16
ESTABLISSEMENT,
chée ennemie par des sergens, auec les crochets de leurs halebardes, puis porté dans le nauire de Dom Federic de Tolede, qui fit tout ce qu’il put pour luy fauuer la vie ; mais il mourut dix iours apres, 1aissant à la pofterité vn monument dVne gloire immortelle, & un sensible regret à les ennemis,qui auoient conçeuvne haute estime de sa valeur. Monsieur de Rossey voyant Monsieur du Parquet tombé comme mort, que les volontaires laschoient le pied , & que l’Espagnol pour suiuoit viuement fa pointe, prend le premier l’épouuante , estonne ses soldats de sa feule contenance, dit tout haut qu’il se faut sauuer, & prend la course vers la Capsterre, où tout le monde s'efforce de le suiure à perte d’haleine. Ils crient à leur arriuée, que tout est perdu, que l’Espagnol les poursuit, qu’il se faut embarquer dans les deux nauires qui estoient à la rade, & aban * donner l'isle. Monsieur Desnambuc tasche de les r'asseurer, leur remontrant l’auantage de son poste, que les ennemis n entreprendroient iamais de faire huiƐt lieues de chemin au trauers des bois , où on leur pourroit dresser des embuscades dangereufes, & que pour conclusion qu'il leur estoit plus auantageux & plus glorieux, d’exposer genereusement leur vie pour le feruice du Roy, que de faire vne fi honteuse retraite. Monsieur de Rossey demande qu’on tienne conseil pour en deliberer, où fa brigue citant la plus forte , il fut conclu qu'on abandonneroit l' isle de fainƐt Christophe, qu’on iroit habituer celle de la Barbade , & qu'on poignarderoit Mon-
sieur