Diu-
VOYAGE DE 444 trouuer, en tous les seruices de table & de chambres. Or en suite de Cambaye, Surrate & autres terres du grand Mogor, il reste a parler de Diu, qui est vne isle qui despendoit anciennement du Royaume de Cambaye, aussi est-elle habitee de mesmes peuples, Banianes, Bramenis, Gentils & Mahometans, Quand les Portugais y allerent premierement, ils firent vn contract de paix & amitié pour le trafic auec le Roy de Cãbaye, ainsi qu’ils ont faict auec les autres ; tellement que ce Roy leur permit de s’habituer en ceste isle, ou auec le temps ils se sont si biẽ fortifiez, qu’ils en sont demeurez les maistres absoluts, & y commandent maintenãt ; Ils y ont faict bastir deux forteresses, & rendu la ville bonne auec des bouleuerts. Le Roy de Cambaye les y a depuis assiegez par deux fois, mais il n’en a sceu venir à bout, tellemẽt qu’ils sõt à present bõs amis.