Euskal Herriko Unibertsitateko (UPV/EHU) Genomika eta Proteomika Zerbitzuko Geneen Adierazpenerako Unitatea Zientzia, Teknologia eta Berrikuntzaren Euskal Sareko ikertzaileei eta teknologoei, inguruko bioenpresetakoei eta estatuko eta nazioarteko erakunde publiko nahiz pribatuei laguntza integrala emateko xedez sortu da. Hala beren zientziaeta teknologia-jardueretan mikroarrayen teknologia eta gene-adierazpenaren analisirako teknologia aplikatzen da. Geneen Adierazpenerako Unitateak gene-adierazpenerako analisi konparatiboko sistema hauek eta beste hainbat aplikazio eskaintzen ditu: PCR kuantitatiboa (qPCR) edo PCR denbora errealean. Denbora errealeko PCR edo PCR kuantitatiboa (qPCR) erabilita, gene-adierazpena neurtuta, analisi kuantitatibo zehatzagoak eta azido nukleikoekiko sentikorragoak eskura daitezke. Mikroarrayen Plataforma sistema aurreratuenetako bat da, eta kalitate handiko metodologia eskaintzen du. Aurre-diseinatutako hainbat mikroarray eskaintzen dira honako aplikazio hauetarako: geneadierazpenaren monitorizazioa, ChIP-chip edo CGH arrayak (aCGH) eta mikroRNAen adierazpena. Eta horiez guztiez gain, ikerketa arlo zehatzetan bezeroak aukeratutako zundekin mikroarray pertsonalizatuak diseinatzeko aukera ere ematen du.
55