Frítt eintak
Húsavík
20.–22. júní 2014 Hugi Harðarson:
9
Gaman að hitta gamla félaga
Sigurður Sveinsson, handboltakappi og golfari:
12
Gott og lofsvert framtak
14
Áhugaverðir staðir í Þingeyjarsýslu - Margt í boði
Meiriháttar skemmtilegt - að maður tali nú ekki um félagsskapinn
H
úsvíkingurinn Jón Friðrik Einarsson ætlar að taka þátt í þríþraut á Landsmóti UMFÍ 50+ á Húsavík í sumar ásamt félögum sínum. „Ég hef aldrei tekið þátt í svona móti áður og er því að þreyta frumraun mína. Ég sló til fyrst mótið er haldið í mínum heimabæ, Húsavík, annað var ekki hægt. Annars líst mér mjög vel á þessi mót. Þau lífga upp á mannlífið, finnst mér. Það eru ekki nema fimm ár síðan að ég fór að stunda hlaup en fram að því var ég ekkert að gutla í þessu,“ sagði Jón Friðrik Einarsson.
Arnfríður Aðalsteinsdóttir tekur þátt í þremur greinum:
Spennt fyrir Landsmótinu á Húsavík
Ekki aftur snúið „Þetta þróaðist í þá átt að skíðin lutu í lægra haldi fyrir hlaupunum sem ég stunda orðið allt árið. Það varð ekki aftur snúið, ég nýt þess að hlaupa og tók m.a. þátt í Berlínarmaraþoninu sl. haust. Þetta er bara meiriháttar skemmtilegt, svo að maður tali nú ekki um félagsskapinn sem er ekki síður mikilvægur en hlaupin. Hreyfingin skiptir mig orðið miklu máli og maður er bara hreinlega orðinn háður þessu. Svo er heilsan orðin betri. Ég ætla að taka þátt í Fjallahlaupinu sem við reyndar skipuleggjum, hlaupafélagarnir, og svo einnig í þríþrautinni ásamt félögunum. Það er góð stemning fyrir þessu móti og
Mótið opið öllum Allir sem eru 50 ára og eldri geta tekið þátt í keppnisgreinum 4. Landsmóts UMFÍ 50+ sem haldið verður á Húsavík dagana 20.-22. júní, hvort sem þeir eru í félagi eða ekki. Þátttakendur greiða eitt mótsgjald 3.500 kr. og öðlast þar með þátttökurétt í öllum keppnisgreinum, en þær eru um 20 talsins. Á mótinu verður boðið upp á fyrirlestra um heilbrigðan lífsstíl ásamt heilsufarsmælingum.
Frá vinstri: Jón Friðrik Einarsson, Ágúst Sigurður Óskarsson og Þórir Aðalsteinsson, skokkafélagar sem ætla að taka þátt í Landsmóti UMFÍ 50+ á Húsavík í júní.
gaman fyrir Húsavík að halda það. Það er upplyfting að fá svona viðburð í bæinn og gerir ekkert annað en að lífga upp á mannlífið. Þetta verður bara gaman,“ sagði Jón Friðrik.
Tökum þríþrautina saman Þórir Aðalsteinsson, félagi Jóns Friðriks, sagði að fólk hlakkaði mjög til mótsins og að þeir ætluðu að taka þríþrautina saman. Þórir er vanur þríþrautarmaður en í spjalli við Skinfaxa sagðist hann halda að hann hefði tekið þátt í tíu þríþrautarkeppnum áður.
Maður er allur beittari og sterkari „Ég byrjaði að taka þátt í almenningsíþróttum í kringum fertugsaldurinn og fór þá af fullri alvöru að hreyfa mig aftur. Hreyfingin er búin að skila sínu, maður er allur beittari og sterkari og ég hef lést um 30 kg. Maður er ekki í þessu til að komast endilega á
verðlaunapall heldur er þetta miklu frekar lífsstíllinn. Svo hefur maður líka verið að hlaupa maraþon, það verður ekki aftur snúið úr þessu,“ sagði Þórir Aðalsteinsson sem verður fimmtugur á þessu ári. Þegar Þórir var krakki var hann í fótbolta og öðrum boltaíþróttum og keppti í sundi. Þórir sagði það einstaka upplifun að fá tækifæri til að keppa á þessu móti á heimavelli en hann er borinn og barnfæddur Húsvíkingur.
Vakning fyrir hreyfingu „Flestir félaga minna ætla að taka þátt í mótinu og nokkrir þeirra ætla síðan að hjóla hringinn í kringum landið viku eftir Landsmótið. Mér finnst vera mikil vakning fyrir hreyfingu almennt og hún er miklu meiri en fyrir tíu árum. Viðhorfið er bara allt annað sem er hið besta mál,“ sagði Þórir.
„Ég er ákveðin í að taka þátt í þremur greinum á Landsmóti UMFÍ 50+. Ég komst að því að ég gæti komið þessum greinum fyrir en fjallahlaupið er fyrir hádegið á laugardag, stígvélakastið eftir hádegi sama dag og þríþrautin fyrir hádegi á sunnudag. Ég hef tekið þátt í Botnvatnshlaupinu á Húsavík og svo hef ég verið mikill aðdáandi þríþrautarinnar og tekið þátt í nokkrum mótum. Ég tek núna þátt í Landsmóti UMFÍ 50+ í fyrsta sinn, hafði ekki aldur til fyrr, en ég varð fimmtug á síðasta ári,“ sagði Arnfríður Aðalsteinsdóttir. Hún vinnur sem sérfræðingur á Jafnréttisstofu á Akureyri en er fædd og uppalin á Húsavík. Arnfríður sagðist hreyfa sig mikið og hefði raunar alltaf gert það. Hún er töluvert á gönguskíðum, syndir og hleypur og er mikið fyrir heilbrigðan lífsstíl.
Tek fyrst og fremst þátt til að hafa gaman af „Ég er búin að synda í 30 ár og var í handbolta þegar ég var krakki. Ég hef synt nánast einn km daglega frá 1984 og við getum sagt að ég haldi mínu striki. Ég tek fyrst og fremst þátt í Landsmótinu til að hafa gaman af. Ég er ekki að fara til
Eitt kort 36 vötn 6.900 kr
www.veidikortid.is
að ná fyrsta sætinu nema þá fyrir sjálfa mig. Ég hvet fólk í kringum mig til að koma og taka þátt og hafa fyrst og síðast gaman af þátttökunni og að hitta annað fólk. Mér fannst aldrei spurning um að vera með, fyrst mótið er haldið í mínum heimabæ. Mér finnst að þegar fólk er komið á miðjan aldur skipti hreyfingin öllu máli hvað heilsuna varðar. Það er mikil vakning í þjóðfélaginu fyrir hreyfingu og það er orðið svo margt í boði. Samt sem áður eru sumir sem hreyfa sig ekki neitt.
Búin að synda nær daglega í 30 ár Mér finnst ég vera á besta aldri og alltaf gefast tækifæri til að gera eitthvað skemmtilegt, eins og að taka þátt í Landsmóti UMFÍ 50+ á Húsavík. Mér hefur aldrei fundist merkilegt að synda á hverjum degi í 30 ár en allt í einu gerir maður sér grein fyrir því hvað maður býr að góðri heilsu, fimmtug að aldri. Ég er spennt fyrir Landsmótinu og hvet alla til að taka þátt í því, þó að ekki sé til annars en að keppa við sjálfan sig. Þetta gæti líka verið upphafið að einhverju meira og skemmtilegra,“ sagði Arnfríður Aðalsteinsdóttir.
2 0 1 4
00000