332
PLANTAE
gitudine calycis. Stigma maximum, peltato-reflexum, margine quinquesido. PER. maximum, ovato - turbinatum, quinquesulcatum, carnosum, apice inæqualiter gibboso, aculeis innocuis obsitum, superne uniloculare. SEM. unicum, subovatum, plano-compressum, carnosum, bilamellatum , utrinque obtusum. Planta scandens, cirrhosa, annua, habitu cucumerino. Folia sunt cordato - angulata, facie scabra, angulis dentatis acutisque, alterna, petiolo donata glabro. Flores inodori, parvi, corollis flavis; masculi in pedunculis multifloris axillaribus ; fœminei in pedunculo unifloro vel bifloro ex eadem axilla. Fructus externe viret nitetque ; interne albescit, & est carnosus ; magnitudine varius, structura singularis. Semen viride, nudum, & in fructibus majoribus pollicare, ad ipsum fructus apicem locatur; quem maturum posteaquam atta rima fidit, foras tantisper egreditur, & in connata extremitate sua radiculas plurimas generat, quas terrae deorsum immittit. Ex adverso autem loco inter lamellas cauliculum promit foliosum, erigitque ; abeunte seusim dein fructu in putredinem. Videtur hic humiditate sua in vegetationem deducere semen, candemque promovere; donec radiculae, primum a solo propter naturalem frtictus delapsi situm remotæ, tandem contiguæ, nutrimentum ex illo haurire sufficiens valeant. Quamvis enim incolæ, certiori fortasse successu, integrum sub terra fructum recondant ; non minus tamen ille germinat, casu terrae illapsus, atque etiam collectus alibique asservatus. Cubenses in jusculo, in pulmento, aut cum bovina elixum, quotidie in mensis apponere solent. Hi duas distinguunt species, quas varietates judico culturæ attribuendas. Prima vulgaris, quam simpliciter Chayote nuncupant, aculeis armatur innocuis, nunc plurimis, nunc paucissimis, & quatuor plus minus pollices longitudine aequat Altera, quae ipsis Chayote francés sive gallicus audit, minus priore frequens, aculeis ut plurimum penitus destituitur, ovique gallinæ magnitudinem habet. Omnino novum & distinctum genus haec planta constituit. Crescit & colitur in Cuba passim. Flores & fructus Decembri collegi.