كنهضر مع راجلي ،ديما بالي مشغول ،كنصبح مسخسخة بحاال كنت كناكل لعصا ،فكرت ناخد كونجي تا نسالي كاع دكشي الي بغيت نكول ،ولكن ميمكنش ،شنو أنكولهم ،كنسرق سويعة فالنهار نشعل البيسي، الصفحة البيضة كتبقا فيا فاش كنوسخها بقصتي مكرهتش كون كتبت شي حاجة كتفرح ،بالحق الغالب هللا ،هدشي واخا دازت عليه سنين جرحو باقي خضر، عمري نساه ،وقت ما شفت بنتي مفركسة ومكوكسة وخارجة تقرا كنتخلع ،مبغيتهاش نعيش تا شوية من دكشي الي عشت ،تقدر تكون كتقرا مسعودة دابا ومعارفاش ان هاد مسعودة را هي ديك المراة الي فالكوزينة كتصايب لعشا وال كتعاون ولدها فالتمارين ،بغيتها تعرف أن الدنيا عامرة قوادة ،أن ديك الهضرة ديال الدنيا مزال فيها الخير غا كدوب ،مكاينش الخير ،مكاينش الي يعطيك ألفرنك في سبيل هللا فدوك اليامات فاش كنت باقا دمدومة كنكول شي نهار أنطيح على شي شارف ويديرني بحال بنتو ،مكنتش عارفة را كاينة البيدوفيليا ،وال كنحلم ديما اندوز حدا شي بركاسة و غتبالي شي ميكة كحلة ،نحلها ولقاها .عامرة فلوس ،تقدر تلقاها بصح ،بالحق عامرة خرا خليناها فشعلت كارو وبقيت حاضية دخانو فين غادي...حسبت ديك الكمشة د الفلوس الي عطاني لقيت الف درهم ،مزيانة ،اول مرة كنشد هاد الفلوس كلهم ،حيت من نحسي تا المنحة ما عنديش ،درتهم فالمخدة الي كنعس عليها ،كابتة شفرة عدنا ،بنادم ال لقا منين يدوزليك تا عينيك يخونهومليك ،خاصيني شي كتوبة، خاصني ما لبس ،خصني صباط ،خصني كبوط ،خصني مناكل،خصني بزاف ،بالحق انسبق الكتوبا، صباطي نطرفو عند الخراز ونقضي بيه تا الزادني داك القواد شي حاجة ،مزال كنفكر فهدشي هو كيصوني تاني ،يخ ،بغا نخرج نتعشى معاه ،كتلو وهللا ما قادة ،توحشتيني؟
ouzzine
Abdeljalil
واخا جي عندي حدا الباب د الحي وجيب معاك العشا ،ومالو بغا يشوفني فابور؟ كندير هاكا وعارفة راسي راني كنقود السوايع معاه ،ويقدر يقلب عليا بالزربة و أنا الخاسرة ،البنات عطا هللا ،أنا الي محتاجاه ماشي هو ،خصني نرطب معاه شوية ،عل االقل هو مزال مكاليش الدار و ال الزمر ،جبدت شعري مزيان و قاديت حالتي ،غي عشرة بحالي يخرجو على الكوافورات ،علماتني الوقت ندير كلشي لراسي ،ننتف حجباني و نصبغ ضفاري ،نلصق الشفار و نخبي كاع الديفويات ،واخا هدشي كلو مسرحية ،نلعبو تال اخر مشهد، معرفت باش غادي طلع الكتابة ولكن عندي امل واخا هكاك ،وال قلبي قاصح ،اقصح من حجرة د الصم ،تا المنظر د السعاية فالزنقة ما بقا كيحرك فيا والو ،دارنا ما هضرت معاهم اكتر من شهراين ،وال هوما سولو، انا خارجة كيوقفني عبد الرزاق ،بغا يهضر معايا ،مبغيتش نشوف فيه ،مبغيتش عيني يفضحوني ،وهضرتو مرضاتني كل مرة ،باغي عالقة ملتزمة ،باغي نقيلو نخيطو فالفاك بالجوع ،باغي نسمعوا فيروز والشيخ امام ،باغي نوقفو فالحلقيات نرفعو الشعارات الرنانة ونهزو شارة النصر عييت ما نشرحليه ،عييت ما نصبر ليه ،فلخر جبدت واحد الوجه ما عمرو شافو ،وما عمر ينسا ديك الهضرة ،حيت تا انا عمري نسيتها وال غا نساها ،عبد الرزاق خويا ،منصالحليكش ،بعد مني ها العار، خليني نضبر على كري ،داك ماركس و لينين حق ربي ما كيخلصو تا الطوبيس د الفاك ،مغنبقاش نهز شارة النصر وانا الصبع طالع معايا تال الجدر ،الطبيعة دارت معايا مزيان ،خلقاتني بنت زوينة ،كون كنتي تا انت بنت كون خرجتي تقحب باش تعيش،باغي تلتزم التزم مع كتوباتك وخليني نشوف طريقي ،أنا الي ختاريت ،ربحت وال خسرت أنا بوحدي كنتحمل النتيجة ،بقا كيشوف فيا ،تصدم ،هاد مسعودة عمرو شافها، ماشي هادي الي عرف العام اللولـ هاديك كانت بريئة ،كانت نية ،كانت كتحلم معايا و كيحمارو حنيكاتها ال شديتها فيديها ،معمري بستها ،تحركت خليتو واقف ،حاضي داك القصر الي بنينا كيريب ،تبعني تال الباب، تا شافني ركبت فالطوموبيل ،بقا تابعني ،بالحق الحديد مزيان ،سبقو و خاللو غا الغبرة ،ديك اللحظة بغيت نعنقو ونبكي ،ونطلب السماحة ،االفالم د المكسيك عاوتاني ،تفو ،بست داك القواد ورسمت واحد الضحكة صفرة ،سولني فين بغيتي تمشي ،مفكرتش ،جاوبتو بالزربة ،اقرب حفرة ،بغيت نشطح ،بغيت ننسى ،بغيت نخرج ،محسيتش تا هبطولي الدموع ،سخونين طايبين ،مسحتهوم بكلينيكس دغيا باش ميضيعش الماكياج ويضيع كلشي لحلقة .7كانت ديما كتكولي نتي يا مسعودة غا تخرجي شي حاجة ،اتولي شي حاجة كبيرة،شي موظفة د المخزن ،تقولبات مسكينة ،ما خرجت والو شطحت ،عرقت ،ولكن ما بردتش ،فيا شي عافية شاعلة لداخل فصدري ،كتكوي ،تخلطت وسط الناس و الزحام باش ننساني ،مقديتش ،وتا دوك المناظر الي فالحفاري بوحدهوم ،وعيني كتمشي غا ليهم ،مكنشوفش الي خارج ينشط و يقصر مع صحابو وال مع مراتو ،الي جاي غي يفوج كنشوف غي دوك البنات الكتار الي واخا يضحكو تا يشبعو و يخبيوا تا يعياو عينيهم فاضحينهم ،عينيهم فيهم حزن مقود ،فيهم فراغ و ضياع، ديك الساعة كيزيد يطلع لي الدم من راسي ،مالي دايرة هاكا ،مالي تا فالوقيتة د النشاط كنصيد غي لقطات القوادة ،كنشوف غي البؤس رجعت كلست حدا خونا ،كان بدا كيتنغم ،أنا مكنشربش ،انا فمهمة ،ومخصنيش نتبلى ،انا غي كثرة الهم كتسكرني و نقد نبدا نلوح حوايجي كاع ،وعاد الشراب كيبهدل ،كيرد بنادم حنين ،كيولي باغي يتسامح مع كلشي ،تا الي صرف فيه العيب شي نهار ،انا مقتنعة واخا نسكر كاع معمري نسامح وال نغفر ،معمري نسمح للواليد ،للمجتمع ،لوالد القحاب ،للريوس الكبار الي فرقوا كلشي بيناتهم و خالونا نتفرجو ،واخا تقاتل تخدم و ضبر على راسك يااله غا تكافا مع الوقت ،معمرك تهز الراس ،كيعطيوك غي باش تبقا حي ماشي باش تعيش
ouzzine
Abdeljalil
ال بغيتي تعيش خصك تكون منهم ،انا عمري نكون منهم ،دكشي هاكاك داير ،ميمكنش تفهمو ،دائرة مسدودة صعيب دخليها ،كيتحكم فيها شكون انت وشكون باك ،انا الواليد كيبيع الخضرة ،و الي صورو فالنهار كيطبو فالليل ،و غا على القحاب الشارفات ،كيدوز من حدا الدار هاز التقضية ،كنفرح ،كيصحابلي جايبها لينا، كيديها لمينة ،مينة قحبة ديال ألفرنك ،تقدر تعطيها غا كارو و تنعس معاها ،دازو عليها كاع البراهش د الدرب ،كاع الي بغا يتعلم كيمشي عندها ،مدرسة مهدومة ،قحبة فاشلة ،حياتها كاملة هازة رجليها و مدارت تا وزة ،باقا عايشة فبراكة ،كانت زينة بزاف ،كتغني حسن من خربوشة ،فاش كطلق داك الحلق عندها كتبورشك ،كتزلزل ،ولكن خرجات عليها البلية الحشيش و ماحيا و فين مكانت شي مصيبة ،الشباب مكيدومش ،كانت ديما كتكولي نتي يا مسعودة غا تخرجي شي حاجة ،اتولي شي حاجة كبيرة،شي موظفة د المخزن ،تقولبات مسكينة ،ما خرجت والو ،خرجت بحالها ،ولكن نهايتي اتكون احسن منها معليناش ،خونا فاش سكر بقا كيلوح يدو ،ها الزملة بدات ،يدو تقيلة بحال الحجرة ،وعرقانة وموسخة ،وانا خصني نخليه شادلي فيدي ،وخصني نضحك ،عاود شي نكتة حامضة ،ما سمعتهاش ،ولكن بقيت كنضحك، كنغوت بالضحك ،كنشد كرشي بالضحك ،حيت مكاينش شي نكتة كتخري بالضحك قدي ،كنضحك على همي ،هو فرح ،وبقا كيعاود النكت ،وحدة أبسل من التانية ،وانا مزال كنضحك حتى سال الكحل على عيني،ساح و تجلخ و كلينيكس ميمكنش يمسحو كيما ميمكنش نمسح قصتي من بالي ،رجعني منين هزني ،طالق الغيوان ،غبتي مع غروب الشمس...جهدت فيها وبقيت كنسمع ،كانت أول مرة كنسمع ديك االغنية ،وال أول مرة كلماتها كيقصحوني ،حسيتهم كيغنيو ...على مسعودة ،كيعرفوها ،كيعرفو واقيال كاع دوك الدريات المقزبات الي خليت كيتمايلو بالشطيح .وريدات د بلعمان دبلوا و تا هوما كيتسناو الربيع يزهر الحلقة :1ياك هو فقيه وأنا قحبة؟ فين المشكل؟ أنا تنبيع لحمي و ذاتي وهو كيبيع االوهام و االحالم للناس بالحجابات والرقية الشرعية ،تيداوي كلشي حتى لبرص :أنا مثقفة ،هو كيدير الثقاف باقا تا نعقل مزيان ،بحال إلى البارح ،كان عيد العرش ،وكانو االمتحانات قربوا ،وليت تنراجع بالنهار و تنخدم بالليل ،الحال بدا كيسخن والرواج كيكتر ،وبغيت نجمع فلوس باش نقدر نكمل العام ،وبغيت نمشي للحسيمة عند خالتي يامنة و بحال والو نشوف ولدها علي ،كنا ديما كنتالقاو فالعطلة و كنت كنحماق عليه، ولكن دابا أنا مبقيتش نليق ليه ،كيبريكولي فشي تيليبوتيك بينما ضبر على شي كونطرا للطاليان و ال سبانيا، سمعت فالدار انه دار اللحية ،ما بقاش كيخوي الجامع ،تا السالم باليد قطعو ،واخا يديداتو فيهم شي حنان .فشكل ،هو نقي بزاف وانا مبقيتش كنتحمل النقاوة المهم كنت راجعة فاخر الليل مع ديك الربعة ديال الصباح،كنجر رجلي بالسيف ،عييت ،ناعسة شي ساعتاين مكامالش ،تيليفوني مكيسكتش،واحد الغربي زوين كيضربني فوجهي ،كيطير شعري للسما ،مكرهتش كون طرت معاه بعيد ،كان الفجر قريب يودن ،ديما كنتالقا مع الفقيه ديال الجامع يااله خارج من دارو باش يمشي يصلي بالناس ،البس جالبة بيضة مخططة و كتشعل بالنقاوة ،ريحة المسك و ال العود كتعطعط من الدورة، شحال ما بعد ريحتو كتبقا تما،الصقة ،تا هو متنحملوش ،ماشي حيت نقي ،ولكن حيت تا هو مكيحملنيش، كيكرهني ،كنشوفها فعينو ،وقت ما دزت من حداه كيدفل فاالرض وتيقول بصوت مرتفع :كثار الخنز فالبالد ،وسختو الدنيا ،هللا يتبع ليكم البال يا رباعة السالكط
ouzzine
Abdeljalil
معمري جاوبتو ،وتنكول مع راسي ،واش الدين هو نسبو الناس و نحتقروهوم عوض ناقشوهوم و نقنعهم بالموعظة الحسنة؟ ياك هو فقيه وأنا قحبة؟ فين المشكل؟ أنا تنبيع لحمي و ذاتي و هو كيبيع االوهام و االحالم للناس ،كيدير الحجابات و الرقية الشرعية ،تيداوي كلشي ،كيكوي و يبخ ،كيحيد العكس ،كيدير القبول ،أنا مثقفة ،هو كيدير الثقاف ،التوكال ،كان تيحسب راسو سيدنا عيسى ،تا البرص كيفهم فيه ،الفقيه طبيب بال ديبلوم،الكليان ديالو كتار ،أكثر مني ،حيت الكالخ كتير أنا كنعرفو مزيان ،وتا هو كيعرفني مزيان ،تا هو بحالي ،ولكن انا كنحترمو واخا هو نصاب ،الفرق الوحيد بيناتنا انني واضحة وباينة ،ونهار كنخرج مع شي واحد كيكون عايق بيا و انا عايقة بيه ،هو عندو بيا غرض و أنا غنقضيه ليه وغيخلصو،كنخرج عريانة حيت معندي ما نخبي ،وجهي مكشوف بالحق هادي اخر مرة ،ال ما حترمنيش ،غندخل فيه طول و عرض ،هدشي الي علماتني الوقت ،االحترام بحال السالم ،ينتزع و ال يمنح ،ناري تعصبت ،كعيت ،بديت ندوي بالفصحى بحال دوك المناضلين ،تا هوما كيعيقو على الي بحالي الي كيبيعوا لحمهم ،واخا تا هوما بحال الفقيه ،تيبيعوا و يشريوا ،تيسمسرو فالقضايا .و المبادئ باش يوصلوا للمناصب واللعاقة الي تيخسروها على الشراب و الدريات بحالي فآخر المطاف ،كتلقا كلشي بحال بحال ،القوادة بجهد ،شي تينصب على شي ،الفقيه كينصب على المومنين، المناضلين د الميكة كينصبوا على المواطنين ،وأنا و صحاباتي كننصبوا على الحزاق كامل ،على الزاللة .كاملين ،سواء كانوا مناضلين وال فقهة وال مواطنين ،وكلشي واكل طرف د الخبز حار الحلقة ":9الفقيه والّ كليان ديالي ..خذيت الفلوس و ورديت لو حجابو ،الفلوس هوما الحجاب اللي كيدير ".القبول و كيحيدو العكس و التابعة ،وكيديرو الطريق وسط البحر
حتى انا عندي رأي ف َكاع داكشي لي طاري فالبالد ،وبغيت ن َكولو ..بغيت داك القائد د بن كيران يسمعني. ماتكونوش قباح ،وتفهموها بالداريجة القاصحة ،انا كندوي بالفصحة ،ياك القوادة من قاد يقود ،و بن كيران هوالقائد ،زعما هو لي مقودها على هاد البالد ،ويال كان بصح باغيها تزيد القدام خصو يسمع و يتمزك مزيان للناس الي بحالي ،داخل سخون بحال الدخلة د العرايش ،من بعد ونعاود ليكم هاد الدخلة د العرايش كي دايرة ،داخل بسالمتو شاد بيدو واحد جليليبة بيضة محيدقة و طريبيش حمر بحال شي برهوش عاد تختن ،و فيدو التانية هاز بلغة صفرة مصمقة باغي يقتل التماسيح ،سحاب ليه بوبريص ،حتى وال بوبريص .عندو الشان اكثر من ديال الكوصط
غير حال فمو وسنانو بحال المقص طالع هابط ينقص فداك صندوق المقاصة ،اجي بعدا ياك داك صندوق المقاصة كالو غينقص لينا فالزيت و البوطة و الخبز ،غنولي نخدم غي شوية ،نهار طلع بن كيران المرة
ouzzine
Abdeljalil
االولى تخلعتَ ،كلت صافي قودناها،الراف المخيرة تجمعنا ،ساعا بنادم تزير ،وكلشي سخن ،عاد تزاد .الرواج و القضية زهات
نعاود ليكم حكايتي مع الفقيه .خونا الي كنت كنتالقاه فالربعة د الصباح ،عاد راجعة جارة رجلي بالكشايف، انا داخلة هو خارج ،كيشوفني و يدفل و يعاير ،وسختو البالد و داك الديسك ديالو راكم عارفينو ،جات عينو فعيني ،حدرت راسي وزدت،كمل الطريق ،و فنفسي كنعاود المعيور ديالو ،حافظاه ،بانلي سكت،ما سبنيش، ما فهمت والو ،شوية كنسمع الخطوات ديالو راجع ،قربوا بزاف ،شداتني الخلعة ،عنداك يدير فيا يدو، .عنداك يجاهد فيا ،مكاين الي يعتقني ،كاينة غي انا وياه
طلع فيا و هبط ، ،سولني فين خارجة فهاد الوقت؟ بقيت كنمضغ المسكة و نحنزز فيه ،مخنزرة و مخرجة عيني مزيان،واخا فالداخل كانقفقفَ ،كتلو أنا داخلة للزنقة ،انت الي خارج ليها ،وطلقت واحد الضحكة ديال شي حد فرحان،ما خصو تا خير ،أنا خدمتي فالزنقة ،راسمالي فالزنقة ،الزنقة هي داري ،وانت عارف وانا عارفة ،الي معرفتش هو شنو جاك اليوم أسي الفقيه؟ بان لي حشمان ،مخلوع اكتر مني ،كيهضر معايا و حاضي جنابو ال يشوفو شي حد معايا ،واخا َكاع ايشوفوه ،تاحد ما ينويها فيه ،اي َكولو را غي كيطلب ليها الهداية ،وكينصحها ،تا حد ما غي َكول را تا الفقيه بغا ياكل الحلوى ،مصدمنيش فيه ،وزايدون ياك ما محبة غا من بعد عداوة ،وانا و السي الفقيه عداوتنا طوالت ،و الدفال الي كيبزق فاالرض وقت ما شافني .سااللو...وهدا جهد الي ما يصبر
بغيت نشد فيه شوية ،سولتو واش عندك مع الما لحمر؟ استغفر هللا ،هللا يبعد علينا الحرام ،خراني بالضحك، هي أنا غا ضرب بيا الكاغيط و تكمل نص دينكَ ،كالي ال ،عندي غا مع ماء الحياة ،ياك وجعلنا من الماء كل شيئ حي ،ونتي تبارك هللا ،فيك الحياة ،وكلك حياة ،وانا فيا الما .كتحللو الي بغيتو و تحرمو الي بغيتو، .معليناش ،شغلك هاداك ،انا خصني غي اللعاقة ،داخ الفقيه
عجبتو ،وال كليان ديالي ،مبقاش باغي يتفرق معايا ،غا هو مكيخرجني فين ،الليلة الي مكيشوفنيش،كيفرع لي راسي بالتيليفون ،مور العصر ،قبل العشا ،مع الفجر ،واخا كيعرفني خارجة مع شي حد ماكي َكول والو، فاهم بالي الوقت صعيبة وانا خصني نتقاتل ،اخر مرة معاه ،خليتو ناشط ،فرحان ،واصل للسما السابعة،
ouzzine
Abdeljalil
توضى وساال ،تخشع و هز يدو للسما ،بقا كيدعي معايا ،بزاف ديال الدعاوي مابقيت عاقلة على تا وحدة، فاش كنت خارجة مد لي واحد الحجابَ ،كالي متحيديهش من عبونك ،و عنداك تحليه ،تال الليلة الخامسة، فاش تكمل ال َكمرة ،وتصفا السما من الغيام ،خديت فلوسي ورديت لو حجابو ،الفلوس هوما الحجاب ديال .بصح ،هوما الي كيديرو القبول ،هوما الي كيحيدو العكس و التابعة ،وكيديرو تا الطريق وسط البحر لحلقة :81كنخسر الهضرة حيت ما كنحملش نماكي لشي حوايج باينين والستيلو بوحدو للي كيبدا مكيبغيش نوقف ،قحبة مثال مغديش ن َكوليها بائعة الهوى باش منجرحش بنادم فاش كنخسر الهضرة ،ماشي حيت أنا خاسرة ،أو كنت خاسرة ،غا هو وكان مكنحملش نماكي لشي حوايج باينين ،باش تصور الواقع ميمكنش تختار كلمة بكلمة ،حيت ديك الساعة ماشي انا الي كنكتب ،الستيلو بوحدو الي كيبدا و مكيبغيش نوقف ،كنعيا فيه ،قحبة مثال مغديش ن َكوليها بائعة الهوى و ال الخرا باش منجرحش بنادم ،كنضبر على كري شنو غنكوليها بشي لغة أنيقة ال تخدش اذن المستمع الضريف ،هاد الضريف ولد الناس هو النيت الي كتلقاه كيديرهم بسطاش ،كيتلوط على الكبيرة و الصغيرة و الحاملة و المجوجة والزوينة و الخايبة ،شبعان تناقض تا هادوك الي كيكولو على راسهم فشكل و حنا متفتحين و حنا مع الحريات و مع النم هاداك نيت نهار يبغي يتجوج عمرو ما غيقلب على صاحبتو ،غتجوجو ماماه من دوارهم ،معليناش ،مسعودة مغديش تخسر الهضرة من هنا الفوق ،غتهضر بالعبار ،بالصواب و التاويل، معرفتش كي غيخرج دكشي ،غنخبي الشمش بغربال ،غنلبس حوايجي قبل منكتب ،و قبل ما نحط الكلمة ...غنقلب على بزاف بحالها و نختار الخفيفة فيها معليناش ،دابا نيت فاش بغيت نعاود الحلقة د اليوم ،بال ما حسيت براسي ،حليت شعري ،مسحت وجهي من الماكياج د النهار ،طفيت على البوطة ،و درت موسيقى زوينة ،موسيقى قولباتني ،بدا ديسك مكنتش عارفة راه عندي ،يا الميمة ،نوصيك وصايا...بال ما شعرت نضت طليت على بنتي فبيتها واش نعسات ،واش مرتاحة ففراشها ،حيت فاش كنت برهوشة معمر طل عليا شي حد ،نعست وال منعستش ،مغطية وال ظهري عريان وال ما بايتاش كاع فالدار ،راجلي باقي ما دخل ،مكيتعطلش فالخدمة ،مؤخرا بدا يديرها ،شكيت اكثر من مرة انه عرف شي وحدة بحال مسعودة ،محاولتش نسول وال نعرف ،مكنقدرش على الصداع ،عييت، مفياش الجهد ،بحال شي واحد ساال من الحرب ،كلو معطوب و مقصح ،غير الى عفطتي عليه اتقصحو، هاكاك وليت ،باغا غا التعادل، كنكتب سطر فدقيقة ،كنسهى ساعة ،باش غنبدا ،كيفاش أنسالي ،كملت خمسطاشريوم مع سعيد ،دازت مزيانة ،معمرو كالي شي هضرة ناقصة ،وعاد كيدور معايا مزيان،عروبي ولكن خصيم ،مزال كنكولها صونا عليا ،وجدي راسك هانا واحد نص الساعة ندوز عليك ،واخا فين أنمشيوا؟ كالي را صحابي كراو شي فيال حدا البحر ،و جايبين صحاباتهم ،ونتي هي صاحبتي ،يااله معايا ،نريحوا شوية فالدار ،ناكلوا الحلوة...وراني عاوتليهم عليك ،وباغيين يشوفوك و يتعرفو عليك...بقيت ساكتة شحال ،كنفكر شنو ممكن يكون كال؟ كاليهم مثال مسعودة بحالكم ،مسعودة فوطوكوبي منكم ،غي هي قارية شي شوية،وال كالهم هادي واحد الصلكوطة كنعرفها باغا ضبر على راسها،،مهم شنو ما كان كالهم ،انا ما رتاحيتش لديك الليلة ،قلبي مزير عليا ،وشداتني واحد الخلعة فشكل ،النفس كيتحبس فيا ،كنتنفس بصعوبة بحاال هازة شي جبل فوقي ،بقات غا شي ربع ساعة ويجي عندي ،مع كل تيك طاك ديال الساعة ضربات قلبي كيتجهدو ،بحاال بغا يسكت ،فالخر
ouzzine
Abdeljalil
كتبتلو ميساج ،حبيبة سمحلي ،منقدرش نخرج اليوم ،فيا الوجع ،خلي تال غدا عافاك ،كتبتو و بقيت نشوف فيه ،نسيفطو ما نسيفطوش ،كنتت باغا غي نتفك من داك االحساس الخايب الي جاني ،فاش قراه كعا مزيان، لدرجة بدا كيسب و يعاير ،و سمعني مزيان ،وراني واحد الوجه شحال وهو مخبيه ،مخاللي غا الي نسا، نقالي ودني ،مجاوبتش ،حيت كاع دكشي الي كال حقيقي ،مكدبش عليا ،استغاللية ،صوبيصة،كلكم بحال بحال ،شهر هادي وانا هازك و الليلة االولى باش بغيتك دفعتي كبير ،قولبتيني ،وهللا ال بقات فيك يا القحبة، قطعت التيليفون ،تجبدت فبالصتي ،وحسيت بجسمي كلو بارد ،واحد التبوريشة طالعة معايا من رجلي، عيطت على البنات الي فالبيت الخور باش يجيو عندي ،مسمعونيش ،كانت الغوتة الداخل ،كنسمعها غي بوحدي ،بحاال طايحة فشي بير غارق حليت عيني ،الضو مجهد ،ابيض ،كيعمي العينين ،هدا ماشي بيتي، بيتي مضلم و حيطو موسخ ،لقيت راسي فالمستعجالت معاقلة على والو لحلقة 88غيت نبدا من اللول ،واخا طابع قحبة معمرو يتمحى ،إال نسيتو موجود اللي يفكرني فيه .ماشي صعيب نتوب ونرجع الطريق ،بالحق المجتمع عمرو يغفر لي=اكثر من 81سنة
حليت عيني فبيت بيض ،نقي ،فيه الضو بزاف و كيعمي ،هذا ماشي بيتي ،بيتي مضلم و حيطو موسخ، هادي المستعجالت ،ما فهمت والو ،شنو كندير هنا؟ شنو وقع؟ جات الفرملية عبراتلي الطونسيو ،كان طايح بزاف ،كاتلي على سالمتك يا مسعودة ،حاولي على راسك ،قلبك ضعيف بزاف و زايداها بقلة الماكلة و النعاس ،غتخرجي على صحتك..سكتت شوية ،وعيني غرغروا بالدموع ،فديك اللحظة ما لقيت بجنبي تا واحد ،ما واقف حدايا تا واحد ،البنات الي وصلوني فالليل رجعو باليصهم ،كل واحد ملهي فشغاالتو ،جربت نصوني على شي حد من هادوك الي كنعرف ،دراري وال بنات ،شي مشغول ،شي خدام ،شي كيشوف نمرتي و يقطع عليا،فديك اللحظة الي صونيت عليه و مجاوبش كنمسح نمرتو فمرة ،عبد الرزاق حتى هو، واخا عرفني فالسبيطار مجاش يشوفني وال يسول فيا ،كنعدرو ،تا انا كنت قاصحة معاه بزاف، ومراعيتليهش ،من حقو...الليلة الثانية الي دوزت تما كانت طويلة بزاف ،ما بغاتش تساال ،ما بغاش الصباح يطلع ،بقيت نشوف فيها حياتي كاملة كدوز قدامي ،لقطة بلقطة ،منين كنت كنلعب فالغيس بشعري طويل و مضفور حتى قطعتو وصبغتو وحرقتو بالسوشوارات ،منين كنت كنصنع المونيكات بالقش و نلبسهم بالشراوط الي كنخيط حتى وليت انا هي المونيكة ،كل نهار ملونة ومزوقة بحال الطعريجة والي جا يطبل فيها تا يشبع ويلوحها ،واخا كاع نبغي نجمعها دابا معندي ما نرقع فيها ،مشخشخة ،كل بياسة فين مالوحة، ويال لصقتها الشقوق غيبقاو باينين ،مشوهين..واحد الشوية كنسمع صوت االذان ،الفجر كيودن ،المؤدن صوتو زوين بزاف ،مكرهتوش ما يساليش ،صوتو مجهد لدرجة نسيت فاش كنت كنفكر ،تكمشت فبالصتي بحال شي وليد فكرش أمو ،زيرت رجلي عندي وبقيت نسمع ،يااله قرب يسالي بدا واحد اخر من الجامع الي حداه ،بقاو االصوات كيتخلطوا مع بعضياتهم، ...انا بقيت مركزة مع اللول ،كنت باغا نكوليه شكرا خرجت من السبيطار ،قبل ما ندخل للبيت دزت لواحد السيبير ،طلبت الولد الي مقابلو يصايبلي السيفي ،و طبعت منو بزاف د النسخ ،شي عشرة ،تا السيفي ديالي عامر كدوب ،سطاجات معمري درتهم ،لغات معمري هضرت بيهم ،شي ديبلومات غي كنسمع بيهم ،مهم خصهوم غا يعيطولي ،اي خدمة غنتعلمها بالزربة ،حيت محتاجاها ،والليل و حياتو خرجو عليا ،وليت كنحس براسي شرفت بال وقت ،راسي عمر بالتخربيق ،وبغيت نبدا من اللول ،واخا الطابع ديال قحبة معمرو يتمحى ،واخا ننساه انا موجود الي يفكرني فيه كل مرة ،القحبة ماشي صعيب توب و ترجع الطريق ،بالحق المجتمع عمرو يغفرليها الخطأ.عمرو ما .يعفو عليه هللا من الحضية
ouzzine
Abdeljalil
ثاني حاجة درت ،هرست النمرة الي مفرقاها بزاف ،مبقيتش باغاها ،مبقيت باغا يصوني عليا حد فيها، باراكا ،عييت ،ما بقالي والو ونتخرج ،ناخد الديبلوم ديالي ،أحسن ما درت فحياتي ،انني معمري عاودت العام واخا خارجاليها ،فاش كيقربو االمتحانات كنشد االرض ،مكنجيبش شي معدل زوين ،ولكن كندوز بمقبول ، ،ديما ،كلشي غا قابل علينا مهم بقيت كنتسنى ،السيمانة االولى ،التانية ،ال مرجان ،ال اسيما ،ال دوك الحضانات ،تا حد ما ضصرني وال حاشاهاليا ،الفلوس الي كنت جامعة قربوا يتساالو ،بدا كيتزاد معايا الزايد ،وشي مرات كنكره راسي على هاد الضمير لي ماجاه وقتاش يفيق تال دابا ،ولكن كنشوف تا نعيا و نحمد هللا الي خرجاتلي طريفة ،ما تعدى عليا حد ما اغتصبني ،وال ديت شي سيكاتريس تخسرلي كمارتي ،واخا السيكاتريس الي فخاطري مقودة .اكثر ،خصها مدة باش تجمع جاني تيليفون ،الصباح مع التسعود خصني نكون واجدة ندوز ،مدرسة خاصة ،غنحضي فيها البراهش ،من التمنية للطناش و من الجوج تال الخمسة ،ونبقى نتجلوق معاهم فداك الترونسبور حتى يدخل كل واحد لدارهم ،هاد الفقصة كاملة بألفين درهم للشهر "كنت كنصورها فليلة ونهار ،بالحق الي فكرت فيه أكثر هو واليديهم ،غا يبقاو يحترموني ،معمر شي حد احترم مسعودة وال مسعودات ،والدهم غيبقاو
يشوفوني بحال الواليدة ديالهم ،واخا أنا غي مسعودة ،تا هادو غا نقولبهوم ،الفرق أن الخرين نصبت عليهم .بوجهي عريان و مكشوف و هوما عايقين بيا ،أنا هادو مساكن ما عمرهوم ينويوها فيا لحلقة " :82بانت لي واحدة غليضة ،البسة سروال مزير عليها بزاف ،ومن الفوق ديكولطي د راجل ،بال "سوتيانات ،بزازلها ذابلين وكرشها مدلدلة ،كانت بادية موسيقى غربية وهي كتشطح الشعبي الخدمة ماشي عيب ،المهم غي ما تشفرش وتسرق ،هاكا قراونا فاش كنا صغار ،كانوا كيضحكو علينا ،باش هوما يشفروا بوحدهم و ما يزاحمهم تا حد ،خدم خماس و ال خدم عطاش و ال بقا فالموقف من الصباح تال المغرب ،راك كتاكل الحالل زعما ،خصك تقنعبالي عطا هللا ،باش تبقى ديما غادي جنب الحيط مكمش و ظهرك مقوس بتمارة و توصل ربعين عام يجيوك كاع االمراض،حيت ما كنتيش كتاكل مزيان،حيت ما تهليتيش فراسك ،وكنتي كتفقص و ما عمرك كتغوت،كترد الداخل الضربة االولى و التانية و التالتة تا ولفوك ساكت ،نهار الي يزغبك هللا و تبغي تخرج ديك الغوتة قودتيها،ما تلوم غا راسك الزمر ،تا حاجة ما بغات تصدق ،بقاتلي شهراين وناخد الديبلوم ،الحي الجامعي طرق ،كل فين رد راسو، مخليت فين محطيت السيفي باش نبدل ديك المدرسة ،حيت كيحرتو عليا مزيان ،كنخدم من التمنية للطناش، ومن الجوج للخمسة ،فالعشية كنجي كنجر رجلي،كندوز على محمد مول المحلبة ،عندو واحد نعيمة كتفرع الملوي ديال الشحمة ،كنشري وحدة باقا سخونة ومكرملة ،كنلويها فكاغيط وكنبدا غادا ونغززها فالطريق، كندوز على الصحراوي مول الزريعة ،عارفني شنو باغا ،خمسة ماربورو كيلويهم فكاغيط و يخليه منفوخ بحال عشرة زريعة نيت ،كندخل البيت ديالي ،هو غا بيت ،ديال الكونسييرج فعمارة ،مهم نهار كيتبعني شي واحد كيصحابلو راني الباس عليا ،ساكنة فعمارة األمل،الآلمال كاليك ،مهم الدخلة ديالو مهيبة ،ولكن بيتي كيخلع ،فيه بوطة صغيرة ،وسداري بال كاتري ،وحوايجي فباليزة وشي شباكي ملونين ،حاجة من الحاجة، معيلقة ،موس حافي ،فرشيطة ،غراف ديال الغيس مجلخ بالقطران ،قراعي د الروج خاويين ،كندخل كنتكمش ،وندير الراديو ،كيعجبني بيت الصداقة ،حيت هو الي كيشد مزيان ،كتجيني القنطة ،ما عندي ال
ouzzine
Abdeljalil
معامن نهضر ال معامن نخرج ،ديك جوج د لاير الي كيعطيوني يااله كنخلص منها لكرا ،وكنتخارى معاها .باش تكمل الشهر ،ما عمرها كتكملو السبت عشية ،رشقاتلي على شي خرجة بوحدي ،نمشي نكلس فشي بالصة و نبقا غي نشوف بعيني ،ما يلوح عليا حد يديه ما ندير خاطر بزز ،دكشي الي درت ،أول مرة كنخرج خفيفة ،بحال الريشة ،ال ماكياج ال والو ،دوك التقازب طلعولي فراسي ،لبست واحد السروال الدجين و تيشورت و صندالة د الصبع ،تا صاك ما هزيتوش ،واحد ميتين درهم طويتها مزيان و درتها فالجيب الصغير ،و الساروت ديال بيتي بقيت شاداه فيدي ،مزيرة عليه ،فرحانة بيه ،واقيال تا فاش درت الدار من بعد و خديتها كبيرة وزوينة ما حسيتش بيها بحال داك البيت فديك العمارة ،صعيب نوصف هاد القضية بالضبط ،تخيل شي وحدة ديما جاريين عليها جرا عليه باها فاش كان صغيرة ،سكنات عند جداتها ،كبرات خرجات للزنقة ،كل مرة كيجري عليها شي واحد فاش ينعس معاها و يسالي ،كنت ديما كنحلم بشي حاجة ديالي ،عندي ساروتها ،ندخل ونخرج وقت ما .بغيت ،دكشي الش فلوس لكرا هوما للولين كنحيد من ديك الخلصة معليناش ،مشيت نسهر فبالصة جديدة,معمر داني ليها شي حد ،ونيت باش ما نتالقا تا واحد من الكليان القدام ،كاين فيهم الي محلف عليا ،كاين الي درت معاه و نشرتو ،كاين الي خديت لو فلوسو و مادا مني والو، الى طحت غا فشي واحد من هادو أيفرع دينمي ،وال غي يديرلي الشوهة قدام الناس ،خديت كاس و ريحت، كيما ديما ،البنات كتار ،االنواع د البنات ،الي خارجة تفوج و الي خارجة عليها الوقت و الي خارجا ليها نيشان ،كلهم ضاحكات و ناشطات بالحق الداخل ديالهم ما عارفاه غير وحدة كانت بحالهم ،وسطهم بانت لي واحد المراة غليضة ،و خايبة ،سنانها طايحين ،البسة سروال مزير عليها بزاف حتى فاضت ترمتها من الجناب ،ومن الفوق ديكولطي د راجل ،بال سوتيانات ،بزازلها ذابلين وكرشها مدلدلة ،كانت بادية موسيقى غربية وهي كتشطح الشعبي بوحدها ،ريتم ديالها بوحدو ،ما مسوقاش لمو العالم ،عجباتني بزاف ،أكثر من البنات المبوكصات و البسين الطالونات ،ما عرفت واش شفت فيها راسي فاش غنكبر ،واش نقدر نولي هاكاك ،مهم غي الصورة خلعاتني،هللا بوحدو الي عارف قصتها هاديك ،خليتها مزال كدردك ،و شي براهش كيتغامزوا عليها ويضحكوا ،بقيت شوية كنتموسق ونضت فحالي ،دزت نخلص كلقا طبلتي خالصة ،ما فهمت والو ،ما شفت فحد ما غمزني حد و ما خصنيش اصال ،السرباي ما عطاني تا خبار ،مشغول ،السبت ديما الزهو ،بقيت كنشوف فجنابي ما بانلي تا حد ،خرجت كنتسنى طكسي صغير ،باقي الكارو فيدي كتوقف عليا طوموبيل ،هاد المرة ماشي أنا الي مشيت تالحيت عليه من الشرجم ،هاد المرة فشكل ،وقف طوموبيلتو ونزل منها و جاي عندي..نقي وزوين و مأدب ،جا روطار ،تا درت عقلي...طفيت الكارو بصندالتي وركبت ..طاكسي وخليتو واقف ،ما رديتش البال راه تابعنا تا نزلت..بديت كنكعا ،شنو بغا هاد الخرا عاوتاني الحلقة " :83حيدت الدجين و تيشورت ،وبقيت عريانة ،بقيت كنشوف فراسي فواحد الشقفة ديال المراية، "كنشوف واش نعرفني وال ال ،تبدلت على راسي ،عالش وليت هاكا خليناها فنزلت من طاكسي صغير ،هو نزل من طوموبيلتو وجاي قاصدني ،بوكوص و البس زوين ،وقف عليا و كالي انسة سمحيلي غي دقيقة ،وايلي ،ما عمر هضر معايا شي حد بهاد االداب كلو ،أنا تلفت ،ما بقيت عارفة ما ندير ،بقيت كا نشوف فجنابي ال يشوفني شي حد ونتشوه ،يصدقو جاريين عليا من داك البيت ما لقيتو غا بالكشايف ،حبسات لي الهضرة فحلقي ،بغيت نكولو يا ودي ،سير فحالك يا هاد الولد ،ما انت ديالي مانا ديالك ،علق بجلدك ،بقا كيهضر ،مبقيت كاع كنسمع ،كنشوف غا شفايفو كيتحركو ،هادي هي لي ما عرفني خسرني ،مشيت بعيد ،تا كالي انسة ياكما بسلت عليك ،جابلي الضحكة ،ماشافش شحال من واحد بسل عليا بخاطري ،خرجت عندو غي باش يبسل عليا ،كتلو ال ماشي مشكل غي سمحلي ،خصني ندخل، عييت ،كالي واخا نقدر نعاود نشوفك ،ممكن نمرتك ،شنو سميتك بعدا ،شداتني الطيارة أنا ،خليتو و بقيت .زايدة ،ما جاوبتش ،ما عطيتوش النمرة
ouzzine
Abdeljalil
زدت فحالي تا قربت للباب ،وانا نكولو سميتي نجالء ،بال ما ندور ،دورت الساروت ودخلت للعمارة ،دخلت للبيت الي فالعمارة ،البيت الي أصال ديال كونسييرج و فيه غي شرجم واحد صغير قريب للسقف ،كالي أنا مهدي ،سمعتو ركب فطوموبيلتو وزاد ،رميت الصندالة من رجلي ،حيدت داك الدجين و تيشورت ،وبقيت عريانة ،بقيت كنشوف فراسي فواحد الشقفة ديال المراية ،كنشوف واش نعرفني وال ال ،تبدلت على راسي، ما بقيتش تا كنفهمني ،عالش وليت هاكا ،وكنحاول نعرف شنو عجبو فيا تا جا تابعني هاد الطريق كاملة، وعالش ما عطيتوش وقت ،عالش ما عطيتوش نمرتي ،ياك كنت كنفرقها غا على الزبل د بنادم ،بقيت هاكاك ،ما عقلتش وقتاش داتني عيني ،حلمت شي حلمة زوينة بزاف ،ساعا البرد فيقني ،لقيت راسي كنقفقف ،جريت عليا الغطا و كملت ،غرقت فالنعاس ما ضرباتني الفيقة تال الخمسة د العشية ،كنشوف فالتيليفون كلقا اليوم تمنية وعشرين فالشهر ،القوادة ،خصني فلوس الكرا ،والمدرسة مزال ما خلصوناش، شوية و يبدا مول الكرا يدق ،ها الخدمة وخدمنا ،ها التقحبين و حبسناه ،وباش غا نخلص الكرا دابا بالشفوي؟ تا كنبغي نغني و توبة توبة توبة ،كترميني الحياة فشي بار اخر،فقت محرودة بالجوع ،كنقلب على ما ناكل فالدار ما لقيت تا لعبة ،واحد جوج فليفالت كنت غرميهم ،شوية شويتهم فوق البوطة و قطعت عليهم ماطيشة .و الخل وبقيت كناكل ،كيهبطو غي بالسيف ،شحال صعيب ما تلقا باش دوز خبيز مسعودة خرجات البسة كسوة بيضة ،مزيرة على نصها ،فيها شي فريفرات فلكحل زوينين بزاف ،فلول مكانش الرواج بزاف ،بقات غي مريحة وحاضية ال يبان شي فيكتيم ،ساعا معكسة الدعوة ،كلشي جايب جمتو مريحها حداه ،تا فاتت الوحدة د الليل ،ديك الساعة فين مكان شي زامل مخلي مرتو فالدار ساد عليها كيبان ،بدات مرة مرة كتنوض تضرب شي شطيحات خفاف ،غي بالعقل ،ديك الكسيوة كتقسم ليها فخيضاتها و كتبان كرشها خارجة ،البيرة بنت لحرام خرجات ليها على لفورمة ،ولكن باقي فيها ما يدار ،السرباية كاملين كيعرفوها ،عشيرتهم،تمشي للطواليط مخلية التيليفون و الصاك فوق الطبلة مكاينش الي يقيسهم ،فاش كتبغي تشطح كتعطي ترمتها لواحد الجوج مريحين بوحدهم ،باينة فيهم جبالة ،من صحاب التبزنيس غا من دكشي لي البسين ،خارجين بكيطمة د الرياضة وسبرذيلة ،مكلخين ،بالحق ملعقين ،هي مالهم غدوز ليهم امتحان زعما ،مزيان كل ما كانوا دمادم كل ما دخالت هي الصرف ،الليلة كاملة كيشوفو فيها و تشوف فيهم ،شوية مشات عندهم و بقاو يشطحو كاملين ،كتشطح تا سخفات ،عرقات و لصقات عليها الكسوة، الشعر بدا كينشنتف ،و الماكياج كيطير ،بداو كيشعلو الضو باش يقود بنادم فحالو ،تسنات خوتنا يعرضو عليها تمشي معاهم ،والو ،من بعد سوالتهم فين غيمشيو من بعد ،ما ضصروهاش ،فهمات أنها تقولبات، .ضيعات الوقت بال فايدة ،خوتنا ما عندهومش مع الدريات ،خوتنا زوامل ،تفو رجعت فحالي ساعرة ،ساخطة بجهد ،هادي ما عمرها طاحتلي فبالي ،ومبايناش عليهم أصال ،كترة الهم كضحك ،الحب ما كيعرف ال بنت ال دري ،مع الدورة ديال الدرب ،بانتلي طوموبيل واقفة عند العمارة، بحال الطوموبيل د البارح ،هي ،الطوموبيل د مهدي ،أنا مقزبة ،و حالتي حالة ،ما يمكنش ننزل دابا ،وال ننزل ويمشي يقود ،مالو ضارب بيا الكاغيط ،ولكن شي حاجة الداخل كتكولي ال ،تبتي يا مسعودة ،نجالء زعما ،كلت لمول الطاكسي رجع ،قلب الدورة ،ديني لشي قهوة تال الصباح ،اصال قريب الصباح يصبح لحلقة " :84مهدي كاع ما سميتو مهدي ،بحال نجالء ماسميتهاش نجالء .هي قحبة مقودة عليها وهو قواد دار اللعاقة مع الحواال الخليجيين81 +/ تخلطات عليا ،ما بقيت عارفة ما ندير ،القهوة فاش ريحت خاوية ،اال من شي سكايرية ما عندهوم فين .يمشيو واقيال تا هوما ،واحد العائلة عندهوم شي جوج وليدات غالبا كيتسناو شي كار باش يسافرو
ouzzine
Abdeljalil
ما كرهتش تا انا نسافر ،نبعد ،نغبر كمارتي ،نمشي لشي بالصة ما كيعرفني فيها حد ،نبدا من اللول ،ولكن فين ما مشيت غا لقا مسعودة .غا لقاني انا بالتفاصيل الخايبة ديالي ،خديت واحد نورمال مسوسة و شعلت كارو ،ديك السيدة الي مقابلة معايا شافتني هي دور وجهها ،و بالزربة جرات بنتها عندها ،ديك اللحظة بغيت نكوليها عافاك ما تفهمينيش غاالط .تا انا شديني و عنقيني و خبيني فيك ،محتاجة شي وحدة بالصت الواليدة .تعنقني و تحن عليا ،بالحق صعيب القهوة مرة ،رميت فيها طوبة ديال السكر وبقيت كنحرك ،بقيت كنلعب بالمعيلقة ،مزال الموسيقى و الزديح د البارح فودني ،ودوك الجوج الي عييت نشطح ليهم بال فايدة ،بانلي تا التقحبين ما بقاش قابل عليا ،القضية .ميتة ،وانا مزيرة ،وخصني الليلة نخلص الكرا واحد الشوية كتبان لي واحد البنت قبالتي ،فيها عالمات الزين ،ولكن زينها ذابل ،عينيها تحتهوم طبايع كوحل ،بحال شي حد ما عمرو نعس ،وفمها زرق ،مزال كنحقق فيها بانتلي مريطة جوان ،وساعرة مع البريكة ،حلفات ما تشعليها ،كتمتم بفمها شي حاجة ،كتسب واقيال ،مشيت شعلت ليها ،هزات عينيها فيا، كاتلي هللا يحفظك أ لعشيرة ،لعفو ،رجعت لقهوتي ،تا لقيتها حدايا ،گاتلي واش كتسناي شي حد وال نريح معاك ،قبل ما نجاوبها گلسات ،وبدات تعاود ،وتكمي وتبخ عليا ،وسط ديك لعجاجة ديال الدخان و داك السكات بقات تهضر .ما فهمتش الش كتعاودلي انا بالضبط ،الش وراتني تصويرة د ولدها ،ولدها زوين وحروفو كحلين ،بحالها ،بال ما حتاجيت نسقسيها ،كاتعاود منها لراسها ،كل نترة فيلم ،كل فيلم أقود من اللول ،كتليها ختي معرفت سميتك ،الحياة بنت لقحبة ،كاتلي ال ،الحياة قحبة ،كتعطي للزوامل ،وانا ونتي بزاف منا عاطيانا الصبع ،وعاطياه لينا بالظهر ،مازال ما بغات تدور عدنا قربات السبعة د الصباح ،هي عيات تعاود ،انا عييت نسمع ،قلبناها ضحك ،وقت ما ضحكت كا تكولي زيدي ضحكي ،نقولبو الدنيا ،كل ما ضحكنا كل ما فقصناها ،هي تصبعلينا ،وحنا نعطيوها السالم ،فلخر حنا لي غنربحوا ،ما غتصور مورانا تا خرية ،كان صباح زوين .خرجت سالتة من مهدي ،تالقيت نادية ،من داك النهار ما تفارقنا ،لدابا مزال كنتعايطو،هي الي كتقابلني فالوالدات ديالي بجوج ،كتهزني وتهز داري ،والدي كيكولولها طاطا ،وكلهم عارفين اننا تالقينا فالفاك ،الفاك د بصح ،كيسولونا كنعاودو ليهم ،حتى تيقنا راسنا بصح تالقينا فشي مدرج ،تبادلنا البوليكوبات ،تا حد مافراسو را سبابنا غي شعلة ،فواحد الصباح بارد، مشات معايا للدار ،للبيت ،دخالت وقسمنا داك الكاتري ،قسمنا موراه كلشي ،الصحة والمرض والضحك والبكا ،نهار كتمشي تشوف ولدها مكنهضرش معاها ،كنخليها فخاطرها ،حتى تبدا هي تعاود ،عرفتي أيمن .على نكتة عاودلي اليوم ؟ رسمني بالملونات ودارلي فمي بالزرق ،وكتبقا تضحك حب المرأة لولدها مكاينش بحالو ،واقيال تا انا الواليدة كانت كتبغيني قد هاكا ،وال اكثر..معليناش ،كلشي صحابلو مهدي هو لي غيتجوجني ،وتولي حياتي فالغوز ،وندوزو شهر العسل فمراكش و أكادير ،ويجيب لي الفطور الناموسية ،دكشي غا فاألفالم الـمغربية الحامضة ،الي كيشد فيها المخرج زبالة د الفلوس باش يرسملينا شي لوحة مبوكصة .الواقع ال عالقة ،بقا ديما عاصر عليا فلباب ،عطيتو نمرتي ،نمرة نجالء، وقررت نديرو قهوة نشوف شنو تحت راسو ،البان لي فيه شي بالن د النصب هو هاداك ،اما الحوب ،ما يشري تا كوميرة تفرق بيها جوع اليل على ديال النهار ،صدق مقود ،بالن بوحدو ،ما صدمنيش ،عارفة راسي مسعودة متعوسة ،ضاربة رجلي فالغيس ،تا كتكول خرجات كتعاود تغطس تال لقاع .مهدي كاع ما سميتو مهدي ،بحال نجالء ماسميتهاش نجالء .هي قحبة مقودة عليها وهو قواد دار اللعاقة مع الحواال، السواعدة لحلقة : 81ملي كنا فالبار ديال طروازيام كالص جا وقف حدانا واحد السيد باينة فيه شي واحد معقول، !!ماشي ديال دوك الباليص ،قالينا تمشيو معايا ،قالتليه نادية واش حنا بجوج
ouzzine
Abdeljalil
الفلوس ،و الحزقة كتجيبليك باش تاكل ،وبعض المرات غير كتمدق ،نادية كانت كتكوليا الى جينا نفكرو عالش كنقحبو غادي نحرقو راسنا وال نهزو الجناوا ونشرطو بنادم ،ولكن حنا ما عدناش الوقت باش نفكرو، .مدابزين غا مع النهار ،نزربو عليه قبل ما يزرب علينا ،نفطرو بيه قبل ما يتغدى بينا حنا من دون الناس كيدوز عندنا النهار دغيا ،طاير ،والليل طويل ومجبد ،اكثرية الى ما ضبرناش ،التفكير خليه للناس لخرين ،كون كان لعقل ينفع فهاد المواقف كون و كون و كون ،المهم الهضرة كثيرة و السكات احسن ،واحد الليلة خرجنا انا ونادية ،مقودة علينا ،تسلفنا من عند شي بنت شي حوايج ،ولكن ما لقينا ما .نلبسو فرجلينا ،الفوق غالي و التحت رخيص،أرخص منا الموهيم كلنا غادي نلبقوها ،المهم البزازل كيطلو ،والسروال مزير ،على الترامي،دايرين التصريح بالممتلكات ،وكنخلصو الضريبة غالية ،دخلنا لواحد البار مقود ،أول مرة غنعرفو ،من بعد وليت مقيمة فيه، ديال التروازيام دوكري ،كيتجمعو فيه البؤساء اكثر منا ،كالتلي را مرة مرة كيجيوا شي متقفين،دوك الناس الكالص الي كيفونطازميو على بحال هاد الباليص ،كتجيهم بحال الفولكلور،كيطلو من فوق نضاضرهم على الناس اللي التحت ،على بحال نادية وبحالي ،كاتلي ما تعرفي تصدق ليك مع شي واحد ،انتي قارية بعدا و .كتعرفي تهضري ،انا فمي عوج و مفاكم ،كنجي نكحلها كنعميها ،ديما مبهدلة راسي كلسنا فالكونطوار ،عندنا عشرين درهم ،وباكية د ماركيز خداتها نادية من عند واحد الكارديان،حيت تقطعات مزيان ،وهي مبلية بزاف ،حك عليها خونا مورا واحد الطوموبيل فالظالم وجاب واحد خفيف ،كنت كنسمعها كتكول ليه ،عنداك تلوح خراك على الحوايج را غير مسلفاهم ،انا كنتسناها فالدورة ،وفيا الخلعة ال يوقفو عليهم صحاب الحال ،كنكمي بالزربة ويدي كيترعدو ،المهم كلسنا ،من بعد ما مشات للطواليط غسالت وجهها مزيان وعاودات عكرات وقادات كمارتها ،طلبات جوج بيرات صطورك ،مقاتلة ،بقيت .كنشوف فيها و كتشوف فيا ،شحال وحنا ساكتين ،كنديرو السكانير للناس الي داخلين و الخارجين واحد الشوية كتليها تصوري ما نضبروش ،باش غنخلصو هاد لحزاق ،كاتلي ال ما ضبرناش نبولوهوم، واحنا نتفركعو بالضحك ،هدا هو الهم فاش كيكتر كيخري بالضحك،نادية ديما ضاحكة ،تا فعز القوادة كتكول شي هضرة كضحكك ديك الساعة ،من بعد ال فكرتي فيها مزيان غا تحزم بشي قنبولة وتفركع راسك وتفركع الخرا كامل الي حداك ،فوسط داك الصداع ،شي واحد ميزا فالجوكبوكس ،اغنية ديال محمد عبد الوهاب، نادية كانت مبلية بيه ،وبالتني بيه حتى انا ،كتبورش فاش كتسمعو ،بقينا نغنيو انا وياها" ،مين عذبك "بتخلصو مني وذنبي ايه بتعذب فيا، جا واحد السيد وقف حدانا ،باينة فيه شي واحد معقول ،ماشي ديال دوك الباليص،الكوستيم و الصبيبط و الروايح ،بقى ساكت و كيسمعنا ،مرة مرة كيضحك معانا من بعيد ،طلب لينا جوج بيرات اخرين وخلص هادوك الي كانو محطوطين ،حسيت بشوية د الراحة ،على االقل بولتنا تبقى عندنا ،تا ال ما صورنا والو بعدا ما غنغسلوش الكيسان وال يفرشخونا الفيدورات ،شاف فيا وكالي نتوما منين ،كتليه من هاد البالد ديال النم، ديال جوج د لاير ،ضحك و كالي كاعية على الوقت ،قاتلو نادية الوقت الي كاعية علينا ،حنا غا دراوش، واخا نكعاو كاع ،سميتو براهيم ،خدام اطار بنكي ،شي حاجة كبيرة ،كالينا انا كنجي هنا مرة مرة باش ننسى النفاق و الوش ديال العالم ،وكنبغي نبعد على الباليص الي نقدر نلقا فيهم الناس د الخدمة ،قلت ليه انا جيت .هنا باش العالم ينساني
ouzzine
Abdeljalil
ديك الساعة كالينا تمشيو معايا ،داري ما بعيداش ،عندو بارطما عاطيينها ليه الخدمة ،كان كيهضر عادي، بال ما نسولوه كيهضر ،كاتليه نادية حنا بجوج؟ كاليها انتوما بجوج غا تونسوني ،وبال ما تنعسو معايا ال ما بغيتوش ،غير بقاو تعاودوليا تا ننعس ،وميكون غير خاطركوم ،قربات ليا نادية و كاتلي يهاد خونا يا زامل يا كيتريكل علينا وباغي يدير بينا فيجطة ويدير لينا نوض و نوض ،كتليها حنا نمشيو معاه ،ايال بان لينا .الدغل نعلقو خرجنا،شدينا طاكسي صغير ،البارطما ديالو زوينة ،من ديما كنتخايل تكون عندي شي دار عامرة بالكتوب، بزاف ديال الكتوب ،كلسنا فواحد الصالون ،مشا غبر شوية وجا ،هاز واحد الصينية فيها قرعة ديال الفودكا، وشوبيس ،وكاوكاو وتشيبس و دوك اللعيبات ديال االفالم ،انا ديك الفودكا كنت كنشوفها غي من التيساع، كالينا خدو راحتكم ،نغزاتني نادية كاتلي سيري كلسي حداه ،را نتي الي عاجباه ،حطليها باكية د .مارلبورو،ديك الساعة خبات داك ماركيز ديال الكارديان فصاكها ،كاتلي فاش كيحضر الما كيغيب التيمم ملي كلست حداه حسيت بالسخونية ،دوز يديه بين شعري ،وحسيت بالحنان ،تفو ،ما خصنيش نكون رومانسية ،هدا كليان و هادي خدمة ،بقينا نهضرو على كلشي و على والو ،مرة نغنيو و مرة نبكيو ،مرة نضحكو تا تبان الضرسة ديال لعقل ،ملي وصالت التالتة ديال الليل ،كالي انا تشهيتك ،مجاوبتوش ،نضت شديت ليه فيديه ،وخليت نادية متكية،دايرة راسها ناعسة واخا عينيها كانو كيكولولي بالش ،ال ما بغيتيش بالش ،يااله نمشيو فحالنا ،يااله نهربو،انا كنت كنفكر فالكرا ،والماكلة ،ولكتوبا ديال ولدها ،واخا هي ما كتقولي والو ،انا كنحس براسي مسؤولة ،ملي دخلنا للبيت جبدلي شي حوايج مكنعرفهومش ،قالي غادي تكتفي لي يدي ،وعطاني واحد لمسيوطة ،باش نضربو بيها ،هادشي ما عمري شفتو ،تلفت واش ندير ...هادشي وال ال لحلقة " : 86أنا على األقل وخا تنبيع راسي لي يسوا ولي ميسواش ،ولي جا تياكل مني طرف ،ولكن "متكرفستش
واحد الراس كان كيكولي مسعودة علقي فحالك ،هادشي مقود هاد الليلة ،وايلي مالنا فالخاريج ،اش هاد المسخ،زعما را دكشي الخر الي كندير ماشي مسخ ...الراس التاني كيكولي ياك بغا غا لعصا ،عطي لمو ّ كيترطا حدايا بحال شي فروج عاد دبحتيه ،شوية عالش كيقلب ،ضربة وحدة ما نعاودليهش ،بقا كيتسنا، نعلت الشيطان ،غمضت عيني وبديت ،شري تربح شري تربح ،كنزيد نشحط كيزيد ينشط ،بدا كيقطر بالعرق ،سخف ،ما عاودش شاف جيهتي ،دار للحيط ونعس ،خرجت برا فين ناعسة نادية ،بال ما تهضر خواتلي الكاس لخر فديك القرعة ،مداتلي البريكة ،شعلت وجبدت رجلي مزيان ، ،بقيت كنشرب بوحدي، كلت مع راسي ،االنسان اغرب حاجة فالدنيا ،يبان ليك بيخير ،ضاحك و الداخل ديالو فيه الكواري ديال الهم و العقد ،يخ على حياة ،تا زين ما خطاتو لولة ،نادية خوناتليه شي ساعة د اليد ،واحد الطيرموس د القهوة ،و .شي بياسات ديال الدراري كالت غتعاود فيهم البيع وال تعطيهم لباها الليلة لي موراها ما خرجناش ،بقينا فالدار ،مريحين و كنتعاودو ،ونا نتفكر واحد الستون كان طرالي فاش .كنت كنقرا ،بقيت كنعاودو لنادية ،ما نعرف واش كتسمعني وال ال ،مهم كانت ديك جوايه التسعود ديال الليل ،ياهلل راجعة من الببليوتيك ديال الفاك ،اإلمتحانات قربو وباقي معطلة فالمراجعة ،ديما تتبقى جوج سيمانات عاد تضربني التوڭيضة ،ولكن انا بعدة معدورة خدامة وتنقرا ،تنسهر بالليل وتنمشي للجامعة بالنهار ،ماشي بحال دوك الكاسوالت لي ناعسات ديما .آلزنقة كانت خاوية تتصفر
ouzzine
Abdeljalil
والشتا خيط من السماء ،البرد داير حالة ڭع بنادم مكمش وساد عليه باب دارو ،كاينين غالمشاش والكالب تيدورو فالحومة ،باش مزيان ملي تدوز متينڭوش عليك ،ومتيقولوش ليك فين أزين او فين كنتي القحبة؟! قربت لباب بان ليا راجل من بعيد شي حد متكي على البوطو ديال الضو ،بدلت الطرطوار باش مندوش من حداه ،مقادة على صداع فهاد العشية ،دزت قدامو مشفتش فيه ،هو يعيط ليا ماسودة..ماسودة..وانا نعرفوا شكون بال منشوف فيه ،الوحيد لي تيعيط ليا ماسودة هو ماماودا ،كان البس طجاكيت زرقة مشرڭة وسروال دجين ممحوڭ وداير فوق راسو طقية عامرة بالماء ديال الشتاء ،كان تيقرا معايا فالسنة األولى ،ملي كنا تنجلسو فالدروج ديال الكلية ،تيبقا يعاود على بالدو الكوت ديفوار ،وكيفاش ناضت الحرب ،والناس لي ماتو وكيفاش هو ستة أيام هو تيتمشا على رجليه بال ماكلة بال شراب حتى وصل لغينيا ،وتيغرغرو عينيا بالدموع ملي تيعاود كيفاش قتلو ليه مو وخوه الصغير بالقرطاس قدام عينيه ! تنبدا نقول شوفي يامسعودة المرعودة انتي لي تيصحاب ليك ديما بالنحس موعودة ،كاين من هو أكفس منك ،أنا على األقل وخا تنبيع .راسي لي يسوا ولي ميسواش ،ولي جا تياكل مني طرف ،ولكن متكرفستش كيما تكرفس مامادو كان مسكين ديما تيتسناني قدام باب الفاك ملي تنكون خارجة ،كان تيدير راسو جالس تيتسنا صحابوا ،كان غتيشوفني تيجي تيجري ،كان ديما تيعرض عليا ،وكنت تنلقى ديما شي سبة باش منمشيش معاه ،كنت تنحشم نتمشى معاه فالزنقة ويشوفوني الناس ،عادة مولفة الناس هوما لي تيحشموا يتمشاو معايا فالزنقة ، باش ميقولوش عليهم شوف فالن غادي مع قحبة ،ولكن أنا حڭارة ،وتا المجتمع ديالنا حڭار ،تيحتقر الزوامل والقحاب والعوازا والمعوقين والشلوح والعروبية ، ..شي تيحڭر شي ،البوليسي تيحڭر المواطن ،األستاذ .تيحڭر التلميذ ،الراجل تيحڭر مراتو ،والدري تيحڭر اخته ،كل واحد تيفرغ حڭرتو فاالخر كان مسكين ملي تيدير شي بريكول ،تيجيب فلوس بزاف ،من نعرف منين كان تيجيب داكشي كامل ،واش كان تيبيع شي حاجة او الترافيك ،هللا واعلم ،المهم دوك الفلوس بزاف ،داكشي من صوروش فشهر ديال الخدمة بالليل والنهار ،كان تيحط ليا الفلوس بين يديا ،وتيقول ليا :هادو دياولك ا مسودة..خودي لي بغيتي ! كنت تنقول ليه جمع فلوسك ..كان تيقول ليا إلى بغيتي نتزوجوا انا وياك ،كانت تنحس بيه تيقولها من قلبو ، كنت تنضحك فخاطري وتنقول بال ميسمعي :اويلي انا نتزوج بحالك ،بغيتيني نولي شوهة ،واقيلة كنت مبغياهش النه كان كحل ،هادي هي العنصرية لي رباونا علياه ،الكحل والعزي والحرطاني ،راه بنادم من !درجة ثانية ،مجتمع تيرضع العنصرية من البزولة ،وتلقاه ديما تيعاود ،حنا مجتمع منفتح قربت منو وقلت ليه اش تدير هنا امامادو،سير للدار راك فزڭتي وغتمرض ،شاف فيها وعينيه كانوا حمرين بزاف ،وسكت مهضرش ،قلت ليه مالك ،فيك الجوع؟ خاصينك الفلوس؟! قال ليا :نو..نو..مسودة! سولتوا ومالك؟ قال ليا انا جيت غنشوفك قبل منمشي لشمال هاد العشية ،غنشوف واحد صاحبي تا هو تما، فبالدنا دكتور فالفيزيك و هنا كيسميوه العزوة،وغدا غنحرڭ ،وبغيت نقول ليك قبل منمشي وانا عارف بلي ! نقدر منعاودش نشوفك أني تنبغيك وتنبغيك بزاف قالها ليا ومعاودش شافيا ،حدر راسوا وزاد مع الطريق ،كانت باغة نشد ليه فيدو ،ونعنقوا ونقول ليه سمحليا ،ماتمشيش ،بقا هنا ،كانت باغة نقول ليه غنبدا نتمشى معاك فالزنقة ومنحشمش منك ،وكانة باغة نعتذر ليه على أي حاجة خايبة فهاد البالد ،ولكن سكتت ومتكلمتش ،جمدت فبالصتي وبقيت تنشوف فيه ،وهو غادي بشوية ،تاغبر من قدامي ،مشا مامادو ،ومعودتش شفتو ،معرفتش واش وصل للبالصة لي .كان غادي مسافر ليها ،أو وصل لقاع البحر وبقى فيه لحلقة " :87خونا تسيف ،وبدا يبوسني صحة ،هو كيبوس وانا كندفع فيه ،وكنغوت ،قمشتو كلو فعنقو وهو "مازال الصق عليا
ouzzine
Abdeljalil
هاد السيمانة بالليل ،مع خرجت من الخدمة فالعشية جيت بالزربة للدار ،جمعت الدار و جبدت الطليمطات و رديت العشا ،صايبتو مزيان ،بشاليضو و قوامو ،بغيت نتهال فالدار ،ونفرح راجلي ،لبست قفيطين فالحمر و قاديت وجهي ،شعلت الشميعات و بقيت كنتسناه يجي ،حاضية خيالي فالحيط ،و ساهية فالشمع ظلو كيشطح، كراسا فالحمر مقابلين ،والو يبانولي بالعيا بحال شي جوج ،جوج رجال وال عياالت وال امراة وراجل كا يساومها ،تا صونات المكانة الطناش ،طيراتها مني خلعة ،هذا تعطل عاوتاني ،بزاف ،تاداني التعاس واقفة، سمعتو كيدور الساروت فالباب وانا نبتسم ،بحاال مكاين والو ،ما بغيتش نبين را تسنيتو بزاف ،را عييت ما نتسنى ،العشا برد و عاود سخن عشرين مية تا بسال ،ما كلت والو ،سلمت عليه ،ومشينا نتعشاو ،كنضحكو و نهضرو على الخدمة و الدراري و البنت الي ما بقاتش كتهضر معانا بزاف وال تعاودلينا شطاري ،واحد ...اللحظة وحنا ناشطين خسرلي كلشي ،سيفتي تبدالت ،جمعت الضحكة ،ما فهم والو ،عاد كنت مزيانة ما فهمش را فاش حرك الثلج فالكاس حركني معاه ،صوت التليجات كيضربو فالجاج د الكاس كيخربقني، كيردني اللور ،كيفكرني فديك الليلة ،ديك الليلة الكحلة فاش قودتها مزيان ،مور ماسالينا المحاضرة ،والي درت فيها عرض ،على موضوع كيضحك ،عرض على القحاب ،ماشي مسعودات ،هادو كتكون سميتهم ميمي ،فيفي ،سوسو ،دوك القحاب الكالص كانوا الباس عليهم ،و ما محتاجين تا خير ،ولكن خارجين للتقحبين و مزاحمين مع الي مقودة عليهم باش يهزو صاك ماركة ،ويلبسو من زارا وديور،التمن د الروايح الي كيرشوا يعيشني شهر ،حيت مكنقلبش نتبرع ،غا نعيش ،هادو هوما الي ما كنحترمش ،هادوك عندهوم التقحبين لوكس ،حيت حتى التقحبين فيه الدرجة و السلم،بحال الوظيفة ،شحال ما خسرتي على راسك شحال .ماجاك المقابل ،الفلوس كيجيبو الفلوس ،و الحزقة كيما سبق وكلت يااله تجيبليك باش تريق داز العرض مزيان ،واعر ،مكاينش الي يقدر يدير بحالو ،حيت دكشي صعيب عليهم ،ما يمكنش تهضر عليه ال ما عشتيهش ،بحاال كتبيع الحوت فالبحر قدام واحد خرج الشبكة قبل منك ،عامرة باالنواع د الحوت ،د الكليان ،وانت وزهرك ،مرة طلعليك حوتة مزيانة ،مرة سرديتة خامجة وشي مرات فاش كتقواد كطلع فكرون ،بحالي لي طرالي وانا خارجة من الفاك ،تبعاتني طوموبيل زوينة ،فيها واحد البرهوش بالكاسكيطة والشال على عنقو ،وقف عليا فالبالكة د الطوبيس وبغا يوصلني ،ركبت معاه وكنت باغا نيت نتقهوا وال نشرب شي ليمون ،شحفني العرض ،خونا صدق مناضل كبير فشي جمعية ،و عندو مع دكشي د السياسة، كيما نويت نيت عرضني لقهوة ،ماشي فالقهوة بالحق ،فالمقر ديالهم ،عندو الساروت حيت هو المسؤول تما، دخلنا بقا كيوريني التصاور د االرشيف ،االجتماعات الي كيديرو ،المظاهرات ،الناس الواعرين الي كيجيوا يحاضرو تما ،مهم بقينا كناقشو ،واخا ما عنديش مع دكشي د السياسة ،ولكن باش تبان متقف و كتفهم خصك تهضر فيه ،تعاير الحزب الفالني وتشكر الحباسة ديالهم واخا تشد وهو كيشفر ،ماشي كيناضل ،هضرة كتجيب هضرة ،تا جا الليل ،خونا هزني و حطني و عرفني منين فالخوت ،واخا نعيا ندير فيها شريفة الناس الخبرة كيطلعوني غا من ديك الضحكة الي كتخرج بال ما نعيق بيها ،غا من الشدة د الكارو ،من شنايفي الي بداو يزراقو من التحت ،وبال شعري المحروك بالصبايغ و ليميش ،بدا كيزعم ،كل مرة كيزيد يقرب ،سخن .و طلعات معاه التزنيكة بانلي قيم وانا نجمع الوقفة باش نقود ،ديك الساعة ما بقا ال كيفارا ال ستالين ،خونا تسيف ،وبدا يبوسني صحة ،هو كيبوس وانا كندفع فيه ،وكنغوت ،قمشتو كلو فعنقو وهو مازال الصق عليا ،عطاني سلخة مزيانة ،عمري نساها ،سيمانة ما مشيت نقرا تا تفشات عيني وبدات الزروقية كتصفا ،الي سولني كنكولو غا دخلت فشرجم ما شفتوش ،هو را كلشي عايق بيا ،كلشي صحابلو غا شي حد ما بغاش يخلصني و تشادينا، شي شمكار ضيعني فرزقي ،شي شارف جلدة ،تا حد ما غايصحابلو را السيد محترم ،واخا كاع نمشي ندعيه ،انا الي مشيت معاه برجلي ما بزز عليا حد ،غيسولو عليا غا يلقاوني غا مسعودة وهاديك اصال هي خدمتي ،ماشي بحال الخاريج ،القحاب بوراقيهم وعندهوم جمعيات كيحميوهم ،حنا صحاب الجمعيات هوما
ouzzine
Abdeljalil
الي كيحويونا ،وفابور من الفوق ،كلت هادي هي اللخرة ليا ،باراكا ،هاد المرة سلكت مرة جاية موحال حركني راجلي ،سبحان هللا ا الحاجة ،مالك فين مشيتي ،شديتلو فيدو ،كنقلب على الدفا ،كتلو سمحليا ،بقا كيضحك ،صحابلو طلبت السماحة حيت سهيت عليه وهو كيعيط ،كون شاف كاسو الي حرك فين وصلني .كون واهلي..كون داب الثلج.الهضرة تسالي وما نساليش انا التعاويد لحلقة " :81كنحس بشي حاجة ماشي هي هاديك ،شي حد شادني من اللور ،وأنا ناعسة فوق شي واحد.. كنحس بيه كيضرني وماقادراش نغوت ،إينا واحد فيهم اللي كيضرني؟ سديت عينيا وبقيت كنسمع النفس ".ديال جوج كتسوط ليا فوسط راسي
راجلي كيخرج مع صحابو مرة مرة ،بعض المرات كيقول لي ياهلل تشربي كاس معايا على برا .أنا مكنبغيش ،وشحال من مرة تخارينا على قبل هاد الموضوع ،فاللخر ما بقاش كيقولها لي كاع .المرة الوحيدة اللي خرجت معاه مشينا لواحد الريسطورون بار كالس كيطل على البحر .لبست وتقاديت وخرجنا ،اللي شافني كيف وليت كنلبس ميقولش هادي هي مسعودة ،اللي كانت كتسلف قميجة من هنا وسروال من لهيه باش ترقع لبسة .كنبان مرة معقولة .وراني معقول بصح ..أصال شنو هو المعقول .بدات السهرة مزيانة .جر ليا الكرسي بحال داكشي ديال األفالم .وجلسنا كنهضرو عليه وعليا وعلى الخدمة ،بحال شي جوج ياهلل بداو كيتحابو .كيخوى كاسي كيعمرو ليا ،وكلشي كان حمر وزوين بحال داك الروج اللي كنا كنشربو ،قالي":هذا .من سانت إيمليون " شي منطقة ف فرنسا فالكونطوار كان واحد الراجل كالس مقابل معايا ،كيشرب ويسكي .ودازت مدة قبل ما نرد البال أنه كيحقق فيا .ملي مشى راجلي للطواليط قرب عندي داك الراجل وعطاني ورقة ورجع لبالصتو .بقيت شحال مصدومة ،ومن بعد خبيتها دغيا فجيبي .ملي رجع راجلي مشيت أنا للطواليط .بقيت كالسة كنخمم واش نحل الورقة وال بالش .وعالش شديتها من عند الراجل وما درتليهش الشوهة .حليتها لقيتو كاتب":فين غبروك آ مسعودة" ،ومعاها الرقم د التلفون ديالو .ضربني الضو ،بانو لي النجوم قدام عينيا ،وشوية ما بقى كيبان لي والو .تخايلتو كالس معى راجلي كيعاود ليه على ليالي مسعودة ،جاتني الدوخة ،والتقيا .رجعت لبالصتي وأنا ما قادراش نهز عينيا .حاولت نبان عادية مقدرتش .رجلي سولني قلتلو راه يمكن شي ماكلة كليتها وقت الغذا حدا الخدمة .بقى كيعاود لي على شيحاجة وأنا مكنسمع حتى كلمة ،أنا كنت مشيت بعيد .راسي مطلوقة فيه أفالم مسعودة ،وضحكة مقحبنة ديال بلعاني ،تفكرت مصطفى .داك ولد القحبة اللي عرفتو فاش هربت لسيدي قاسم .دار راسو ولد الناس وباغي يدير حسنة ،قالي أنا راه بقيتي فيا ،انت باينة فيك بنت الناس وماشي ديال التكرفيس .كنت كنبات فالكلسة ديال واحد الحمام بخمسة دراهم لليلة .مصطفى تالقيتو فواحد .القهوة كيكلسو فيها الحشاشة واحد المرة جا عندي ،قالي سمحيليا واخا نكلس معاك؟ الدري بان ليا نقي وماشي بحال داك األشكال اللي معمرين القهوة ،واحد يكرهك فالخر .ضحكت وحركت راسي .قالي راه هو معلم ،أصلو من لقصر لكبير، هضرتو شمالية .سولني منين أنا وآش كندير ،ومعرفتش كيفاش لقيت راسي كنعاود ليه كلشي بال ُ منز ّوق التعاويد .ملي سكت شد ليا فيديا .قالي ياهلل نتحركو من هنا ،بال ميعطلني .قلت هذا بانت ليه الهمزة يمكن. حتى أنا ماكانش عندي مشكل .مشينا لواحد الدار جات خارجة على لمدينة شوية .قالي هادي دار ديال صاحبي ،وهو دابا مسافر .الدار باينة ديال شي زوفري .كلست وقالي شنو تشربي ،قلت ليه أي حاجة .جاب ليا بيرة ،وجاب معاها كاوكاو والزيتون .بقينا كنتعاودو والدري ما قربش ليا .مشيت حداه ،تكيت عليه وبقى كيلعب ليا ف شعري .واحد الساعة جاب جوج كيسان د الروج ،ريحتو كسرات الدنيا .نزلت على داك الكاس جغمة وحدة .كميت معاه جوان .من وراها معقلتش شنو وقع .ملي حليت عينيا كان كيبانلي الضباب .كلشي
ouzzine
Abdeljalil
مخلط ،اللوان والتصاور والروايح .كنحس بشي حاجة ماشي هي هاديك ،شي حد شادني من اللور ،وأنا ..ناعسة فوق شي واحد كنحس بيه كيضرني وماقادراش نغوت ،إينا واحد فيهم اللي كيضرني؟ آش واقع؟ ماقادرة ندير تا حاجة، كنسمع ونشوف وصافي ،بغيت نتحرك والو .ال يدي ال رجلي ال راسي مكيجاوبونيش .سديت عينيا وبقيت كنسمع النفس ديال جوج كتسوط ليا فوسط راسي .ملي ساالو كنحس بمصطفى كيلبسني حوايجي ،جاب شوية دلما ..شربني وتكاني .شوية توكظت ،فاقو عظامي حيت أنا كنت فايقة .بقيت كنغوت وكنحيح .خالني كشكشت شوية وحط لي 311درهم ،جاتني كثيرة ،شفتها وسكت ،بحال إيال موقع والو .قالي ما تديري فبالك والو ،أنا وصاحبي غير رشقات لينا هاد المرة ،مغاديش تعاود .مشينا عند واحد خونا كيدير العدس والتقلية ،كليت بحال شي واحد سبعين عام ما كال ،كان فيا الجوع ،والسعر ،والبولة ،وبغيت ندفل على راسي وعليه ..ساعة ما درتهاش .وصلني لحدا الحمام وقال لي :انتي باينة فيك بنت الناس وماشي ديال التكرفيس ،واخا داكشي كلو اللي قلتي أنا بقيتي فيا وبغيت نعاونك ،نتالقاو غدا فالقهوة مع السبعة ...دخلت وبقيت نخمم :كيفاش هاد بنت الناس اللي بقات فيه وهو نزل عليها هو وصاحبو؟ بقيت كنجمع األسئلة ..فراسي باش نتفركع عليه ملي نعاود نشوفو لحلقة :89قالي مسعودة عينيك فشكل ،زوينين ،فيهم واحد الحزن قديم ،بقيت كنتشتت بالضحك،قالوها لي قبل منو بزاف ،كاع الي بغا فابور كيولي شاعر ،يقرا فيك القصائد وفاش يسالي ما تفرقش بينو و بين شمكار ثالتة د الكيسان واسعين ،جوج شمعات بيضين و طوال بحال شي امراة ضعيفة ،شاعلين ،هوما الي ..مضويين ،انا غادة و كا نطفى ،تسليت بحال الجريدة داك البرتوش ،وال يبان بحال شي قصر بداك الضو ،غا هو عامر محنسرين ،الشراب قليل والكماية عيانة، داك النهار غنكمي السبسي ،كميت شي تالتة د الشقيفات مزيانين ،ديك الساعة وليت نسمع مزيان ،نركز مزيان ،و نهضر بال ما نفكر ،تبويقتو عجباتني ،ونساتني فداك الكارو الي فرشخليا صدري ،بدات الحركة كتقال ،كنتبنج ،بحاال محركيني بالعرض البطيئ ،باش نحط غي الكاس من يدي كيجيبلي هللا دوزت سيمانة بين السداري و الطبلة ،عيني بداو كيتقالوا عليا ،بحاال هازة الحجر عليهم ،بالحق تسخسيخة زوينة ،كتنسا شكون مسعودة ،شمن قرينة كحلة منين جات؟ وجوه الزبل الي عرفات ،القوادة كاملة الي دازت ومازال،كانت واحد المزيكا نقية ،مخلطة جاز و شي حاجة خرا معرفتش سميتها ،ديك الساعة غمضت عيني ومشيت مع الموسيقى ،عندي الشطيح لداخل ،بحال الحضرة ،يدي كلعب بيهم فالسما بحاال غا نطير ،دوك الشقوفة دارولي الطيارة ،كانت هاديك أول مرة كنعس فيها مع كليان وانا ما مكنززاش و ما عاضاش على لساني ،وال باغا الضو يطفا باش منشوفنيش ومنشوفش داك اللي معايا ،خديت راحتي ،و خليتو خدام ،قضا غرض بالزربة ،كان الي كالها كضحكني ،كنخرا عليه بالضحك ،شوية رجع فوغيغ ،شداتني التبويعة ،بدا راسي كيدور ،البيت كولو كيدور ،تفكرت را كميت على الجوع ،مالقيت فين نرد ،خشيت وجهي فميكة و بقيت نبوع ،تا خرجو عيني ،شللت فمي فواحد الجغيمة د الما لقيتها حدايا ،ورشيت شوية د الريحة فيدي، عاد خرجت ،حلفت ال مزال نعاود نقرب داك الزبل ،ضربني شوية البرد ،بديت كنتوكض ما بقيتش قديت نسد فمي ،معدتي ترونات ،بغات تخرج ،حط الفلوس فوق الطبلة ،خرج و خال الباب غي مردود ،باش نفهم ..راسي ونقود بالشوية تفكرت راني دايرة مع مصطفى فالقهوة ،كنت موجداليه كاسيطة ديال الترباب باش نقيليه ودنيه ،بقيت كنتشاور مع راسي واش نسبو وال ال ،واخا ما عقلت كاع على ديك الليلة مزيان ،دازت بحال شي حلمة الي كتفيق الصباح ناسيها ،معطلنيش ،بالزربة جا عندي ،خلص القهوة و كالي يااله نتحركو لشي بالصة خاوية
ouzzine
Abdeljalil
باش نهضر معاك بالمعقول ،راه ما نسيتش فاش كتليك غا نعاونك ،سكتت ،كتلو داكشي لي نكولوه لهيه نكولوه تا هنا ،ودوك القوالب ديال والد القحاب طلعولي فكري ،و ما عنديش الوقت الي نضيع و الظالم قريب يطيح عاوتاني ،بقا كيشوف فيا شحال ،كالي مسعودة فراسك عينيك فشكل ،عينيك زوينين ،فيهم واحد الحزن قديم ،بقيت كنتشتت بالضحك ،كالوهالي قبل منو بزاف ،كاع الي بغا يحويك فابور كيولي شاعر ،يقرا فيك القصائد وفاش يسالي ما تفرقش بينو و بين الشمكار ديال راس الدرب ،كتلو واخا زيد شنو اخر ،كما كاروه بالشوية وكيخمم بحاال انسرقو بانكة ،وانا ما فياش الجهد الي نبقا نتسناه ،مشيت الطواليط بلت ،غسلت .وجهي ،وبقيت كنقاد شعري فالمراية ،كنتعطل بينما يطلق هاد الخرا راسو فاش رجعت صدمني ،وايلي ،كاع هدا زهر ،شنو زعما ديك الهلوسة ديال را الدنيا باقي فيها الخير صادقة زعما ،شديتلو يدو و كتلو شوف اخويا مصطفى ،انا مزاوكة فيك ،بال ما ضحك عليا وال تفال عليا ،بغيتي غا النعاس را كل حاجة و تامانها ،و الفعايل الي درتي اخر مرة ماشي ديال والد الناس ولكن مبغيتش نعربط، صاحبو سبليوني ،باني شي لعبة بحال الشكل د قرية سياحية قدها قد الخال فيها جرادي والشجر ،داير بحال تيران د لكولف متوسطاه واحد البحيرة وفيه دي كابانو وريسطورات ،ما مساليش ،عندو الغرق د المشاريع، و انا الغرق د المشاكيل ،ولكن كنعرف نهضر اللغات ،خصو شي حد تقة يقابلو المشروع ،هو كيرجع مرة فالشهر ،يجمع الحصيصة ديالو و يخلص الخدامة و يمشي ،كالي نتي واخا هاكاك كتباني تقة ،و ماغاديش تحشميني مع صاحبي ،وهانتي واكلة فابور ،ناعسة فابور ،و مضبرة صريف مزيان من الفوق ،وتما مكيعرفك حد ،بدلي عليا تا هاد السمية ديال الزبل ،مسعودة وال ميلودة ،سيري بداي من جديد ،ما عرفتي تعجبي السبليوني و يديك الخاريج كاع و تقودي من هنا ،ما خليتي تا بالصة نقية ،فين ما مشينا لقاوك بحال ..البركاسة شداتني الضحكة و البكية و الفرحة و بانتلي الدنيا دورات وجها عند وجهي ،بغاتنا نتصالحو واقيال ،بالحماس الي فيا كتلو عطيني نص نهار ،نمشي نجمع شراوطي من داك البيت و خلصلي مول الكرا راني غي معلقاليه..ما خالنيش ،ما بغاش ،يا دابا يا سيري تخراي ،الفرصة كتجي مرة وحدة ،ما غتسناكش تمشي تجمعي شراوطك ،انا بغيت نجمع حاجة وحدة ،ديبلوم ديالي ،وسليباتي ،كل واحد كيعاود قصة ،كل لون كيفكرني فراجل دوزتو و ال دوزني وال دوزها عليا ،و بغيت نسلم على المراية المشقوقة الخر مرة ونكمل عليها بالتهراس ،نجمع شي تصيورات ديال الميمة بالبيض و الكحل وندير كرطونة نعمرها بالكتوب باش نقرا ،كل سطر غا نقراه غاينسيني كلمة خايبة سمعتها شي نهار، مغينسينيش ،ولكن غيواسيني الحلقة " : 21شافني تبدلت عليه ،قالي زيانيتي امسعودة ،قتلو زيانت لمياء ،مسعودة عمرها تزيان وال تسكد ليها ليام ،مسعودة را لحتها فالزبل مع داك السالف الي قطعت ،ما عمرني بغيت مزال نسمع هاد " السمية،انسمي راسي لمياء ديك الساعة شدينا الكار ،ما زدتش فكرت مازال ،مكاينش وقت ،باراكا الوقت الي فات ،ربع سنين خرجت منها بكرطونة ،ديبلوم بميزة مقبول ،مهم كنكول بيخير ،انا احسن من شحال من وحدة ،بعدا ديبلوم ال ما خدمنيش غيعطيني قيمة ،ماشي قدام بنادم ،قدامي ،بيني و بين راسي ،غنكول مسعودة درتي شي خرية فحياتك ،فالكار بقينا مجمعين أنا و مصطفى شوية ،كنهضرو ،فاش كنوصلو لشي محطة كيطلع شي مول كاوكاو ،وال شي سعاي ،وال شي حد كيبيع دوا البرغوث ،كيقطع لينا الهضرة ،كننسى همي ،كلهم وجوه البؤس ،الفقر كيتسارى على كمامرهم ،يديهم كيعطيو خبار تمارة الي كيضربو ،كنشوف تا نعيا و نكول انا بيخير وتاقيال ،كتزيد كتحقد على المجتمع ،طلعات شي وحدة محنسرة محملة بنتها وال ولدها فالظهر،قريب يزلق من تحت ديك الشرويطة باش محزماه ،فكراتني فنادية ،منين خرجات ما عاودات رجعات ،من ديك
ouzzine
Abdeljalil
الليلة ما سمعت عليها تا خبار ،من بعد غنعرف أنها تشدات بشي قضية د الفساد ،شي سهرة كانو عاطيينها .فيها غي الال ومالي مع الناس الكبار نادية مسكينة ماشي وجه الخير ،اش داها للناس الكبار ،باراكا عليها ضريبات خفاف مور الطوموبيالت و ال فالدروج د العمارات ،بالحق وجه تمارة ،كانت متتحملش البوليس ،تتقول ليا ننعس مع كلب ومنعش مع بوليسي ،حيتاش المخزن يزرفها ،تيقضي الغراض ومتيخلصش ،كنت تنقول ليها هانية ،راه البوليس تينعس مع الشعب كامل ومن الفوق الشعب هو لي تيخلص ،هالرشاوي وحنيان الراس ،عندك الزهر ملي البولسي تينعس معاك وملي يسالي يقول ليك دوري معايا! عاالقل كون كانت تتصاحب مع البوليس ،كون دابا ملي تشدات ،كون تيليفون وال جوج ،وتقلى راسها ناعسة فدارهم ،وسط باها و أمها ،شكون غيرف عليهم دابا ويخلص ليهم الدوا ،ما عليناش ،والبرهوش د ولدها شكون ايعقل عليه ،كلت غي نحط ترمتي فهاد الخدمة الجديدة الى صدقات كيما وصفهالي خونا را السعادة ،بعدا فاش تخرج تجي عندي ،ما دوزناش قليل، .والقحاب ما كينساوش الخير ،دير بليزير فقحبة نهار تحتاجها تلقاها ،ديرو فولد دارهم يديروليك مصطفى داتو عينو ،نعس فالطريق ،تا انا بغيت نغمض عيني شوية ،الطريق طويلة والعيا كتير ،فين ما حطيت راسي ما كلقاش راحتي ،باغا نوصل دغيا ،باغا نبعد من ديك المدينة ،حطيت راسي على كتف مصطفى ،عجبني الحال ،صدرو حنين ،ساعا خانز عرق ،طيرلي النعاس من عيني ،درت بناقص ،ما خصني غا الرومانسة ،جبدت واحد الكارني من صاكي و ستيلو ،بغيت نكتب شي حاجة ،حاجات بزاف هوما ،ساعا تا وحدة ما بغات تخرج ،شوية بديت نكتب غا السميات ،و التواريخ ،حسن تالقيتو فالبار الفالني نهار الخميس جوج فالشهر...سعيد هزني من البالكة نهار السبت مع التمنية د الليل ،وزيد وزيد ،تا لقيت راسي عمرت الورقة وقلبتها ،تخلعت فاش حسبت السميات كاملين ،واقيال غنكون خرجت مع الرباط كامل و .النص فكازا و ليسوفونير عندي كال حسني ،بقيت كنخمم ،شكون الي قولب الخر؟ شكون ضحك على التاني؟ عبد الرزاق شدارت بيه الليام؟ باقي كيهز الشعارات وال كيهز الرجلين لشي مسعودة دابا؟ خدم وال شدوه فشي مسيرة نضالية ورماوه مع الحباسة..هو الي بغا يغني هللا يبليك بحب الشعب تا تاكل البيصارا ،ها انت لبستي الدربالة وكليتي العداسا ،و الي عرفو يدريبليوا كياكلو الكافيار و يتكيفو السيكار ،كمي انت ماركيز و ضوسوا مع صاحبك ،و التالت يقتلو تحا رجليه.ومزال كنحلم فايقة تاكالينا الكريسون على سالمتكم، وصلتو.فيقت مصطفى ،فاق مدهشر ،دخلنا للمحطة نشربو قهيوة ،،يااله بغيت نشعل كارو هو يهرسولي فيدي ،كعا مزيان ،وبدا يعربط عليا ،كالي واش ما بغيتيش تنساي ،ما بغيتيش تبداي من اللول ،را حياتك غا تبدا هنا ،منين حطيتي رجليك من الكار قطعي ،قطعي كلشي ،قطعي تا شعرك وبدليه ،بدلي حياتك وبداي من اللول ،انا غنوصلك ونمشي ،ما كرهتش ما نعاودش نتالقاك كاع ،ونسا تا سميتك ،ونسا شي نهار عرفت وحدة بحالك ،ما فهمتش مالو ،عالش كعا بعدا ،وعالش اصال كيدير معايا هدشي كامل ،حسيت بيه ما كيكدبش ،واخا شي حاجات الداخل ماتوا ،مزال مرة مرة كنحس بشي حاجة ال كانت بصح خارجة من القلب ،قلبي مات ولكن باقي كيضرب فاش كيتالقا شي حد نقي.ما سولتوش ،درتلو خاطرو ،رميت داك الكارو من يدي ،وبالصت ما نطلب قهوة كحلة خديت مونادا باردة بحال شي موظفة فالمقاطعة ،و كاديت .الكلسة بحال شي سيدة محترمة تا انا مور القهوة كالي زيدي معايا ،مكيهضرش ،غا تابعاه ماللور كي شي دري صغير ،وتايقة فيه مزيان ،زعما شنو ممكن يطرا كفس من دكشي لي دوزت ،ما بقات تا حاجة كتخلع ،من غير الحبس هللا يستر ،كيخلعني، كنخاف من أي بالصة مظلمة وصغيرة ،كيضيق قلبي فيا و كيبغي عقلي يخرج ،من بعد نكولكم عالش، وفاش كنتفكر نادية تما قلبي كيزيد يتقبض عليا ،كي الطير الحر خصها تكون برا ،تضحك و ضحك الناس
ouzzine
Abdeljalil
بنكتها ،احسن النكت الي كتعاود هوما الي عليها ،طراوليها و عاشتهم ،قبل ما تعاودها كتسخف بالضحك، تولي تا انت تضحك بال يطريهليك ،ومع تساليها كتلقى عينيها غرغرو ،تخلط فيهم البكا ديال البكا مع البكا ...ديال الضحك ،وشحال مقودة ديك الضحيكة ،الي تخربقك و متعرف واش تنشط وال تسخط دخلني لواحد المحال ،صالون د كوافورة ،كوافورة ما مصايبة تا شعرها ،حجبانها مغوفلين ،موسطاشها داير الظالم على وجها ،صباع يديها صباغتهم كاع مقشرة ،كتعيف ،كالها مصطفى ،لمياء راك عارفة خدمتك، ضحكني ،هي لمياء وانا مسعودة ،هاد السمية ما بقاتش صالحة ،بغيت نبدلها بنجالء ،ساعا كتفكرني فمهدي القواد ،وانا نكول مع راسي تانا غا نسميني لمياء ،خرجت من الصالون وحدة خرا ،شعري مصبوغ فالكحل، حيدت داك الصفر د الواد ،حجباني ما بقاوش رقاق ،حكاتليهم قرنفل ،لبست شي حوايج زوينين ومستورين، هدشي كلو ومصطفى كيتسنا فالباب،ـ ساليت وخرجت عندو ،شافني تبدلت عليه ،كالي زيانيتي امسعودة، كتلو زيانت لمياء ،مسعودة عمرها تزيان وال تسكد ليها ليام ،مسعودة را لحتها فالزبل مع داك السالف الي .قطعت ،ما عمرني بغيت مزال نسمع هاد السمية ،تقاضى جهدي ديك الساعة جا السبليوني مول الشي داني نشوف الخدمة ،مصطفى سلم عليا وزاد فحالو ،حسيت بالغربة، بغيتو يبقا معايا غا تنشوف فين نحط رجلي ،كالي سيري يا الحمقة ،كوني امراة كادة ،الغربة هي ما تلقى ما ...تاكل فبالدك ،تهالي أ لمياء
_________________ الحلقة " :28مد ليها ميتين درهم فيديها وقالها حنا جايين نزهاوما طيريش لينا السكرة ،الحت ليه دوك "الفلوس على وجهو ،قاتلو انت ما كتعرفش فالغناء ،ترونات القضية شوية ،جاو هزوها الحوها برا أول ليلة عندي فالخدمة الجديدة ،من بعد ما تفاهمنا أنا و الكاوري على كاع التفاصيل ،ما عكستش معاه ما عكس معايا ،طالبة التعادل ،غا الى ما بغيتش ،واكلة فابور شاربة فابور وعندي بيت ديالي ،بيت ديال بصح هاد المرة ،على حقو و طريقو ،بالناموسية و البالكار و المراية ،عندي عالقة فشكل مع المرايات ،واخا ...مكنشوفش فيهم بزاف ،ولكن كنتفرج فراسي مزيان قبل و من بعد ما نخرج كل نهار كيتزادو تفاصيل فوجهي و وحدين كينقصو ،القصص ديالي مكتوبين فيه ،كيبان فيا الشرف اكثرية من تحت العينين ،بالسهير و الكماية زراقو و كحالو و دابا بداو يتكمشو ،كنتخلع من كمارتي ما بقيتش كنطول الشوفة كاع ،ال بغيت نشوفني كنقلب على شي تصويرة قديمة ،تصويرة نقية ما خبشها حد ،نبدا نتفكر فاش كان الراس خاوي ،و مكيخممش بزاف ،كنتفكر شحال كان كيعجبني نشوف عروسة فالعمارية، وناسها دايرين بيها ،و باها كيبوسليها راسها ،و القيامة تال الصباح ،انا كنتخايل مع نطلع فالعمارية نلقى القاعة عامرة بالكليان القدام ديالي ،يبداو يتغامزو عليا ،و تريب الحفلة مللخر ،دكشي الش شرطت على راجلي ما نديرو ال عرس ال حفلة ،نكتبو ورقة بجوج ونمشيو فحالنا ،عجباتو الفكرة ،من بعد عاد غيفهم .الش من بعد ما ساليت الخدمة داك النهار ،هي ما خدمة ما والو ،مكاينش تمارة غا كالسة و كنحسب شحال دخل و شحال خرج ،حاولت ما أمكن نبقى بعيدة على الناس الي خدامين معايا ،حيت قلبي طايب و اللول الي جبدني غا ندير فيه التقة و نبقا نعاودليه على مسعودة ،اللهم التيساع ،نخلي بالصتي نقية ،الى خرجت من هاد الخدمة هاد المرة ما يقبل عليا غا الحبس و ما عندي ليه صحة وال جهد ،الكاوري عرضني للعشا ديك الليلة ،حيت أول نهار عندي تما و بغا يعرضني و منها نيت نزيدو نتفاهمو على شي تخربيقات ،تعشينا و
ouzzine
Abdeljalil
بقينا كنهضرو ،الموسيقى خدامة ،شوية بانولي الناس كلشي كيدور وجهو لبالصة وحدة ،شي مغنية هي الي غادير السهرة ،الناس كانو منغمين مزيان و بنادم مكيف ،ديك الساعة كتقدر تشوف مزيان من بعيد كل واحد ،كي كايولي بنادم يتصرف فاش كيسكر ،الي كيقلب على صاحبتو ،الي كيبدا يبوس و يعنق فيها ،الي كا يسهى و يسافر لشي عالم غا وحدو ،كا يبانوليك كاع المالمح مخربقة ،الي فرحان ،والي كيصطنع ال فرحة ،والي طايح عليه الضيم،ال بغيتي تعرف بنادم على حقيقتو يا سكر معاه يا سافر معاه ،واجي تفرج، كاع العقد المكركبة كتخرج و كيتعرى قدامك بحاال عاد خرج من الحمام ،ما عندو ما يزوق فالهضرة وال .ينافق ،الشراب ما معاهش القوالب ،كيحطك بوجهك الموسخ و النقي ال كنتي كا تكسابو مرة مرة كنضور عند خونا الي معايا كنضحك ليه واحد الضحكة صفرة ،ناري و يعرف شكيدور فراسي ديك الساعة ،ما عليناش ،طلعات السيدة تغني ،مغنية محترمة ،باينة عاد حطها الكار تا هي من مور الشمش و غا تقودها مزيان ،التبلدين باين على وجهها ،ناقشة الحنة من الفوق ،سحابليها أتغني فشي عرس فالدوار، البسة كسيوة كحلة تال الركابي و تحت منها ليبة كحلة و تريكو من الفوق ،مغلفة مزيان ،سحابليها راه اللحم باقي غالي فالمدينة ،ماساقتش الخبار راه وال رخص من بطاطا ،مع طلعات كلت للكاوري هادي مهمومة مسكينة ،كالي باش عرفتيها؟ كتعرفيها؟ وانا نجمع فمي ،وبدلت الهضرة دغيا ،غنات شي اغنية طربية، شتفات عليها مزيان ،عجنات الكلمات ،واحد السكايري ماشي من العاكزين ،ما عطلهاش ،سيفط السرباي عندها ،باش يهضر معاها ،نازلة فرحانة ،ومتيقة راسها مطربة،سطار ،كتمشى بحال الطاووس،نص الطريق رجعات هزات الميكرو فيديها ،حيت سحابليها ايطلب منها شي أغنية ،مدليها شي ميتين درهم فيديها ،وكالها الضرافات ،حنا جايين نزهاو هللا يرحم الواليدين ،ما طيريش لينا السكرة ،هاكي هاد البركة و سيري ديري شي حاجة أخرى تنفعك ،ما رضاتش ،الحت ليه دوك الفلوس على وجهو ،كاتلو انت ما كتعرفش فالصوت ،فقصاتني ،بغيت نكولها خودي الفلوس و خرجي قودي من هنا ،ترونات القضية شوية جاو هزوها الحوها برة ،ما يمكنش يخسرو كليان كيحط قرعة بالفين درهم على وحدة الحطة ديالها كاملة ما .فايتاش خمسين درهم ،صدقات ال ديدي ال حب الملوك تنهدت ،و كملت الهضرة مع السيد ،بقاتلو شي يوماين و غيمشي ،انا الي غا نقابل هدشي كامل ،و بيناتنا التيليفون ال طرا شي مشكل ،سالينا وصلني لباب ديال البيت ،باسلي يدي و كالي تصبحي على خير...مشا ودخلت فحالي ،فبالي ديك البلدية كنفكر فين بايتة ،شمن جايحة غضربها هاد الليلة ،وواحد الراس الي دازت عليه الدكاكة كيكولي ديها فكرك ،نتي مالك ،العواطف ديال النم ،جريت عليا الكاشة ،رطيطبة و حنينة، مخدة مرتاحة مزيان ،ونادية على الضس موسدة شي فخد ديال شي حباسة ،راسي يا راس المحاين...ما كيهنينيش ،درت بناقص من النعاس ،غنكون كميت شي عشرين كارو ديك اللية ،تاداني النعاس وسط ديك العجاجة الحلقة :22ما عرفت ما ندير بدوك الفلوس ،حطيتهم فوق الناموسية و بقيت نتفرج فيهم ،حسيت بالفرحة، فلوس عرقت عليهم بصح ،وسخ الدنيا كاليك ،الوسخ د بصح هو تبات الليل كامل يتمحككو عليك على جوج دلاير الخدمة مزيانة ،كلشي هو هاداك ،ما خصني تا شي خير ،و مع ما مولفاش بالربح ،ديما فيا الخلعة ،كنتسنى غا الحاجة الخايبة طرا ،عنداك هدشي ما يدومش ،باينة شي مصيبة جاياني ،كنضحك و نكول هانا غنهجرو، الناس الي خدامين معايا كلشي كيحترمني ،وال كلشي كيخاف مني ،حيت الشغل كلو فيدي ،و حيت ما .مضصراش عليا بنادم ،كنسالي خدمتي كنشد شي كوان ونريح ،نتفرج فشي فيلم و ال نقرا شي كتاب شي شهر وانا هاكاك ،مكاين ال جديد ال والو ،ورتاحيت من الليل و من السهير ،وجهي بدا يبان فيه الضو شوية ،نقصت من الكارو و الشراب ،و كناكل الفطور بفطورو و الغدا بغداه ،فاش تخلصت الشهر اللول ،ما
ouzzine
Abdeljalil
عرفت ما ندير بدوك الفلوس ،أول مرة كنشد بزاف د الفلوس ،حطيتهم فوق الناموسية و بقيت نتفرج فيهم، حسيت بالفرحة ،فلوس حالل ،فلوس عرقت عليهم بصح ،وسخ الدنيا كاليك ،هللا يطلينا بيه ،الوسخ د بصح هو تبات الليل كامل يتمحككو عليك الزوامل على جدلاير ،انا بعدا كنت كنتمشا مع بنادم نقي شوية ،و قاري شي شوية د الكتوبة واخا غا يعرض عليك مرة مرة شي مقولة باش يبان فشكل ،المقودة هي القحاب الي كا تلى بيهم اليام ،و كيكونو بداوها بسخونية الراس ،باش جايين باش دايرين ،و السخونية كترجع بالبرودة ،انا ..مسعودة كنعرف شوية فين كنحط ترمتي ،البرودة مزيانة ما عليناش ،السيدة الي مقابلة الميناج حصالتني كنكمي ،وانا كنت باغا ميعرفني حد فحقيقة شكندير ،بينما نقطع عليا الزبل فمرة،بقات كتشوف فيا ،حشمت ،باقا مرة مرة كطلع معايا التزنيكة واخا القوادة كاملة الي كنت كندير ،مشات فحالها ،بال متكول تا حاجة ،و ما عمرها هضرات وال عاودات شنو شافت..واحد الليلة فبيتي ،تعشيت و بقيت مجبدة ،تا كنسمع الدقان ،حليت لقيتها هي ،جاية و هازة صاك كحل ،دخالت بال منكولها زيدي ،حالتو جبدات قرعة د الروج و حطاتها ،كاتلي بغيت نسكر انا وياك ،خصني نسكر معاك اليوم ،بغيت نكولها انا ما كنشربش راك فهمتيني غاالط ديك الليلة ديال الكارو...ساعة ما عندي ما نخبي، االصيانات كيعرفو بعضياتهم ،كيتشاموا ،القحبة كنعرفها من بعيد واخا تكون البسة خيمة عليها ،مكنتش من العاكزين ،تانا عجباتني الفكرة ،مشيت جبدت شي قطعة عندي فالبالكار ،شي لويزات و حبات د الزبيب و شي تواشا بدات كدخلهم ريحة الغمولية ،الكاس اللول ما هضرناش ،الكاس التاني والو ،الكاس التالت بدات كطلع التنغيمة ،هي تبدا كتعاودلي ،كتخرج الكلمة بزز ،وكتسكت ،بحاال كاديماري ،شوية ما حبساتش، هضرة كتجيب هضرة ،قصة مور قصة ،كتنقز من وحدة للتانية بال ما تكملي البدية ،تلفاتني ،ما شديت معاها تا وزة ،غي اللقطات ،كل لقطة كتنسيك فلقطة ،فيلم د الخلعة،حسيت بيها بحال شي بير فاض هاد الليلة عندي ،كان خصها غا معامن ،مكيهمهاش رأيي أنا وال خايفة نحاسبها ،شكون أنا فاللخر الي نحاسب وحدة ختي فالدومين ،وتا حد اخر ما عندو الحق يحاسب شي واحد ،باراكا عليه غي نفسو و شكدير فيه كل ليلة ....قبل ما ينعس كريمة كانت زينة بزاف ،فدربهم كلشي كان كيموت عليها ،منين كانت صغيرة كانت فايضة ،بنت خمسطاشرعام كتبان بحال شي امرة كبيرة ،يكفي غي تهز وصلة د الخبز للفران د الحومة و تلبس جالبة باش يتبعها كلشي بالشوفة ،كتمشى بالعبار ،بحاال كتشطح ،كل خطوة كطيح واحد ،الكفاتة كتار ،والمعقول قليل ،هللا يجيب ،كريمة ضصرات ،و ما بقا قدها حال ،كتكول شدوني وال نطيح ،عشرة ما يلقاوني ،كولو للشمش تغيب وانا نشرق بالصتها ،انا نضوي المدينة غا بعويناتي ،تايقة فراسها بزاف ،خرجات من القراية على بكري ،عقلها داه السيمو ،كيكول للبال طير وال نطير ،زين و حروفو كحلين ،كيلبس اخر ماكان ،خرج عليها ،هي الي بغات ،مشات معاه بخاطرها كان كيصحابها غيتجوجها ،شبع منها و الحها فواحد الدورة واحد الليلة ،ما حيلتها ترجع للدار ما حيلتها تبقا تما ،خوات المدينة ،بقات تصول و تجول ،فين ما راح الليل تروح معاه ،كريمة الي كانت دافعة كبير على كلشي ،والت خصها غا شكون يكميها و يسكرها ،شرفات و سنانها طاحو و بزازلها ذابوا ،ما بقا ال زين ال حروفو ،والت بحال الشقفة ،مصدية،بالحق ما قدراتش تنسى السيمو،عوضاتو بالكاس ،كتحل القرعة بسميتو و تساليها وهي كتسب فيه ،فاش عرفات راسها مكاين الي يخلص عليها تا بيرة ،ما خالت فينما خدمات ،مع القراية والو والنيفو هابط دبرات على خدمة فالميناج، كتخدم على راسها ،ما عندها ال تالي واال والي ،الي جابو النهار يديه الليل ،و بيخير ،كاتلي ماباغا والو أنا من الدنيا ،حاجة وحدة ،نهار نتكركب نلقا الي يدفني ،و يخلص عليا الكفن ،كاتلي كنجمع فلوسو و فلوس الغسال كنحطهم على جنب ،كا نكعى كنوض نصرفهوم طاسة ،ضحكاتني و بكاتني ،كتليها شوفي ،الى سبقتيني غندفنك واخا نعرف نعطيها لمول الكفن باش يعطيهلي ،وال سبقتك ما دعيلي ما ندعيليك ،الدعوة فينا ،دعاوي البال تابعينا ،كاتلي ونتي أ لمياء؟ شنو قصتك؟ مالك ديما بوحدك و دايرة فيها الشافة؟ بقيت كنكول واش نعاود وال ال ،هي تاقت فيا بصح و ما خبات والو ،ما عندها ما تخسر ،بالحق أنا ال هضرت
ouzzine
Abdeljalil
نخاف نتزرف ،الهضرة تبقا دور ،ويبدا بنادم يتغامز عليا...مزال مخارية مع دماغي واش ندوي نفش قلبي وال نخلي داك الجمل مكوز ،جاني تيليفون ،السبليوني كالي كلشي خصو يكون واجد غدا ،جايين شي صحابي و شي رجال االعمال من المغرب ،انا معول عليك ،سولت كريمة شكون يكونو هادو الي داير عليهم ها الحالة كاملة ،مالنا اول مرة غنديرو هادشي زعما ،كاتلي و هي سكرانة كاو ،و عينيها بداو يطفاو، هادو هوما همزتك ،ويال ما ضبرتيش على شي راجل منهم غي سيري تخراي ،طلقي شوية داك الشعر و مشطيه و عكري داك الفم فزكيه ،انا شرفني الزمان ولكن ما قهرنيش ،ماشي بحالك يا بنتي...دكشي ليطرا، .الهضرة د السكايرية كتصدق...داك الوفد الي جا جا معاه زماني لحلقة " : 32ما قدرتش نهبط عيني عليه ،الطريقة باش كيشد َكارو كتجيبلي القطعة ،كيشعلني معاه ،كيكمي "وانا حاضياه ،كيكمي وانا مكيفة غا بيه ،كيسوط الدخان كنتبعو بعيني ،معرفتش شنو وقعلي
سمعت الهضرة د كريمة ،الناس واصلين بالليل ،العشية مشيت للحمام ،موراه دزت عند الكوافورة ،لمياء د بصح الي سميت راسي عليها ،من نهار حطني عندها مصطفى ما عاودتش شفتها ،سلمت عليها ،و كلست، صايبت شعري ،نتفت حجباني ،صبغت ضفاري ،اليدين و الرجلين ،درت ماسك لوجهي ،ماسك د بصح ماشي الماسك الي دايراه غي باش نخبي مسعودة...قبل التسعود كنت واجدة ،واخا حماقيت معرفت ما نلبس، كنلبس و نحيد ،تا حاجة ماجات معايا ،و اللباس هو كلشي ،يحترمك بنادم غي من الحطة ديالك ،تفكرت هضرة نادية ،كنخرجو كنشعلو كي التريات ،وكرشنا الصقة على ضهرنا بالجوع ،ديك الساعة كتكولي واحد المتل عمري ما نسيتو ،كول التبن و دهن فمك بالسمن و لبس تا يكولو ولد من ،حنا ما والد حد ،حنا غا بنات الزنقة ،بالحق كنصبو على والد فالن ،الي عندهم السمية فيها تالتتة د الكنيات،الزنقة كتعلم القوالب ،و كتردك بحال الموس ،ماضي ،الي قاسك تجرحو...شفت تا عييت ،لبست سروال عادي و قاميجة و صباط عالي ،وصيتهم يعلموني فاش يوصلو الناس...التيليفونات ما سكتوش ،البلبلة ،ضرني راسي شكون جاي كاع؟
كان زوين ،طويل و عامر ،بيض نقي كيشعل ،حروفو كحلين و شعرو طويل ،واصل تال عنقو،ما عرفتش الش قشعتو هو بالضبط من وسط كاع داك العالم الي كانو حاضرين ،اكثر من ربعين واحد ،عيني ما هزاتو غا هو ،عيني كتعشق المليح ،كان كلشي مكرفط و مكستم و صباطو كيشعل ،هو بوحدو ،كان داير كاسكيطة و البس قويميجة خفيفة مخططة بالزرق و الحمر ،باق عاقلة بحاال يااله شفتو البارح ،ما قدرتش نهبط عيني عليه ،تكون عندو ديك تالتين عام واقيال ،الطريقة باش كيشد كارو كتجيبلي القطعة ،كيشعلني معاه ،كيكمي
ouzzine
Abdeljalil
وانا حاضياه ،كيكمي وانا مكيفة غا بيه ،كيسوط الدخان كنتبعو بعيني ،معرفتش شنو وقعلي ،و لكن واش هو شافني أصال؟ معرفتش
تلفت ،بقيت غادة جاية ،من بيتي للبيرو ،من البيرو للحمام،كنمشي كنعاود نقاد الماكياج ونمشط شعري و نرش الريحة ،وليت بحال شي بنت صغيرة ،طايرة ،بحال هاد الستونات قليل فاش كيطراولي،كملوا اجتماع ديالهم ،تشتتوا ،كل واحد فين رد راسو ،انا عييت واقفة نهار كامل ،صباطي ضرني ،بغيت غي نطيح، عيني كيتشدو ،بالحق ما خصني ننعس حتى تقطع الرجل و كل واحد يشد قنتو،جات كريمة عندي ،لقاتني واحلة فشي وراق ،تالفة بيا الوقت ،تلفة زوينة ،وجهي فيه ضحكة ديال بصح هاد المرة ,عيني كيبريوا بحال البولة ،ما هضراتش بزاف ،بالحق كانت متبعة الفيلم من اللول ،وجابتلي خباراتو ،من ديما كيجي هنا ،كليان صحيح ،وباينة فيه معقول ،قليل الهضرة والخدمة كيعطيها عالش تقلب،
كان مرة مرة تيهز تيليفونو ،وتيبقا يكتب ،وجهو كان تيتزنڭ ملي تيكون تيكتب ،واقيال تيدوي مع صاحبتو ، سعداتها ،واقيال مدابزين ،ياربي ميكونش مصاحب ،السيد باينة عليه ولد ناس ،واش غيديها فوحدة بحالي ،مسحات بيها الدنيا االرض! الباس قلت ليا كريمة راه مطلق ،وعندو بنية ،بغيت نمشي نهضر معاه ،ولكن فشلت ،ڭع الزعامة لي فيا طارت ،وليت بحال شي بنت الكوليج اول مرة غتتصاحب ،سالت السهرة ومشا بال مندوي معاه ،ندمت ،بقيت حالة فمي بحال الهبلة وهو دايز قدامي ونزل مع دروج مشا..موحال نعاود نشوفو..كعيت وقلبي تزير ..كريمة بقات تتضحك..خنزرت فيها..زادت ضحكات..قالت ليا ،راه الضوسي ديال الخدمة لي تيدير للشاركة كاين فاالرشيف ،وفيه النمرة ديال التيليفون ديالو..فرحت ..عنقتها وبستها ..ومشيت تنجري لألرشيف عودة
الحلقة :24خديت عصير حقاش الشراب حرام...واخا الحرام هو نوقف فالكونطوار و ناخد عصير والبيرة قدامي ،الى شربتها انولي نهضر ونعبر مزيان ،كطير الحشمة واللسان يتطلق .بالحق هادا ماشي كليان مشيت لالرشيف ،خديت نمرتو من واحد الضوصي ،سجلتها فتيليفوني ،و بقيت كندوي معاها قبل منعيط، كندرب شنو ممكن نكوليه ،كيفاش نهضر معاه وانا دافعة كبير بحال الي هو دافع كبير خلوق ،محال حتى
ouzzine
Abdeljalil
واش ردل البال واش كاينة وال ال ،فالليل ،بداو يدي كياكلوني ،واش نصوني عليه وال ال ،نهضر معاه ،وال نصوني و نقطع بحال شي بعلوكة ،شوية وانا نجمع راسي ،ديري عقلك ،ماشي هاكا دوزت الليلة كاملة كنفكر ،كنحلم ،كنفيق ،كنسهى ،كنجمع الوقفة .فالصباح تبتت راسي ،وعيطليه مع العشرة ،كنت لقيت السبة ،الرقم ديال الروجيستر د كوميرس فالشركة ديالو مقيد مخالف فالضوصي ،خصني نتأكد زعما ،شكون فيهم الي صحيح ،معه التيليفون كيصوني ،قلبي غيطير من بالصتو ،ناري احساس مقود ،زوين ،ولكن كيضر ،بحال الخلعة ديال االمتحانات ،بحال فاش كتسنى النتيجة تعلق ،غا فالمدرسة كتكون دوزتي ،ال قريتي غا تنجح ،ماشي بحال هاد القوادة ،كيدخل فيها الميمون بزاف ،وانا ميموني راكد، جاوب ،صوتو زوين ،رزين ،مكرهتش يبقا يعاود فديك الو شي سبعاالف مرة ،فيها الفيبراسيون ،جات مع الدقات د قلبي نيشان ،عبار ،من بعد واحد التالتين تانية عاد جاوبت ،كنت مشيت عند هللا ،صوت سافر بيا، معرفتش كيفاش هضرت ناشفة ،واخا هكاك ،عطاني الروجيستر د كوميرس و كالي غيدوز فالعشية و يشوف بعينيه ال كانت شي حاجة غالطة يصلحها....ناري عندي ميعاد،فالوقيتة د الغدا ،كريمة كانت كتقصي وانا خدامة كنركب فالحطات ،نلبس و نحيد ،شنو غيجي مع شنو .ما عنديش الوقت بزاف ،هو غا دايز ،و قبل ما يولي خصني نكون غيزت فيه ،طلبت كريمة تسرحلي شعري ،كتخدم بالفرحات ،حيت هي موالت الفكرة ،واخا ما صحابليش انتزعط دغيا فوسط الفريع د السيشوار و صداعو كنت كنتمزك فراسي لديك االغنية ديال ماجدة الرومي" وانا كالطفلة في يده ،كالريشة تحملها النسمات" حسيت براسي مشيت بعيد ،خفت غا ال نطيح على زنافري و نرجع دغية، قبل منكمل الطريق ،وصالت الخمسة..جات عيني فعينو ،وبدات القصة ،وال منعرف كمالت عندي و غتبدى عندو ،نعرفو على لمياء؟ وال مسعودة؟ وال أنا؟ كيما أنا؟ الى مشينا بعيد فين نقدر نوصل معاه؟ كاين شي واحد الي يقبل عليا كيما انا ،بداك الصاك الكحل ديال الزبل الي جارة مورايا ،وليت بحال شي واحد حباس و باغي يدوز بيرمي د كونفيونس ،ساعا الوراق عندو فيهم الوسخ....أنختار الساهلة واقيلة ،ما نكول والو، دكشي غي صفحة و طويتها ،ساالت ،و ماناوياش نعاودها ،بالحق غا يبقى بيناتنا ديما شي سور كبير مغطيني عليه ،الباليص و الروايح و اللوانات د السليبات و انواع ليبريزيرفاتيف و الكينات و القراعي و الخرا كل حاجة عندي معاها ارتباط ،كيندير نمسح دكشي كامل ...انا كي شفتو فشلت ،ركابيا خواو ،تلفاتلي ... المشية،نغزاتني كريمة ،كاتلي هدا را تلقايه مولف بالدريات مدفكين عليه ،ديري شوية ديال التقالة ،ديماري بروميان ،كتليها سيري و كوليليه فالنة راها فالمكتب ديالها ،بحال دوك المسلسالت الحامضين د المغاربة، دق عليا و دخل ،درت راسي مشغولة فالتيليفون ،درتليه اشارة باش يريح واحد الشوية...اييه يا مسعودة، طلقت السلوكية لداك الفرونسي ديالي و خفت غا ال يصوني التيليفون و نتفرش ،بالحق شكون غيعيطليا؟ ال تالي وال والي..ال من يسيفط تا ميساج د العواشر ،ملي ساليت المكالمة د بلعاني جبدت الضوصي بال ما ندوي معاه ،حطيتولو و كتلو تفضل ،كان كيقلب فالوراق و مرة مرة كيخطف شي شويفات ،و شحال حنينة شوفتو,,,انا شداتني السخفة ،عييت ما نضرك ،ولكن السوفل تقاضى ،هلكتو بالكارو و الجوانات ،صدري .وال بحال شي ايركاط قديمة بابها زرق ،خاصو شي تشطيبة ديال البلدية ملي ساال سولني مالكي يا االنسة؟ ياك الباس؟ جاوبتو ان الجو كيخنقني ،الصهد ،الزمت ،بغيت نتنفس ،فهم راسو ،عرضني نشربو شي حاجة فالكونطوار ،و طبعا حيت انا الفيلم مدوراه فراسي سبعين مرة ،خديت عصير ،الشراب حرام...واخا الحرام هو نوقف فالكونطوار و ناخد عصير و البيرة قدامي ،الى شربتها انولي نهضر مزيان ،نعبر مزيان ،ما غنبقاش حشمانة ،و لساني غيتطلق...بالحق هادا ماشي كليان ،و ماباغاش نتفرط معاه ،ديك الساعة بدا كيعاودلي على حياتو ،شكون هو و منين جا ،شكيدير و شناوي يصنع
ouzzine
Abdeljalil
من بعد ،حياتو كي كانت و كي والت ،كلشي كان مزيان تال هنا ،تا خوا عليا سطل ديال الما بارد ،بحاال ضربني بتصرفيقة ،كاع دوك العمارات الي بايتة نبني فيهم ريبهوملي بركلة صغيرة ،الصدمة كانت قوية، بالحق ماشي اقوى مني ،ربيت السوفل د الصدمات ،وليت بحال الدرك ،واخا عامرة غا بالما من الداخل، ولكن شوكي قاصح و تا حد ميقد يزعم يحط يدو...بلعت الريق ،تنفست مزيان ،تنهدت ،جمعت شعري الي كان مطلوق ،و كملت الحوار بحاال ماكان والو....و شنو فيها ال كان مطلق بجوج وليدات كاع؟؟ ديك الساعة عاد فهمت الش الساط مكيهزش راسو من التيليفون ،مخشع معاه ،يااله طلق وساال ،مزال تالف، فرقو الدراري بحال الوزيعة ،هي دات البنت و هو دا الولد ،ولدو خاله عند الواليدة ديالو ،ما بغيتش نكعا، ونكول لمسعودة عاوتاني تقولبتي يا بنتي ،الصنارة طلعات فكرون ،بحال ديما ،ماشي شي حاجة جديدة، الجديد أنني هاد المرة ما محتاجاش فلوس ،ماباغاش ننصب على جيبو ،باغا ما اكثر ،نشفرلو قلبو ،الى كان ديالو مجروح ،انا نداويه ..راه تا مسعودات كيعرفو يبغيو ،و البغو ديالهم مقود ،كيبغيو ديال بصح ،ويقدرو يتبدلو على ود الي كا يبغيوه..القحبة المزيانة هي الي كتمشي مع كلشي و كطيح فواحد يعاود يضمس حياتها و تخرج كارطة مزيانة ،كطيح فالجوكير فاخر ماتش ،فالفينال لحلقة ": :21انا اللي كنت البارح كنضور فالبيران و نقلب شكون يخلصلي بيرة ،وليت محترمة بالفلوس و "بالتمتيل ،شحال ساهل نحكمو على بنت من دجينها راها قحبة ،و من فوالر راها بنت الناس
دازت سيمانة مور ديك الليلة،و انا كنقلب على اي سبة باش نعيطليه ،وحتى كنركب الرقم و كندير بناقص، كنسد عينيا كنشوفو ،كنحل عينيا كنسمعو ،هو ما تاصلش ،كنحاول ندور فراسي شنو ممكن يكون كيكول عليا ،شنو االنطباع الي خليت عندو ،وال واش عاقل بعدا على ديك الليلة ،مكنقدرش نحيدو من راسي ،بحاال تشيرت ،كنفكر فيه نهار و ما طال ،ما بالن ما تا وزة ،و شحال مقودة تولي راهن حياتك بشي واحد ،تفيق .بيه و تنعس عليه دازت أيام ،ال خبار ال تيليفون ،وانا كيما انا ،غارقة و زدت غرقت راسي ،ما خصني تا شي خير ،غا الحب كي الناس ،شخصك أ لعريان ،شي قليب حنين يا موالي...صونات عليا واحد السيدة من بعد خمسطاشريوم واقيال ،تا كنت نسيت و فكراتني ،تا بداو المالمح د وجهو كيتخربقولي فالذاكرة ،حتى قربت نغرق دكشي باش بديت نحس فبير و جراتني نجالء ،هاد السيدة خدامة معاه ،هي الي كا تقابلو المواعيد ديالو ،صونات باش تحدد شي موعد عندنا ،عندو شي ندوة و غيديرها تما ،واكدات عليا انني نوقف على دكشي بيدي، هدشي الي طلب منها توصلي، فرحت ،وبديت كنمشي بعيد ،ياكما داير هدشي باش يشوفني المرة التانية ،ياكما تا هو كيفكر فيا كيما كنفكر فيه ،وال هدشي كولو كيدور غا فراسي ،وهو ما فراسو ما يتعاود،دوز النهار كامل فدكشي ديالو ،انا ما بنتش ،بقيت فبالصتي ،شاداني التلفة ،و باغا نشوفو و ماباغاش ،خليتها هاكاك ،تاجا برجليه ،و عرضني للعشا باش نهضرو فشي موضوع ،ماشي رسمي باش يمكن ناقشوه هنا ،كان خصنا نخرجو ،نريحو بعيد .على العينين ،وندويو فخاطرنا دوا و ياريتو ما دوا ،ما عرفت واش نتيقو وال نكدب ودني ،وال نسكت داك الكاسيطة ال كدور فدماغي، واش نكمل الهضرة وال نوض نعلق فحالي ،بال ما نطولو فالهضرة ،ونديرو دكشي ديال القناة الصغيرة، وندخلو و نخرجو بال فايدة ،عجبتيني ،كتباني معقولة و بنت داركم ،و ما لقاش احسن منك تطوي معايا ما فات و تبدا معايا من اللول ،انسانة قارية وواعية و ماشي ساهلة ،هاكا كال ،هو كيعاود هاد الديوان وانا
ouzzine
Abdeljalil
كنخرا بالضحك فنفسي ،ماشي عليه،ـ على راسي ،و على الحياة ،و على شحال ساهل تضحك على بنادم بسريويل التوب و قاميجة مستورة ،انا اللي كنت البارح كنضور فالبيران و نقلب بعيني على شكون يخلصلي بيرة ،وليت محترمة بشوية د الفلوس و بزاف ديال التمتيل ،وشحال ساهل نحكمو على بنت من دجينها راها ...قحبة ،و من فوالر راها بنت الناس ،بالحق ديما ،القافز فالدوار هو الي كيجيبها فكرو ،المسمار زعما سكتت بزاف ،وبقيت كندورها فراسي ،نعترف وال ال ،نجبد ليه مسعودة؟نعرض عليه سمية البيران و الحفاري؟ نعاود ليه قصتي مع حسن ،وال مهدي ،وال طارق وال ابراهيم وال عبد الرزاق ،نكولو على الليلة اللولى فاش خرجت؟ فاش هزيت اول كاس وال كميت اول نترة ،فاش صبغت شعري فالصفر و ال فاش كنتسنى الباليص؟ فاش قولبت واحد و قولبني شحال من واحد؟ فاش كليت العصا وال فاش علقت للبوليس....بزاف ما يتكال ،ويال بديت ما غانساليش ،الهضرة بزاف و السكات خير ...وال نخليها فلمياء الضريفة الزوينة ،بنت دارهم و الي ما كتهزش العين فالكليان.....الى ما عرفش اليوم غيعرف غدا ،ويال ما عاقش بيا انا عايقة براسي ،و السور بيني و بينو غيبقى ديما طويل...كلت نكتب ليه برية ،نكول فيها هدشي كامل ،ما عنديش الوجه الي يشوف فيه ،نسيفطليه ميساج ،وال نوصي عندو كريمة، مزال كنتشاور مع راسي ،الكلمات الي كنكول فراسي بداو كيتزاحمو ،وتا بديت كنفكر بصوت مرتفع ،و كنعاودلو ،دقة دقة ،فاللول حانية راسي كنشوف فاالرض ،تا وصلت للمرحلة الي عيني فعينو ،و محنززة فيه ،مخنزرة و كنكول كاع الي فقلبي ،عقلي كيكولي حبسي ها انت كتقودي السوايع ،وقلبي كيكولي الي ليها ليها ،تمارة ها حنا فيها ،وشنو ممكن يكون اقود من دكشي الي دوزت ،تا حاجة ما بقات كتخلعني ،و فكاع الحاالت ما ممكنش نخسر اكتر ،و هذا الي غا يحاكمني ،فين كان فاش ما كنت القية ماناكل؟ وال باش نخلص الكرا ،وعالش يحاسبني على خطأ ما اختاريتوش ،باراكا حاسبوني كاع الي خرجت مع رجاالتهم، ...كاع عينين الي كيشوفو فيا بنت الزنقة ،وكاع الغوات الي كنسمع فقلبي كل ليلة قبل ما ننعس بقا ساكت ،زاد الخطوة اللوال ،التانية ،بقا غادي و كيغبر فالظلمةـ حتى ما بقاش خيالو كايبان ،شوية بانلي راجع ،حاني راسو ،وجاي قاصدني نيشان ،كالي سمعي ا امياء وال ميلودة ما بقيت عارف تا سميتك ،طبعا ما كاليش انا قابلك كيما انتي ،واخا دازت عليك الرباط و كازا و النص فالغرب ،حيت هاد اللقطة كاطرا غا فكريندايزر وال شي فيلم د الهنود...شاف فيا مزيان و كالي هضرة زوينة ،ما عمرها تنساتلي ،كالي شفت ...فالقحاب تا شفت ،طيحت سناني معاهم ،ما عمري شفت شي قحبة بحالك ،هللا ينعل بوها تريكة لحلقة " :26تفكرت واحد رمضان ،فاش كنت كناكل من عرق لحمي،واخا الخدمة فيه كاتكون مقودة، الكليان كتار ،و الليل قصير ،دغيا كيقرب الفجر ،وناسي مزيانين ،خصو يضرب و يهرب ،و يعلق قبل " الفجر باش يتسحر و يدوش ويصبح صايم الناس كتبوق باش تضحك وتنسى ،أنا تا كنتبربق مزيان عاد كيبدا يبانلي الهم فين ماكان ،كنشوفو فكلشي، فين مارديت وجهي ،فالتلفزة ،فالدار ،فالحيوط ،فالوجوه ،العينين ،يمكن حيت خونا ضاع من يدي ،واخا انا الي ضيعتو بخاطري ،فاش كلت ليه الصراحة و ما مخبيتش عليه ،واقيال كان باغي يسمع الي يعجبو ،بنت دارنا ،ومن دارنا المدرسة ،و من المدرسة للجامعة ،ومن الجامعة الخدمة ،هو هدشي الي كان ،غي كانو شي شقات بين بالصة و بالصة ،كندوز الديور ،وكل دار كنعيش فيها قصة...كاعية بجهد ،ولكن مرتاحة، .مصالحة مع مسعودة ،حيت حكاتني ،نجراتني مزيان تا وليت نعرف الذكر د النملة من النتوة تبوقت باش ننساه ،نسا شنو كال ،وباش نفكر راسي فالكعيات د بصح ،فاش كانت كتقواد عليا بصح ،تا ال بكيت ديك الساعة عرفت عالش كنبكي ،البكا د البغو غا زملة ،وكترة الشبعة ،الي ضرو الجوع ما كيبغيش، الحب الحقيقي هو الخبزة ،فاش تلقا باش تعمرها ،و تلقى ساروت ديال بنيقة تسد عليك فيها و ما يفرعليك
ouzzine
Abdeljalil
كرك حد على الكرا ،فاش كنت كيضربوني الحيوط ما كنتش كنسول قلبي شباغي ،وال شكون عجبو ،مكانش ...عندي الحق نختار الزين ،كان خصني غي الجيب ،ويكون صحيح برمت واحد الجوان ،ضبرت على طريفة من صاحبتي الكوافورة ،بقات شحال فواحد طريف د الميكة فالبالكار ،ما كانش عندي بيها غرض ،تال ديك الليلة ،تكيفت مزيان ،تصمكت ،بقيت عاصرة فالبالكون و حاطة ترمتي لالرض ،البرد كيطلع معايا و شكون حس بيه ،كنلعب بالبريكة فيدي ،كنحركها ،و كنشعل و نطفي ،كنجهد ليها فالشعلة و نقصها ،وانا نتفكر واحد رمضان ،فاش كنت كناكل من عرق لحمي ،وكل ليلة كنتبع داك الطرف د الخبز الحار فين ماكان ،واخا الخدمة فيه كاتكون مقودة ،الكليان كتار ،و الليل قصير، دغيا كيقرب الفجر ،وناسي مزيانين ،خصو يضرب و يهرب ،و يعلق قبل الفجر باش يتسحر و يدوش ويصبح صايم ...بحال هادو نيت الي كيضرب الطاسة و يعيف اللحم د الحلوف حيت حرام ،واحا مكاين حلوف قدو..الشراب كان كيعاوني فاليامات العادية ،كنسكر باش منتسوقش لشكايطرا فيا ،باش نحل رجلي و نغيب عقلي ،ومنعقلش على بزاف د اللقطات من كل حلقة...دكشي الش مخدمتش فرمضان اكثر من جوج د المرات ،دغيا حبست ،الليلة اللولة خرجت قبل ما يخرجو الناس من التراويح ،بجالبتي حيت ما يمكنش تزير فالدجين و ندير الفرطة لراسي ،و تا الجالبة قاضية غرض ،مزيرة على الطريف و قصيرة ،معاها صندالة خفيفة كنجرها فرجلي ،زعما راني غير هنا ،كنسكن غي فالدورة ،وال خارجة غي مسخرة..الزاللة ديال بصح كيعرفو القحبة غي من القب د الجالبة ،و من المضغة ديال المسكة...شافني من بعيد ،غمزني غمزة خفيفة ،مابانلي حد ،طلعت بالزربة للطوموبيل ،وتحركنا ،جاني نيشان ،ما عطلنيشـ تانا نيت مامسالياش ،و ما عنديش وقت للمقدمات ،نعتلي دارو ،كانت قريبة من السونطر ،العمارة طويلة و مكاينش السونسور، طلعنا للطروازيام ،فالظالم ،شادلي فيدي ،درجة بدرجة تا دخلنا، دخلنا للصالون ،قال ليا چلسي ،مشا للكوزينة يجيب شي حاجة نشربوها ،فوق الطابلة كانو بزاف ديال الباسبورات وتصاور ديال الناس وبزاف ديال الضواصة ،بحال شي أرشيف ديال شي إدارة .جا ڭلس حدايا ،مدارش يدو عليا ومحاولش يبوسني ،كما هي عادة الكليان ،خوا ليا كاس ديال العصير ،هو يسولني على سميتي! قليل لي تيسولني عليها ،بنادم متتهموش سميتي ،المهم هو يقضي الغراض ،ويخوي داكشي لي محبوس فبين رجليه ،جوبتو ..وانا نسولو ،قلت ليه واش خدام فالعمالة؟! ضحك تا بانو نيابو ،ضحكتو زوينة .قال ليا بلي هو خدام فوكالة أسفار ،وهاذوا الضواصة ديال الناس لي تيسافروا فاالجنص ديالو ! تمنيت تا انا بسبوري يكون بين دوك الباسبورات ،وتا انا نسافر ،ونخوي هاد البالد ،ونهرب بعيد ،ننسى ..راسي ،ونسى هاد المجتماع ،وننسى الحڭرة والزلط والتقحبين لحلقة :27كان تينعس معايا ،وتيدوش وتيصلي ،سكيزوفرين بحال ڭع الناس ديال هاد البالد ،فوق الناموسية تيولي پالي بوي ،وفوق السجادة تيولي شيخ جليل ،بنادم تالف متابع الميريكان ماتابع السعودية
دارت ليام ،وبقيت مرة مرة تنتالقا مع خونا مول الباسبورات ،الكذوب عاهلل حرام ،الراجل كان ضرافات وكان تيتهال فيا مزيان .كان متيزڭلش الرونديڤووات ديالي ،وكان متيزڭلش تا الصالة ،الوقت هو الوقت ، كان تينعس معايا ،وتيدوش وتيصلي ،وبعد المراة بين صالة وأخرى ،كان تيدير بيا القطعة ديال الصالة ،
ouzzine
Abdeljalil
كان سكيزوفرين بحال ڭع الناس ديال هاد البالد ،فوق الناموسية تيولي پالي بوي ،وفوق السجادة تيولي .شيخ جليل ،بنادم تالف متابع الميريكان ماتابع السعودية
ملي كنا تنساليو القصارة ،تنخوي ليا شي كاس ديال الروزي ،وتنشعل شي ڭارو وتنبقا نتفرج فيه ،تيعزل الباسبورات وتيعمر الوراق ،كنت تنسولو عالش ماديرش هاد الخدمة فالمكتب ديالك؟! كان تيقول ليا عندي الخدمة بزاف متنكملهاش فالبيرو .ملي تيسالي تيبدا يعاود ليا على البلدان لي كان تيسافر ليها ..مخلى فرانسا و المانيا والسويد والنرويج واستراليا والبرازيل والميريكان والشينوا وروسيا وتا الطوغو والنيپال مشا ليهوم ،.الساط اكثر من ابن بطوطة مخال تا قنت
واحد المرة خليتو تاسكر مزيان وخدا مني دكشي لي بغا ،وانا نجبد معاه الموضوع ديال السفر ،قلت مع راسي ،نخوي هاد البالد ،ويعفو عليا هللا من هاد الخدمة ديال الحرام ،ونخرج من هاد الزريبة لي تيسموها فنشرات االخبار الوطن ولي تيغني عليها صاحب االنف العجيب نعمان الحلو :بالدي يازين البلدان .طلبتو قلت ليه طبر ليا على شي فيزا لشي دولة اروبية او الميريكان ! ضحك وقال ليا :صافي سخيتي بيا امسعودة؟ ضحكت تابان ليا ضرس العقل وقلت ليه يامتزعطتي فيا ،راه المسخوط هو لي يتزعط فقحبة ،قال ليا واخا غنطبر عليك ،دازت ليام ،وتا الخالص مبقاش تيخلصني ،وتا انا متنقول ليه والو ،تنقول هانية ،كلشي على .وجه الفيزا يهون ،داز يام وشهور ،وديما تتبني بغاصبري مباغيش نصيفتك لشي دولة عيانة
دارت االيام ..واحد الخطرة كانت تنتسناه فالدار ،جالسة تنفتخ جوان تابع جوان ،الڭاشوش لي ميجيب ميدالية ميليق لبوه غا الدخان ،كانت مشطونة مع الواليدة ،دخلت الصيبيطار تفتح على المرارة ،الواليد معقلش عليها الحها فسبيطار المخزن بحال شي جيفة وخالها تم ،تقدر تخرج حية او يدوزوها ديريكت للمقبارة ،سبيطارات البالد لي تيدخل ليهم راه بحال الى غادي يشارك فالحرب ،هو وزهرو .دق الباب، حليت ليه ،جاي ناشط ،باسني ففمي وعنقني ،كان هاز مع قرعة ديال الويسكي وشي زيتون وفرماج باش نديرو القطعة ،شعل الدي في دي وطلق السيدي ديال اوالد البعزاوي ،وقال ليا :ياهلل الحبيبة ،شطحي ليا ونقول ليك واحد المفاجئة ،بغيت نلبس كسوة ونتهزم ،قال ليا ال ،شطحي غابسوتيانات وداك الشورت القصير لي البسة ،تتجي واعرة ،شطحت ليه وانا مغيبة ،الجوانات هزوني للسماء السابعة ،وعقلي بقا
ouzzine
Abdeljalil
مشطون مع المفاجئة لي غيقول ،كملت وجلست حداها ،جرني عندو وبدا تيلعب ليا فشعري ،قال ليا غنتوحشك امسعودة..ربيت عليك الكبدة ،وغتخليني وتمشي ! قلت ليه فين غانمشي؟
جبد ليا جوا بيض ،خرج منو الباسبور ديال ومطبوعة فيه فيزا ،فرحت نقزت من بالصتي وعنقتو وبستو ، قال ليا طبرت ليك على دولة غتشبعي فيها فلوس ،حليت الباسبور ،بديت تنقرا فالفيزا لقيت :اإلمارات العربية المتحدة ! قلت ليه ملقيتي غاهاد الدولة؟! قال ليها واعرة ،وهدشي لي كاين دابا ! غتمشي وديري راسك خدامة فالديور وملي توصلي راك عارفة منخافش عليك راك خيبرة فالمجال.خديت الباسبور درتو فصاكي ،قصرنا ومشيت بحالي ،شديت طاكسي ومشيت لبيتي ،بديت تنبكي ،كنت معولة نخوي البالد .وننسا حياة الزلط والتقحبين ،ساعة هادا باغي نمشي نولي جفاف عند الحوالة
دارت االيام ،واحد المرة تالقيتو فواحد البار ،كنت جالسة وجا سلم عليا ومشا فحالو ،جاعندي السرباي ،حط ليا هينيكن وباكية ديال الڭارو ،هو يسولني فين تتعرفي فالن؟ قلت ليه راه خدام فوكالت اسفار ومخال فين سافر واالنسان محترم! ضحك السرباي تا بانو نيابو وقال ليا راك نية امسعودة هداك غاسمسار فداكشي ديال الخليج ،تينصب على الناس وابعد بالصة سافر ليها هي الناظور ! بقيت جالسة وتنشرب فبيرتي جغمة ..جغمة وتنعل بو هاد البالد وبنادم ديال هاد البالد :الحلقة االخيرة
مشات ايام و جات ايام ،الي مشا تعطل ،ما بقيتش كنتسناه اصال ،كيما ما عمري تسنيت اي ال حاجة من اي واحد كيما بغا يكون ،ولكن رجع فاللخر ،رجع و طلب السماحة و بغا نعاودو من اللول ،نعاودو و يدير راسو ما سمع والو ،وال ما فهم والو ،انا شرطي كان واضح و باين ،ما عمري ندمت على شي حاجة درتها، وتا حد ما عندو الحق يلومني عليها ،وال يكلس تا طفا عليه الشمش و يجي يحاسبني على الذي مضى....مور ما طلب السماحة ،وخالها هو نيت فهضرتو ،الي نعرفوه حسن من الي ما نعرفوهش ،وزايدون كان ممكن ما تكوليلي والو و نتجوجك و نعيش مكلوبة عليا القفة حياتي كاملة ،نتي ختاريتي تعري راسك قدامي و تحيدي ماسك لمياء ،انا احترمتك ،عشنا انا وياه يامات زوينة ،ومزال ،واخا ما درت عرس ما درت عمارية ،حياتي معاه كل ليلة عرس ،كل نهار انا عروسة فعينيه ،فاش كيعنقني كنسا الدنيا ،كيولي هو العالم ديالي الي فيه و بيه عايشة ،بجوجنا خدامين ،عايشين مزيان ،و ما عمرو عاود جبدلي شي قصة من ...الماضي ديالي وال عايرني بيها ،يمكن ربي بغا يعوضني فدوك الزوامل كاع الي شفت بهاد ولد الناس ما عليناش ،هدشي بين قوسين ،غا نختم بيه ،غا نبدا من اللول ،نهار بغيت نكتب مسعودة ترددت بزاف، وكلت مانعرف واش هدشي الي كندير صحيح وال ال ،عنداك نندم ،نقودها فاللخر ،نهار بديت درت تقة فمجموعة د الناس ،ناس قراب ليا بزاف ،بغيت نتقاسم معاهم هدشي ،وكلت مع راسي هادو كاملين ناس
ouzzine
Abdeljalil
مزيانين ،قاريين ،موتقافين ،كيفهمو شي شوية ،واقيال...ربعة د الحلقات وال خمسة ،الي كل وحدة كيفاش تكتبات ،يا فالتران يا فقهوة وال بار ،بوحدي وال مع صحابي ،هاد الحلقات كانو كافيين باش يخرجو كل واحد من رونضتو ،يبينولي بلي كاين ناس زوينين ،ممكن نعول عليهم ،ناس مزال كتفرق بين الزمالة و الزملة ،و الصداقة و ضريب الطر ،تجربة بسيطة ديال شهراين وال تالتة ،بيناتلي شحال كنت مقولبة، وشحال ساهل يقولبوني صحاب الهضري الخاوي و الحقوق و المساواة و االيمان باالبداع و الطاقات الشابة، صدقو هادوك أقود من اي كليان تالقاتو مسعودة شي ليلة و حنسرها فالخالص ،الفرق بيناتهم أن كليان مسعودة باين وواضح ،ماشي منافق ،غيحوي و يخلص و يمشي ،عكس "صحاب" الشفوي ،المخير فيهم كيحوي يدو ،وبفمو راه حوا بنات العالم..ناس مازال الجنس عندهم فيه مشكل ،و كيتخلقو حوله نقاشات و .مناضرات ،مزال مافاتو السرة المعفنة ديالهم في اخر حلقة من مسعودة ،سأخرج من ثوب مسعودة ،سأترك ذات الكاتبة لتتكلم ،يكفي ما ارتكبته في حق قرائي من جرم فادح ،ال يمكن ان أسقط القناع االن فاصدمهم ،اصدم من يقرأ الحلقة و يده مندسة في سرواله....يستغلها للمرة الثانية ،لكن مجانا هذه المرة ،من يتحين فرص االنقضاض على الكاتبة ليقوم انحاللها بسيف ورقي ،وبين رقيب حامي الدين الذي يرجو توسلي صك غفرانه مقابل خطايا لم أرتكبها ،هي من اقترفتني عدوانا،في عيون كل عاهرة ،كل ام عازية ،كل مسعودات اللواتي نصادفهن في مقهى أو حانة أو على جنبات الطريق ،لم افعل سوى ترجمة تقاسيمهن ،بكل دقة متاحة ،بين باحث عن جمالية سرد أو وصف مقحمة وسط جسد عار منخور :لتبقى شخصا طي الكتمان اال من مخبرين و ناقدين و أناس رغم ثقلهم الجسدي ال الفكري ما نامت أعينهم وال غفت اال بعد ان نزعوا الحجاب من على الصورة ،وضعوا محله صور ،كليشيهات ،انتقادات فقاعاتية ،فقط الن صفعة صفحة الرذيلة أبانت عن عمق رداءتهم ،أن داخل كل منهم مسعودة حقيقية ،ال فرق بينها و بينهم ،كل يبيع على لياله ،من تبيع كلمة ،من يبيع وفاءه ،من يتاجر في مبادئه ،لكل عهره ،لعل مسعودة أصدقكم ،بعهر مكشوف...ويزداد احترامي للعاهرات كلما عرفتكم .أكثر،أنتم المحسوبون على الثقافة بال ثقافة